ވަޒީފާއިން ލިބޭ އާމްދަނީ ހޭދަކުރެވެނީ ވަޒީފާއަށް ދިއުމަށް!

ވެލާނާގޭ އޮފީސް އިމާރާތް ކައިރިން ސިވިލް ސާވަންޓަކު ހިނގާފައި ދަނީ: އޮފީސް ގަޑީގައި ހިނގާ ހަރަދުތަކަށް ސަމާލުވާންޖެހޭ -- ފޮޓޯ: އަދަދު ފައިލް

ވެލާނާގޭ އޮފީސް އިމާރާތް ކައިރިން ސިވިލް ސާވަންޓަކު ހިނގާފައި ދަނީ: އޮފީސް ގަޑީގައި ހިނގާ ހަރަދުތަކަށް ސަމާލުވާންޖެހޭ -- ފޮޓޯ: އަދަދު ފައިލް

ތައުލީމީ ހަޔާތުގެ ބުރަ 12 އަހަރެއް ނިންމައި މަސައްކަތުގެ މައިދާނަށް ނުކުތީ ދިރިއުޅުމުގައި "މީހަކަށް ވުމުގެ" ހުވަފެންތަކާއެކު އެވެ. އަމިއްލަ ބޭނުންތަކާއި އާއިލާގެ ހަރަދު ބަރަދަށް އެހީތެރިވެވޭނޭ މީހަކަށް ވުމުގެ ހުވަފެނެވެ. "ތިމަންނާއަކީ ތިމަންނާގެ ހަލާލު މަސައްކަތުން ތިމަންނާގެ އާއިލާ ބަލަހައްޓާ މީހާއޭ ފަހުރުވެރިކަމާއެކު ބުނުމުގެ" ހުވަފެނުގަ އެވެ.

އެހުރިހާ ހުވަފެންތަކެއް ތިލަފަތުގެ އެއްކޮޅަށް ލާފައި އޮތް އިރު، ތިލަފަތް ހަމަކުރަން އަނެއް ފަރާތަށް ލާން އޮތީ ވަޒީފާއިން ލިބޭ އަށެއްކަހާސް ނުވަތަ ދިހަ ވަރަކަށް ހާސް ރުފިޔާގެ މުސާރަ އެވެ. އެއީ ސަލާމެއް، ގަޑި ލާރިއެއް ނުކަނޑައި، އިތުރު ގަޑި ފުރިހަމައަށް ޖެއްސީމާ ލިބުނު ދިހަ ހާސް ރުފިޔާ އެވެ. އެ ނޫން ނަމަ ގިނަވެގެން ނުވަ ހާހެވެ.

މަހުގެ ފުރަތަމަ ދުވަހު ލިބޭ މި ނުވަހާސް ނުވަތަ ދިހަހާސް ރުފިޔާ ހިފައިގެން ކުރިއަށް ހިނގެނީ ގިނަވެގެން ފަނަރަ ނުވަތަ 20 ދުވަހު އެވެ. ހަރަދުތައް ކިޔާ ނަމަ އެއީ އާންމުކޮށް ވެސް މި ހިނގާ ހަރަދުތަކެވެ. ދިރިއުޅޭ ގޭގެ ކުލިން ބަޔަކާއި ކަރަންޓާއި ފެން ބިލާއި އިންޓަނެޓު ބިލުން ބަޔަކެވެ. ފިކްސްޑް އެކްސްޕެންޑިޗާ އަކީ އެއީ އެވެ. އެ ވަރުން މުސާރަ އަދި ހުސްވެގެން ނުވާނެ އެވެ. ރަނގަޅަށް، އެއަށްވުރެ ފުންކޮށް ވިސްނާލީމާ އިތުރަށް ކުރެވޭ ބައެއް ހަރަދުތައް ހަނދާނަށް އަތުވެއްޖެ އެވެ.

Advertisement

އޮފީހަށް ދިއުމާއި ގެއަށް އައުމަށް ޓެކްސީ ދަތުރަށް ހަރަދުކުރާ ފައިސާ އެވެ. އެއީ ކޮޅަކަށް 25ރ. މަގުން ބެލީމާ ދުވާލަކަށް 50ރ. އެވެ. މަހެއްގެ 25 ދުވަހު އެ ދަތުރުތައް ކުރާނަމަ މަހަކަށް 1250ރ. އެވެ. ދެން އޮތީ ސައި ބަޖެޓެވެ. އެއީ ދުވާލެއްގެ ދެ އިރަށް ކުރެވޭ ހަރަދެކެވެ. ހެނދުނުގެ ނާސްތާއާއި މެންދުރުގެ ކެއުމެވެ. އޮފީހުގެ ބައެއް ރައްޓެހިންނާއެކު ދާތީ އެ ހަރަދުތަކަށް ހިނގަނީ އިރަކަށް ފަންސާހަކަށް ރުފިޔާ އެވެ. ދުވާހެއްގެ ދެއިރު ވީމާ 100 އެވެ. އެއީ މުޅި މަހުގެ މަސައްކަތު 25 ދުވަހަށް ބެލީމާ 2500ރ. އެވެ. އެހެންވީމާ، އޮފީހަށް އައިސް ގޮސްވުމާއި ސައިގެ ހަރަދުގެ ޖުމުލައަކީ އެވްރެޖްކޮށް 3250ރ. އެވެ.

މަތީގައި މި ޖެހި ހިސާބަށް ބަލާއިރު، މުސާރައިގެ ގޮތުގައި ލިބޭ ނުވަ ވަރަކަށް ހާސް ރުފިޔާގެ ތެރެއިން 3000 އަށް ވުރެ ގިނަ ރުފިޔާއަކީ އޮފީހަށް ނުކުންނަ ކަމަށްޓަކައި އަތުން ދާ ހަރަދެވެ. އޮފީހަށް ނުކުންނަކީ އާމްދަނީ ހޯދާށެވެ. އެ އާމްދާނީގެ ތިންބައިކުޅައެއްބައި ވެގެން މި ދިޔައީ އެ އާމްދަނީ ހޯދުމަށްޓަކައި ހޭދަކުރަންޖެހުނު ފައިސާއަކަށެވެ. އެ ނޫން ގޮތެއް މިކަމުގައި އޮންނަންވާނެ އެވެ. އެ ފައިސާގެ ތެރެއިން ބައެއް ފަހަށް ރައްކާކުރެވިދާނޭ ފޯމިއުލާއެއް އެބައޮތެވެ.

އޮފީހަށް އައުމަށްފަހު ފުރަތަމަ ކުރަންޖެހޭ ކަމަކީ ކާޑު ޖަހާލާފައި ސަޔަށް ދިއުން ކަމަށް ވެފައި އޮތް ސަގާފަތު ބަދަލުކުރަންވީ އެވެ. އޮފީހަށް އަންނާނީ ގޭގައި ހެނދުނުގެ ނާސްތާ ނިންމާފަ އެވެ. އެއީ ދުވަހުގެ އެންމެ މުހިންމު ކެއުން ކަމަށް ސިއްހީ މާހިރުން ވިދާޅުވާއިރު އެކަމަށް ސަމާލުކަން ނުދޭންވީ ސަބަބެއް ނެތެވެ. އެކަމާ ގުޅޭ އެތައް ލިޔުންތަކަކާއި އިރުޝާދުތައް އެ ހުރީ އެވެ. ދެން އޮތީ މެންދުރުގެ ކެއުމެވެ. އޮފީހަށް އައުމަށް ދަތުރު ހަދަންވީ މެންދުރުގެ ކެއުން ހިފައިގެންނެވެ. ގޭގައި ތައްޔާރުކުރާ ކެއުން ހޫނުކަމާއެކު ހިފަހައްޓާނޭފަދަ ރީތި ލުއި ތަށިބަރިތައް ވިއްކަން އެހުރީ އެވެ. އޮފީހުގެ ސައި ކޮޓަރީގައި މެންދުރުގެ ކެއުން ނިންމާލާނީ އެވެ.

ދެން އޮތީ އޮފީހަށް އައިސް، ގޮސް ވުމެވެ. އެ ދަތުރަކީ ޓެކްސީގައި ކުރަންޖެހޭ ދަތުރަކަށް ހަދަންޖެހޭ ހެއްޔެވެ. މި މާލޭގެ ބޮޑުމިނާއި ހިނގާފައި ކަޑައްތުކުރަންޖެހޭ ރާސްތާއަށް ބަލާއިރު، ހިނގާފައި އޮފީހަށް އައުމަކީ ނުކުރެވޭނޭ ކަމެއް ނޫނެވެ. ސިއްހީ ގޮތުން ބެލިކަމުގައި ވީ ނަމަވެސް ހަށިގަނޑަށް ލިބޭ ކަސްރަތެކެވެ. ވަގުތު އޮއްވައި ދަތުރަށް ނުކުތީމާ މަޑުމަޑުން ހިނގާލާފައި އޮފީހަށް އާދެވޭނެ އެވެ. މާލޭގައި ހުރެފައި ހުޅުމާލޭ އޮފީހަކަށް ނުވަތަ ހުޅުމާލޭގައި ހުރެފައި މާލޭގެ އޮފީހަކަށް އަންނަނަމަ، އަމިއްލަ ވެހިކަލެއް ނެތްނަމަ ޕަބްލިކް ޓްރާންސްޕޯޓު ހިޔާރު ކުރެވިދާނެ އެވެ. ހަރަދު ކުޑަ ވާނޭ ގޮތެކެވެ.

އޮފީހަށް ނުކުމެ ހޯދާ އާމްދަނީ ޖެހިގެން އަންނަ މަހު އޮފީހަށް ނުކުތުމަށްޓަކައި ހަރަދު ކުރަންޖެހުމަކީ ހަމަ ޔަގީނުން ވެސް ހަމަޖެހޭ ކަމެއް ނޫނެވެ. އެ ގޮތަށް އެކަން ހިނގާނަމަ އެކަމަށް އެ ނޫން ހައްލެއް ހޯދަންވާނެ އެވެ. މުސާރައިގެ ތިންބައިކުޅަ އެއްބައި ތިޔަ ހޭދަކުރެވެނީ މުޅީން ބޭކާރު ނޫންނަމަވެސް، ނުކޮށް ފަރުޖެއްސޭނޭ ހަރަދުތަކަށެވެ.

ކޮމެންޓް

ފަހުގެ ޚަބަރު

ސިޓީބިޓީ: އިހުތިރާމާ ގުޅޭ ގޮތުން ރައީސް މުއިއްޒަށް ސުވާލެއް!

ރައީސް ޑރ. މުއިއްޒު "އިހުތިރާމް އަދާކުރުމުގެ ގައުމީ މަޝްރޫއު" އިފްތިތާހު ކުރެއްވި ނަމަވެސް، އެ މަޝްރޫއުގެ ތަފްސީލާއި އިހުތިރާމުގެ މާނަ ސާފުކޮށްދެއްވާފައި ނުވާތީ މި ލިޔުމުގައި ވަނީ ފާޑުކިޔާފައެވެ. އަދި މުޅި ގައުމަށް ނަސޭހަތް ދެއްވުމުގެ ކުރިން، ރައީސްގެ އަރިހުގައި ތިއްބެވި ބޭފުޅުންގެ އަމަލުތަކާއި ބަސްމަގު ހުރި ގޮތުން އެ ބޭފުޅުންނަށް އިހުތިރާމް ކުރަން ދަސްކޮށްދެއްވާފައިވޭތޯ ލިޔުމުގައި ސުވާލު އުފައްދާފައިވެއެވެ.

ރިންގު ހުސްވަންދެން ދިހަ ބާރަފަހަރަށް ގުޅުމުގެ ދީނީ ހުކުމް

ތިމާގެ އެކުވެރިޔާގެ ހާލަތްތަކާއި އުޒުރުތަކެއް ހުރެދާނެކަމަށް ބެލުމެއް ނެތި އެކުވެރިޔާއަށް އުނދަގޫވާނެހެން ދިހަބާރަ ފަހަރަށް ރިންގު ހުސްވަންދެން ފޯނުކޮށްކޮށް ހުރުމަކީ އެކުވެރިޔާގެ ޑިޖިޓަލް ޕާރސަނަލް ސްޕޭސްއަށާއި ބައުންޑަރީއަށް އަރައިގަތުމެވެ. އެކަމަކީ ދީނީގޮތުން ކޮށްގެންވާނެ ކަމެއް ނޫނެވެ.

ތަދުވަނީތަ ހިތަށް؟ ތިއީ ދެން ކޮންކަމެއް؟

މި ލިޔުމަކީ ފަރެސް އާމިރުގެ ޅެންތަކުގެ ތެރެއިން، 'ހުސްވަތެއް ދުޅައަށް ގުނުން މަކަރަށް ވެދާށި' މި ޅެމުގެ މައްޗަށް ލިޔެފައިވާ ލިޔުމެކެވެ. މި ލިޔުމުގައި ބަލާލާފައިވަނީ އެ ޅެމުގެ ވަކިވަކި ބައިތުތަކުގެ މާނައަށެވެ.

އަހަރެން ވެސް ތަރައްގީ ދެކެން ބޭނުން... އެކަމަކު

1977 ވަނަ އަހަރު ސޮވިއެޓް ޔޫނިއަނުން އައްޑޫ ގަން ކުއްޔަށް ހިފަން ހުށަހެޅި ބޮޑު އަގު، ރާއްޖޭގެ މިނިވަންކަމާއި ވަކިފަރާތަކަށް ނުޖެހޭ ސިޔާސަތު ދެމެހެއްޓުމަށްޓަކައި ރައީސް ނާސިރު ދޫކޮށްލެއްވިއެވެ. މީގެ އިތުރުން، ރާއްޖޭގެ އިގްތިސާދީ މިނިވަންކަން ކަށަވަރުކުރުމަށްޓަކައި ވޯރާ ވިޔަފާރިވެރިން ރާއްޖެއިން ފޮނުވާލައި، ގައުމީ މަސްލަހަތަށް އިސްކަންދެއްވައިގެން މުހިންމު ފިޔަވަޅުތަކެއް އެމަނިކުފާނު އެޅުއްވިއެވެ.

ސިންގަޕޫރާއި ދެކުނު ކޮރެއާގެ ފޮރިން އިންވެސްޓްމަންޓާ އަޅާކިޔުން

ރާއްޖެއަށް ބޭރުގެ އިންވެސްޓްމަންޓްތައް މުހިންމު ނަމަވެސް، ބިން ދޫކުރުމުގައި ދައުލަތަށް ލިބޭ ދާއިމީ ފައިދާއާއި ނުރައްކަލަށް ވިސްނަންޖެހެއެވެ. ސިންގަޕޫރު ފަދަ ގައުމުތަކުގައި ބޭރުގެ އިންވެސްޓަރުންނަށް ބިން ދޫކުރަނީ ހާމަކަންބޮޑު ބީލަމުގެ ނިޒާމެއްގެ ތެރެއިން، ވަކި މުއްދަތަކަށް ކުއްޔަށް ކަމަށްވާއިރު، ބިމުގެ މިލްކިއްޔާތާއި ބަނދަރު ފަދަ މުހިންމު ވަސީލަތްތައް ބާއްވަނީ ދައުލަތުގެ ބާރުގެ ދަށުގައެވެ. އެހެންކަމުން ރާއްޖޭގެ މަޝްރޫޢުތައް ކުރިއަށްގެންދާއިރު މިފަދަ ކާމިޔާބު ނަމޫނާތަކަށް ބަލައި، ދައުލަތުގެ މަންފާ އިސްކުރުން މުހިންމެވެ.

އީގަލް ހިލްސްއާ ނުލައި ވެސް ރަސްމާލެއިން ދާއިމީ ނަފާ ހޯދިދާނެ

ރަސްމާލެ ޓޫރިޒަމަށް އީގަލް ހިލްސްއަށް ދޫކޮށްލައިގެން ނުވާނެ. އޭގެ ބަދަލުގައި، ދިވެހިންގެ ފުރިހަމަ މިލްކުވެރިކަން އޮންނަ "ރަސްމާލެ ހިއްސާ" ކުންފުނިން ބިމުގެ ކޮންޓްރޯލް ހިފަހައްޓައި، ދައުލަތް އެންމެ ލޯނެއް ވެސް ނުނަގައި، ވަޒީފާތަކަށް އަމާޒުކޮށް އަމިއްލަ ހަރަދު އަމިއްލައަށް ބަލަހައްޓާ ދިރުންހުރި ސިޓީއެއް ބިނާކުރަންވީ.

ރައްޔިތުންގެ 'އިހުތިރާމު އަތުލުމުގެ' މަޝްރޫއު

ރާއްޖޭގައި އަހުލާގާއި އިހުތިރާމު ކުރުމުގެ ސިފަ އާލާކުރުމަށްޓަކައި، ރައީސް މުއިއްޒު ވަނީ ފަސް އަހަރު ދުވަހުގެ ގައުމީ ކެމްޕޭނެއް ރަސްމީކޮށް އިފްތިތާހުކޮށްދެއްވާފަ. މި ކެމްޕޭނަކީ ދުނިޔޭގެ ބައެއް ޑިކްޓޭޓަރުން ރައްޔިތުންގެ އަހުލާގު ބައްޓަންކުރަން ހިންގި ފަދަ ހަރަކާތްތަކާ އެއްގޮތް ކަމެއް.

Newsletter

Get the latest news delivered straight to your inbox