އެއަރ ކޮންޑިޝަނާ ނުވަތަ އޭސީއަކީ ރާއްޖޭގެ މޫސުން އޮންނަ ގޮތުން ދިވެހިންނަށް ޒަރޫރީ އެއްޗަކަށް މިއަދު ވަނީ ވެފަ އެވެ. ހޫނުގަދަވެ، އޭސީއަކާ ނުލާ ނޫޅެވޭ ވަރަށް ގިނަ ދިވެހިންގެ ދިރިއުޅުމުގެ އަސާސީ އެއްޗަކަށް އޭސީ ވެގެން ގޮސްފައިވާއިރު، ބޭނުންކުރާ އޭސީ އަކީ ކޮލިޓީ ރަނގަޅު ފީޗާތަކެއް އެކުލެވިގެންވާ އޭސީއެއްތޯ ބަލައިލުން ވަރަށް މުހިންމެވެ.
ރެޑްވޭވްގެ ފިހާރަތަކަށް މިހާރު ލިބިފައިވާ، ޝާޕް ބްރޭންޑުގެ އޭސީ ހާއްސަ ވަނީ މިހެންވެގެންނެވެ.
"އެނާޖީ ކޮންސަންޕްޝަން" ނުވަތަ ހަކަތަ ހޭދަކުރާ މިންވަރު ކަނޑައެޅުމަށް މެލޭޝިއާގެ ސަރުކާރުން އެކުލަވާލާފައިވާ ރޭޓިންއިން ޝާޕް އޭސީ އަށް ފަސްތަރި ލިބިފައިވެ އެވެ. އެ ރޭޓިންގ އަށް ބަލާއިރު ޝާޕް އޭސީ އަކީ އެންމެ ބޮޑަށް ކަރަންޓު ހަރަދު ކުޑަކޮށްދޭ ޕްރޮޑަކްޓުގެ ގޮތުގައި ވެސް ވަނީ ކަނޑައެޅިފަ އެވެ. ޝާޕް އޭސީއިން ކަރަންޓު ހަރަދު އެހައި ކުޑަކޮށްދެނީ އެ އޭސީގައި ބޭނުންކުރާ، ޖަޕާންގެ މޮޅު ޖޭޓެކް އިންވާޓަރުގެ އެހީގަ އެވެ.
ރެޑްވޭވުން ވިއްކާ ޝާޕް ބްރޭންޑުގެ އޭސީއެއް. -- ފޮޓޯ: ރެޑްވޭވް
ހަމަ މިއާއިއެކު ޝާޕް ބްރޭންޑްގެ އޭސީއަކީ އޭގައި ބޭނުންކޮށްފައިވާ ޕްލަޒްމާކްލަސްޓާ ޓެކްނޮލޮޖީގެ ސަބަބުން މާހައުލުގެ ވައި ވަރަށް އަވަހަށް ތާޒާކޮށްދޭ އޭސީއެކެވެ. ޕްލަޒްމާކްލަސްޓާ އަޔަން ޓެކްނޮލޮޖީއަކީ ޝާޕް އިލެކްޓްރޯނިކްސް ކޯޕަރޭޝަނުން 2000 ވަނަ އަހަރު އުފައްދާފައިވާ ވައި ސާފުކޮށްދޭ ނިޒާމެކެވެ. އެގޮތުން، މި ނިޒާމުގައި ޕޮޒިޓިވް އަދި ނެގެޓިވް އަޔަންސް ވައިގެ ތެރެއަށް ފޮނުވާލާ ވައިގެ ތެރޭގައި ހުންނަ ބެކްޓީރިއާ އަދި ވައިރަސްތައް ނެތިކޮށްލަ އެވެ.
މީގެ އިތުރުން ވެސް، ޝާޕް އޭސީ އިން "ޖެޓް އެއާ ކޫލިން" ގެ އެހީގައި ހަލުވިކަމާއެކު ތާޒާ ވައި ކޮޓަރިތެރެއަށް ފޮނުވާލާ އަވަހަށް ފިނިކޮށްދެ އެވެ. މި އޭސީ ތައްޔާރުކޮށްފައި ވަނީ އޭގެ ފިލްޓާ ފަސޭހަކަމާއެކު ނައްޓާލައި ސާފު ކޮށްލެވޭނެ ފަދަ ގޮތަކަށެވެ.
މި އޭސީގެ ހަތަރު ސައިޒެއް، އެއް އަހަރު ދުވަހުގެ ވޮރަންޓީއާއެކު މި ވަގުތު ރެޑްވޭވުން ލިބެންހުރި އިރު، ފާހަގަކޮށްލެވެނީ ޝާޕް ބްރޭންޑަކީ ދިވެހިންގެ ފުރިހަމަ އިތުބާރު ހޯދާފައިވާ ވަރަށް ކޮލިޓީ ރަނގަޅު ބްރޭންޑެއް ކަމެވެ.
