ގޮންޖެހުން އެބަހުރި، އެކަމަކު ޓްރާންސްޕޯޓުގެ ހިދުމަތްތައް މިހާރު ލަހެއްނޫން: ނަހުލާ

ޓްރާންސްޕޯޓް މިނިސްޓަރު އައިޝަތު ނަހުލާ މަޖިލީހުގެ ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީގައި ވާހަކަފުޅުދައްކަވަނީ.-- ފޮޓޯ: މަޖިލިސް

ޓްރާންސްޕޯޓް މިނިސްޓަރު އައިޝަތު ނަހުލާ މަޖިލީހުގެ ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީގައި ވާހަކަފުޅުދައްކަވަނީ.-- ފޮޓޯ: މަޖިލިސް

ޓްރާންސްޕޯޓު މިނިސްޓްރީއާ ގުޅޭ ހިދުމަތްތައް ދިނުމުގައި ގޮންޖެހުންތަކަކާއި ދަތިތަކެއް ހުރިނަމަވެސް މިހާރު އެ ހިދުމަތްތައް އާންމުންނަށް ފޯރުކޮށްދިނުމުގައި ލަަސްކަމެއް ހުރިކަމަށް ގަބޫލުފުޅު ނުކުރައްވާކަމަށް ޓްރާންސްޕޯޓް މިނިސްޓަރު އައިޝަތު ނަހުލާ ވިދާޅުވެއްޖެ އެވެ.

މިއަދު ރައްޔިތުންގެ މަޖިލީހުގެ ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީއަށް ހާޒިރުވެވަޑައިގެން މެމްބަރަކު ކުރެއްވި ސުވާލަކަށް ޖަވާބުއަރުއްވަމުން މިނިސްޓަރު ނަހުލާ ވިދާޅުވީ މިނިސްޓްރީގައި މައްސަލަތަކެއް ހުރިކަން ގަބޫލުފުޅުކުރައްވާކަމަށެވެ. އެހެންނަމަވެސް މިހާރު ހިދުމަތް ދިނުމުގައި ލަސްތަކެއް ހުރިކަމަށް ދެކެވަޑައިނުގަންނަވާ ކަމަށެވެ.

"އޮންލައިން ޕޯޓަލެއް ހެދިގެން އަޅުގަނޑުމެން ހިދުމަތް ދެން ފެށިފަހުން މިހާތަނަށް 91،606 ހިދުމަތަށް ރައްޔިތުން އެދިފަވާކަމަށް ޓްރާންސްޕޯޓު އޮތޯރިޓީއަށް. އެ ހިދުމަތުގެ ތެރެއިން 96 ޕަސެންޓް ހިދުމަތް ލިބިގަނެ ނިމިފަވާކަމަށް،" މިނިސްޓަރު ނަހުލާ ވިދާޅުވި އެވެ.

"އޭގެ މާނައަކީ ޓޯޓަލް ހަތަރު ޕަސެންޓް ޕެންޑިންގަ ވާކަމަށް، މިވަގުތު އޮތޯރިޓީން މަސައްކަތް ކުރެވެމުން ދަނީ. އެހެންވީމަ އަޅުގަނޑު ގަބޫލުކުރާ ގޮތުގައި ޓްރާންސްޕޯޓު އޮތޯރިޓީގެ ހިދުމަތް ލަހެއް ނޫން މިހާރު،"

މިނިސްޓަރު ވިދާޅުވީ މިހާރު އެ މިނިސްޓްރީ އަދި ޓްރާންސްޕޯޓު އޮތޯރިޓީގެ މަސައްކަތްތައް ވަނީ ރަނގަޅު ވެސް ކުރެވިފަ އެވެ. އަދި މިނިސްޓަރުކަމަށް ވަޑައިގަތުމަށްފަހު ވަކި ވަކި ހިދުމަތްތައް އެޔަށްވުރެ ލުއިފަސޭހަ ކުރުމަށް ވެސް މަސައްކަތްކުރެއްވިކަމަށް މިނިސްޓަރު ނަހުލާ ވިދާޅުވި އެވެ. އެގޮތުން ފޯމް ފުރިހަމަކުރުމުގައި ވެސް ވީހާވެސް މަދު މައުލޫމާތާއެކު އެކަން ކުރެވޭ ގޮތަކަށް ފަރުމާކުރަމުން އައިސްފައިވާކަމަށް މިނިސްޓަރު ފާހަގަކުރެއްވި އެވެ.

"މީގަ އަޅުގަނޑުމެންނަށް ދަތިތަކެއް ވެސް އެބަ ހުރި. ޓްރާންްސްޕޯޓު އޮތޯރިޓީއަށް ހިދުމަތް ހޯދުމަށް ރާއްޖޭގެ ހުރިހާ ދިމާލަކުން އެތައް ބައިވަރު ރައްޔިތުންނެއް އަދި ހާއްސަކޮށް މާލެ، ވިލިނގިލި އަދި ހުޅުމާލެ، މި ހުރިހާ ރައްޔިތުންނެއް ވެސް އަންނަނީ ޓްރާންސްޕޯޓު އޮތޯރިޓީއަށް،" މިނިސްޓަރު ނަހުލާ ފާހަގަކުރެއްވި އެވެ.

"އަންނައިރު މި ހިދުމަތް ދޭން ތިބީ، ލައިސެންސެއް ވިޔަސް ރެޖިސްޓްރޭޝަނެއް ވިޔަސް އަދި ސާވޭއެއް ވިޔަސް، އެހެން ކަމެއް ވިޔަސް، އެ ހުރިހާ ހިދުމަތެއް ދޭން ޓްރާންސްޕޯޓު އޮތޯރިތީގަ ތިބީ 21 މުވައްޒަފުން،"

އެ 21 މުވައްޒަފުން ރާއްޖޭގެ ދަތުރުފަތުރުގެ ހުރިހާ ހިދުމަތެއް ދޭ ކަމަށް މިނިސްޓަރު ވިދާޅުވި އެވެ. އަދި މުވައްޒަފުން މަދުވުމުގެ ސަބަބުން އެކި ކަހަލަ ދަތިތަކާ ވެސް ކުރިމަތިވާނެކަމަށް މިނިސްޓަރު ވިދާޅުވި އެވެ. އަދި ބައެއް މުވައްޒަފުންގެ ފަރާތުން ވެސް ދަތިތަކާ ކުރިމަތިވާކަމަށް މިނިސްތަރު ވިދާޅުވި އެވެ.

"އަޅުގަނޑުމެންނަށް ދަތިވާ މުވައްޒަފުން ވެސް ތިބިކަން ފާހަގަކުރަން. ގާނޫނީ މުއައްސަސާތަކާ ގަވާއިދުތައް ހެދިފަ އޮންނަ ގޮތުންނަމަ ހިދުމަތް ދޭ މުވައްޒަފުން ލަސްވުމާ ހިދުމަތް އަވަސް ވާ މުވައްޒަފުންގެ އެކަހަލަ ކަންތައްތަކުގައި ހިދުމަތް ރަނގަޅު ކުރުމަށްޓަކައި އެޅޭނެ ފިޔަވަޅެއް ނޫނީ ބަދަލުކުރަން އޮންނަނީ ވަރަށް އުނދަގޫ ގޮތްތަކެއް ކަން ކޮމިޓީއަށް އެނގިވަޑައިގަންނަވާނެ،" ނަހުލާ ވިދާޅުވި އެވެ.

"އެހެންވީމަ ދުވާލެއްގަ 100 އެޕްލިކޭޝަން ހުށަހަޅާއިރު، 50 އެޕްލިކޭޝަނަށް އެއް ކުއްޖަކު ހިދުމަތްދޭއިރު ހަތަރު އެޕްލިކޭޝަނަށް އަނެއް ކުއްޖާ ހިދުމަތް އެބަ ދޭ، އެއް ގަޑިއެއްގެ ވާހަކަ މި ދަންނަވަނީ،"

މިނިސްޓަރު ވިދާޅުވީ އެކަމުގައި ގަވާއިދުތަކުގެ ދަށުން މުވައްޒަފަށް ލިބިދޭ ހައްގުތަކާއި، ވަކި ކުރުމަށް އޮންނަ ދަތިތަކުގެ ސަބަބުން މިނިސްޓްރީއަށް ކުރެވޭނެ މާ ގިނަ ކަންކަމެއް ނޯންނަ ކަމަށެވެ. އަދި އެގޮތަށް އަމަލުކުރުމުން މުވައްޒަފުން ވަކިކުރާ މިނިސްޓަރެއްގެ ގޮތުގައި "ތައްގަނޑު" ޖެހިގެންދާކަމަށް ވެސް މިނިސްޓަރު ނަހުލާ ވިދާޅުވި އެވެ.

މިނިސްޓަރު ނަހުލާ ވަނީ ޓްރާންސްޕޯޓާ ގުޅިގެން ޝަކުވާ ހުށައެޅޭކަމަށް ބުނާނަމަ، އެ ޝަކުވާއަކީ ވަކި ކަމަކާ ނުވަތަ ވަކި މައްސަލައަކާ ގުޅިފައިވާ ކަމެއްގެ ގޮތުގައިި ފާހަގަކުރުމުން އެކަމެއް ވެފަ އޮތް ގޮތެއް ސާފުކޮށް ދެވޭނެކަމަށެވެ. އަދި މިނިސްޓްރީ ނުވަތަ އޮތޯރިޓީއަށް ހުށަހެޅޭ ގިނަ އެޕްލިކޭޝަންތަކެއް ރިޖެކްޓް ކުރަން ޖެހުމަކީ އެ ޝަކުވާތަކުގެ ސަބަބަކަށް ވެދާނެކަމަށް މިނިސްޓަރު ވިދާޅުވި އެވެ.

"އެ އެޕްލިކޭޝަނެއް ފުރިހަމަކުރާއިރު، އެއާއެއްކޮށް ހުށަހަޅަން ޖެހޭ ނުވަތަ އެޓޭޗް ކުރަންޖެހޭ ޑޮކިއުމެންޓްތައް ތެރެއިން އެންމެ ޑޮކިއުމެންޓެއް ނުވަތަ ގަނޑެއް މަދުވިޔަސް، އަޅުގަނޑުމެންނަށް އެ އެޕްލިކޭޝަނެއް ބަލައިގަނެވޭކަށް ނޯވޭ،" މިނިސްޓަރު ނަހުލާ ވިދާޅުވި އެވެ. މިނިސްޓަރު ވިދާޅުވީ، ޓްރާންސްޕޯޓުގެ މައްސަލައެއް ނެތްކަމަށް ވިދާޅުނުވިނަމަވެސް، އާންމުކޮށް ހިދުމަތްތައް ލަސްވަނީ އެ ސަބަބާ ހުރެ ކަމަށެވެ.

މިނިސްޓަރުގެ ގެ އެ ވާހަކަތަކަށް ކޮމިޓީ މެމްބަރު އަދި މަޖިލީހުގެ ވައިކަރަދޫ ދާއިރާގެ މެމްބަރު ހުސެއިން ޒިޔާދު ވަނީ އަނެއްކާ ވެސް ޓްރާންސްޕޯޓުގެ ހިދުމަތްތައް ދިނުމުގައި ލަސްތަކެއް އުޅޭކަމަށް ފާހަގަކުރައްވައި ހިދުމަތް ހޯދަން އޮންނަ މަގު އުނދަގޫކަން ފާހަގަކުރައްވައި އެކަމުގެ ސަބަބު އޮޅުން ފިލުވުމަށް ސުވާލުކުރައްވާފަ އެވެ.

"ސްޕެސިފިކް ސުވާލެއް އަޅުގަނޑު މި ކުރަނީ. ހިދުމަތް ލަސްވަނީ އެ ކީއްވެތޯ. ހިދުމަތް ލަސްވުން އެއީ މައްސަލައަކީ. ހިދުމަތް ލަސްވާކަމުގެ ޝަކުވާ ލިބެނީ. ހިދުމަތް ހޯދަން އޮތް މަގު އުނދަގޫ ކަމަށޭ އެ ބުނަނީ. އެއީ ސުވާލަކީ،" މެމްބަރު ޒިޔާދު ވިދާޅުވި އެވެ.

ޖަވާބުގައި މިނިސްޓަރު ނަހުލާ ވިދާޅުވީ މެމްބަރު އެ ފާހަގަކުރެއްވި ކަމަކީ ހިދުމަތް ހޯދަންދާ މީހާ ހިދުމަތް ހޯދާއިރު ދިމާވާ ދަތީގެ ވާހަކަ ކަމަށް ގަބޫލުކުރައްވާކަމަށެވެ. އަދި ޓްރާންސްޕޯޓުގެ ސިސްޓަމަކީ އެތައް އަހަރެއް ވަންދެން ބަދަލެއް ނައިސް ބޭނުންކުރަމުން އަންނަ ސިސްޓަމެއް ކަމަށާއި، ޓްރާންސްޕޯޓަށް މުވައްޒަފުން ލިބުމުގެ ދަތިތަކެއް ވެސް ހުރި ކަމަށް ނަހުލާ ފާހަގަ ކުރެއްވި އެވެ.

"ޓްރާންސްޕޯޓު އޮތޯރިޓީގަ ހެދިފަވާ ސިސްޓަމަކީ ވޭތިވެދިޔަ 25 އަކަށް 30 އަކަށް އަހަރު ބަދަލެއް ނެތި އޮންނަ އޯލްޑް ސްކޫލު ސިސްޓަމެއް،" މިނިސްޓަރު ނަހުލާ ވިދާޅުވި އެވެ.

އެހެންނަމަވެސް ކޮވިޑާއި ބަޖެޓުގެ ދަތިކަމާހެދި އެ މިނިސްޓްރީއަށް ނުހޯދިފަ އޮތް ކޮންސަލްޓެންޓެއް ހޯދުމުގެ މަސައްކަތް އެންމެ ފަހުން މީގެ ހަތަރު ވަރަކަށް މަސް ކުރިން ކާމިޔާބުވެ ކޮންސަލްޓެންޓެއް ހޯދައި، އެ މިނިސްޓްރީއާ އޮތޯރިޓީގެ ސޮފްޓްވެއާ ތަރައްގީ ކުރުމުގެ މަސައްކަތް ފަށާފައިވާކަމަށް މިނިސްޓަރު ނަހުލާ ވިދާޅުވި އެވެ.

"ﷲ ގެ އިރާދަފުޅުން ޖެނުއަރީ ފެއްޓޭއިރު ހިދުމަތްތައް ތި ވިދާޅުވި ގޮތަށް އެޕްލައި ކުރުމުގަ ފަސޭހަ ވެގެންދާނެ،" މިނިސްޓަރު ވިދާޅުވި އެވެ.

ކޮމިޓީއަށް ހާޒިރުވެވަޑައިގެން އިންނެވި ޓްރާންސްޕޯޓުގެ ސްޓޭޓް މިނިސްޓަރު އަހުމަދު ޒުހައިރު ވެސް ވަނީ ޓްރާންސްޕޯޓުގެ މަސައްކަތްތައް މިހާރު ވަރަށް ބޮޑަށް ހަރުދަނާކުރެވި ޓައިމްލައިންތަކެއް ކަނޑައެޅިފައިވާކަމަށް ވިދާޅުވެފަ އެވެ.

"އަޅުގަނޑުމެންނަށް އެވަރެޖް ގޮތެއްގައި ކަނޑައެޅިފަ މި އިންނަނީ 600 އެޕްލިކެޝަންސް ދުވާލަކަށް އިނގޭތޯ. އޭގެން މެޖޯރިޓީ އަކީ ލައިސެންސް ރިލޭޓަޑް ދެން ސައިކަލް ރެޖިސްޓްރޭޝަން. ލައިސެންސް ރިލޭޓަޑް ކަންކަން އެވަރެޖް ގޮތެއްގަ ތްރީ ޑޭޒް ތެރޭގަ ކޮށް ނިންމަން. ނިއު ސައިކަލް ރެޖިސްޓްރޭޝަން ފައިވް ޑޭޒް ތެރޭގަ ނިންމަމުން ދަނީ،" ޒުހެއިރު ވިދާޅުވި އެވެ.

އެހެންނަމަވެސް މިނިސްޓަރު ވިދާޅުވީ ކިތަންމެ މަސައްކަތް ކުރި ނަމަވެސް، ނުނިމިދާ މަދު އެޕްލިކެޝަން ކޮޅެއްގެ ޝަކުވާ ވެސް ފެންމަތިވެގެންދާނެ ކަމަށެވެ.

ޓްރާންސްޕޯޓުގެ ގިނަ ހިދުމަތްތަކެއް ކައުންސިލްތައް މެދުވެރިކޮށް ދެވޭނެ އިންތިޒާމު ވެސް މިހާރު ހަމަޖައްސައި އެކަމަށް އަމަލުކުރަމުންދާކަމަށް އަދި އާ ސޮފްޓްވެއާއާއެކު އެ ހިދުމަތްތަކަށް ބޮޑެތި ކުރިއެރުންތަކަކާ ފަސޭހަތަކެއް ލިބިގެންދާނެއިރު، ކޮރަޕްޝަންގެ ފުރުސަތުތައް ވެސް މަދުވެގެން ދާނެ ކަމަށް މިނިސްޓްރީ އޮފިޝަލުން މިއަދު ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox