"އިންޑިއާ އައުޓް" ކެމްޕެއިން ޖަރީމާއެއްގެ ގޮތުގައި ސިފަކުރެއްވުމުން ނާޒިމަށް ބަހުގެ ހަމަލާތަކެއް

Dec 20, 2021, 6:50 AM
ޕީއެންސީގެ ނައިބް ރައީސް ސައީދު، ޕީޕީއެމްގެ ނައިބް ރައީސް ޝިޔާމް، އެމްއެންޕީގެ ރައީސް ނާޒިމް އަދި އެމްއެންޕީގެ ނައިބް ރައީސް ރިޔާޒް.

ޕީއެންސީގެ ނައިބް ރައީސް ސައީދު، ޕީޕީއެމްގެ ނައިބް ރައީސް ޝިޔާމް، އެމްއެންޕީގެ ރައީސް ނާޒިމް އަދި އެމްއެންޕީގެ ނައިބް ރައީސް ރިޔާޒް.

ކުރީގެ ރައީސް އަބްދުﷲ ޔާމީން އިސްވެ ހުންނަވައި އިދިކޮޅު ޕީޕީއެމް/ޕީއެންސީ އިން ކުރިއަށް ގެންދާ "އިންޑިއާ އައުޓް" ހަރަކާތަކީ ޖަރީމާއެއް ކަމަށް އެމްއެންޕީގެ ރައީސް މުހައްމަދު ނާޒިމް ވިދާޅުވުމުން އިދިކޮޅުން އޭނާ އަށް ބަހުގެ ހަމަލާތަކެއް ފޮނުވާލައިފި އެވެ.

ރާއްޖޭގައި އިންޑިއާގެ ސިފައިން ތިބުމާ ދެކޮޅަށް ހިންގާ ކެމްޕެއިނާ ބެހޭގޮތުން އިއްޔެ ނޫސްވެރިންގެ ބައްދަލުވުމުގައި ޔާމީނަށް އިޝާރާތްކުރައްވައި ނާޒިމް ވިދާޅުވީ އެއީ ވަކި ބޭފުޅަކު އެ ބޭފުޅެއްގެ ސަރުކާރުގައި ހިންގާފައި ހުރި އެކި ކަންކަން ފޮރުވައި މަތި އަޅަން ހިންގާ ކެމްޕޭނެއް ކަމަށެވެ.

"މިއީ ގައުމީ ކެމްޕޭނެއް ނޫން. އެމްއެންޕީން ގަބޫލެއް ނުކުރަން އިންޑިއާ އައުޓް ކެމްޕޭނަކީ ގައުމީ ކެމްޕޭނެއް ކަމަކަށް،" ނާޒިމް ވިދާޅުވި އެވެ.

އެ ވާހަކަތަކައް ރައްދުދެއްވައި ޕީއެންސީގެ ނައިބް ރައީސް އަދި ކުރީގެ އިކޮނޮމިކް މިނިސްޓަރު މުހައްމަދު ސައީދު ވިދާޅުވީ ފަހުގެ ތާރީހެއްގައި ރާއްޖޭގައި ހިންގި އެންމެ ބޮޑު ޖަރީމާއަކީ ނާޒިމް ހިމެނޭ ކޯލިޝަނުން ހިންގާ މި ސަރުކާރުން އިންޑިއާއާ އެކު ހެދި އުތުރުތިލަފަޅު (ޔޫޓީއެފް) ގެ އެގްރިމެންޓާއި އިންޑިއާ ސިފައިން ރާއްޖޭގައި ބޭތިއްބުން ކަމަށެވެ.

"އެއީ އަމިއްލަ ނަފްސު ހިމެނޭ ކޯލިޝަނުން ހެދި މުޑުދާރު ގޯސް! ސިޔާސީ މަގުބޫލުކަން ހޯދަންވާނީ ތިހާ ފިނޑިކޮށެއް ނޫން،" ސައީދު ޓްވީޓްކުރެއްވި އެވެ.

ސައީދުގެ އެ ވާހަކަތަކަށް ރައްދުދެއްވީ އެމްއެންޕީގެ ނައިބް ރައީސް އަބްދުﷲ ރިޔާޒެވެ. އޭނާ ވިދާޅުވި ގޮތުގައި ސައީދު އެ އިޝާރާތްކުރެއްވި ޔޫޓީއެފް އެގްރީމެންޓުގެ ފެށުމަކީ 2016 ވަނަ އަހަރު ރާއްޖޭން އިންޑިއާއާ އެކު ސޮއިކުރި ޑިފެންސް އެކްޝަން ޕްލޭން އޮން ކޯޕަރޭޝަން ކަމަށެވެ. އެހެންވެ ރިޔާޒް ވިދާޅުވި ގޮތުގައި ޔޫޓީއެފްގެ އެގްރިމެންޓުގައި ސައީދުގެ ނިސްބަތްވާ ޕާޓީގެ ސަރުކާރުގެ ދައުރެއް ވެސް އެބައޮތްކަން ވަރަށް ސާފު ކަމަށެވެ

"ކޮންމެ ކަމެއްގައި އޮޅުވާލަން ނޫޅުއްވާ،" ރިޔާޒް ޓްވީޓްކުރެއްވި އެވެ.

ރިޔާޒް ވާހަކަތައް ރައްދުދެއްވައި ޕީޕީއެމްގެ ނައިބް ރައީސް އަހުމަދު ޝިޔާމް ވިދާޅުވީ އެކްޝަން ޕްލޭން އޮން ޑިފެންސް ކޯޕަރޭޝަނަކީ ދެކެވުނު ވާހަކަތަކެއްގެ ޔައުމިއްޔާ ކަމަށާއި މިލިޓަރީ ސިފައިން ތިބެން އޭރު ޕީޕީއެމް ސަރުކާރުން ދެކޮޅު ކަމަށެވެ.

"ރައީސް ޔާމީން އެދިވަޑައިގަތީ ތިބި މީހުން ވެސް އަނބުރާ ގެންދަން. ވިސާ އާކޮށްނުދީ ފޮނުވާލަން ބޭނުންވީމަ އެ މައްސަލަ ވަނީ ޔޫއެން އަށް ވެސް ހުށައަޅާފައި،" ޝިޔާމް ޓްވީޓްކުރެއްވި އެވެ.

ކ. އަތޮޅުގައި އޮންނަ އުތުރުތިލަފަޅު ހިއްކައި، އެތަނުގައި ދިވެހި ކޯސްޓްގާޑުގެ ބަނދަރަކާއި ޑޮކްޔާޑެއް އިންޑިއާ އިން އަޅައިދެނީ ހަތިޔާރާއެކު އިންޑިއާ ސިފައިން އެތަނުގައި ތިބެވޭ ގޮތަށް ކަމަށް އިދިކޮޅުން ވަނީ ތުހުމަތުކޮށްފަ އެވެ.

އެކަމަކު ސަރުކާރުން ބުނަމުން އަންނަނީ އެކްޝަން ޕްލޭން ފޯ ޑިފެންސް ކޯޕަރޭޝަން ބިޓްވީން މޯލްޑިވްސް އެންޑް އިންޑިޔާއަކީ 2016 ވަނަ އަހަރު އޭރުގެ ރައީސް ޔާމީން އިންޑިޔާއަށް ކުރެއްވި ރަސްމީ ދަތުރުފުޅެއްގައި ވެފައިވާ އެއްބަސްވުމެއް ކަމަށެވެ.

ނާޒިމް ނިސްބަތްވެވަޑައިގަންނަވާ އެމްއެންޕީން ބުނަމުން އަންނަނީ ރާއްޖޭގައި އެއްވެސް ގައުމެއްގެ ސިފައިން ތިބުމާ ދެކޮޅު ކަމަށާއި އެކަމަކު އިންޑިއާ ސިފައިން ތިބުމާ ދެކޮޅަށް އިދިކޮޅުން ހިންގާ ކެމްޕެއިން ބަލައިނުގަންނަ ކަމަށެވެ.

ކުރިން ޑިފެންސް މިނިސްޓަރުކަން ކުރެއްވި ނާޒިމް، އިދިކޮޅުގެ އެ ހަރަކާތް ސިފަކުރެއްވީ ރާއްޖޭގެ ހާރިޖީ ސިޔާސަތަށް އޮތް ނުރައްކަލެއްގެ ގޮތުގަ އެވެ. އޭގެ ނޭދެވޭ އަސަރާއި، ގެއްލުން ކައިރި މުސްތަގްބަލެއްގައި ރާއްޖެއަށް ކުރާނެ ކަމަށް އޭނާ ގަބޫލުކުރައްވަ އެވެ.

އެހެންވެ، އިންޑިއާ އައުޓް ހަރަކާތުގައި ބައިވެރިނުވުމަށް އޭނާ އިލްތިމާސްކުރެއްވެވި އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox