ހަމްޕުގެ "މޮޅު ގޯލު" ހާއްސަކުރީ ސަޕޯޓަރުންނަށް

Oct 8, 2021, 10:10 AM
ދަގަނޑޭ ހަމްޕު އުރާލައިގެން: ރޭގެ މެޗުގައި ލަނޑު ޖެހީ މި ދެ ކުޅުންތެރިން.-- ފޮޓޯ: ހުސެއިން ޝަޔާހު/ އަދަދު

ދަގަނޑޭ ހަމްޕު އުރާލައިގެން: ރޭގެ މެޗުގައި ލަނޑު ޖެހީ މި ދެ ކުޅުންތެރިން.-- ފޮޓޯ: ހުސެއިން ޝަޔާހު/ އަދަދު

އުރީދޫ ސާފް ޗެމްޕިއަންޝިޕްގެ ފުރަތަމަ މެޗުން ނޭޕާލް އަތުން ރާއްޖެ ބަލިވުމުން އެ ދުވަހު ކުޅުންތެރިންގެ މޫނުމަތިން އެއްކޮށްހެން ފެނުނީ މާޔޫސްކަން ކަމުގައި ގައުމީ ޓީމުގެ ކެޕްޓަން އަކުރަމް އަބްދުލް ގަނީ (އަކޫ) ވަނީ ނޫސްވެރިންގެ ބައްދަލުވުމުގައި ބުނެފަ އެވެ. އެއީ އަމިއްލަ ފަސްގަނޑުގައި ސަޕޯޓަރުން ކުރިމަތީގައި ނަތީޖާއެއް ނުނެރެވުމުގެ ނުތަނަވަސްކަމެވެ.

އެކަމަކު، ޖެހިގެން އައި ދުވަހުން ފެށިގެން ހުރިހާ ކުޅުންތެރިން އަޒުމު ކަނޑައެޅީ "އެނބުރި އައުން ވަރުގަދަ" ކުރުމަށެވެ. ބަންގްލަދޭޝާ ދެކޮޅަށް ރޭ ކުޅުނު މެޗުގެ ކުރިން އޮތް ނޫސްވެރިންގެ ބައްދަލުވުމުގައި އަކޫ ބުނީ ހުރިހާ ކުޅުންތެރިން ތިބީ މެޗު ނުފައްޓައިގެން ރަނގަޅު މޮޅެއް ހޯދުމުގެ އަމާޒުގައި ކަމަށެވެ. އެކަން ދަނޑުމަތީގައި ކުޅުންތެރިން ސާބިތުކޮށްދިނީ ސަޕޯޓަރުން ދިން އާދަޔާހިލާފު ސަޕޯޓާ އެކީގަ އެވެ.

ހަމްޒާ މުހައްމަދު (ހަމްޕު)ގެ ތަފާތު މޮޅު ގޯލާއި އަލީ އަޝްފާގު (ދަގަނޑޭ) ޖެހި ޕެނަލްޓީން ރާއްޖޭން 2-0 އިން ބަންގްލަދޭޝް ބަލިކުރި އެވެ. މި މެޗުގައި އެންމެ ގިނަ ބަޔަކު ހަނދާން ހުންނާނީ ހަމްޕު ޖެހި މޮޅު ގޯލެވެ.

ގޯލު ޖެހުމަށް ފަހު ހަމްޕު އުފާފާޅުކުރަނީ.-- ފޮޓޯ: ހުސެއިން ޝަޔާހު/ އަދަދު

ހަމްޕު "އަދަދު" އަށް ބުނީ ރޭގެ މެޗަށް ދަނޑަށް އައިސް ތިިބި ސަޕޯޓަރުންގެ ސަޕޯޓް ފެނިފައި ގައުމީ ޓީމުގެ ރޫހު އިތުރަށް ރަނގަޅުވި ކަމަށާއި މެޗުން މޮޅުވާން ހިތްވަރު ލިބުނު ކަމަށެވެ.

"ފުރަތަމަ މެޗު (ނޭޕާލް މެޗުން ބަލިވެފައި) އެ ގޮތަށް ގޮސްފައި ދެ ވަނަ މެޗަށް އައިއިރު އެ ވަރުގެ ސަޕޯޓެއް ފެނުނީމަ ވަރަށް ބޮޑަށް ހުރިހާ ކުުޅުންތެރިން ވެސް ހިތްހަމަ ޖެހުނު،" ހަމްޕު ބުންޏެވެ.

ފުރަތަމަ ހާފުގައި ހަމްޕު އަށް އޭރިއާތެރެއިން ފައުލުކުރި ނަމަވެސް އޭގެ އަށް މެޗުގެ ރެފްރީ ޕެނަލްޓީއެއް ނުދިނެވެ. އެކަމަކު، ފަސްބެލުމެއްނެތި ހަމްޕު ކުރި މަސައްކަތުގެ ނަތީޖާއެއް ހާސިލްކުރެވުނީ 55 ވަނަ މިނިޓްގަ އެވެ.

ރާއްޖެ އަށް ލިބުނު ކޯނަރަކުން ބަންގްލަދޭޝްގެ އޭރިޔާ ތެރެއަށް ހުރަސްކޮށްލި ބޯޅަ އެ ޓީމުގެ ޑިފެންޑަރެއް ސާފުކޮށްލުމުން، ރާއްޖޭގެ މިޑްފީލްޑަރު ހުސެއިން ނިހާން (ނިހާޓް) ވަނީ އެ ބޯޅަ ބޮލުން އޭރިޔާ ތެރެއަށް ފޮނުވާލައިފަ އެވެ. ހަމްޕުއާ ދިމާލަށް ބޯޅަ ވެއްޓުމާ އެކު، އޭނާ ވަނީ ފުންމައިގެން އަރައި، ހިތްގައިމު "އޯވަހެޑް ކިކް" އަކުން ގޯލުގެ ކަނަށް ބޯޅަ އަމާޒުކޮށްލައިފަ އެވެ.

ހަމްޕު ބުނީ ގޯލެއްކަން ޔަގީންވީ ސަޕޯޓަރުންގެ ތަރުހީބުގެ އަޑާ އެކު ކަމަށެވެ.

"ނިހާޓް ބޮލުން ބޯޅަ ޖައްސާލި ހިސާބުން ވިސްނީ އަވަހަށް ގޯލަށް ޖަހަން. ދެން އެހެންވެ އަވަހަށް ފޮނުވާލީ. ސަޕޯޓަރުންގެ އަޑުގަދެވެގެން ދިޔައީމަ ޔަގީންވެއްޖެ ގޯލެއްކަން. އެ ހިސާބުން ވަރަށް ބޮޑު ހިތްހަމަޖެހުމެއް ލިބުނު،" ބ. އޭދަފުށްޓައް އުފަން ހަމްޕު ބުންޏެވެ.

"މި ގޯލު ހާއްސަކުރަނީ ހުރިހާ ސަޕޯޓަރުންނަށް،"

މެޗަށް ފަހު އޮތް ނޫސްވެރިންގެ ބައްދަލުވުމުގައި ގައުމީ ޓީމުގެ ކޯޗު އަލީ ސުޒޭން ބުނީ މީހަކަށް ހަމްޕު ޖެހި ގޯލުގެ ރަނގަޅު ވާހަކަތައް ކިޔައިދެވޭނީ ފުޓްބޯޅަ ކޮމެންޓްރީ ދޭ ފަރާތަކަށް ކަމަށެވެ. އެއީ ތަފާތު މޮޅު ގޯލެއް ކަމަށް ސުޒޭން ވެސް ވަނީ ބުނެފަ އެވެ.

ރޭގެ ގޯލަކީ ސާފް ޗެމްޕިއަންޝިޕްގައި ހަމްޕު ޖެހި ފުރަތަމަ ގޯލެވެ. މިއީ ސާފް ޗެމްޕިއަންޝިޕްގައި އޭނަ ކުޅޭ ތިން ވަނަ ފަަހަރެވެ. އޭނާ ގައުމީ ޓީމަށް ޖަހައިދިން ފުރަތަަމަ ގޯލު ވެސް ކާމިޔާބުކުރީ 2016 ވަނަ އަހަރު ބަންގްލަދޭޝް ކޮޅަށެވެ. އެއީ އެކުވެރިކަމުގެ މެޗެއްގައި 5-0 އިން ރާއްޖެ މޮޅުވި މެޗެވެ.

ހަމްޕު އަކީ 2018 ވަނަ އަަހަރު ރާއްޖޭން ސާފް ޗެމްޕިއަންކަން ހޯދި ޓީމުުގެ މުހިއްމު ކުޅުންތެރިއެކެވެ.

ގައުމީ ޓީމުން އެދެނީ ސްރީ ލަންކާ އާއި އިންޑިއާއާ ދެކޮޅަށް ރާއްޖޭން ކުޅެން އޮތް މެޗުތަކުގައި ވެސް ސަޕޯޓަރުންގެ ތަރުހީބަށެވެ. އެންމެ ފަހުގެ ޗެމްޕިއަންގެ ހައިސިއްޔަތުން މި ފަހަރު އަމިއްލަ ގައުމުގައި ތަށި ދިފާއުކުރަން އެންމެންގެ އެހީ ބޭނުންވާނެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox