އިސްދޫގެ "އާސާރީ" ވަޅު ތަރިކަ ލިސްޓުގަ ނެތް

އިސްދޫގެ ވަޅު އަޑިއަށް ދިޔުމުގެ ކުރިން ހުރި ގޮތުގެ ފޮޓޯއެއް.

އިސްދޫގެ ވަޅު އަޑިއަށް ދިޔުމުގެ ކުރިން ހުރި ގޮތުގެ ފޮޓޯއެއް.

ބިންގަނޑު ގަނބައިގަނެ، ލ. އިސްދޫގައި އަޑިއަށް ދިޔަ 100 އަށް ވުރެ ގިނަ އަހަރުވީ ވަޅަކީ އާސާރީ ތަރިކައިގެ ލިސްޓުގައި ހިމެނޭ ވަޅެއް ނޫން ކަމަށް ހެރިޓޭޖް މިނިސްޓްރީން ބުނެފި އެވެ.

އިސްދޫގެ އާސާރީ ވަޅު އަޑިއަށް ދިޔައީ ވަޅު ހުރި މަގުން ހައިމާކެއް ދިޔަ ގަޑީގައި އައި ލޮޅުންތަކާއެކު މިދިޔަ އާދިއްތަ ދުވަހު އެވެ.

ރަށު ކައުންސިލްގެ ނައިބު ރައީސް އާދަމް ނަސީމް ވިދާޅުވީ އެ ވަޅަކީ ވަރަށް ބަލައިގެން އަދި ހިމާޔަތްކޮށްގެން ގެންގުޅޭ ވަޅެކެވެ.

ނަމަވެސް ހެރިޓޭޖް މިނިސްޓްރީގެ ކޮމިއުނިކޭޝަންސް ޑިރެކްޓަރު އިސްމާއިލް ނާއިލް "އަދަދު"އަށް ވިދާޅުވީ އިސްދޫގެ އެ ވަޅަކީ ކައުންސިލްތަކުން ފޮނުވި މައުލޫމާތުތަކަށް ބިނާކޮށް ސަގާފީ ތަރިކަ ރައްކާތެރިކުރާ ގައުމީ މަރުކަޒުން އެކުލަވާލައި، ގެޒެޓްގައި އާންމުކޮށްފައިވާ ރާއްޖޭގެ މާއްދީ ތަރިކައިގެ ދަފްތަރުގައި ހިމެނޭ ވަޅެއް ނޫން ކަމަށެވެ.

ރާއްޖޭގެ މާއްދީ ތަރިކައިގެ ދަފްތަރަކީ ކައުންސިލްތަކުން ފޯރުކޮށްދޭ މައުލޫމާތަށް ބިނާކޮށް އަދާހަމަކުރަމުންދާ ދަފްތަރެކެވެ.

ރަށްރަށުގައި ހުންނަ އާސާރީ ތަންތަނާ ތަކެތި ކަނޑައަޅާނީ އެރަށުގެ ކައުންސިލުންނެވެ. އަދި އެތަންތަނާ ތަކެތި ތަރިކައެއްގެ ގޮތުގައި ރަޖިސްޓްރީކުރަން ފޮނުވާނީ ކައުންސިލުންނެވެ.

އިސްދޫގެ ވަޅުން އާންމުކޮށް ރާއްޖޭގެ އާސާރީ ތަރިތަކުގެ ސިފަ ފެންނަން ނެތް ކަމަށް ނާއިލް ވަނީ ފާހަގަކުރައްވާފަ އެވެ. ނަމަވެސް, އިސްދޫ ކައުންސިލްގެ ނައިބު ރައީސް ވަނީ އެ ވަޅަކީ ގަލާއި އުވައިން ހަދާފައިވާ ވަޅެއް ކަމާއި އާނުގަނޑުގެ އަޑިއަށް "ހޮހަޅަ"ތަކެއްގެ ގޮތަށް ކޮޅު ނޭނގޭ ވަރަށް ފުންކޮށް ކޮނެފައި ހުރި އާދަޔާ ހިލާފު ވަޅެއް ކަމަށް ވިދާޅުވެފަ އެވެ.

ވަޅަކީ ރަށުގެ ތަރިކައެއް ކަމަށާއި އަދިވެސް ވަޅުގެ އަސްލު ނުގެއްލޭ ގޮތަށް އެ ވަޅު ހިމާޔަތް ކުރަން ކައުންސިލުން މަސައްކަތް ކުރާނެ ކަމަށް ނަސީމް ވިދާޅުވި އެވެ.

ހެރިޓޭޖުން ބުނީ އިސްދޫގެ ވަޅަކީ ރަސްމީ ތަރިކައެއްގެ ގޮތުގައި ބެލެވޭ އެއްޗެއް ނޫން ނަމަވެސް ވަޅުގެ ހަގީގަތް ދިރާސާކުރާނެ ކަމަށެވެ. އަދި ވަޅުގެ ވާހަކަ އަކީ ތާރީހީ ގޮތުން މުހިންމު އެއްޗެއް ނަމަ އެ ވާހަކަ ރައްކާކުރޭނެ ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox