މުހިއްމު ކުޅުންތެރިން ނުލައި ބްރެޒިލް ރެކޯޑް ދަމަހައްޓައިފި

Sep 3, 2021, 5:29 AM
ޗިލީއާ ދެކޮޅަށް ކުޅުނު މެޗުގައި ބްރެޒިލްގެ މިލިޓާއޯ (ވ) ބޯޅަ ކޮންޓްރޯލްކުރަނީ.

ޗިލީއާ ދެކޮޅަށް ކުޅުނު މެޗުގައި ބްރެޒިލްގެ މިލިޓާއޯ (ވ) ބޯޅަ ކޮންޓްރޯލްކުރަނީ.

މޮންޓެވީޑޯ، އުރުގުއޭ (ސެޕްޓެމްބަރު 3) - ވޯލްޑް ކަޕް ކޮލިފައިން ދެކުނު އެމެރިކާގެ ބުރުގައި ރޭ ބްރެޒިލުން މުހިއްމު ކުޅުންތެރިންތަކެއް ނުލައި ކުޅުނު މެޗުގައި 1-0 އިން ޗިލީ ބަލިކޮށް ކޮލިފައިންގައި މޮޅުވުމުގެ ރެކޯޑް ދަމަހައްޓައިފި އެވެ.

ކްލަބުން ރިލީސްނުދޭތީ އިނގިރޭސި ޕްރިމިއާ ލީގުގައި ކުޅޭ ނުވަ ކުޅުންތެރިން ނުލައި ރޭ ޗިލީއާ ދެކޮޅަށް ނުކުތް ބްރެޒިލަށް މެޗުގައި ހަމައެކަނި ގޯލު ޖަހައިދިނީ ދެ ވަނަ ހާފްގައި އެވަޓަން ރިބެއިރޯ އެވެ.

މި މެޗުގައި ބްރެޒިލް މޮޅުކޮށްދިނުމުގެ އެންމެ ބޮޑު ކްރެޑިޓެއް ހައްގުވާނެ ކުޅުންތެރިއަކީ ކީޕަރު ވެވާޓަން އެވެ. ބްރެޒިލްގެ ޕަލްމެއިރަސް އަށް ކުޅޭ ވެވާޓަން މި މެޗުގައި ބޭނުންކުރަން ޖެހުނީ ލިވަޕޫލްގެ ގޯލްކީޕަރު އެލިސަން ބެކާ އާއި މެންޗެސްޓާ ސިޓީގެ އެޑަސަން މޮރާއެސް ގައުމީ ޓީމަށް ދޫނުކުރާތީ އެވެ. ވެވާޓަން ވަނީ ރޭގެ މެޗުގައި ޗިލީން ފޮނުވާލި ނުރައްކާތެރި ހަމަލާތައް ހުއްޓުވައިފަ އެވެ. އާޓޫރޯ ވިޑާލް އާއި އެޑޮއާޑޯ ވާގާސް ފޮނުވާލި ރަނގަޅު ދެ ހަމަލާއެއް ވެވާޓަން ވަނީ މަތަކޮށްފަ އެވެ.

ޗިލީއާ ދެކޮޅަށް ބްރެޒިލްގެ ކުރިއަށް ކުޅުނު ނޭމާ އާއި ގަބްރިއެލް ބާބޯސާ ފަރާތުން މި މެޗުގައި މާ ބޮޑު ތަފާތެއް ނުފެނުނެވެ.

ދެކުނު އެމެރިކާގެ ކޮލިފައިން ގްރޫޕްގެ އެއް ވަނައިގައި ބްރެޒިލް އޮތީ ހަތް މެޗުން 21 ޕޮއިންޓާ އެކު އެވެ. ދެ ވަނައިގައި އޮތީ ރޭ ވެނެޒުއޭލާ ދަނޑުގައި 3-1 އިން މޮޅުވި އާޖެންޓީނާ އެވެ. އާޖެންޓީނާ އަށް ވަނީ ހަތް މެޗުން 15 ޕޮއިންޓް ލިބިފަ އެވެ. ކޮލިފައިންގައި ދެން ކުޅޭ މެޗުގައި އާދިއްތަ ދުވަހު ބްރެޒިލް ކުޅޭނީ އާޖެންޓީނާއާ އެވެ. ޖުލައި މަހު ކުޅުނު ކޮޕަ އެމެރިކާ ފައިނަލުގައި ބްރެޒިލް އަތުން އާޖެންޓީނާ ވަނީ 1-0 އިން މޮޅުވެފަ އެވެ.

ވެނެޒުއޭލާ އަތުން ރޭ މޮޅުވި މެޗުގައި އާޖެންޓީނާގެ ގޯލުތައް ޖެހީ ލަޓާރޯ މާޓީނޭޒް އާއި އެންހެލް ކޮރޭއާ އަދި ޔަކީން ކޮރޭއާ އެވެ. ވެނެޒުއޭލާގެ ހަމައެކަނި ގޯލު ޖެހީ ޕެނަލްޓީ އަކުން ހޫލިއޯ ސެޓެލްޑޯ އެވެ. މި މެޗުގައި އާޖެންޓީނާގެ ކެޕްޓަން ލިއޮނަލް މެސީ އަށް ވެނެޒުއޭލާ ކުޅުންތެރިން ވަނީ ގިނަ ފައުލުތަކެއް ކޮށްފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox