ކުޅުދުއްފުށީ ސިޓީގައި މިރޭ ބޭއްވި ގައުމީ ޒުވާނުންގެ ދުވަހުގެ ރަސްމީ ޖަލްސާގައި ޔޫތު އެވޯޑް އެ ރަށު ތިން ޒުވާނުން ހިމެނޭ ގޮތަށް 10 މީހަކަށް ދީފި އެވެ.
މިއީ ޒުވާނުން ބާރުވެރިކުރުވައި ހިތްވަރުދީ، މަސައްކަތުގެ އަގުވަޒަންކޮށް ގައުމަށް ހިދުމަތްކުރުމުގައި ދެމި ތިބުމަށް ބާރު އެޅުމުގެ ގޮތުން މިނިސްޓްރީ އޮފް ޔޫތު، ސްޕޯޓްސް އެންޑް ކޮމިނިއުނިޓީ އެމްޕަވާމަންޓުން ދޭ އެވޯޑެކެވެ.
މިރޭ އެވޯޑު ހާސިލްކުރި ޒުވާނުން.
- މަސްވެރިކަމުގެ ދާއިރާއިން - އަބްދު ﷲ ޔަމާން (ގުރުވަ، ލ.ގަން ތުނޑި)
- ވިޔަފާރިއާއި އިގްތިސޯދުގެ ދާއިރާއިން - އަރުޝަދު އަހުމާދު (ފަހިވާ، ހއ. އުލިގަން)
- އާޓް އަދި ފަންނުވެރިކަމުގެ ދާއިރާއިން - ނާޒިމް ހަސަން (ކޯނާ، ކުޅުދުއްފުށި ސިޓީ)
- ކުޅިވަރަށް ހިދުމަތްކުރުމުގެ ދާއިރާއިން - އަހުމަދު އަބްދުލްކަރީމް (ތިބުރޯޒުގެ، ވ. ކެޔޮދޫ)
- ދަރުމައަށް މަސައްކަތްކުރުމުގެ ދާއިރާއިން - އައިޝަތު ތޯއިފާ (ޓޯޓަލްގެ، ކުޅުދުއްފުށި ސިޓީ)
- ތިމާވެށި ހިމާޔަތްކުރުމަށް މަސައްކަތްކުރުމުގެ ދާއިރާއިން - އަފާ ހުސައިން (ޕާކް، ކުޅުދުއްފުށި ސިޓީ)
- ދަނޑުވެރިކަމުގެ ދާއިރާއިން - އަލީ ފަވާޒް (މިލާޒް، އއ. ތޮއްޑޫ)
- ނުކުޅެދުންތެރިކަން ހުންނަ ފަރާތްތައް ބާރުވެރިކުރުވުމަށް މަސައްކަތް ކުރުމުގެ ދާއިރާއިން - މަރިޔަމް ސަހުދާ (ދަފްތަރު ނަންބަރު ރސ 4356)
- ޒުވާނުންގެ ބާރުވެރިކަން އިތުރުކުރުމަށް މަސައްކަތް ކުރުމުގެ ދާއިރާއިން - ހަސަން ފަރުހާން މުހައްމަދު (މ. މިޓްރީޕާރކް، މާލޭ ސިޓީ)
- ދިވެހިބަހާއި ސަގާފަތަށް ހިދުމަތްކުރުމުގެ ދާއިރާއިން - އިއްޒަތު އަހުމަދު ނިޒާރު (ސެލްވިން، ހދ. މަކުނުދޫ)
ކޮންމެ އަހަރެއްގެ އޮކްޓޯބަރުމަހުގެ 22 ވަނަ ދުވަހަކީ ޒުވާނުންގެ ދުވަހުގެ ގޮތުގައި ގައިއުމީ ފެންވަރުގައި ފާހަގަކުރުމަށް ރައީސް އިބްރާހީމް މުހައްމަދު ސޯލިހް ކަނޑައެޅުއްވީ 19 ޑިސެމްބަރު 2019 ގަ އެވެ.
