ދާއިރާތަކުގެ އިންތިހާބަށްފަހު އެމްޑީޕީގެ ގައުމީ މަޖިލިސް ފުރަތަމަ ފަހަރަށް އެއްވެއްޖެ

އެމްޑީޕީ ގައުމީ މަޖިލީހުގެ ހަތަރު ވަނަ ދައުރުގެ ފުރަތަމަ ޖަލްސާގެ ތެރެއިން: ގިނަ މެމްބަރުން ވާހަކަ ދެއްކެވީ ހަރުގެ ހަރަކާތްތައް ވަރުގަދަ ކުރުމާ ގުޅޭ ގޮތުން -- ފޮޓޯ:އެމްޑީޕީ ސެކެޓްރިއޭޓް

އެމްޑީޕީ ގައުމީ މަޖިލީހުގެ ހަތަރު ވަނަ ދައުރުގެ ފުރަތަމަ ޖަލްސާގެ ތެރެއިން: ގިނަ މެމްބަރުން ވާހަކަ ދެއްކެވީ ހަރުގެ ހަރަކާތްތައް ވަރުގަދަ ކުރުމާ ގުޅޭ ގޮތުން -- ފޮޓޯ:އެމްޑީޕީ ސެކެޓްރިއޭޓް

މިދިޔަ ސެޕްޓެމްބަރު މަހު ބޭއްވި ވެރިކަން ހިންގާ މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ ދާއިރާތަކުގެ އިންތިހާބަށްފަހު މިރޭ ބޭއްވި ފުރަތަމަ ގައުމީ މަޖިލީހުގެ ބައްދަލުވުމުގައި ޕާޓީގެ އެތެރޭގެ ހަރަކާތްތައް ވަރުގަދަ ކުރުމާމެދު މަޝްވަރާކޮށްފި އެވެ.

އެމްޑީޕީގެ އެންމެ ބާރުގަދަ ގުނަން ކަމުގައިވާ ގައުމީ މަޖިލިހުގައި ތިބޭ ދާއިރާތަކުގެ މެމްބަރުންގެ އިންތިހާބު ސެޕްޓެމްބަރުގައި ބާއްވާފައި ވަނީ ރައީސް އިބްރާހިމް މުހައްމަދު ސޯލިހާއި ޕާޓީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދާ ހިޔާލުތަފާތުވެފައި އޮތް ދަނޑިވަޅެއްގަ އެވެ.

ވަރަށް ފޯރިގަދަކޮށް ކުރިއަށްދިޔަ އެމްޑީޕީ ދާއިރާތަކުގެ އިންތިހާބަށްފަހު މިރޭ ތާޖުއްދީން ސްކޫލްގައި ބޭއްވި ފުރަތަމަ ގައުމީ މަޖިލީހުގެ ޖަލްސާގައި މެމްބަރުން މަޝްވަރާ ކުރެއްވީ މާލެ ނޫން ރަށްރަށުގައި ހިންގާ އެ ޕާޓީގެ ހަރުގެތަކުގެ ހަރަކާތްތައް ވަރުގަދަ ކުރުމަށެވެ.

މި ޖަލްސާގައި އެމްޑީޕީގެ ދާއިރާތައް ހިންގުމާ ގުޅޭގޮތުން މެމްބަރުންގެ ހިޔާލު ފާޅުކުރުމަށް ހުޅުވާލި ފުރުސަތުގައި ވާހަކަދެއްކެވި ގިނަ މެމްބަރުން ވަނީ ރަށްރަށުގައި ހުރި ޕާޓީގެ ހަރުގެތަކުގެ މިހާރުގެ ހާލަތް ބަޔާންކޮށް އެ ހަރުގެތައް ތަރައްގީކުރަން ޖެހޭކަން ފާހަގަކޮށްފަ އެވެ.

ދާއިރާގެ ހަރަގެތައް މިއަށްވުރެ ހަރުދަނާކުރަންޖެހޭ ކަމަށް މެމްބަރުން ފާހަގަކޮށްފައިވާ އިރު ބައެއް ރަށްރަށުގެ ހަރުގެތައް އެއްކޮށް ހަލާކުވެފައިވާކަމަށް ވެސް މެމްބަރުން ވަނީ ފާހަގަކޮށްފަ އެވެ.

އެމްޑީޕީގެ ހަރުގެއެއް ނެތް ރަށްރަށް ވެސް އެބަ ހުރި ކަމަށާއި އެ ރަށްރަށުގައު ހަރުގެ ގާއިމުކޮށް ރާއްޖޭގެ ހުރިހާ ރަށެއްގައި ހަރުގެތައް އަޅަން ޕާޓީގެ ސެކެޓްރިއޭޓުން އެހީތެރިވެދޭން ޖެހޭ ކަމަށް މުލަކު ދާއިރާގެ ދާއިރާ ރައީސް އިބްރާހިމް ނަސީރު ވަނީ ފާހަގަކުރައްވާފަ އެވެ.

ޕާޓީގެ ޖަގަހަތައް ގިނަ ރަށްރަށުގައި ހިންގަމުން ގޮސްފައި ވަނީ އަދި ހިންގަމުން ދަނީވެސް އަމިއްލަ މެމްބަރުންގެ ޖީބުން ކަމަށް އެކި ފަހަރުމަތިން މެމްބަރުން ފާހަގަކުރި އެވެ.

ތަފާތު އެކި ގޮތްގޮތަށް އެކި ކޮންސެޕްޓުތަކަށް ހިންގާ ޖަގަހަތައް ހުރިކަން ފާހަގަކުރައްވާ ވާހަކަ ދައްކަވަމުން ރައްޔިތުންގެ މަޖިލީގު މަކުނުދޫ ދާއިރާގެ މެމްބަރު މުހައްމަދު ރާއީ ވަނީ ޕާޓީ އިން ކަނޑައަޅާ ސްޓޭންޑާޑަކަށް، ވަކި ކޮންސެޕްޓަކަށް ރަޖިސްޓާޑް ޖަގަހަތަކެއް ގާއިމުކުރުން މުހިންމު ކަމަށް ވިދާޅުވެފަ އެވެ.

މިޖަގަހަތަކުން ހިންގާ ކަންތައްތައް ސޯޝަލް މީޑިއާގައި ޝެއާ ކުރާއިރު، މިއީ ޕާޓީން ވެރިފައިކޮށްފައިވާ ޖަގަހަތަކެއްކަން ކަށަވަރުކުރުން މުހިންމު ކަމަށް ވެސް ރާއީ ވަނީ ވިދާޅުވެފަ އެވެ.

އޭގެ އިތުރުން، އިޖުތިމާއީ ކަންކަމުގައި ޕާޓީގެ ހުރިހާ މެމްބަރުން މުހިންމުކަމަށާއި ސަރުކާރުން ހިންގާ ޕްރޮޖެކްޓުތަކުގެ ވާހަކަ ގިނައިން ދައްކަން ޖެހޭ ކަމަށް މެމްބަރުން ވަނީ ވިދާޅުވެފަ އެވެ.

މި ޖަލްސާގައި ވާހަކަދައްކަވަމުން އައްޑޫ މީދޫ ދާއިރާގެ ރައްޔިތުންގެ މަޖިލީހުގެ މެމްބަރު ރޮަޒެއިނާ އާދަމް ވަނީ މުޅި ދާއިރާގެ ހިންމުގެ ކޮމިޓީގެ އިތުރުން ކޮންމެ ރަށެއްގައި ވެސް އެ ރަށެއްގެ ހިންގާ ކޮމިޓީއެއް އޮތުން މުހިންމު ކަމަށް ވިދާޅުވެފަ އެވެ.

ޕާޓީ ބާރުވެރިކުރަން ޖެހޭ ކަމަށާއި ރަށުގައި ތިބި މެމްބަރުންނަށް އެ ރަށްރަށުގައި ތިބެގެން ކަންތައްތައް ހިންގަން ފުރުސަތު ދީ، މެމްބަރުން ބާރުވެރިކުރުން މުހިންމު ކަމަށް ގައުމީ މަޖިލީހުގެ މެމްބަރުން ވަނީ ވިދާޅުވެފަ އެވެ.

ކުރިއަށް އޮތް އިންތިހާބަށް ތައްޔާރުވުމުގެ މަސައްކަތް އިދިކޮޅުން މިހާރު ފަށައިފި ކަމަށާއި އެމްޑީޕީ އިންވެސް މި މަސައްކަތް މިހާރު ފަށަން ވެއްޖެކަމަށް މެމްބަރުން ވިދާޅުވި އެވެ. ޕާޓީއަށް މެމްބަރުން އިތުރުކުރުމުގެ މަސައްކަތްކުރަންޖެހޭ ކަމަށް ވެސް ވަނީ ފާހަގަކޮށްފަ އެވެ.

ގައުމީ މަޖިލީހުގެ ޖަލްސާ މިރޭ ކުރިއަށްދިޔައިރު ރައީސް ސޯލިހާއި ނަޝީދު ހުންނެވީ ކޮޕް-26 ގައި ބައިވެރިވެވަޑައިގަތުމަށް ސްކޮޓްލެންޑުގެ ގްލާސްގޯގަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox