ބެޑްމިންޓަންގެ އާ ގައުމީ ޗެމްޕިއަނަކީ ތޯއިފް!

ރޭގެ ފައިނަލަށް ފަހު ތޯއިފް އުފާފާޅުކުރަނީ: މިއީ އޭނާ ގައުމީ ޗެމްޕިއަންކަން ހޯދި ފުރަތަމަ ފަހަރު.-- ފޮޓޯ: ހުސެއިން ޝަޔާހު/ އަދަދު

ރޭގެ ފައިނަލަށް ފަހު ތޯއިފް އުފާފާޅުކުރަނީ: މިއީ އޭނާ ގައުމީ ޗެމްޕިއަންކަން ހޯދި ފުރަތަމަ ފަހަރު.-- ފޮޓޯ: ހުސެއިން ޝަޔާހު/ އަދަދު

ޖެހިޖެހިގެން ތިން ވަނަ ފަަހަރަށް ގައުމީ ބެޑްމިންޓަން ފިރިހެން ސިންގަލްސް ފައިނަލުގައި ކުޅުނު ނިބާލް އަހުމަދު ބަލިކޮށް އަހުމަދު ތޯއިފް މުހައްމަދު ގައުމީ ޗެމްޕިއަންކަން ރޭ ހޯދައިފި އެވެ.

މިއީ ތޯއިފް ގައުމީ ޗެމްޕިއަންކަން ހޯދި ފުރަތަމަ ފަހަރެވެ. އޭނާ އެންމެ ފުރަތަމަ ގައުމީ ފައިނަލުގައި ކުޅުނީ 2015 ވަނަ އަހަރު އެވެ. އެ ފަަހަރު ފައިނަލުގައި މުހައްމަދު އަޖުފާން އަތުން ވީ ބައްޔެވެ. ތޯއިފް ވަނީ ސެމީ ފައިނަލުގައި ޒަޔާން ޒަކީ ބަލިކޮށްފަ އެވެ. ރޭ ފައިނަލުގައި ނިބާލް އަތުން ތޯއިފް މޮޅުވީ ފަހަތުން އަރައި 2-1 ސެޓުންނެވެ.

ފުރަތަމަ ސެޓުން ނިބާލް މޮޅުވީ 11-21 އިންނެވެ. ދެ ވަނަ ސެޓުގެ ތެރެއިން ނިބާލަށް ކޮންމެ ވެސް ވަރަކަށް އަނިޔާގެ މައްސަލަ ކުރިމަތިވިއިރު، ތޯއިފް ވަނީ ވަރަށް އާދަޔާހިލާފު ހިތްވަރެއް ދައްކައި ފަހު ދެ ސެޓުން މޮޅުވެ މެޗު ކާމިޔާބުކޮށްފަ އެވެ. އެއީ 23-21 އާއި 21-18 އިންނެވެ.

Advertisement

ފިރިހެން ސިންގަލްސްގެ ސެމީ ފައިނަލްގައި ކުޅުނު ހަތަރު ކުޅުންތެރިންނާއި ޝަރަފްވެރި މެެހްމާން.-- ފޮޓޯ: ހުސެއިން ޝަޔާހު/ އަދަދު

ފައިނަލް މެޗާ ބެހޭގޮތުން ތޯއިފް، 25، "އަދަދު" އަށް ބުނީ ތައްޔާރުވެގެން ދިޔަ ގޭމް ނިބާލާ ދެކޮޅަށް ނުކުޅެވުނު ކަމަށެވެ. ފުރަތަމަ ސެޓު ގެއްލުނަސް ހިތްވަރު އެލުވާނުލައި ކުރި މަސައްކަތުން ދެ ވަނަ ސެޓު ލިބި އެ ހިސާބުން ކޮންފިޑެންސާ އެކު ކުޅެލަން ހިތްވަރު ލިބުނު ކަމަށް ތޯއިފް ވަނީ ބުނެފަ އެވެ.

"އަލްހަމްދުލިއްލާހި، ދެ ވަނަ ސެޓު ލިބުނީމަ، އިތުރަށް ފޯކަސް ރަނގަޅުކޮށް، ތިން ވަަނަ ސެޓުގެ ތެރެއަށް ވަދެވި ކާމިޔާބުވީ،" ތޯއިފް ބުންޏެވެ.

"ނިބާލް ފެންނަނީ އަހަރަަކަށް ވުރެ އަހަރެއް ވަރުގަދަވަމުން އަންނަތަން، އޭނަ ބަލިކުރުން އެއީ ފަސޭހަކަމެއް ނޫން"

މިއީ އަޖުފާން ނޫން ކުޅުންތެރިއަކު އަތުން ނިބާލް ގައުމީ ސިންގަލްސްގެ ސެމީ ނޫނީ ފައިނަލުގައި ބަލިވި ފުރަތަމަ ފަހަރެވެ.

ތޯއިފް ކުރި ބުރަ މަސައްކަތުގެ ފޮނި ނަތީޖާ އަކީ "ގައުމީ ތަށި"

އެންމެޒުވާން އުމުރުގައި ތޯއިފަކީ ބެޑްމިންޓަން ކުޅުންތެރިއެއް ނޫނެވެ. އޭނާ އަކީ ފުޓްބޯޅައިގެ ގޯލްކީޕަރެކެވެ. އެކަމަކު، އެންމެ ޝައުގުވެރިކަމާ އެކު ނުކުޅެވޭތީ ފުޓްބޯޅަ އަށް އޭނާގެ ހިތެއް ނުޖެހެ އެވެ. އެހެން ދުވަސް ގުނަމުން ދަނިކޮށް ގޭތެރޭގައި ބައްޕަ ބެޑްމިންޓަން ކުޅެންދާ ރެކެޓް އޮންނާތީ އޭގެން ފެށީ ބެޑްމިންޓަން ކުޅޭށެވެ. ރޭ ގައުމީ ޗެމްޕިއަންކަން ހޯދުމަށް ފަހު އުފާފާޅުކުރުމުގެ ތެރޭގައި ތޯއިފަށް އެންމެ ސަޕޯޓް ދޭން ހުރި އެކަކަކީ އޭނާގެ ބައްޕަ އެވެ.

ތޯއިފްގެ ބެޑްމިންޓަން ދަތުރު ސީރިއަސްކޮށް ފެށުނީ 2007 ވަނަ އަހަރު ޔޫތު ޑިވެލޮޕްމަންޓް ޕްރޮގްރާމް، ބެޑްމިންޓަންގެ ވައިޑީޕީ އާ ގުޅުނު ހިސާބުންނެވެ.

ތޯއިފްގެ ބެޑްމިންޓަން ކެރިއަރުގައި މިހާ ހިސާބަށް ވަނީ ތަފާތު ކަންތައްތަކެއް ތަޖުރިބާކޮށްފަ އެވެ. ރިޔޫނިއަންގައި 2015 ވަނަ އަހަރު އޮތް އިންޑިއަން އޯޝަން އައިލެންޑް ގޭމްސް (އައިއޯއައިޖީ) އަށް ދިޔަ ގައުމީ ބެޑްމިންޓަން ޓީމުގެ ސިލެކްޝަނުން އޭނާ އަށް ފުރުސަތު ގެއްލުނީ ފަހު ވަގުތު އެވެ. އެ އަހަރުގެ ގައުމީ މުބާރާތުގެ ފިރިހެން ސިންގަލްސް ފައިނަލުގައި އަޖުފާން އަތުންވީ ބައްޔެވެ.

ފައިނަލް މެޗަށް ފަހު ބޭއްވި އުފާފާޅުކުރުމުގެ ތެރެއިން ތޯއިފްގެ ބައްޕަ އޭނާ އުރާލައިގެން.-- ފޮޓޯ: ހުސެއިން ޝަޔާހު/ އަދަދު

އިންޑިއާގެ ގުވަހާޓީ އާއި ޝިލޯންގައި 2016 ވަނަ އަހަރުގެ ފެބްރުއަރީ މަހު އޮތް ސައުތު އޭޝިއަން ގޭމްސް އަށް ފަހު ތޯއިފް ޖެހުނީ ދިރިއުޅުމުގެ ކަންތައްތައް ހުރި ގޮތުން ބެޑްމިންޓަނާ ދުރަށް ދާށެވެ. ޕޮލިހުގައި އަދާކުރަމުން އައި ވަޒީފާ އާއި ޓްރެއިނިން އަށް ދާން ޖެހުމާ އެކު އެ ވަގުތު ބެޑްމިންޓަނާ ވަކިވާން ޖެހުނެވެ.

ޓްރެއިނިން އަށް ފަހު ބެޑްމިންޓަނަށް އެނބުރި އަންނަން ތޯއިފަށް މަގުކޮށައިދިނީ ޕޮލިސް ކްލަބުންނެވެ. އެ ގޮތުން 2017 ވަނަ އަހަރު ޕޮލިސް ކްލަބަށް ދެއްކި ކުޅުމާ އެކު ތޯއިފް އަލުން ގައުމީ ޓީމުން ޖާގަ ހޯދި އެވެ. އެކަަމަކު، ގައުމީ ޓީމުން ހަމަހަމަ ފުރުސަތު ނުލިބޭ ކަމަށް ބުނެ، 2019 ވަނަ އަހަރު މެއި މަހު ގައުމީ ޓީމަށް ކުޅުން ހުއްޓާލި އެވެ.

އޭގެ ފަހުން ރިވައިވަލް ސްޕޯޓްސްއާ ގުޅި ތޯއިފް އަންނަނީ ރަނގަޅު ކާމިޔާބީތަކެއް ހޯދަމުންނެވެ. ގައުމީ އަދި އިންޓަނޭޝަނަލް ލެވަލްގައި ވެސް ކާމިޔާބު ހޯދައިފި އެވެ. މި ފަހަރުގެ ގައުމީ ޗެމްޕިއަންކަން ލިބުމުގައި ވެސް ތޯއިފް ވަނީ ރިވައިވަލް އިން ދިން ސަޕޯޓް ފާހަގަކޮށްފަ އެވެ.

ތޯއިފް ބުނީ ކޮވިޑް-19 ގެ ސަބަބުން މި އައި މެދުކެނޑުންތަކުގެ ތެރޭގައި ކުޅުންތެރިންގެ ލެވަލް ހިފަހައްޓަން ރިވައިވަލް އިން ކުރި މަސައްކަތް ބަލައިގަންނަ ކަމަށެވެ. އަދި މި ފަހަރުގެ ގައުމީ މުބާރާތަށް ރިވައިވަލްގެ ހުރިހާ ކުޅުންތެރިން އެކުގައި މަސައްކަތް ކުރެވިފައިވާތީ އެއީ ވެސް މުބާރާތަށް ވީ އެންމެ ފުރިހަމަ އަށް ތައްޔާރުވާން ލިބުނު ފަސޭހައެއް ކަމަށް ތޯއިފް ގަބޫލުކުރެ އެވެ.

"އިންޑިވިޖުއަލް ސްޕޯޓެއް (ކުޅިވަރެއް) ވިޔަސް ޕްރެކްޓިސްގައި ޓީމް އެފޯޓެއް ލައިގެން އެންމެން އެކުގައި ކުރިއަރަން މަސައްކަތްކުރީ. އެއީ ނެޝަނަލްސްގައި (ގައުމީ މުބާރާތުގައި) ރަނގަޅު ޕާފޯމެންސް އެއް ދައްކަން،" ތޯއިފް ބުންޏެވެ.

މި ފަހަރުގެ ގައުމީ މުބާރާތް ބޭއްވީ ދެ އަހަރުގެ މެދުކެނޑުމަކަށް ފަހު އެވެ. މިިދިޔަ އަހަރުގެ ގައުމީ މުބާރާތް ނުބޭއްވުނީ ކޮވިޑް-19އާ ހެދި ކުޅިވަރު ހަރަކާތްތައް ބާއްވަން ހުއްދަނެތުމުންނެވެ. ތޯއިފް ވަނީ މި އަހަރު ގައުމީ މުބާރާތް ބާއްވަން ނިންމީތީވެ، ބެޑްމިންޓަން އެސޯސިއޭޝަން އޮފް މޯލްޑިވްސް (ބީއޭއެމް) އަށް ޝުކުރު އަދާކޮށްފަ އެވެ.

މުބާރާތުގެ ފުރަތަމަ ޑިވިޝަންގެ ފިިރިހެން ޑަބަލްސް ފައިނަލުގައި ވެސް ތޯއިފް ވަނީ ވާދަކޮށްފަ އެވެ. ތޯއިފާއި މުހައްމަދު ވަސީމްގެ ޕެއާ ވަނީ ހަސަން އަފްޝީން އާއި ހިޝާމް ލަތީފްގެ ޕެއާ އަތުން ބަލިވެފަ އެވެ. އަފްޝީން އާއި ހިޝާމްގެ ޕެއާ މޮޅުވީ 21-17، 19-21، 21-12 އިންނެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox