މަޑުއްވަރީން ބޭނުންވަނީ ފުސްފަރުގައި އެއާޕޯޓު އަޅަން

ރައީސް އިބްރާހިމް މުހައްމަދު ސޯލިހް މަޑުއްވަރީ ކައުންސިލްގެ މެމްބަރުންނާ މިއަދު ބައްދަލުކުރައްވަނީ: އެ އަތޮޅު އަލިފުށީގައި އަޅަން ސަރުކާރުން ނިންމި އެއާޕޯޓުގެ މައްސަލަ ވަނީ ބޮޑުވެފައި .-- ފޮޓޯ: ރައީސް އޮފީސް

ރައީސް އިބްރާހިމް މުހައްމަދު ސޯލިހް މަޑުއްވަރީ ކައުންސިލްގެ މެމްބަރުންނާ މިއަދު ބައްދަލުކުރައްވަނީ: އެ އަތޮޅު އަލިފުށީގައި އަޅަން ސަރުކާރުން ނިންމި އެއާޕޯޓުގެ މައްސަލަ ވަނީ ބޮޑުވެފައި .-- ފޮޓޯ: ރައީސް އޮފީސް

ރ. އަތޮޅުގެ ރައްޔިތުންނަށް އެންމެ ފައިދާ ބޮޑު ގޮތަކީ އެ އަތޮޅު ފުއްސަރު ފަޅުގައި އެއާޕޯޓް އެޅުން ކަމަށް މަޑުއްވަރީ ކައުންސިލުން ރައީސް އިބްރާހިމް މުހައްމަދު ސޯލިހްއަށް މިއަދު ހުށަހަޅައިފި އެވެ.

ށ. އަތޮޅާއި ރ. އަތޮޅަށް ކުރެއްވި ދަތުރުގެ ފަހު މަންޒިލެއްގެ ގޮތުގައި މަޑުއްވަރީއަށް ރައީސް ސޯލިހު މިއަދު ހަވީރު ވަޑައިގެން އެ ރަށުގެ ކައުންސިލާ ބައްދަލުކޮށް ވަނީ އެކި ކަންކަމާ ގުޅޭގޮތުން މަޝްވަރާތައް ކޮށްފަ އެވެ. އެގޮތުން ގިނަ ކަންކަން އެ ރަށުން ވަނީ ރައީސަށް ހުށަހަޅަފަ އެވެ.

އެ ބައްދަލުވުމުގައި ރައީސަށް ހުށަހެޅި ހުށަހެޅުން މަޑުއްވަރީ ކައުންސިލުން މިރޭ ވަނީ "އަދަދު"އާ ވެސް ހިއްސާކޮށްފަ އެވެ.

Advertisement

އެގޮތުން, އެ ހުށެހެޅުމުގައިވާ ގޮތުން މަޑުއްވަރީ ރައްޔިތުން ބޭނުން ވަނީ ފަޅު ރަށެއް ކަމަށްވާ ފުސްފަރުގައި އެއާޕޯޓު އެޅުމެވެ. ނަމަވެސް, އެއީ ސަރުކާރުން މިހާރު ނިންމާފައިވާ އެ އަތޮޅު އަލިފުށީ އެއާޕޯޓް ބަދަލުގައެއް ނޫނެވެ.

މަޑުއްވަރީ ރައްޔިތުން ބޭނުން ވަނީ ފުސްފަރުގައި ވެސް އެއާޕޯޓެއް އޮތުމެވެ. ފުސްފަރަކީ ރ. އަތޮޅުގައި ހުރި ރިސޯޓްތައް މެދުގައި ކަހަލަ ގޮތަކަށް އޮންނަ ރަށެކެވެ.

އޭގެ ސަބަބަކީ އެ އަތޮޅަށް އެންމެ ފައިދާ ބޮޑީ ދެކުނު ބިތުގައި އެއާޕޯޓް އެޅުން ކަމަށްވުމެވެ. އަދި, އިފުރުގައި އެއާޕޯޓެއް އޮތް ނަމަވެސް, އެ އެއާޕޯޓުން މަޑުއްވަރީއަށް ފަސޭހަ ނުވާ ކަމަށެވެ. މަޑުއްވަރީއަކީ އިފުރާ އެންމެ ދުރުގައި އޮންނަ މީހުން ދިރިއުޅޭ ރަށެވެ.

"އެއާޕޯޓެއް ހިންގުމުގައި އެންމެ ފައިދާ ބޮޑުވާނީ ގިނަ އަދަދެއްގެ ފަތުރުވެރިން އެ މަންޒިލެއް ހިޔާރުކުރުމުން. ރ.އަތޮޅުގެ ރިސޯޓްތަކާއި، އެ އަތޮޅު ދެކުނު ބިތުގެ ރައްޔިތުންގެ އުއްމީދު ގުޅިފައިވަނީ އެ އަތޮޅުގެ ދެކުނު ބިތުގައިވެސް އެއާޕޯޓެއް ތަރައްގީކޮށްގެން." ކައުންސިލުން ބުނެ އެވެ.

އަލިފުއްޓަކީ ރ. އަތޮޅުގެ އުތުރު ބިތުގައި އޮތް ރަށެކެވެ.

ރ. އަތޮޅަށް ދެ ވަނަ އެއާޕޯޓެއް ބޭނުންވާ ވާހަކަ ކުރީ ސަރުކާރާއި މި ސަރުކާރުން ވެސް ދައްކާފައިވެ އެވެ. ރައީސް އަބްދުﷲ ޔާމީންގެ ވެރިކަމުގައި ރ. ފައިނުގައި އެއާޕޯޓެއް ތަރައްގީކުރަން ނިންމި އެވެ. ނަމަވެސް، އެއްވެސް ހިސާބެއްގައި އަލިފުށީގެ ނަން އައިސްފައެއް ނެތެވެ.

މިހާރު ވެސް ރ. އިފުރުގައި އެއާޕޯޓެއް އޮތް ނަމަވެސް އެ އަތޮޅުގެ ބައެއް ރަށްރަށާ މި އެއާޕޯޓު މާދުރުކަމަށް އެ ރަށްރަށުގެ ރައްޔިތުން އައީ ބުނަމުންނެވެ. އަދި އިތުރު އެއާޕޯޓެއް އަޅާނެ ކަމަށް ސަރުކާރުން ވައުދުވީ ވެސް ރައްޔިތުންގެ އެ ކަންބޮޑުވުންތަކާ ގުޅިގެންނެވެ.

ކޮންމެ ރަށަކުން ފުރައިގެން 20 މިނެޓުން އެއާޕޯޓަކަށް ދެވޭ ސިޔާސަތުގެ މައްޗަށް ހިސާބު ޖަހާއިރު، އަލިފުށިން ފުރައިގެން، މިހާރު ވެސް އެ އަތޮޅުގައި އޮތް އިފުރު އެއާޕޯޓަށް 20 މިނެޓުގެ ދަތުރަކުން ދެވެ އެވެ. ނަމަވެސް އަތޮޅުގެ ދެކުނު ބިތުގައި ރަށްރަށުން ފުރައިގެން އިފުރަށް 20 މިނެޓުން އެއާޕޯޓަކަށް ނުދެވެ އެވެ. އެހެންވެ، އަތޮޅުގެ އެންމެ އުތުރުގައި، ވަކިން އޮތް އަލިފުށީގައި އެއާޕޯޓެއް ހެދިޔަސް، ސަރުކާރުގެ ސިޔާސަތުގެ މިންގަނޑަށް ނުފެތޭނެ އެވެ.

އެއާޕޯޓުގެ އިތުރުން އެ ރަށުން ހުށަހެޅި ކަންކަމުގެ ތެރޭގައި ހިމެނެނީ އެ ރަށު ސްކޫލަށް ދިމާވެފާއިވާ ޕްރިންސިޕްލެއް ނެތުމުގެ މައްސަލަ ހައްލު ކޮށްދެއްވުމަށް އެދިފަ އެވެ. އަދި އެ ރަށުގެ މަގުތައް ޒަމާނީ ފެންވަރަކަށް ތަރައްގީ ކޮށްދިނުމަށައި ފުޓުބޯޅަ ދަނޑެއްގެ އިތުރުން ޒުވާނުންގެ މަރުކަޒެއް ރައްޔިތުން ބޭނުންވާތީ އެކަންވެސް ރައީސަށް ހުށަހަޅަފައިވާނެ ކަމަށް އެ ރަށު ކައުންސިލުން ބުނެ އެވެ.

މީގެ އިތުރުން ސިއްހީ މަރުކަޒަށް ދިމާވެފައިވާ ޖާގައިގެ ދަތިކަން ހައްލު ކުރުމަށް ޒަމާނީ ހޮސްޕިޓަލެއް ގާއިމް ކުރުމަށައި އެ ރަށަށް ދިމާވެފައިވާ ބޯހިޔާވަހި ކަމުގެ މައްސަލަ ހައްލު ކުރުމަށް ޕްލެޓް އެޅުމަށްވެސް ރައީސަށް ކައުންސިލުން ވަނީ ހުށަހަޅާފަ އެވެ.

އަދި އެ ރަށުގެ އިހުތިސޯސްގެ ތެރޭގައި ރ. އުފުލަންދޫ ހިމަނައިދިނުމަށައި ބަނދަރު މަރާމާތު ކުރުމަށްވެސް ވަނީ ހުށަހަޅާފަ އެވެ. ބިން ހިއްކައިގެން އިންޖީނުގެ އެއް އަޅާ މިހާރު ހުރި ކުނިކޮށި އެހެން ތަނަކަށް ބަދަލު ކުރުމަށްވެސް އެ ރަށުން ވަނީ ރައީސަށް ހުށަހަޅާފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox