ސުޕްރީމް ކޯޓުން ވެސް ކަނޑައެޅީ 160 މިލިއަން ރުފިޔާގެ ޖޫރިމަނާ އެމްޕީއެލުން ދޭން ނުޖެހޭނެ ކަމަށް

އެމްޕީއެލްގެ މައި އޮފީސް: ސުޕްރީމް ކޯޓުން ބުނީ ޖޫރިމަނާ ކޮށްފައި ވަނީ އެއްބަސްވުމާ ހިލާފަށް ކަމަށް -- ފޮޓޯ: އަދަދު ފައިލް

އެމްޕީއެލްގެ މައި އޮފީސް: ސުޕްރީމް ކޯޓުން ބުނީ ޖޫރިމަނާ ކޮށްފައި ވަނީ އެއްބަސްވުމާ ހިލާފަށް ކަމަށް -- ފޮޓޯ: އަދަދު ފައިލް

ޓަގު ބޯޓެއް ބަނުމަށް ހަވާލު ކުރި ކުންފުންޏަކުން ފޮނުވި އިންވޮއިސްއަކަށް ފައިސާ ދެއްކުން ލަސްވެގެން 160 މިލިއަން ރުފިޔާއިން މޯލްޑިވްސް ޕޯޓްސް ލިމިޓެޑް ޖޫރިމަނާ ކުރި މައްސަލައިގައި އެއީ ދައްކަންޖެހޭނެ ފައިސާއެއް ނޫން ކަމަށް ސުޕްރީމް ކޯޓުން މިއަދު ހުކުމްކޮށްފި އެވެ.

ސެންޓާ އެންޓާޕްރައިސާސް ކިޔާ ކުންފުންޏަކުން އެމްޕީއެލް ޖޫރިމަނާ ކުރީ 39.9 މިލިއަން ރުފިޔާގެ ޓަގު ބޯޓެއް ބަނެ، އެއަށް ފައިސާ ދެއްކުން ލަސްވެގެނެވެ. ބައިބަޔަށް ބަހާލައިގެން ފައިސާ ދައްކަންޖެހޭ ގޮތަށް ކުރިއަށް ގެންދިޔަ އެ ޕްރޮޖެކްޓުގެ ފަހު އިންވޮއިސްގެ ފައިސާ އެމްޕީއެލުން ދެއްކީ ލަހުންނެވެ.

އެކަމަކު ޕޭމަންޓު ދެއްކުން ހަތް ދުވަހަށްވުރެ ލަސްވާ ނަމަ، ލަސްވާ ކޮންމެ ދުވަހަކަށް އިންވޮއިސްގެ ދެ ޕަސެންޓު ޖޫރިމަނާގެ ގޮތުގައި ދައްކަންޖެހޭނެ ކަމަށް ސެންޓާ އެންޓަޕްރައިސާސްގެ ފަރާތުން ފޮނުވި އިންްވޮއިސްގައިވެ އެވެ.

Advertisement

އެ މައްސަލައިގައި ސިވިލް ކޯޓުން 2016 ވަނަ އަހަރު ހުކުމްކޮށްފައި ވަނީ، އިންވޮއިސްއާމެދު އެ ހަވާލު ކުރި ވަގުތު އެމްޕީއެލް އިއުތިރާޒުކޮށްފައިނުވާތީ އެއީ ދައްކަންޖެހޭނެ ފައިސާއެއް ކަމަށެވެ. އަދި ދެ ސެންޓާ އެންޓާޕްރައިސާސްގެ ފަރާތުން ދައުވާ ކުރި ދެ ގަޒިއްޔާއަކުން 1092 ދުވަހަށްވާ ޖޫރިމަނާ ފައިސާ ކަމަށްވާ 160 މިލިއަން ރުފިޔާ ދެއްކުމަށް ދަށު ކޯޓުން ހުކުމް ކުރި އެވެ.

އެ ދެ މައްސަލަ ވެސް ހައި ކޯޓުން ކާމިޔާބުކޮށްފައި ވަނީ އެމްޕީއެލް އެވެ.

އެ ދެ މައްސަލަ އެއްކޮށްލައިގެން ބެލުމަށްފަހު މިއަދު ސުޕްރީމް ކޯޓުން ކުރި ހުކުމުގައި ބުނެފައި ވަނީ ފައިސާ ދެއްކުން ލަސްވެއްޖެ ނަމަ އެފަދަ ޖޫރިމަނާއެއް އެމްޕީއެލުން ދައްކަންޖެހޭނެ ކަމަށް ޓަގު ބޯޓު ބަނުމުގެ އެގްރީމެންޓުގައި ބުނެފައިނުވާ ކަމަށެވެ. އަދި، ބޯޓު ބަނުން ލަސްވެގެން ހަތަރު ފަހަރަކަށް އެގްރިމެންޓު އިސްލާހު ކުރިއިރު ވެސް އެފަދަ މާއްދާއެއް ހިމަނާފައިވާނުވާކަން ހުކުމުގައި ފާހަގަކޮށްފައިވެ އެވެ.

"އެހެންކަމުން އިންވޮއިސްގައިވާ ޖޫރިމަނާ ޝަރުތުތަކެއް ސެންޓާ އެންޓާޕްރައިސާސް އަމިއްލައަށް ހިމަނާފައިވަނީ ޓަގު ބޯޓު ބަނުމުގެ އެއްބަސްވުމާ ހިލާފަށް،" ފަނޑިޔާރު ޑރ. މުހައްމަދު އިބްރާހިމް ރިޔާސަތު ބެލެހެއްޓި ޝަރީއަތުގެ ހުކުމުގައި ލިޔުއްވާފައިވެ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox