"މިއީ މި ފުޅި އަކީ. ވަކި މީހަކަށް، ވަކި އުމުރަކަށް ނެރޭ އެއްޗެއް ނޫން. މިއީ ހުރިހާ އެންމެންގެ ޕްރޮޑަކްޓެއް. ކައުރީ މަސައްކަތް ކުރީ އެންމެންނަށް ބޭނުންކުރެވޭނެ، އެންމެންނާ ގުޅޭ ޕްރޮޑަކްޓެއް ނެރެން. އެންމެ ބޮޑު މަގްސަދަކަށް ވީ ޕްލާސްޓިކް ނޫން ހައްލެއް ހޯދައިދިނުން،"

ސީދާ މައުލޫ އަށް ދިއުމުގެ ކުރިން އިލާލާ ފިހާރައިގެ އެއް ޕާޓްނަރު އަޝްޖައު ޝަހީދުގެ މި ވާހަކަ އެއް ފަށައިގަތީ އެންމެ ފުނުންނެވެ. އޭނާ އަކީ އެ ވިޔަފާރީގެ މުގުލުގައި ހުރި އެންމެ ޒުވާން، ވިސްނުންތެރި އެއް ސިކުނޑިއެވެ. ކަމާ ކަންފަށައި، މި ވާހަކައެއް ދައްކަން އައިސް އަހަރެމެން ޖައްސާލައިގެން ތިބި ރެސްޓޯރަންޓުގެ މޭޒަށް އެރުވި ފުޅިން ތައްޓަށް އެޅި ފެންފޮދުން ކޯވަރަކަށް ދަމާލަމުން، ކިޔައި އެ ދިނީ އިލާލާއިން އަލަށް ނެރުނު ވެކިއުމް ފްލެސްކް، "ކައުރީ ދޯރު" ގެ ތައާރަފެކެވެ.

އެއީ އިލާލާގެ ދިވެހިވަންތަ ލައިފްސްޓައިލް ޕްރޮޑަކްޓް ލައިން "ކައުރީ" މަރުކާގެ އުފެއްދުމެވެ. މީގެ ކުރިން ދިވެހިވަންތަ ކުރެހުން އެޅި މޫދު ސޯޓެއް ތައާރަފު ކުރި އެވެ. ދެން އޮތީ ދިވެހިވަންތަ ނަލަ، އަދި ކަވި ކުރެހުންތަކުގެ ޓީޝާޓް، މި ފަހުރުވެރި ދިވެހި ކުޑަ އެއްގެ ނިވަލަށް ވައްދައިލުމެވެ.

ކައުރީ ދޯރު: ހަތަރު ކުލައެއްގެ ފުޅި ލިބެން އެބަހުރި

"ކައުރީ ދޯރު" ގެ ހާއްސަ ވާހަކަ ތަކާއި "ފެކްޓްސް"

ފުރަތަމަ ކަމަކަށް، "ކައުރީ" އަކުން ދުވަހަކު ދެރައެއް ނުދޭނެ އެވެ. ދެވަނަ ކަމަކަށް، މި ވާހަކަ އެއް މި ލިޔަނީ، މި ފުޅި އެއް ގެއަށް ގެންގޮސް، ދެ ދުވަސް ވަންދެން ފެނާއި ޖޫހާއި ކަޅުސައި މިއަށް އަޅައިގެން ޓެސްޓު ކޮށްފައި ލިބުނު ހިތްހަމަ ޖެހުމާ ވެސް އެކުގަ އެވެ.

ދެން އޮތީ، މި ތަރުމޯޒު ފުޅިއަކުން އެއަށް އަޅާ ފެނާއި ސަޔާއި ޖޫހުގެ ފިނި ހޫނުމިން ހިފަހައްޓައިދޭ ގޮތުގެ "ޓެކްނިކަލް" ވާހަކަ ތަކާއި ދިވެހި ހިރިގަލުގެ ވަޑާމުގެ ގަދީމީ ކުރެހުމުން ބޭރު ފެވި ފުރިހަމަވެގެން، ނުލާއި ކަޅާއި ރަތުން ކުލަވެގެން އަންނަ މި ލުއި، ހިތްގައިމު ފުޅީގެ "ކޫލް" ވާހަކަ ތަކެވެ.

• "ކައުރީ ދޯރު" އަކީ ދެ ލޭޔަރު ގެ ސްޓެންލެސް ސްޓީލް ހިމަނައިގެން ތައްޔާރުކޮށްފައިވާ ވެކިއުމް ފްލެކްސް އެކެވެ. ފުޅީގެ އެންމެ ބޭރު ކަވަރަކީ "އިންސިއުލޭޓެޑް" ބޮޑީ އެކެވެ. މި ކަވަރުގެ ސަބަބުން އެތެރޭގެ ފިނިހޫނުމިން ބޭރަކަށް ނޭނގޭނެ އެވެ. ފުޅި އާ އެކު އަންނަ ދެ މަތިގަނޑަކީ "ތާމަލް ޕްލާސްޓިކް" މަތިގަނޑު ތަކެކެވެ. މި ކަހަލަ މަތިގަނޑު ތަކުގައި އެތެރޭގައި ހުންނަ މާއްދާގެ ފިނިހޫނުމިން ބޭރުވިޔަ ނުދީ ގިނަ އިރު ހިފަހައްޓައިދޭ ސީލިން ޓެކްނިކެއް ބޭނުންކޮށްފައި ހުރެ އެވެ.

• ފުޅި އަށް އަޅާ ހޫނު ފެން އޭގެ ޓެމްޕަރޭޗަރަށް އެއްވެސް ބަދަލެއް ނައިސް 12 ގަޑި އިރަށް ހުރެ އެވެ. ފިނި ފެން އަޅައިފި ނަމަ ފިނިކަން ނުފިލައި 20 ގަޑި އިރަށް ހިފަހައްޓަ އެވެ.
• ފުޅީގެ ބޭރު ކަވަރަކީ 18/8 ސްތެންލެސް ސްޓީލް އެވެ. އެހެންވީމަ، ފިންޏާއި ހޫނުން ދޭ ޝަޒާ އަކުން މި ފުޅި ހަލާކެއް ނުވާނެ އެވެ.

"ކައުރީ ދޯރު" އަކީ ބީޕީއޭ-ފްރީ އުފެއްދުމެކެވެ. ބީޕީއޭ އަކީ ޕްލާސްޓިކް ތައްޓާއި ފުޅި ފަދަ ތަކެތި އުފައްދާ އިރު ބައެއް ފަހަރު ބޭނުންކުރާ "ބިސްޕެނޮލް އޭ" ނަމަކަށް އިންޑަސްޓްރިއަލް ކެމިކަލެކެވެ. ބީޕީއޭ ގައި އިންސާނުންގެ ހަށިގަނޑަށް ގެއްލުންދޭ ގިނަ މާއްދާތަކެއް ހުރެ އެވެ. ބީޕީއޭ-ފްރީ އުފެއްދުންތަކުގައި މި ކެމިކަލް ބޭނުމެއް ނުކުރެ އެވެ.

• "ކައުރީ ދޯރު" ގަންނަ އިރު ފުޅި އާ އެކު ލިބޭ ދެ މަތިގަނޑުން އެކައްޗަކީ އާންމުކޮށް ލޯޝަން ފުޅި ފަދަ ތަކެތީގައި ހުންނަ ކަހަލަ ޕުޝް-ބަޓަން މަތިގަނޑެކެވެ. އެހެންކަމުން އެއް އަތުން ހުޅުވާފައި ލެއްޕޭނެ އެވެ. ދެން އިންނަނީ ތުން ޖަހާ ތަންކޮޅު ދިގުކޮށް އަނބުރައިގެން ނަގާ މައްޗެއް އިންނަ މަތިގަނޑެކެވެ. މި ދެ މަތިގަނޑަކީ ވެސް ގެންގުޅެން ފަސޭހަ، ސާދާ ޑިޒައިނެއްގެ ދެ މަތިގަނޑެވެ.
• ކައުރީ ފުޅީގެ މައި "ލިޑް" ނަގައިލުމުން ފުޅީގެ އަނގަ އިންނާނީ ވަށް ބުރަ އަށް ހުންނަ ބިއްލޫރި ތައްޓެއްގެ އަނގަ އާއި އެއްވަރަށް ބޮޑުކޮށެވެ. މީގެ ސަބަބުން ފުޅި ދޮންނަން ފަސޭހަ ވާނެ އެވެ.
• ފުޅީގެ ތިން ސައިޒެއް ލިބެން ހުރެ އެވެ. 540 އެމްއެލް އާއި 650، އަދި 720 އެމް އެލްގެ ފުޅި އިލާލާ އިން ގަނެވޭނެ އެވެ. އެހެންވީމަ ސްކޫލް ކުދިންގެ އިންޓަވަލް އަށް ވެސް މި ފުޅި ބޭނުންކުރެވޭނެ އެވެ.
• އަގު: 540 އެމްއެލް - 450ރ.، 650 އެމްއެލް - 500ރ.، އަދި 720 އެމް އެލްގެ ފުޅިއެއް 550 ރ. އެވެ.

މީގެ ފުޅިއެއް ބޭނުން ނަމަ އިލާލާގެ 9677830 އަށް ގުޅާލައިގެން ނުވަތަ ފޭސްބުކް ޕޭޖުން އޯޑަރު ދެވޭނެ އެވެ. މާލެ، ހުޅުމާލެ، އަދި މާލެއިން ފުރާ ބޯޓު ފަހަރަށާއި، ލޯންޗްފަހަރަށް ހިލޭ ޑެލިވަރީ ކޮށްދެ އެވެ.

ކައުރީ ދޯރު

ދިވެހި "ފީލްސް"، ދިވެހި "ވައިބް"

ދިވެހިންގެ ލެޔާއި ހިތާއި ފިތާއި އެންމެ ރަނގަޅަށް ކުޅެލެވޭނީ ދިވެހި އުފެއްދުމަކުންނެވެ. ގޭމުގެ ކުރީގައި އިލާލާ އޮތީ އެހެންވެ އެވެ. ދެން ވެސް ދިވެހިން މާޔޫސް ނުކޮށްލާނެ އެވެ.

"އަޅުގަނޑުމެންގެ ވިސްނުމުގައި ދެން އެންމެ އަވަހަށް ހުރީ ކައުރީ ބްރޭންޑުގެ ޓީޝާޓް ތަކެއް ނެރުން. އެވެސް ދިވެހި ވާނެ،" އަޝްޖައުގެ ސްޓައިލްގައި ޖަހައިލީ ހިނިގަނޑެކެވެ.

އެއީ އޭނާގެ ސަމާސާ މިޒާޖުގައި ދިން ޔަގީން ކަމެކެވެ.