ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް ތ. ކަނޑޫދޫއަށް މިއަދު ވަޑައިގެންފި އެވެ.
ރައީސް ސޯލިހް ކަނޑޫދޫއަށް ކުރައްވާ މި ދަތުރުފުޅަކީ ދުނިޔޭގެ ކާބޯތަކެތީގެ ދުވަހާ ދަނޑުވެރިންގެ ދުވަހާ ގުޅުވައި ކުރައްވާ ދަތުރުފުޅެކެވެ.
މި ދަތުރުފުޅުގައި ދަނޑުވެރިންގެ ދުވަހާ ކާބޯތަކެތީގެ ދުވަހުގެ މުނާސަބަތުގައި ބާއްވާ ހާއްސަ ހަފުލާގައި އެމަނިކުފާނު ބައިވެރިވެ ވަޑައިގަންނަވާނެ އެވެ.
ކަނޑުދޫއަށް ކުރައްވާ މި ދަތުރުފުޅުގައި އެރަށުގެ ފުޑް ސެކިއުރިޓީ ޕްރޮގްރާމްގެ ހަރަކާތްތައް ރައީސް ރަސްމީކޮށް ފައްޓަވައިދެއްވާނެ އެވެ. އަދި އެރަށުގައި ފާޓިގޭޝަން ސިސްޓަމް އެމަނިކުފާނު އިފުތިތާހުކޮށްދެއްވުމަށް ވަނީ ހަމަޖެހިފަ އެވެ.
މީގެ އިތުރުން އެރަށުގެ ދަނޑުތަކަށް ރައީސް ޒިޔާރަތްކުރައްވުމަށް ހަމަޖެހިފައިވާ އިރު، ރަށުގެ ކާބޯތަކެތީގެ މައުރަޒު އެމަނިކުފާނުގެ ހުޅުއްވައިދެއްވާނެ އެވެ. މައުރަޒު ބައްލަވާލެއްވުމަށް ފަހު އެގްރޯނެޓުން ތައްޔާރުކޮށްފައިވާ އަތްމަތީފޮތް ނެރެދެއްވާނެ އެވެ.
ދުވަހުގެ މައި ޖަލްސާ ނިންމަވާލުމައްފަހު ކަނޑޫދޫ ރައްޔިތުން ރައީސުލްޖުމްހޫރިއްޔާއަށް ހާއްސަ ޖާފަތެއް ދެއްވާނެ އެވެ. މިޖާފަތަށް ފަހު ވޭމަންޑޫއަށް ވަޑައިތަމަށްފަހު އަނބުރާ މާލެ ވަޑައިގަތުމަށްޓަކައި ތިމަރަފުއްޓަށް ވަޑައިގަންނަވާނީ މާދަމާ ހެނދުނު އެވެ.
ކަނޑޫދޫއަށް ކުރެއްވި ދަތުރު ނިންމަވާލުމައްފަހު ރައީސް ސޯލިހް އެނބުރި މާލެ ވަޑައިގަތުމަށް ހަމަޖެހިފައި ވަނީ މާދަމާ މެންދުރު ކުރީގެ ވަގުތެއްގަ އެވެ.
ގައުމީ ދަނޑުވެރިންގެ ދުވަހަކީ އޮކްޓޫބަރު މަހުގެ 15 ވަނަ ދުވަހެވެ. ދުނިޔޭގެ ކާބޯތަކެތީގެ ދުވަހަކީ އޮކްޓޫބަރު މަހުގެ 16 ވަނަ ދުވަހެވެ.
