އެނބުރި އައި މެޗު ނާކާމިޔާބު، އެމާ ކޯޗެއް ހޯދުން އަވަސްކޮށްފާނެ

Oct 10, 2021, 2:00 AM
އިންޑިއަން ވެލްސް ޕްރެކްޓިހެއްގެ ތެެރެއިން އެމާ (ކ) އާއި ބޭޓްސް.

އިންޑިއަން ވެލްސް ޕްރެކްޓިހެއްގެ ތެެރެއިން އެމާ (ކ) އާއި ބޭޓްސް.

އިންޑިއަން ވެލްސް، ޔުނައިޓެޑް ސްޓޭޓްސް (އޮކްޓޫބަރު 10) - މިދިޔަ މަހު ޔޫއެސް އޯޕަންގެ ތަށި އުފުލާލި އުމުރުން 18 އަހަރުގެ އިނގިރޭސި ޓެނިސް ތަރި އެމާ ރަޑުކާނޫ އިންޑިއަން ވެލްސް މުބާރާތުގައި ކުޅުނު ފުރަތަމަ މެޗުން ބަލިވެ، މުބާރާތުން ކަޓައިފި އެވެ.

މިއީ ކޮލިފައިން ބުރުން ގޮސް ޔޫއެސް އޯޕަން ތަށި ހޯދި އެމާ އެ މުބާރާތުގެ ކާމިޔާބީ އަށް ފަހު ކުޅުނު ފުރަތަމަ މެޗެވެ. މި މެޗުން ދުނިޔޭގެ 100 ވަނައިގައި އޮތް ބެލަރޫސްގެ އަލިއަކްސަންޑްރާ ސަސްނޯވިޗް އަތުން އެމާ ބަލިވީ 6-2 6-4 އިންނެވެ.

ޖެހިޖެހިގެން 11 މެޗުން މޮޅުވާން ނުކުތް އެމާ އަށް ސަސްނޯވިޗް ކައިރީގައި އެކަށީގެންވާ ކުޅުމެއް ނުދެއްކި ގިނަ ގޯސްތަކެއް ހެދުނެވެ. އެމާ ދެން ކުޅޭނީ 10 ދުވަސް ފަހުން ރަޝިއާގެ މޮސްކޯގައި ފަށާ ކްރެމްލިން ކަޕްގަ އެވެ. އެ މުބާރާތުގެ ކުރިން އެމާ އޭނާ އަށް ފުލްޓައިމް ކޯޗެއް ހަމަޖައްސާނެ ކަމަށް ރިޕޯޓްތައް ބުނެ އެވެ.

Advertisement

އެމާ ވަނީ އޭނާއާ އެކު ޔޫއެސް އޯޕަންގައި މަސައްކަތްކުރި ކޯޗު އެންޑްރޫ ރިޗާޑްސަން އެ މުބާރާތަށް ފަހު ދޫކޮށްލައިފަ އެވެ.

ރިޗާޑްސަންގެ އިރުޝާދާ އެކު އެމާ ވަނީ ކޮލިފައިން ބުރުގައި ވާދަކުރަމުން ގޮސް ޔޫއެސް އޯޕަން ކާމިޔާބު ކޮށްފަ އެވެ. ރިޗާޑްސަނާ އެކު ޔޫއެސް އޯޕަންގައި ކުރި މަސައްކަތް ރަނގަޅުވެ، އެމާ ވަނީ ދުނިޔޭގެ ރޭންކިންގެ އެތައް ދަރަޖައެއް ކުރިއަށް ޖެހިލައިފަ އެވެ. ޔޫއެސް އޯޕަން އަށް ނުކުތްއިރު އެމާ އޮތީ ދުނިޔޭގެ 150 ވަނައިގަ އެވެ. ޔޫއެސް އޯޕަންގެ ކާމިޔާބީ އަށް ފަހު އެމާ ވަނީ ދުނިޔޭގެ ރޭންކިންގައި 22 ވަނަ އަށް އަރައިފަ އެެވެ.

އެމާ އަކީ ޓެނިސްގެ އޯޕަން އިރާ ފެށުނު ފަހުން ކޮލިފައިން ބުރުން ފެށިގެން ގްރޭންޑް ސްލޭމް މުބާރާތެއް ކާމިޔާބުކުރި ފުރަތަމަ ކުޅުންތެރިޔާ އެވެ. އެކަމަކު، ޔޫއެސް އޯޕަންގެ ކާމިޔާބީ އަށް ފަހު އިންޑިއަން ވެލްސް މުބާރާތުގައި އެކަށީގެންވާ ކުރިއެރުމެއް ނުލިބެ އެވެ.

އެމާ އަށް އިންޑިއަން ވެލްސްގައި އިރުޝާދުދޭން ބައިވެރިވީ އިންގްލެންޑްގެ ކުރީގެ ޓެނިސް ޕްރޮފެޝަނަލް ޖެރެމީ ބޭޓްސް އެވެ.

އިންގްލެންޑްގެ ކުރީގެ އެއް ވަނަ ކުޅުންތެރިޔާ، ބޭޓްސް އަށް އެމާގެ ފުލް ޓައިމް ކޯޗުކަން ދިނުމާ މެދު ވަރަށް އަވަަހަށް ގޮތެއް ނިންމާނެ ކަމަށް ބެލެވެ އެވެ. އިނގިރޭސި މީޑިއާ ރިޕޯޓްތައް ބުނާގޮތުން ކުރިން އެމާ ވިސްނައިގެން ހުރީ ދުވަސްތަކެއް ބެލުމަށް ފަހު އާ ކޯޗެއް ހޯދުމަށް ކަމަށް ވިޔަސް މިހާރު އެ މުއްދަތު އަވަސްވެދާނެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox