ވަޒަން އެތެރެވި މައްސަލަ: ކަސްޓަމްސްއިން ޒަމާނީ މެޝިން ހޯދަނީ

ކޮމިޝަނަރު ޖެނެރަލް އޮފް ކަސްޓަމްސް އަބްދުﷲ ޝަރީފް "އަދަދު" އަށް އިންޓަވިއޫ ދެއްވަނީ: ސްކޭން ކުރުމަށް ޒަމާނީ މެޝިންސްތައް ބަހައްޓަން ވަނީ ނިންމައިފައި-- ފޮޓޯ: ހުސައިން ޝަޔާހް/ އަދަދު

ކޮމިޝަނަރު ޖެނެރަލް އޮފް ކަސްޓަމްސް އަބްދުﷲ ޝަރީފް "އަދަދު" އަށް އިންޓަވިއޫ ދެއްވަނީ: ސްކޭން ކުރުމަށް ޒަމާނީ މެޝިންސްތައް ބަހައްޓަން ވަނީ ނިންމައިފައި-- ފޮޓޯ: ހުސައިން ޝަޔާހް/ އަދަދު

ރާއްޖޭގައި ޗުއްޓީ ހޭދަކުރުމަށް ފަހު ފުރަން ދިޔަ ޓޫރިސްޓެއްގެ އަތުން ވަޒަންތަކެއް ފެނުނު މައްސަލަ ބެލުމަށް ފަހު ކަސްޓަމްސްއިން ރަނގަޅު ކުރަން ޖެހޭ ކަންކަން ކުރަން ފިޔަވަޅުތަކެއް އަޅާފައިވާ ކަމަށް އެ އޮފީހުން ބުނެފި އެވެ.

ޓޫރިސްޓުގެ އަތުން ވަޒަން ފެނުނީ މިދިޔަ މަހުގެ 10 ވަނަ ދުވަހުގެ ހެނދުނެވެ. ވަޒަންތައް ފެނުނީ ފުރަން ދާ މީހުން ޗެކް ކުރުމުގެ ތެރޭގައި އޭވިއޭޝަން ސެކިއުރިޓީ ކޮމާންޑަށެވެ. އުމުރުން 60 އަހަރުގެ އެ މީހާ, މި މައްސަލާގައި ހައްޔަރުކޮށް ވަނީ ޑީޕޯޓްކޮށްފަ އެވެ.

Advertisement

ކޮމިޝަނާ ޖެނެރަލް އޮފް ކަސްޓަމްސް އަބްދުﷲ ޝަރީފް "އަދަދު" އަށް އިއްޔެ ދެއްވި ހާއްސަ އިންޓަވިއުއެއްގައި ވިދާޅުވީ އެ ވަޒަންތަކަކީ އެ ޓޫރިސްޓު މީހާ ރާއްޖެ އައިއިރު ވެސް ގެނައި އެއްޗެހިތަކެއް ކަމަށް ބެލެވޭ ކަމަށެވެ. ނަމަވެސް އޭނާ އެތެރެވިއިރު އޭނާގެ އަތުގައި ވަޒަން ހުރިކަން ސިސްޓަމްގެ ތެރެއިން އެނގެން ނެތް ކަމަށް ޝަރީފް ވިދާޅުވި އެވެ.

ކަސްޓަމްސްގެ އޮފިސަރަކަށް ސިސްޓަމްގެ ތެރެއިން ވެސް އެނގުމެއް ނެތި އެ ވަޒަންތައް އެތެރެވެދާނެ ކަމަށް ޝަރީފް ވިދާޅުވި އެވެ. ސަބަބެއްގެ ގޮތުގައި ދެއްކެވީ އެތަނުގައި ބޭނުންކުރަނީ ޒަމާނީ މެޝިންތަކަކަށް ނުވުމެވެ.

"ޑުއެލް އިމޭޖް ލިބޭ ތަނެއްގައި ސިންގަލް އިމޭޖް ލިބުނީމައި އޭގައި އަޅުގަނޑުމެންނަށް އެހާ ސާފުކަމާއެކީގައި ނޭނގި ދާނެ. ހަމަ އެގޮތަށް އޭނާ ޕެކްކޮށްފައި ހުންނަ ގޮތަކުން ވެސް ނޭނގި ދާނެ،" ޝަރީފް ވިދާޅުވި އެވެ.

"އަޅުގަނޑުމެންގެ އޮފިސަރަށް އެއްޗެއް ފެނިގެން އެއަށް ގޮތެއް ނިންމަން ލިބޭނީ އެންމެ ތިން ސިކުންތު ވަރު. އެއީ ވަރަށް ކުޑަ ވަގުތުކޮޅެއް."

ޝަރީފް ވިދާޅުވީ ޕޯޓް ހިންގާ ފަރާތުން ކަސްޓަމްސްއަށް ގާނޫނުގައި ބުނާ ވަސީލަތްތައް ގާއިމު ކޮށްދޭން ޖެހޭ ކަމަށާއި އެއީ އެފަދަ ކަމެއް ތަކުރާރުވިޔަ ނުދޭން ކަމަށް ވިދާޅުވި އެވެ. އޭގެ ތެރޭގައި އެންމެ ފަހުގެ ޓެކްނޮލޮޖީ ހިމެނޭ ސްކޭން މެޝިންތައް ފޯރުކޮށްދިނުން ހިމެނޭ ކަަމަށް ވިދާޅުވި އެވެ.

އޭނާ ވިދާޅުވި ގޮތުގައި އެ ވަޒަންތައް ފެނުމުން ފާހަގަވި ކަންކަން ރަނގަޅު ކުރުމަށްޓަކައި ޒަމާނީ ފެންވަރުގެ މެޝިންތައް ހޯދުމުގެ މަސައްކަތް އަންނަނީ ކުރަމުންނެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox