ދީނީ ހުކުމްތައް ކިޔައިދިނުމުގައި ސަމާލުވާން މައުމޫން އިލްތިމާސްކުރައްވައިފި

ކުރީގެ ރައީސް އަދި ދީނީ އިލްމުވެރިޔާ މައުމޫން އަބްދުލް ގައްޔޫމް. އިސްލާމްދީނުގެ ހުކުމްތައް އޮޅުންފިލުވައިދޭއިރު ކީރިތި ގުރުއާނާއި ސުންނަތަށް ސަމާލުވުމަށް މައުމޫން ވަނީ ގޮވާލައްވާފަ-- ފޮޓޯ: އަދަދު

ކުރީގެ ރައީސް އަދި ދީނީ އިލްމުވެރިޔާ މައުމޫން އަބްދުލް ގައްޔޫމް. އިސްލާމްދީނުގެ ހުކުމްތައް އޮޅުންފިލުވައިދޭއިރު ކީރިތި ގުރުއާނާއި ސުންނަތަށް ސަމާލުވުމަށް މައުމޫން ވަނީ ގޮވާލައްވާފަ-- ފޮޓޯ: އަދަދު

އިސްލާމްދީނުގެ ހުކުމްތައް އާންމުންނަށް އޮޅުންފިލުވައިދޭއިރު ކީރިތި ގުރުއާނާއި ސުންނަތުން ސާބިތުވާ ކަންކަމަށް ސަމާލުކަން ބެހެއްޓުމަށް ކުރީގެ ރައީސް މައުމޫން އަބްދުލްގައްޔޫމް އިލްތިމާސް ކުރައްވައިފި އެވެ.

މައުމޫން މިގޮތަށް އިލްތިމާސްކުރެއްވި މިރޭ ކުރެއްވި ޓުވީޓެއްގަ އެވެ. އެ ޓުވީޓުގައި މައުމޫން ވަނީ ދީނުގެ ހުކުމްތައް އާންމުންނަށް އޮޅުންފިލުވައި ދިނުމުގައި ގުރުއާނާއި ސުންނަތުން ސާބިތުވާ ކަންކަމުގައި ހިފެހެއްޓުމަށް ގޮވާލައްވާފަ އެވެ.

"މާތްވެގެންވާ އިސްލާމްދީނުގެ ހުކުމްތައް އާންމުންނަށް އޮޅުންފިލުއްވާ ދެއްވާ ބޭފުޅުން ކީރިތި ގުރްއާނާއި ސައްޙަ ސުންނަތުން އޮޅުމެއް ނެތި ސާބިތުވާ ކަންތައްތައް ބަޔާން ކޮށްދެއްވުމަށް ސަމާލުކަން ދެއްވުން އެދެން،" މައުމޫން ވިދާޅުވި އެވެ.

މައުމޫންގެ މިގޮތަށް ވިދާޅުވެފައިވަނީ ދާދި ފަހުން ރާއްޖޭގެ ސުޕްރީމް ކޯޓުން ޒިނޭ ސަބިތުކުރުމުގައި ޑީއެންއޭ ހެކީގެ ގޮތުގައި ބަލައިގަތުމަށް ކަނޑައެޅި ނިންމުމާ ގުޅޭ ގޮތުން ބަހުސްތަކެއް ކުރެވެމުންދާ ދަނޑިވަޅެއްގަ އެވެ. ސުޕްރީމް ކޯޓުން ނިންމި ނިންމުމަށް މައުމޫން ޒައީމްކަން ކުރައްވާ މޯލްޑިވްސް ރިފޯމް މޫވްމެންޓް (އެމްއާރުއެމް) އިން ވަނީ މަރުހަބާ ކިޔައިފަ އެވެ.

ހުކުމްތައް ބެއްލެވުމަށްފަހު މެނުވީ ދީން ނުކިޔަވައިދޭން މައުމޫން އިލްތިމާސް ކުރައްވާފައި މި ވަނީ ޖަމިއްޔަތުއް ސަލަފުން މިރޭ ދަރުހެއް ކުރިއަށް ގެންދިއުމަށް ހަމަޖެހިފައި އޮއްވަ އެވެ.

އިސްލާމީ ޝަރީއަތުގައި ޒިނޭ ސާބިތުކުރަނީ ހަތަރު ފިރިހެނުންގެ ހެކި ބަހުންނެވެ. އިތުރު އެއްވެސް ގޮތަކުން ހައްދު ކަނޑައެޅިފައިވާ ޒިނޭގެ މައްސަލަތައް ސާބިތުކުރެވެން ނޯވެ އެވެ. ސުޕްރީމް ކޯޓުން މިދިޔަ އާދިއްތަ ދުވަހު ހުކުމްކުރި މައްސަލައެއްގައި ނިންމީ، އިތުރު ގަރީނާއާއެކު ޑީއެންއޭއަކީ ތައުޒީރީ މިންގަނޑުން ކުށް ސާބިތު ކުރުމަށް ބޭނުން ކުރެވިދާނެ ހެއްކެއް ކަމަށެވެ.

ސުޕްރީމް ކޯޓުން އެގޮތަށް ނިންމީ މުހައްމަދު ތައުފީގު ކިޔާ މީހެއްގެ މައްޗަށް ދައުލަތުން ކުރި ޒިނޭ ކުރުމުގެ ދައުވާގެ މައްސަލައިގައި ހުކުމް ކުރަމުންނެވެ. އެ މައްސަލައިގައި ދައުވާ ކުރި ފާތިމަތު ޝަމީމާ ކިޔާ މީހަކު ވަނީ އޭނާ ވިހެއީ ތައުފީގުގެ ދަރިއެއް ކަމަށް ބުނެފަ އެވެ. ކުއްޖާގެ ޑީއެންއޭ ތައުފީގުގެ ޑީއެންއޭއާ ދިމާވެ އެވެ. ނަމަވެސް ޝަމީމާއާއެކު ޒިނޭ ކުރި ކަމަށް ތައުފީގު އިންކާރު ކުރެ އެވެ.

އެ މައްސަލަ ސުޕްރީމް ކޯޓުން ނިންމި އިރު، ރިޔާސަތުގައި އިންނަވައި، ފަނޑިޔާރު ހުސްނުއްސުއޫދު ވަނި ޑީއެންއޭއަކީ އިތުރު ބާރުދޭ ހެކިތަކާއެކު، ހައްދުގެ މައްސަލަތައް ތައުޒީރީ މިންގަނޑުން ސާބިތުކުރުމަށް ބޭނުންކުރެވިދާނެ އެއްޗެއް ކަމަށެވެ. ސުޕްރީމް ކޯޓުގެ ނިންމުމުގައި ބުނެފައިވަނީ ޒިނޭގެ މައްސަލަ ހައްދުގެ މިންގަނޑުން ސާބިތުނުކޮށް، ތައުޒީރީ މިންގަނޑުން ސާބިތުކުރުމަށް ޑީއެންއޭ ބޭނުންކުރެވިދާނެ ކަމަށެވެ.

"އަހުރެންގެ ރައުޔަކީ ޑީއެންއޭ އާއި އެފަދަ ސައިންޓިފިކް ގަރީނާތަކަކީ އެ ގަރީނާ އަށް ބާރުދެނިވި އެހެން ހެކި ނުވަތަ ބާރުގަދަ ގަރީނާ ހުރެއްޖެ ނަމަ ހައްދުގެ މައްސަލަތައް ތައުޒީރީ މިންގަނޑުން ސާބިތުކުރުމަށް ފުދޭނޭ ވަސީލަތްތަކެއް ކަމަށް،" ފަނޑިޔާރު ސުއޫދު ވިދާޅުވެފައިވެ އެވެ.

titledesc

ފަނޑިޔާރު ހުސްނުއްސުއޫދުގެ ވަނީ އެ މައްސަަލައިފައި ހައްދުގެ ހުކުމް ކަނޑައަޅާފައިވާ މައްސަލަތަކުގައި ގަރީނާ ބޭނުންކޮށްގެން ކުށް ސާބިތު ކުރުމާމެދު އިލްމުވެރިންގެ މެދުގައި ސުވާލު އުފެދެނީ ޝައްކުތަކުން ދުރުވުމަށް ރަސޫލާ އަންގަވާފައިވާތީ ކަމަށް ފަނޑިޔާރު ފާހަގަ ކުރެއްވި އެވެ.

ނަމަވެސް އެކަށީގެންވާ ގަރީނާ ހުރި ހާލަތްތަކުގައި ﷲގެ ރަސޫލާ ވެސް އަދި އިސްލާމީ ހިލާފަތުގެ ހަލީފާއިން ކަމުގައިވާ އުމަރުގެފާނާއި އުސްމާނުގެފާނު ވެސް ކުށް ސާބިތު ކުރައްވާފައި އެބަ ހުރި ކަމަށް ސުއޫދު ވިދާޅުވި އެވެ.

އެއަށް ބާރު ލިބޭ ހެއްގެއްގެ ގޮތުގައި ފަނޑިޔާރު ސުއޫދު ފާހަގަ ކުރެއްވީ އިބްނު އައްބާސް ރިވާ ކުރައްވާފައިވާ "ހެއްކެއް ނެތީސް ރަޖަމް ކުރުމަށް ހުކުމް ކުރެވޭނަމަ އޭނާގެ އުޅުމާއި ވާހަކަދެއްކުމާއި ވަށައިގެންވާ ކަންކަމަށް ބެލުމުން އޭނާގެ އިއްފަތްތެރިކަމުގެ މައްޗަށް ޝައްކު އުފެދޭ ހިނދު، އެކަނބުލޭގެ ރަޖަމްކުރަން ތިމަންކަލޭގެފާނު އެންގެވީމުހެވެ" ރަސޫލާގެ މި ހަދީސެވެ.

އަދި ހުކުމުގައި ބުނެފައި ވަނީ "ވިހެއުމުން ނުވަތަ އިއުތިރާފުން ކުށް ސާބިތުވެއްޖެ ނަމަ ޒިނޭކުރި މުހުސަން މީހާގެ އުގޫބާތަކީ ރަޖަމްކުރުން" ކަމަށް އުމަރުގެފާނު ހުތުބާއެއް ދެއްވަމުން ވިދާޅުވެފައިވާ ކަމަށެވެ. އަދި އަލްވަލީދު ބިން އުތުބާ ކިޔާ މީހަކު ރާ ބޮއެގެން ހޮޑުލުމުން، ހޮޑުގެ ގޮތުގައި ރާ ބޭރު ކުރެވޭނީ އެ ބޮއެގެން ކަމަށް ބަލައި އުސްމާންގެފާނު އެމީހާއަށް ހައްދުގެ އަދަބު ދެއްވި ކަމަށް ވެސް ބުނެފައިވެ އެވެ.

މައުމޫން ގުރުއާނާއި ސުންނަތުން ސާބިތުވާ ކަންކަމުގައި ހިފެހެއްޓުމަށް އިލްތިމާސްކުރެއްވިއިރު، ދީނީ ޖަމިއްޔާއެއްކަމުގައިވާ ޖަމިއްޔަތުއްސަލަފް އިން ދަނީ މިރޭ އެ ޑީއެންއޭގެ މައްސަލައާ ގުޅުންހުރި ދަރުހެއް ދޭން ތައްޔަރުވަމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox