އުރީދޫ އަތޮޅު ދުވުމުގައި ބައިވެރިނުވެވި ތިބި މީހުން މާބޮޑަށް ހާސްވާނެ ކަމެއް ނެތެވެ. ދުވުން ފުރިހަމަ ކުރުމުގެ ފުރުސަތު އިތުރުކޮށްފި އެވެ.
ރާއްޖެއަށް ޓެލެކޮމިއުނިކޭޝަނަށް އިންގިލާބީ ބަދަލެއް ގެނުވި އުރޫދޫން އިންތިޒާމުކޮށްގެން ބާއްވާ އަތޮޅު ދުވުން ފުރިހަމަކުރުމުގެ މުއްދަތު އިތުރުކުރީ އެ ކުންފުނިން ބުނި ގޮތުގައި، ސްކޫލް ބަންދާއި މޫސުމީ ހާލަތާއި ގުޅިގެން، ދުވުން ފުރިހަމަ ކުރުމަށް ވަގުތު އިތުރުކުރުމަށް ގިނަ ބަޔަކު އެދުމުންނެވެ.
ދުވުން ފުރިހަމަ ކުރުމުގެ މުއްދަތު އިތުރުކުރީ މި މަހު 14ގެ ނިޔަލަށެވެ.
ދުވުމުގައި ބައިވެރިވާ ފަރާތްތަކުން 5 ކިލޯމީޓަރު އަދި 10 ކިލޯމީޓަރުގެ ދުވުން ސްޓްރާވާ އެޕް، ގާމިން ކަނެކްޓް، ރަންޓާސްޓިކް، ނައިކް ރަން ކްލަބް ނުވަތަ ރަންކީޕަ އެޕްލިކޭޝަން މެދުވެރިކޮށް ޓްރެކްކޮށް، ނިންމާފައިވާ ރަން ރޫޓްގެ ސްކީންޝޮޓް، ކޮންފަމޭޝަން މެސެޖާ އެކު ލިބުނު ލިންކަށް އަޕްލޯޑް ކުރުމުން ޑިޖިޓަލް މެޑަލެއް ލިބިވަޑައިގަންނަވާނެ އެވެ.
ދުވުން ފުރިހަމަކުރާ ފަރާތްތަކުން "ރަން މޯމެންޓްސް" އަދި ޑިޖިޓަލް މެޑަލް ފޭސްބުކް، އިންސްޓަގްރާމް އަދި ޓްވިޓަރުގައި ޝެއާ ކޮށްގެން އިނާމް ހޯދުމުގެ ފުރުސަތު ވެސް ވަނީ 14 އޯގަސްޓް ގެ ނިޔަލަށް އިތުރުކޮށްފަ އެވެ. ސޯޝަލް މީޑިއާގައި ޝެއާކޮށްގެން އުރީދޫ މޯލްޑިވްސްގެ އެކައުންޓް ޓެގްކޮށް OoredooAtholhuDhuvun# ހޭޝްޓެގް ބޭނުންކުރަންޖެހޭނެ އެވެ.
ނަސީބުވެރި ފަރާތްތަކަށް ލިބޭ އިނާމްތައް
- މަމަކް ރެސްޓޯރެންޓްއިން ދެ މީހަކަށް ކެއުން
- ލަ ވެރާ ޕިޒޭރިއާ އިން ދެމީހަކަށް ޕިއްޒާ
ޑިޖިޓަލް މެޑަލް ޝެއާ ކުރާ ފަރާތްތަކުގެ ތެރެއިން ނަސީބުވެރި ފަރާތްތަކަށް ލިބޭ އިނާމުތައް
- ލި ޕާފިއުމްގެ ފަރާތުން ގިފްޓް ޕެކެއް
- ޕިއްޒާ ކިޗަންއިން ޕިއްޒާ އެއް
މީގެ އިތުރުން ދުވުން ފުރިހަމަކޮށް ޑިޖިޓަލް މެޑަލް ލިބުމުން އަސްލު މެޑަލް ބޭނުންވާ ފަރާތްތަކަށް ކުޑަ އަގަކާއެކު މޫލީ މެދުވެރިކޮށް އަޕްގްރޭޑްކޮށްލުމުން ރާއްޖޭގެ ކޮންމެ ހިސާބެއްގައި ހުރި ނަމަވެސް ހިލޭ ޑެލިވާ ކޮށްދޭނެ ކަމަށް އުރީދޫއިން ބުނެ އެވެ.
އުރީދޫ އަތޮޅު ދުވުމަކީ އެކަނިވިޔަސް އަދި އާއިލާ އާއި ރައްޓެހިންނާ އެކުގައި ވެސް، ގައިދުރުކަމާ އެކު ބައިވެރިވެ މަޖާ ވަގުތުކޮޅެއް ހޭދަކޮށްލެވޭނެ އިވެންޓެކެވެ. މުޅި ރާއްޖެ އާއި ރާއްޖެއިން ބޭރުން ވެސް ބައިވެރިވުމަށް ހުޅުވާލެވިފައިވާ މި ދުވުމަށް ޝައުގުވެރިވާ އެންމެހާ ފަރާތްތަކުން ބައިވެރިވުމަށް އުރީދޫއިން މަރުހަބާކިޔަ އެވެ. މި ވާޗުއަލް ދުވުމުގެ އިތުރު މައުލޫމާތު އުރީދޫ ވެބްސައިޓުން އަދި އުރީދޫ މޯލްޑިވްސްގެ ސޯޝަލް މީޑިއާ ޕޭޖްތަކުން ލިބޭނެ އެވެ.
