ފޯކަސް އަކީ ސާފް ޗެމްޕިއަންޝިޕް، މޮޅާ އެކު ލިބުނީ ކޮންފިޑެންސް: އިންމަ

Sep 22, 2021, 4:39 AM
ގަތަރު ޓްރެއިނިން ކޭމްޕްގެ ތެރެއިން އިންމަ.-- ފޮޓޯ: އަދަދު

ގަތަރު ޓްރެއިނިން ކޭމްޕްގެ ތެރެއިން އިންމަ.-- ފޮޓޯ: އަދަދު

ގައުމީ ފުޓްބޯޅަ ޓީމުން ގަތަރުގައި މިހާރު ފުރިހަމަ ކުރަމުން އަންނަ ޓްރެއިނިން ކޭމްޕްގައި ރޭ ގަތަރުގެ ދެ ވަނަ ޑިވިޝަނުގެ ލުސައިލް އެފްސީ އަތުން 4-3 އިން މޮޅުވި މެޗުގައި ކުޅުންތެރިންގެ ފަރާތުން ފެނުނު ކަންކަމާ މެދު ހިތްހަމަޖެހޭ ކަމަށް ރޭގެ މެޗުގައި ގައުމީ ޓީމަށް އިރުޝާދުދިނުމުގައި ހަރަކާތްތެރިވި އެސިސްޓަންޓް ކޯޗު އިސްމާއިލް މަހްފޫޒް (އިންމަ) ބުނެފި އެވެ.

ކޮވިޑް-19 އަށް ޕޮޒިޓިވްވުމުން ޓީމާ އެކު އެންމެ ފުރަތަމަ ގަތަރު ޓްރެއިނިން ކޭމްޕަށް ނާދެވުނު ގައުމީ ކޯޗު އަލީ ސުޒޭން ދާދި ފަހުން ޓީމުގެ ކޭމްޕާ ގުޅެން ގަތަރަށް އައި ނަމަވެސް އިއްޔެ މެޗަށް ނުދެވުނެވެ. އެއީ ދޯހާ އަށް އައިސް ހެދި ކޮވިޑް-19 ޓެސްޓްގެ ނަތީޖާ ނުލިބޭތީ އެވެ.

ރާއްޖޭން ތައްޔާރުވަމުން ދަނީ އަންނަ މަހު 1-16 އަށް މާލޭގައި ކުރިއަށްދާ އުރީދޫ ސާފް ޗެމްޕިއަންޝިޕް އަށެވެ. އިންމަ ބުނީ މިހާރު ކުރެވޭ ހުރިހާ މަސައްކަތެއް ވެސް ބައްޓަންވާނީ އެ މުބާރާތުން ހާސިލްކުރަން ބޭނުންވާ ކަންތައްތަކަށް ކަމަށެވެ.

"އަޅުގަނޑުމެންގެ ފޯކަސް އަކީ ސާފް ޗެމްޕިއަންޝިޕް. އެ އަށް ފޯކަސް ކޮށްގެން ނަތީޖާ ނެރެން ކުރާނެ ހުރިހާ ކަމެއް ޕްރެކްޓިސް މެޗުތަކުގައި ކުރާނަން. އިރާދަކުރެއްވިއްޔާ މި މެޗުގައި ފުރުސަތު ނުލިބުނު ކުޅުންތެރިންނަށް ދެން އަންނަ މެޗެއްގައި ފުރުސަތު ލިބިގެންދާނެ ކަމަށް އުއްމީދުކުރަނީ،" އިންމަ ބުންޏެވެ.

ލުސައިލުން މެޗުގައި ފުރަތަމަ ގޯލު ޖެހި ނަމަވެސް ރާއްޖޭން ވަނީ ފަހަތުން އަރައި ހަތަރު ގޯލު ޖަހައިފަ އެވެ. ރާއްޖެ އަށް އެއްވަރުކޮށްދިނީ އަލީ އަޝްފާގު (ދަގަނޑޭ) އެވެ. ރާއްޖޭން ލީޑުނެގީ އަލީ ހައިޝަމް (ޗުމްޕު) ޖެހި ގޯލުންނެެވެ. ޗުމްޕު އަށް ކުރި ފައުލަކަށް ލިބުނު ޕެނަލްޓީ އަކުން އަލީ ފާސިރު (ސެންޓޭ) ރާއްޖޭގެ ތިން ވަނަ ގޯލު ޖެހިއިރު، ރާއްޖޭގެ ހަތަރު ވަނަ ގޯލު ޖެހީ ދަގަނޑޭ ނެގި ކޯނަރަކުން ޗުމްޕު ބޮލުންނެވެ. އޭގެ ފަހުން ލުސައިލް އިން ވަނީ ބަދަލުތަކެއް ކޮށްގެން އިތުރު ދެ ގޯލު ޖަހައިފަ އެވެ. ރާއްޖޭން ވެސް ވަނީ ބަދަލުތަކެއް ކޮށްފަ އެވެ.

ރޭގެ މެޗު ފަށައިގެން ގައުމީ ޓީމަށް ރަނގަޅަށް ކުޅެން އުނދަގޫވީ އެހާ ގިނަ ދުވަސްތަކެއް ވަންދެން މެޗެއް ނުކުޅެ ހުރުމުން ކަން އިންމަ ވަނީ ފާހަގަކޮށްފަ އެވެ.

"މީގެ ކިތަންމެ ވަރަަކަށް ޕްރެކްޓިސްކުރި ކަމުގައި ވިޔަސް މެޗު ނުކުޅޭ ކަމަށްވަންޏާ ފުރަތަމަ ކޮޅު އޭގެ އުނދަގޫތަކެއް ދިމާވާނެ ޕްލޭޔަރުންނަށް. އެއީ ހަަމަ ނޯމަލް ކަމެއް. އެ ގޮތުން މިއަދު (ރޭ) ފެށިއިރު ކޮންމެ ވެސް ވަރަކަށް ޕްލޭޔަރުންނަށް ގާތްގަނޑަކަށް 10 ވަރަކަށް މިނިޓް އުނދަގޫވި. އޭގެ ފަހުން މިނިޓަކަށް ފަހު މިނިޓެއް ގޭމް ތެރެއަށް ވަންނަމުން ދިޔައީ،" އިންމަ ބުންޏެވެ.

ރޭގެ މެޗުގައި ދަގަނޑޭ 90 މިނިޓް ކުޅުނުއިރު، ޖުމްލަކޮށް ފުރުސަތު ލިބުނު ހުރިހާ ކުޅުންތެރިން ވެސް ވަނީ ރަނގަޅަށް ކުޅެފަ އެވެ. އިންމަ އަށް ފާހަގަކުރެވުނީ ކޮންފިޑެންސާ އެކު ބިރެއް ނެތި ޕްލޭނާ އެއްގޮތަށް ކުޅެން ކުޅުންތެރިން މަސައްކަތްކުރި ތަނެވެ.

"ކޮންފިޑެންސާ އެކު ކުޅެން މަސައްކަތްކޮށްފިއޭ ބުނެވޭނީ. ޕްލޭޔަރުންގެ ދަނޑުމަތީގެ އެޓިޓިއުޑް. ދަނޑުމަތީގެ ޑިސިޕްލިން ގޯސް ކަންތައްތައް ތަކަށް ވުރެ ރަނގަޅު ކަންތައްތައް ކިތަންމެ ހާ ވެސް ގިނަ. ފުރަތަމަ މެޗާ އަޅާބަލާއިރު. އެހެންވީމަ މި ރަނގަޅު ޕާފޯމަންސް އިތުރަށް ރަނގަޅު ކޮށްގެން މެއިންޓެއިން ކުރާނަން،" އިންމަ ބުންޏެވެ.

ޓްރެއިނިން ކޭމްޕްގެ ދެ ވަަނަ މެޗުގައި ގައުމީ ޓީމުން ހޮނިހިރު ދުވަހު ކުޅޭ ގަތަރުގެ އާމީ ކްލަބާ އެވެ. އެ މެޗާ ކުރިމަތިލާއިރު ގައުމީ ޓީމަށް ލިބޭނެ އެންމެ ބޮޑު ހިތްހަމަޖެހުމަކީ ޓީމުގެ ބެންޗުން އިރުޝާދުދޭން ކޯޗު ސުޒޭނަށް ހުރެވުމެވެ.

ފަސް ގައުމު ވާދަކުރާ މި ފަހަރުގެ ސާފް ޗެމްޕިއަންޝިޕްގައި ފުރަތަމަ ކުޅޭނީ ލީގު ބުރެކެވެ. ރާއްޖެ ކުޅޭ ފުރަތަމަ މެޗުގައި އަންނަ މަހު އެއް ވަނަ ދުވަހުގެރޭ ނޭޕާލާ ކުޅުމަށް ފަހު ދެ ވަނަ މެޗުގައި ހަތް ވަނަ ދުވަހުގެރޭ ބަންގްލަދޭޝްއާ ބައްދަލުކުރާނެ އެވެ. ތިން ވަނަ މެޗުގައި 10 ވަނަ ދުވަހު ހަވީރު ލަންކާއާ ކުޅުމަށް ފަހު ލީގު ބުުރުގެ ފަހު މެޗުގައި އަންނަ މަހު 13 ވަނަ ދުވަހުގެރޭ ކުޅޭނީ އިންޑިއާއާ އެވެ. ލީގު ބުރަށް ފަހު އެންމެ ގިނައިން ޕޮއިންޓް ހޯދާ ދެ ޓީމެއްގެ މެދުގައި އަންނަ މަހު 16 ވަނަ ދުވަހުގެރޭ ފައިނަލް ކުޅޭނެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox