ރާއްޖޭގެ ޒުވާން ތަރި އީތަން އަށް ރެޝްފޯޑްގެ ސަމާލުކަން

Aug 8, 2021, 8:19 PM
ރެޝްފޯޑް (ކ) އާއި އީތަން (ވ).

ރެޝްފޯޑް (ކ) އާއި އީތަން (ވ).

ރާއްޖޭގެ ފުޓްބޯޅައިގެ މުސްތަގުބަލު ގޮތުގައި ގިނަ ބަޔަކު ސިފަކުރަނީ މިހާރު އަރަމުން އަންނަ 13 އަހަރުން ދަށުގެ ގައުމީ ފުޓްބޯޅަ ޓީމެވެ. އޭގެ ތެރެއިން ހާއްސަ އެއް ކުޅުންތެރިއަކީ އީތަން އިބްރާހިމް ޒަކީ އެވެ. އޭނާ އަކީ ޒުވާން އުމުރުގައި ވެސް ބައިނަލްއަގުވާމީ ތަޖުރިބާ ރަނގަޅު ލެވަލަކަށް ލިބިފައިވާ ކުޅުންތެރިއެކެވެ. އީތަންގެ ހަޔާތުގައި މިރޭ މި ވަނީ ހަނދާނުން ފޮހެލަން އުނދަގޫ ވަގުތު ކޮޅެއް ކުރިމަތިވެފަ އެވެ.

ޓްވިޓާގައި އަލްމާ އަލީލް ހިއްސާކުރި ޕޯސްޓެއްގައި ލިޔެފައިވަނީ އިނގިރޭސި ކްލަބް މެންޗެސްޓާ ޔުނައިޓެޑަށް ކުޅުމުގެ އުއްމީދުގައި ހުރި އުމުރުން 12 އަހަރުގެ އީތަން އަށް މެންޗެސްޓާ ޔުނައިޓެޑްގެ ތަރި މާކަސް ރެޝްފޯޑްގެ ހަޔާތާ ބެހޭ ފޮތެއް ލިބިގެންދިއުމަކީ އެ ފޮތުގެ އެހީގައި އެންމެ މޮޅު ކުޅުންތެރިއަކަށް ވުމަށް އީތަން ދެކޭ ހުވަފެން ހަގީގަތަކަށް ހެދުމަށް ލިބިގެންދިޔަ ހިތްވަރެއް ކަމަށެެވެ.

އަދި އެ ޓްވީޓްގައި ވަނީ އަރަމުން އަންނަ ޖީލަށް ޓަކައި އެ ފަދަ ފޮތެއް ނެރުމަށް ކުރި މަސައްކަތަށް ރެޝްފޯޑަށް ޝުކުރު އަދާކޮށްފަ އެވެ. އެ ޓްވީޓަށް ރެޝްފޯޑްގެ ރަސްމީ ޓްވިޓާ އެކައުންޓުން ވަނީ ޖަވާބު ދީފަ އެެވެ. ރެޝްފޯޑް ވަނީ އެ މަންޒަރު ހިއްސާކުރީތީ އުފާކުރާ ކަމަށް ބުނެފަ އެވެ.

Advertisement

އެފްއޭއެމް ފައުންޑޭޝަންގެ އެންމެ ހަގު އެމްބަސަޑަރުގެ ގޮތުގައި ހުރި އީތަން އަކީ ރާއްޖޭގެ ފުޓްބޯޅައިގެ މުސްތަގުބަލުގެ ގޮތުގައި ގިނަ ބަަޔަކު ފާހަގަކުރެ އެވެ. އެއީ އީތަންގެ ފަރާތުން ޒުވާން އުމުރުގައި ފެންނަ އާދަޔާހިލާފު މޮޅު ކުޅުމުގެ ސަބަބުންނެވެ.

ކުރިން ނިއު ރޭޑިއަންޓް އެކެޑަމީ އާއި ޓީސީ ސްޕޯޓްސް އެކެޑަމީގައި ތަމްރީންތައް ފުރިހަމަކުރި އީތަން މިހާރު ޓްރެެއިނިންތައް ކުރިއަށް ގެންދަނީ ކްލަބް ވެލެންސިއާގެ އެކެޑަމީގަ އެވެ. އޭނާގެ ކޯޗުންގެ ގޮތުގައި އެ ހުރިހާ ޓީމެއްގައި ވެސް މައިގަނޑު ގޮތެއްގައި މަސައްކަތްކޮށްފައިވަނީ އެއް ކޯޗުންތަކެކެވެ. އެ ގޮތުން އެންމެ ފުރަތަމަ އީތަން ގޮވައިގެން ޓްރެއިނިންގައި އުޅުނު ގައުމީ ޓީމުގެ ކުރީގެ ކުޅުންތެރިޔާ ޔޫސުފް އަޒީމް (ޔޫއްޓެ) އާއި ފަރީދު މުހައްމަދު (ފަރިއްޓެ) ފެށި ދުވަސްވަރު އިސް މަސައްކަތްތަކެއް ކުރި އެވެ. ފަހުން ސޮބާހު މުހައްމަދު (ސޮބާ)ގެ ކޯޗުކަމުގައި ވެސް އީތަން އަންނަނީ ގިނަ ކަންތައްތަކެއް ދަސްކުރަމުންނެވެ.

މިހާތަނަށް ރާއްޖޭން ބޭރުން ލިބޭ ފުރުސަތުތަކުގެ ބޭނުން އީތަން ވަރަށް ރަނގަޅަށް ހިފަ އެވެ. ލަންކާ އެކެޑަމީ މެދުވެރިވެ އީތަން ވަނީ އިންގްލެންޑަށް ގޮސްފަ އެވެ. އަދި ތައިލެންޑުގެ ޔޫތު ޓީމަކާ އެކު ސްޕެއިނާއި ފްރާންސްގެ މުބާރާތްތަކެއްގައި ކުޅެފައިވެ އެވެ.

އީތަން: މުސްތަގުބަލު އޮތް ހުނަރުވެރި މޮޅު ކުޅުންތެރިއެއް.-- ފޮޓޯ: އަވްޝަން އިލްޔާސް

އޭގެ އިތުރުން މިދިޔަ އަހަރު ދުބާއީގައި ބޭއްވި އިންޓަ ކޮންޓިނެންޓަލް މުބާރާތުގައި ގައުމީ 13 އަހަރުން ދަށުގެ ޓީމުގައި ހިމެނިގެން އީތަން ވަނީ ދުނިޔޭގެ މަޝްހޫރު ޓީމުތަކާ ކުޅެފަ އެވެ. އޭގެ ތެރެއިން އީތަން އަށް ހާއްސަ ތަޖުރިބާ އަކީ އާސެނަލާ ދެކޮޅަށް ގައުމީ ޓީމު ކުޅުނު މެޗެވެ. އެ ދުވަހު ރާއްޖޭގެ ކެޕްޓަން ބޭންޑް އަޅައިގެން ކުޅުނީ އީތަން އެވެ.

ޕްރޮފެޝަނަލްކޮށް ފުޓްބޯޅައިގައި ކުރިއަށް ދިއުމުގެ ގޮތުން އާޖީލަކަށް ޕްރޮގްރާމްގައި ވެސް ބައިވެރިވަމުން އަންނަ އީތަން ވަނީ 2019 ވަނަ އަހަރު ޓޫރިޒަމް ދުވަހު ބޭއްވި ކިޑްސް ފުޓްބޯލް ފިއެސްޓާގެ އެންމެ މޮޅު ކުޅުންތެރިންގެ ތެރޭގައި ހިމެނި ދުބާއީގައި ސްޕެއިނުގެ ކުރީގެ ޑިފެންޑަރު މިޝެލް ސަލްގާޑޯ ހިންގާ އެކެޑަމީގައި ތަމްރީން ހެދުމުގެ ފުރުސަތު ހޯދައިފަ އެވެ. އޭގެ ފަހުން 2019 ވަނަ އަހަރު ޑިސެމްބަރުގައި ޓީސީ އެކެޑަމީއާ އެކު ތައިލެންޑް އިންޓަނޭޝަނަލް ޔޫތު ކަޕްގައި ކުޅެ ރިހި މެޑަލް ހޯދި ޓީމުގައި ވެސް އީތަން ވަނީ މޮޅު ކުޅުމެއް ދައްކައިފަ އެވެ.

ސްޕެއިނުގެ ދަ ނެކްސްޓް ޖެނެރޭޝަން ސްޕޯޓްސް (ޓީއެންޖީއެސް) އިން ކުރިއަށް ގެންދިޔަ ވާޗުއަލް ކޭމްޕްގެ ބެޗްގެ މަތީ ވަނައެއް ހޯދައި ސްޕެއިނަށް ޓްރެއިނިން ކޭމްޕެއް ދިއުމުގެ ފުރުސަތެއް ވެސް އީތަން ހޯދި އެވެ.

އީތަން ކާމިޔާބު ފުޓްބޯޅަ ކުޅުންތެރިއަކަށް ހެދުމަށް އެންމެ ބޮޑަށް އެހީތެރިވަނީ އޭނާގެ މައިންބަފައިންނެވެ. އެންމެ ތުއްތުއިރުން ފެށިގެން އީތަން ފުޓްބޯޅަ އަށް ހާއްސަ ޝައުގެއް ހުންނަކަން ފާހަގަވެ، އޭނާ އަށް ކޮށްދޭން ޖެހޭ ކަންތައްތައް އެންމެ ކުޑައިރުން ފެށިގެން ޝެޑިއުލް ރާވައިގެން ކުރިއަށްގެންދަނީ ކުޅެެން ވަގުުތު ލިބޭ ގޮތަށެވެ. އާންމު ގޮތެއްގައި ރާއްޖޭން ބޭރަށް ޗުއްޓީ އަކަށް ދާއިރު ވެސް އީތަން އަށް ޓްރެއިނިން ކޭމްޕެއް ލިބޭތޯ ގިނަ ގޮތްގޮތުން ބަލަ އެވެ.

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox