މަހުލޫފް މައްސަލާގައި އިތުރު ހެއްކެއް ނުހޯދަން: ފުލުހުން

ޮޕީޖީ ޝަމީމް: އާ ހެެއްކެއް ނުހޯދާ ކަމަށް ފުލުހުން ބުނި - ފޮޓޯ: ހުސެއިން ޝަޔާހު / އަދަދު

ޮޕީޖީ ޝަމީމް: އާ ހެެއްކެއް ނުހޯދާ ކަމަށް ފުލުހުން ބުނި - ފޮޓޯ: ހުސެއިން ޝަޔާހު / އަދަދު

އެންޓި ކޮރަޕްޝަން ކޮމިޝަނުން ފޮނުވާފައިވާ އެމްއެމްޕީއާރުސީއާ ގުޅޭ ޔޫތު މިނިސްޓަރު އަހުމަދު މަހުލޫފަށް ތުހުމަތުވާ ހިޔާނާތުގެ މައްސަލައިގައި އިތުރު ހެކިތަކެއް ހޯދުމުގެ މަސައްކަތް ނުކުރާ ކަމަށް ފުލުހުން ބުނެފި އެވެ.

ފުލުހުން މިހެން ބުނީ، މަހުލޫފަށް ދައުވާ ކުރެވޭނީ ހިތްހަމަޖެހޭ މިންވަރަށް ހެކި ލިބިގެން ކަމަށް ޕްރޮސިކިއުޓާ ޖެނަރަލް ހުސެއިން ޝަމީމް އިއްޔެ ވިދާޅުވުމާ ގުޅިގެންނެވެ. އަދި، ފުލުހުންނާ އެކު މަސައްކަތްތަކެއް ކުރެވޭ ކަމަށް ޝަމީމް ވިދާޅުވެފައިވާތީ އެވެ.

ނަމަވެސް، ފުލުހުންގެ ތަރުޖަމާނު ޔޫނުސް ސޮބާހު ވިދާޅުވި ގޮތުގައި މަހުލޫފުގެ މައްޗަށް ތުހުމަތު ކުރެވޭ މައްސަލާގައި އާ ހެއްކެއް ހޯދުމުގެ މަސައްކަތް ފުލުހުން ނުކުރެ އެވެ. އެކަމަކު، ޕްރޮސިކިއުޓާ ޖެނަރަލްގެ އެދުމުގެ މަތިން ތަހުގީގުގައި ކުރިން ވެސް ހޯދާފައިހުރި ބައެއް ހެކިތަކާ ގުޅޭ ބައެއް ކަންކަން އިތުރަށް ސާފުކޮށްދޭން އެދިފައިވާތީ އެކަން ފުލުހުން ކުރަމުންދާ ކަމަށެވެ.

Advertisement

މަގާމުން ސަސްޕެންޑްކޮށްފައިވާ ޔޫތު މިނިސްޓަރު މަހްލޫފްގެ މައްޗަށް ދައުވާ އުފުލަން ފޮނުވީ މުއައްސަސާތައް ގުޅިގެން ހިންގި ތަހުގީގަށް ފަހު އެވެ. ފުރަތަމަ މިދިޔަ ފެބުރުއަރީ މަހާ ހިސާބުން ފެށިގެން ފުލުސް އޮފީހުގައި އެ މައްސަލަ މަޑުޖެހުނެވެ. ފަހުން މުއައްސަސާތަކަށް އެއްބަސްވެވުނީ އޭސީސީ މެދުވެރިކޮށް, އެ މައްސަލަ ޕީޖީއަށް ފޮނުވުމަށެވެ. އެހެންވެ ޖޫން, 9 ގައި ޕީޖީއަށް އެ މައްސަލަ ފޮނުވި ނަމަވެސް ދައުވާކުރުމާ މެދު ގޮތެއް ނުނިމި އެ އޮފީހުގައި މައްސަލަ އޮތީ މަޑުޖެހިފަ އެވެ.

މި މައްސަލައަށް ނުފޫޒު ވަދެފައިވާ ކަމުގެ ތުހުމަތު މަހްލޫފް ގެންދަވަނީ ކުރައްވަމުންނެވެ.

އޭނާ ވިދާޅުވީ މައްސަލައިގައި ގޮތެއް ނުނިންމަވައި ޝަމީމް ހުންނެވީ ސިޔާސީ ޕްރެޝަރާ ހެދި ކަމަށެވެ. މައްސަލަ ކޯޓަށް ފޮނުވައިފި ނަމަ ދައުލަތް އޮރިޔާވާނެ ކަމަށާއި އެމްއެމްޕީއާރްސީގެ މައްސަލައިގައި އެއްވެސް މީހަކަށް އިތުރަށް ދައުވާ ނުކުރެވޭނެ ކަމަށް ވެސް ވިދާޅުވެފައިވެ އެވެ.

މަހްލޫފްގެ މައްސަލަ ނުނިމި ދިގުލައިގެންދާ ސަބަބާ ގުޅޭ ގޮތުން ނޫސްވެރިން އިއްޔެ ސުވާލުކުރުމުން ޕީޖީ ޝަމީމް ވިދާޅުވީ އެ މައްސަލައިގައި ފުލުހުންނާ އެކު މަސައްކަތްތަކެއް އެބަ ކުރެވޭ ކަމަށެވެ. މައްސަލަ ލަސްވެއްޖެ ކަމަށް ބުނާ ވާހަކައަށް އިންކާރު ނުކުރައްވާ ކަމަށާއި އެކަމަކު ލަސްވިޔަސް އެ އޮފީހުން ގޮތް ނިންމަނީ ބަލަން ޖެހޭ ކަންކަން ރަނގަޅަށް ބަލާފައި ކަމަށް ވިދާޅުވި އެވެ.

އެ މައްސަލަ ލަސްވެފައި އޮތީ ސިޔާސީ އެއްވެސް ނުފޫޒެއް ފޯރައިގެން ނޫން ކަމަށް ޕީޖީ ވިދާޅުވި އެވެ.

"ސިޔާސީ ނުފޫޒެއް އެއްވެސް ނުފޫޒެއް މި މައްސަލައާ ބެހޭ ގޮތުން ވެސް އަދި އެހެން މައްސަލައަކާ ބެހޭ ގޮތުން ވެސް ނެތް. ސަތޭކަ ޕަސެންޓް ޔަގީން އެއްވެސް ނުފޫޒެއް ނެތް."

ޝަމީމް ވިދާޅުވި ގޮތުގައި ނުފޫޒެއްގެ ދަށުވެ ޕީޖީ ކަމުގައި ހުންނަވާކަށް އޭނާ ބޭނުމެއް ނުވެ އެވެ.

މައްސަލަތައް ނިންމާވާނީ އެކަމެއްގައި އެންމެ އިންސާފުވެރި ގޮތަކީ ކޮބައިތޯ ބެލުމަށް ފަހު އެވެ. މިކަމާ މެދު ބޭފުޅަކު ހިތްހަމަޖެހިވަޑައިނުގަތަސް އެ ނޫން ގޮތަކަށް ކުރެއްވެން ނޯންނާނެ ކަމަށް ވިދާޅުވި އެވެ.

ޕީޖީ އޮފީހަށް ފޮނުވާ މައްސަލަތަކުގައި ވީ އެންމެ އަވަހަކަށް ދައުވާ ކުރަން ފޮނުއްވާނެ ކަން ހާމަކުރައްވާފައި އޮތް އިރު މަހްލޫފް މައްސަލަ ލަސްވާ ސަބަބާ ގުޅޭ ގޮތުން ސުވާލުކުރުމުން ޕީޖީ ވިދާޅުވީ އެވްރެޖްކޮށް ހަ ދުވަސް ތެރޭގައި މައްސލަަ ނިންމާނެ ކަމަށް ވިދާޅުވީ "އިންސާފު ގެއްލޭ ގޮތަށް ކަމެއް ކޮށްގެން ނޫން" ކަމަށެވެ. ހޯދަން ޖެހޭ ހެއްކެއް އޮތް ނަމަ 100 ދުވަސް ވިޔަސް ޕީޖީ އޮފީހުން މަސައްކަތް ކުރިއަށް ގެންދާނީ ފުރިހަމައަށް ކަަމަށް ވިދާޅުވި އެވެ.

"ބަލަނީ ވީހާވެސް އަވަހަށް ދައުވާކުރެވޭތޯ. އެހެން ނަމަވަވެސް އަވަހަށް ދައުވާކުރުމަށްޓަކައި އިންސާފުވެރި ނޫން ގޮތަކަށް ގޮތެއް ނިންމުމަކީ ރަނގަޅު ގޮތަކަށް ނުވާނެ،" ޝަމީމް ވިދާޅުވި އެވެ.

"އެއީ މިނިސްޓަރު މަހްލޫފަށް ވިޔަސް، އަދި އެހެން މީހަކަށް ވިޔަސް."

މަހްލޫފްގެ މައްސަލައިގައި ޕީޖީ އޮފީހުން އެންމެ ފަހުން ބުނެފައި ވަނީ ދައުވާ ކުރުމާ މެދު ވަރަށް އަވަހަށް ގޮތެއް ނިންމަވާނެ ކަމަށެވެ. އިއްޔެ ވެސް ޕީޖީ ތާރީހެއް ވިދާޅެއް ނުވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox