ކައުރީ ޓީޝާޓުގެ ކުލަތަކާއި ޑިޒައިންތަކާއި އެނގެންވީ ވާހަކަތައް

އިލާލާ އިން ބާޒާރަށް ނެރެފައިވާ ކައުރީ ބްރޭންޑްގެ ޓީޝާޓެއް. -- ފޮޓޯ:އިލާލާ

އިލާލާ އިން ބާޒާރަށް ނެރެފައިވާ ކައުރީ ބްރޭންޑްގެ ޓީޝާޓެއް. -- ފޮޓޯ:އިލާލާ

ޒުވާނުންގެ މެދުގައި މަޝްހޫރުކަން ހޯދަމުން އަންނަ "އިލާލާ" ގެ ކައުރީ މަރުކާގެ ދިވެހި ޓީޝާޓުތައް ބާޒާރަށް ނެރެފި އެވެ.

ދިވެހިވަންތަ ހަތް ޑިޒައިނެއްގެ ޕްރިންޓް ހިމަނައިގެން ތައްޔާރުކޮށްފައިވާ ކައުރީގެ ޓީޝާޓުތައް މީގެ މަހެއް ކުރިން ބާޒާރަށް ނެރުނު އިރު، ކައުރީ ކުޑައިގެ ދަށުން ދިވެހި ޕްރިންޓުގެ ވެކިއުމް ފްލެސްކު ވެސް ވިއްކަ އެވެ. އަދި ދިވެހި ކުރެހުން އެޅި މޫދު ސޯޓާއި ތުވާލި ވެސް ވިއްކަ އެވެ. ޓީޝާޓަކީ ސަތޭކަ ޕަސެންޓު ދިވެހި ބްރޭންޑަކަށް ފުޅާކުރަމުން އަންނަ "ކައުރީ" ގެ އެންމެ ފަހުގެ އުފެއްދުމެވެ. މި މަރުކާ އަށް އަދި ވެސް ދިވެހިންނާ ގުޅޭ، ދިވެހި "ފީލް" ގެ އިތުރު އުފެއްދުންތައް ތައާރަފު ކުރަން ނިންމާފައިވެ އެވެ.

Advertisement

"އިލާލާގެ ދިވެހި ބްރޭންޑް ކައުރީ އަކީ. އެހެންވީމަ އަޅުގަނޑުމެން މި މަސައްކަތްކުރަނީ، ދިވެހިންނަށް ކަމުދާ ގިނަ ދިވެހި އުފެއްދުންތަކެއް ކައުރީ މަރުކާ އިން ވުޖޫދަށް ގެންނަން، އަލަށް ތައާރަފް މި ކުރި ޓީޝާޓު ތަކަކީ ވެސް އަރާމު މެޓީރިއަލެއްގައި ދިވެހި ކުލަ ޖައްސައިގެން ތައްޔާރުކޮށްފައިވާ ހިތްގައިމު އުފެއްދުމެއް،" އިލާލާގެ އެއް ފައުންޑިން ޕާޓްނަރު އަޝްޖައު ޝަހީދު ބުންނެވެ.

އޭނާ ބުނީ، އިލާލާގެ އުފެއްދުންތައް ދިވެހިން ބަލައިގަންނަ ކަމަށެވެ. އެހެންވެ، ވިޔަފާރި އިތުރަށް ފުޅާ ކުރުމުގެ ގޮތުން މިހާރު ހުޅުމާލޭގައި ވެސް އައުޓްލެޓެއް ހުޅުވާފައިވާ ކަމަށް ބުންޏެވެ.

އިލާލާގެ ކައުރީ ބްރޭންޑްގެ ޓީޝާޓެއް
އިލާލާގެ ކައުރީ ބްރޭންޑްގެ ޓީޝާޓެއް

އިލާލާގެ ކައުރީ ބްރޭންޑްގެ ޓީޝާޓެއް

ހުޅުމާލެ 11112 ވަނަ ލޮޓުގައި ހުޅުވާފައިވާ އިލާލާ ގެ އާ ފިހާރަ، "އިލާލާ ސްޓައިލު"ން މާލޭގައި ހުރި އިލާލާގެ ފިހާރަތަކުން ވިއްކާ ހުރިހާ އުފެއްދުމެއް ކަހަލަ ގޮތަކަށް ލިބެން ހުންނާނެ އެވެ. ޑެލިވަރީގެ ހިދުމަތް ވެސް، މާލެއެކޭ އެއްގޮތަށް ހުޅުމާލޭގައި ވެސް ދޭނެ އެވެ.

އިލާލާ އިން ބުނީ އަމާޒަކީ ކަސްޓަމަރުންނާ ވީހާވެސް ގާތުން ކަމުދާ ހިދުމަތްތަކެއް ފޯރުކޮށްދިނުން ކަމަށެވެ.

ހުޅުމާލޭގައި ހުޅުވި އިލާލާގެ ފިހާރަ
ހުޅުމާލޭގައި ހުޅުވި އިލާލާގެ ފިހާރަ

އިލާލާގެ އާ ޓީޝާޓު ތަކުން "ކައުރީ" ގެ ޕްރޮޑަކްޓް ލައިނަށް އިތުރު ފުރިހަމަކަމެއް އަންނާނެ އެވެ. "ކައުރީ ދޯރު" އަށް އޮތް ޑިމާންޑާއި މޫދު ސޯޓަށް އޮތް ޑިމާންޑުން އިލާލާގެ ކޮލިޓީ ރަނގަޅުކަން ސާބިތުކޮށްދީފި އެވެ. އެ ކޮލިޓީއާއި ޔަގީންކަމުގައި އަލަށް ނެރުނު ޓީޝާޓްތަކަށް ވެސް ރަނގަޅު ޑިމާންޑެއް ލިބޭނެ ކަމަށް އިލާލާ ގަބޫލުކުރެ އެވެ.

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox