އިދިކޮޅު މެމްބަރުންގެ އިހުތިޖާޖު ނުހުއްޓުވުމުން އަފީފާމެދު ހިތްހަމަނުޖެހުން

ވިލުފުށީ ދާއިރާގެ މެމްބަރު ހަސަން އަފީފް މަޖިލީހުގެ ރިޔާސަތު ބަލަހައްޓަވަނީ. -ފޮޓޯ: މަޖިލިސް

ވިލުފުށީ ދާއިރާގެ މެމްބަރު ހަސަން އަފީފް މަޖިލީހުގެ ރިޔާސަތު ބަލަހައްޓަވަނީ. -ފޮޓޯ: މަޖިލިސް

ކުރީގެ ރައީސް އަބްދުﷲ ޔާމީންގެ މައްޗަށް ފަސް އަހަރުގެ ޖަލު ހުކުމެއް އިއްވި ކުރިމިނަލް ކޯޓުގެ ގާޒީންގެ ބެންޗުގައި ހިމެނިވަޑައިގަންނަވާ ގާޒީ ހުސެއިން ފާއިޒު ރަޝާދު ކަމަށް ބެލެވޭ މީހެއްގެ އޯޑިއޯއެއް ލީކުވުމާ ގުޅިގެން އެކަން ބެލުމަށް ގޮވާލައި، ރައްޔިތުންގެ މަޖިލީހުގައި އިދިކޮޅު މެމްބަރުން އަޑުގަދަކޮށް، އިހުތިޖާޖުކުރިއިރު، އެކަން ރިޔާސަތުން ނުހުއްޓުވުމުން، ހެންވޭރު ދެކުނު ދާއިރާގެ އެމްޑީޕީ މެމްބަރު ހުސެއިން ޝަހީމް ހިތްހަމަނުޖެހުން ފާޅުކުރައްވައިފި އެވެ.

އެ އޯޑިއޯއާ ގުޅިގެން، ނައިފަރު ދާއިރާގެ އިދިކޮޅު މެމްބަރު އަހުމަދު އަހުމަދު ޝިޔާމް މިއަދު ވަނީ ކުއްލި މައްސަލައެއް ހުށަހަޅުއްވައިފަ އެވެ.

ނަމަވެސް، ހިމާޔަތް ކޮށްފައިވާ ކ. ރަސްފަރު ފަރަށް އެރި ޕެނަމާގެ އެމް.ވީ ނަވިއޯސް އަމާރީލިސް (ބަލްކް ކެރިއާ) އާގު ބޯޓާ ގުޅޭ ކުއްލި މައްސަލައެއް ހަމަ މިއަދުގެ ޖަލްސާއަށް މަކުނުދޫ ދާއިރާގެ މެމްބަރު މުހައްމަދު ރާއީ ވަނީ ހުށަހަޅުއްވައިފަ އެވެ.

އެއާއެކު މަޖިލީހުގެ ގަވައިދާ އެއްގޮތަށް އެއް ޖަލްސާއަކަށް ދެ ކުއްލި މައްސަލަ ހުށަހެޅުމުން، ގުރުލައިގެން، ބަހުސްކުރަން ދިމާވީ ރާއީގެ މައްސަލަ އެވެ.

އެ މައްސަލަ ތަޅުމަށް ބަލައިގަތުމުން، އިދިކޮޅު މެމްބަރުން ވަނީ ކޮޅަށް ތެދުވެ، އަޑުގަދަ ކުރަން ފަށައިފަ އެވެ.

މެމްބަރުން ގޮވާލަމުންދަނީ ފަނޑިޔާރު ގެއަށް ސަރުކާރުން ނުފޫޒު ފޯރުވުން ހުއްޓުވައި ދިނުމަށެވެ. އަދި ރައީސް އިބްރާހިމް މުހައްމަދު ސޯލިހު އަޒުލުކުރަންޖެހޭ ކަމަށް ވެސް ވަނީ ގޮވާލައިފަ އެވެ.

މިއަދުގެ ޖަލްސާގައި ރިޔާސަތުގައި އިންނެވި ވިލުފުށި ދާއިރާގެ މެމްބަރު ހަސަން އަފީފް ވަނީ ޖަލްސާއަށް ކުރިއަށް ގެންދަވަން މަސައްކަތް ކުރައްވައިފަ އެވެ.

އަދި މަޖިލީހުގައި ކުރިއަށް ގެންދެވޭނީ ހުށަހެޅި، އެޖެންޑާ ކުރެވޭ މަސައްކަތްތައް ކަން، އިދިކޮޅު މެމްބަރުންނަށް ނަސޭހަތްތެރިވަމުން އޭނާ ތަކުރާރުކޮށް ވިދާޅުވި އެވެ.

ނަމަވެސް، އިދިކޮޅު މެމްބަރު އަޑުގަދަކުރާތީ، ބަހުސް ކުރިއަށް ނުގެންދެވި، މަޖިލީހުގެ ޖަލްސާ ކުޑައިރުކޮޅަކަށް މެދުކަނޑައިލި އެވެ.

ފަނަރަ މިނެޓު ފަހުން ޖަލްސާ އަލުން ފެށުމާއެކު، އިދިކޮޅު މެމްބަރުން ވަނީ އިހުތިޖާޖު ކުރިއަށް ގެންގޮސް، ޖަލްސާއަށް ހުރަސްއަޅަން މަސައްކަތް ކޮށްފަ އެވެ.

ޖަލްސާއަށް ހުރަސްއަޅާތީ، އެމްޑީޕީއަށް ނިސްބަތްވާ މެމްބަރުން ވަނީ ނިޒާމީ ނުކުތުތާތައް ނަގައި، އިދިކޮޅު މެމްބަރުންގެ ނަން އިއްވައި، ތަޅުމުން ނެރުމަށް ރިޔާސަތަށް ގޮވާލައިފަ އެވެ.

ނަމަވެސް، އެކަން ނުކުރައްވައި، މެމްބަރުންނަށް ނަސޭހަތް ދެމުން ގެންދެވުމުން، ޝަހީމް ވަނީ ނިޒާމީ ނުކުތާއެއް ނަންގަވައި، އަފީފަށް ތުހުމަތުތަކެއް ކުރައްވައިފަ އެވެ.

އޭނާ ވިދާޅުވީ އަފީފް ބޭނުންފުޅު ނަމަ މަޖިލީހުގެ އަޑުގަދަ ކުރާ މެމްބަރުންގެ ނަން ގަވައިދާ އެއްގޮތަށް އިއްވައި ތަޅުމުން ނެރެވިދާނެ ކަމަށެވެ. އެގޮތަށް އަމަލު ކުރައްވަން އަފީފް ދެކޮޅު ހައްދަވާނަމަ ރިޔާސަތު ދޫކޮށްލެއްވުމަށް އޭނާ ގޮވާލެއްވި އެވެ.

"މަޖިލިސް ތިގޮތަށް ނުގެންދަވާ ގަވައިދާ އެއްގޮތަށް ގެންދަވާ. އެހެންނޫނީ މި ބޭފުޅުންނާއެކު [ޕީޕީއެމް / ޕީއެންސީ] އިންނަވާ. މި ބޭފުޅުންނާއެކު ގަޑުބަޑެއް ނުޖެއްސޭނެ މިތާކު. މި ބޭފުޅުންނާ ގުޅިގެން މި މަޖިލިސް މިއަދު ތި ހަރާބު ކުރައްވަނީ. މި ބޭފުޅުންގެ ނަން އިއްވަންވީ،" ޝަހީމް ވިދާޅުވި އެވެ.

އަފީފަށް މިފަދަ ތުހުމަތެއް އަމާޒުވެފައި މިވަނީ، ރައީސް އިބްރާހިމް މުހައްމަދު ސޯލިހަކީ އެމްޑީޕީގެ މެމްބަރެއް ކަމާ މެދު އޭނާ ސުވާލު އުފެއްދެވި މައްސަލައެއް މީގެ ކުރިން ހޫނުވެފައިވަނިކޮށެވެ.

އޭގެ ދިފާއުގައި އަފީފް ވިދާޅުވެފައިވަނީ، ސޯލިހަކީ އަދާލަތު ޕާޓީގެ މެމްބަރެއް ނޫން ކަމެއް ވެސް އެނގިވަޑައިނުގަންނަވާ ކަމަށް ދެންނެވީ އެމްޑީޕީއަށް ވުރެ މާބޮޑަށް އަދާލަތު ޕާޓީއަށް އިތުބާރު ކުރައްވާތީ ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox