ރާއްޖޭގައި އަލަށް ފެށި ހޯމްސްޓޭ އާއެކު ދިއްގަރަށް ބޮޑު ޝަރަފެއް

ރާއްޖާގައި އަލަށް ހޯމްސްޓޭ ތައާރަފުކުރި މ.ދިއްގަރުގައި ޗުއްޓީ ހެދަކުރުމަށް މިއަދު މިރަށަަށް އައި ހަތަރު ޓޫރިސްޓުން -- އަދަދު ފޮޓޯ/ އަހުމަދު ސައީދު

ރާއްޖާގައި އަލަށް ހޯމްސްޓޭ ތައާރަފުކުރި މ.ދިއްގަރުގައި ޗުއްޓީ ހެދަކުރުމަށް މިއަދު މިރަށަަށް އައި ހަތަރު ޓޫރިސްޓުން -- އަދަދު ފޮޓޯ/ އަހުމަދު ސައީދު

ރާއްޖޭގައި މިއަދު އަލަށްފެށި ހޯމްސްޓޭ ޓޫރިޒަމް، މ. ދިއްގަރު މޫރިތިގެ އިން ފެށިގެން ދިއުމާއެކު މުޅި ރަށަށް ބޮޑު ޝަރަފެއް ލިބިގެން ހިނގައްޖެ އެވެ.

ހޯމްސްޓޭގެ ޓޫރިސްޓުންގެ ގޮތުގައި އެ ގޭގައި ޗުއްޓީ ހޭދަކުރަން އައި ހަތަރު ޓޫރިސްޓުންނަށް މަރުހަބާ ކިޔުމަށް ރަށުގެ ކުދިބޮޑު އެންމެން ބަނދަރު މައްޗަށް ޖަމާވި އެވެ.

އެންމެ ފުރަތަމަ ހޯމްސްޓޭ ޓޫރިސްޓުންގެ ގޮތުގައި މިރަށަށް އައީ އެމެރިކާ އާއި ސޫދާނުގެ ދެމަފިރިންނެވެ. އެމީހުން މިރަށް އިހުތިޔާރު ކުރީ، ހޯމްސްޓޭ ތައާރަފު ކުރުމަށް ޓޫރިޒަމް މިނިސްޓްރީން ހުޅުވާލި ފުރުސަތެއްގެ ތެރެއިން ހޮވިގެން ހާއްސަ މެހެމާނުންގެ ގޮތުގަ އެވެ.

މޫރިތި ގޭގެ ވެރިޔާ މުހައްމަދު އަހުމަދު (ކ) އަށް ޓޫރިޒަމް މިނިސްޓަރު ޑރ. އަބްދުއްﷲ މައުސޫމް މިއަދު ހޯމްސްޓޭ ލައިސަންސް ހަވާލުކުރައްވަނީ

"ހުޅުމާލޭގައި ތިއްބައި މި ފުރުސަތު ލިބުނީ، ވަރަށް އުފާވެއްޖެ މިރަށް އާދެވުނީމާ. ހޯމްސްޓޭ އަކީ ވަރަށް ރަނގަޅު ކަމެއް،" އަލަށް ރާއްޖެ އައި ސުދާނަށް އުފަން މުހައްމަދާއި އޭނާގެ އަންހެނުން ބުންޏެވެ.

ހަވީރު ވަގުތު ޓޫރިސްޓުން ރަށަށް އައި ލޯންޗަށް ދޯންޏެއްގައި ނުކުމެ ބޮޑުބެރުން މަރުހަބާ ކިޔެވެ. އެ މީހުން ރަށަށް ފޭބިއިރު ކައުންސިލު ރައީސް އަހުމަދު ނިޝާން ޖެޓީ މަތީގައި ހުންނެވި އެވެ. "ޝުކުރިއްޔާ" ޖަހާފައިހުރި ގިޑިގެއިން ފެށިގެން 200 ވަރަކަށް ފުޓޫ އެއްގަމަށް، މަރުހަބާ ކިޔަން ރަށުން ނުކުތް މީހުނާއި ކުދިން ސަފުހަދާފައި އޮތެވެ.

ރާއްޖާގައި ހޯމްސްޓޭ ފެށުމަށް ބޭއްވި ރަސްމިއްޔާތުގައި ވާހަކަ ދައްކަވަމުން ޓޫރިޒަމް މިނިސްޓަރު ޑރ. އަބަދުއްﷲ މައުސޫމް ވިދާޅުވީ މިއީ ވަރަށް ތާރީހީ ދުވަހެއް ކަމަށާއި، ހޯމްސްޓޭ އާއެކު ޓޫރިޒަމްގެ ސީދާ ފައިދާ ގިނަ ބަޔަކަށް ލިބިގެންދާނެ ކަމަށެވެ. ހޯމްސްޓޭ ފުރަތަމަ ތައާރަފުކުރި ރަށަކަށް ދިއްގަރު ކަނޑައެޅީ މިރަށުގެ މެހެމާންދާރީން މިއީ ހޯމްސްޓޭ ތައާރަފު ކުރުމަށް އެންމެ އެކަށީގެންވާ ރަށް ކަމަށް ފާހަގަ ކުރެވިފައިވާތީ ކަމަށް މިނިސްޓަރު ވިދާޅުވި އެވެ.

"ރާއްޖޭގެ ވަރަށް ގިނަ ރަށްރަށުން ވަރަށް ފުރިހަމަ މެޖެހެމާންދާރީ އެއް އަދާކުރި، އެކަމަކު މިރަށުން ފެނިގެން ދިޔައީ ޓޫރިސްޓަކަށް ރިސޯޓަކުން ވެސް ދޭނެ ހިދުމަށް އެގޮތަށް ދިންތަން،" މައުސޫމް ވިދާޅުވި އެވެ.

މައުސޫމް ވިދާޅުވީ ވަސީލަތްތައް މަދު ބިން ފުރިފައިވާ މި ރަށުގައި ހޯމްސްޓޭ ކާމިޔާބު ކުރެވިއްޖެ ނަމަ އެކަން ރާއްޖޭގެ ކޮންމެ ރަށެއްގައި ވެސް ކުރެވޭނެކަން ޔަގީންވެގެން ދާނެ ކަމަށެވެ.

"އަޅުގަނޑުމެން ނަމޫނާ ދައްކަދޭނަށް މިރަށުން،" ކައުންސިލު ރައީސް ނިޝާނު ވިދާޅުވި އެވެ.

ރާއްޖޭގެ ފުރަތަމަ ހޯމްސްޓޭ ރަށުގެ ގޮތުގައި ދިއްގަރު ވުމުން އެކަމުގެ ލިޔުން ޑރ. މައުސޫމް ކައުންސިލު ރައީސް އާ ހަވާލު ކުރެއްވި އެވެ. އަދި އެންމެ ފުރަތަމަ ހޯމްސްޓޭ ރަޖިސްޓްރީ ކުރެވުނު ތިން ކޮޓަރީގެ ގޭގެ ވެރިފަރާތް ކަމަށްވާ މުހައްމަދު އަހުމަދު އަށް ލައިސަންސް ހަވާލު ކޮށްދެއްވީ ވެސް ޑރ. މައުސޫމް އެވެ.

ޖުމްލަ 1436 މީހުން ދިރިއުޅޭ ބިން ފުރިފައިވާ ރަށުގައި ޗުއްޓީ ހޭދަކުރުމަށް އައި ހަތަރު ޓޫރިސްޓުންގެ ފައިގެ ނިޝާން ވެސް މިއަދުގެ ރަސްމިއްޔާތުގައި ނެގުން އޮތެވެ. އދ. އިން ރާއްޖެ ކަނޑައަޅާފައިވާ މަންދޫބު ކެތުރިން ހެސްވެލް ވެސް ޓޫރިސްޓުންނާ އެކު މިރަށަށް ޒިޔާރަތް ކުރެއްވި އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox