މާލޭގައި މިހާރު އާޓް ޝޮޕެއް އެބަހުރި، ބާޗީ ބުނެދެނީ އެންމެންނަށް އެތަން މުހިއްމުވާ ސަބަބު

ބާޗީ، އޭނާ ހުޅުވި ރާއްޖޭގެ ފުރަތަމަ އާޓް ޝޮޕް ތެރޭގައި: މިއީ އާޓިސްޓުންނަށް ވަރަށް ގިނަ ފަށޭހަ ހޯދައިދޭނެ ފިހާރައެއް ކަމަށް އޭނާ ބުނޭ

ބާޗީ، އޭނާ ހުޅުވި ރާއްޖޭގެ ފުރަތަމަ އާޓް ޝޮޕް ތެރޭގައި: މިއީ އާޓިސްޓުންނަށް ވަރަށް ގިނަ ފަށޭހަ ހޯދައިދޭނެ ފިހާރައެއް ކަމަށް އޭނާ ބުނޭ

ރާއްޖޭގައި މިހާރު އާޓިސްޓުންނާއި ފަންނުވެރިން ގިނަ ވަރަށް އެމީހުންގެ މަސައްކަތް ބަލާލަން ޝައުގުވެރިވާ މީހުންނާއި އެ ދައްކާ މޮޅު ހުނަރުން ހިއްވަރު ހޯދާ މީހުންގެ އަދަދު ވެސް ގިނަ އެވެ. އެކަމަކު އަދިވެސް، އާޓިސްޓުން ކުރިއަރުވަން މަސައްކަތްކުރާ މީހުން މަދެވެ. އެންމެ ކުޑަމިނުން އިހަކަށް ދުވަހާ ހަމައަށް ވެސް، ކުރެހުންތެރިންނާއި ފަންނުވެރިންގެ މަސައްކަތްތަކަށް ބޭނުންކުރާ އަތްމަތީ ސާމާނު ވިއްކާ ހާއްސަ ފިހާރައެއް ވެސް ރާއްޖެއަކު ނެތެވެ. މިހިރީ ހުސް، "އާޓް ޝޮޕް" އެއް ރާއްޖެއަށް، ދިވެހި އާޓިސްޓުންނާއި އާންމު މީހުންނަށް ބޭނުންވާ ސަބަބުތަކެވެ.

މާލޭގައި އަލަށް، "މިއުސް" ގެ ނަމުގައި ހުޅުވި އާޓްޝޮޕްގެ އެންމެ ބޮޑު ބޭނުމަކީ އާޓު ކުރިއެރުވުމެވެ. އެތަނުގެ ޕްލޭނަކީ އާންމު މީހުން ވެސް ކުރެހުމުގެ ފަންނަށް ތައާރަފުކޮށް ހިތް ޖެއްސުވުމެވެ.

ގިނަ ދުވަސްވީ މޮޅު ކުރެހުންތެރިޔާ، އަހުމަދު އަޒްމީ ހަލީމް (ބާޗީ) މިދިޔަ ހައެއްކަ އަހަރު ދެކުނު ހުވަފެން ހަގީގަތަކަށް ބަދަލުވެގެން އައި އިރު މި ހުރިހާ ކަމެއް އެއް ފުރާޅެއްގެ ދަށަށް ގެންނަން ކުރި މަސައްކަތުގެ ތައާރަފަކަށް ދަމުން އޭނާ ބުނީ އެހެންނެވެ.

"މި ޝޮޕް ގެ ބޮޑު ބޭނުމަކީ އަމިއްލަ އަށް އާޓް ދަސްކުރާ މީހުންނަށް އެމީހުންގެ ހުނަރު ތަރައްގީކުރަން ބޭނުންވާ އެއްޗެހި އެއް ތަނަކުން ލިބޭނެ ގޮތް ހެދުން. ޓާގެޓަކީ އެއީ."

'މިއުސް' ފިހާރައިގެ ގްރައުންޑް ފްލޯ: މިއީ އާޓިސްޓުންނަށް ފަސޭހަކޮށް ވަސީލަތް ހޯދައި ދިނުމާއި އާޓް ކުރިއެރުވުމަށް ބާޗީ ހުޅުވި ފިހާރަ އެއް
'މިއުސް' ފިހާރައިގެ ގްރައުންޑް ފްލޯ: މިއީ އާޓިސްޓުންނަށް ފަސޭހަކޮށް ވަސީލަތް ހޯދައި ދިނުމާއި އާޓް ކުރިއެރުވުމަށް ބާޗީ ހުޅުވި ފިހާރަ އެއް

'މިއުސް' ފިހާރައިގެ ގްރައުންޑް ފްލޯ: މިއީ އާޓިސްޓުންނަށް ފަސޭހަކޮށް ވަސީލަތް ހޯދައި ދިނުމާއި އާޓް ކުރިއެރުވުމަށް ބާޗީ ހުޅުވި ފިހާރަ އެއް އަދަދު ފޮޓޯ/އަހުމަދު ޝާބިން

އެކަމަކު ބާޗީގެ މި ހިތްގައިމު "މިއުސް" އަކީ ހަމައެކަނި ފިހާރައެއް ނޫނެވެ. އެއީ އާޓިސްޓުންނާއި އާޓަށް 'އިންސްޕަޔާ' ވާ މީހުންނަށް ކޮފީ ޝޮޕެކެވެ. ހުރިހާ ލެވެލް އެއްގެ ކުރެހުންތެރިންނަށް އެމީހުންގެ މަސައްކަތް އެގްޒިބިޓް ކުރާނެ ފުރުސަތު ވެސް އޮތް ތަނެކެވެ. ކުރެހުމަށް ޝައުގު ހުންނަ މީހަކަށް އެ ހުނަރުގެ ތެރެއަށް އިރުކޮޅަކަށް ނަމަވެސް ވަދެލުމުގެ ފުރުސަތު ވެސް އޮތް ޕްލެޓްފޯމެކެވެ.

"މިތަނުގެ އަނެއް ބޭނުމަކީ އާޓިސްޓުންނަށް އެމީހުންގެ ހުނަރާއި ގުޅިފައިވާ މާހައުލެއްގައި ކޮފީއެއް ބޯން ވިޔަސް، ނުވަތަ ވާހަކަ ދައްކާލަން ވިޔަސް އައިސް ތިބޭނެ ސްޕޭސް އެއް ޕްރޮވައިޑް ކޮށްދިނުން. އެއީ މިތަނުގެ އާޓް ސްޕޭސް. ގާތްގަނޑަކަށް ކޮފީ ޝޮޕެއް ކަހަލަ ކުޑަ ތަންކޮޅެއް މިއީ،" ޝޮޕްގެ ފުރަތަމަ ފުލޯ ގައި އެތަނަށް ދާ މީހުންނަށް އިށީނދެވޭ ގޮތަށް ހަދާފައިވާ އޭރިއާ އާ ބެހޭގޮތުން ބާޗީ ބުންޏެވެ.

'މިއުސް' ގެ އާޓް ސްޕޭސް ގެ އެއް އެއް ފާރަކީ ކުރެހުންތެރިންގެ މަސައްކަތްތައް އެގްޒިބިޓް ކުރަން ހާއްސަ އޭރިއާ އެވެ. އާޓް ސްޕޭސް މެދުގައި ވަށައިގެން ގޮނޑި ހަމަކޮށް ބަހައްޓާފައިވާ މޭޒަކީ މި ބުނި ހުރިހާ ކަމަކަށް ބޭނުންކުރަންވީ ޕްލެޓްފޯމެވެ.

'މިއުސް' ގެ  ފުރަތަމަ ފުލޯ ގައި ހަދާފައިވާ އާޓް ސްޕޭސް.  އަދަދު ފޮޓޯ/އަހުމަދު ޝާބިން
'މިއުސް' ގެ ފުރަތަމަ ފުލޯ ގައި ހަދާފައިވާ އާޓް ސްޕޭސް. އަދަދު ފޮޓޯ/އަހުމަދު ޝާބިން

'މިއުސް' ގެ ފުރަތަމަ ފުލޯ ގައި ހަދާފައިވާ އާޓް ސްޕޭސް. އަދަދު ފޮޓޯ/އަހުމަދު ޝާބިން

"ކޮންމެހެން ކުރިއަރާފައި ތިބި ކުރެހުންތެރިންނަށް އެކަންޏެއް ވެސް ނޫން. ޝައުގުވެރިވާ ކޮންމެ މީހަކު ވެސް މިތަނަށް އައިސް މި މާހައުލުގައި އިނދެ ކުރަހަންވީ. ކޮފީ ބޯންވީ. ކޮންމެހެން އެތަން ބޭނުންކުރުމަށް އަގެއް ނުވަތަ ފިހާރައިން ވިޔަފާރި ކުރާކަށް ވެސް ނުޖެހޭ،" ބާޗީ ބުންޏެވެ.

އޭނާ ބުނީ ވަރަށް އަވަހަށް އެތަނުގައި ކުދި އާޓް ވޮކްޝޮޕް ތައް ވެސް ހިންގަން ފަށާނެ ކަމަށެވެ. އެ އާޓް ވޯކްޝޮޕް ތައް ހިންގާނީ ރާއްޖޭގެ މަޝްހޫރު ކުރެހުންތެރިން ލައްވައި ކުޑަ އަގެއް ދައްކާފައި ބައިވެރިވެވޭ ގޮތަށް ކަމަށް ވެސް ބުންޏެވެ.

"އާޓިސްޓަކު ބޭނުންވާ ޕްރޮޑަކްޓެއް މިތަނުގަ ނެތްނަމަ އެ ޕްރޮޑަކްޓް ބޭރުން އޯޑަރުކޮށްގެން ގެނައުމުގެ ހިދުމަތް ވެސް ދޭނަން. އެހެންވީމަ މި މަސައްކަތް ކުރަނީ ޗޭންޖެއް ގެނެވޭތޯ." ބާޗީ ބުންޏެވެ.

ކޮމެންޓް

ފަހުގެ ޚަބަރު

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

Newsletter

Get the latest news delivered straight to your inbox