ސްޕެއިން ބަލިކޮށް ބްރެޒިލުން އޮލިމްޕިކް ރަން މެޑަލް ދިފާއުކޮށްފި

Aug 7, 2021, 2:33 PM
ޗެމްޕިއަންކަން ހޯދުމަށް ފަހު ބްރެޒިލް ކުޅުންތެރިން އުފާފާޅުކުރަނީ.-- ފޮޓޯ: އޭއެފްޕީ

ޗެމްޕިއަންކަން ހޯދުމަށް ފަހު ބްރެޒިލް ކުޅުންތެރިން އުފާފާޅުކުރަނީ.-- ފޮޓޯ: އޭއެފްޕީ

ޓޯކިޔޯ (އޮގަސްޓް 7) - ޓޯކިޔޯ އޮލިމްޕިކްސްގެ ފިރިހެން ފުޓްބޯޅަ އިވެންޓް ފައިނަލުގައި ވަރުގަދަ ސްކޮޑަކާ އެކީ އޮތް ސްޕެއިން އަތުން 2-1 އިން މޮޅުވެ، ބްރެޒިލުން ރަން މެޑަލް ދިފާއުކޮށްފި އެވެ.

މިއީ އޮލިމްޕިކްސްގެ ފިރިހެން ފުޓްބޯޅަ އިވެންޓްގައި ބްރެޒިލުން ޖެހިޖެހިގެން ކުޅުނު ތިން ވަނަ ފައިނަލެވެ. ލަންޑަން އޮލިމްޕިކްސްގައި 2012 ވަނަ އަހަރު ބްރެޒިލް ބަލިވީ ފައިނަލްގައި މެކްސިކޯ އަތުންނެވެ. އޭގެ ފަހުން 2016 ވަނަ އަހަރު އަމިއްލަ ފަސް ގަނޑުގައި ވަނީ ޖަރުމަނު ބަލިކޮށް ރަން މެޑަލް ހޯދައިފަ އެވެ. އަދި މިރޭ ވަރުގަދަ ސްޕެއިން ބަލިކޮށް ބްރެޒިލުން ކާމިޔާބީ ދިފާއުކުރީ އެވެ.

ބްރެޒިލުން 2002 ވަނަ އަހަރުގެ ފީފާ ވޯލްޑް ކަޕް ތަށި އުފުލާލި ސްޓޭޑިއަމްގައި މިރޭ ކުޅުނު ފައިނަލުގައި ބްރެޒިލްގެ ޒުވާން ޓީމުން މި ވަނީ ރަނގަޅު ކާމިޔާބެއް ހޯދައިފަ އެވެ. ތޭވީސް އަހަރުން ދަށަށް ހާއްސަކޮށްގެން ކުޅޭ އޮލިމްޕިކްސްގެ ފުޓްބޯޅަ އިވެންޓްގައި ސީނިއާ ތިން ކުޅުންތެރިން ހިމެނުމުގެ ފުރުސަތު އޮވެ އެވެ.

Advertisement

ރިއޯގައި 2016 ވަނަ އަހަރު ބޭއްްވި އޮލިމްޕިކްސް ކާމިޔާބުކުރި ބްރެޒިލްގެ އެއްވެސް ކުޅުންތެރިއަކު މި ފަހަރުގެ ސްކޮޑުގައި ނުހިމެނެ އެވެ. ސްކޮޑުގައި ހިމުނު ކުޅުންތެރިންގެ ތެރެއިން މި ކާމިޔާބީ އެންމެ ހާއްސަވާނީ ޓީމުގެ ކެޕްޓަން ޑެނީ އަލްވޭސް އަށެވެ. އުމުރުން 38 އަހަރުގެ އަލްވޭސް އަށް އޮލިމްޕިކްސް އިން މި ލިބުނު ރަން މެޑަލަކީ އޭނާ ފުރިހަމަ ކެރިއަރުގެ 44 ވަނަ ކާމިޔާބީ އެވެ.

މެޗު ނިމުމުން އަލްވޭސް އެ ޓީމުގެ ބައެއް ކުޅުންތެރިންނާ އެކު.-- ފޮޓޯ: އޭއެފްޕީ

މިރޭގެ ފައިނަލުގައި ލީޑުނަަގައިދޭން ބްރެޒިލްގެ ރިޗާލިސަން ފޮނުވާލި ޕެނަލްޓީ ދިޔައީ ހުރަސްދަނޑިމަތިންނެވެ. އެކަމަކު، ބްރެޒިލުން ފުރަތަމަ ހާފު ނިންމާލީ ކުރީގައި އޮވެގެންނެވެ. އަލްވޭސް ދިން ބޯޅައަކުން ފުރަތަމަ ހާފުގެ އިތުރު ވަގުތުގައި ބްރެޒިލަށް ލީޑުނަގައިދިނީ މަޓެއަސް ކޫނިއާ އެވެ.

ދެ ވަނަ ހާފް ފެށިގެން ދެ ބަދަލެއް ސްޕެއިނުން ގެނަ އެވެ. ކާލޯސް ސޮލާ އާއި ބްރަޔާން ހިލް ކުޅެން އެރުވި އެވެ. އެ ދެ ކުޅުންތެރިން ގުޅިގެން އުފެއްދި އެޓޭކެއްގައި މެޗުގެ 60 ވަނަ މިނިޓްގައި ސްޕެއިނަށް އެއްވަރުކޮށްދިނީ މިކޭލް އޮޔާޒަބާލް އެވެ. އޮޔާޒަބާލް އެ ގޯލު ޖެހުމުގެ ކުރިން ރިޗާލިސަން އަތުން ވަނީ ބްރެޒިލަށް ލީޑުފުޅާކޮށްދޭން ލިބުނު ރަނުގެ ފުރުސަތެއް ގެއްލިފަ އެވެ. ރިޗާލިސަން ޖެހި ބޯޅަ ގޯލުގެ ހުރަސްދަނޑި އަށް އަމާޒުވީ ސްޕެއިނުގެ ކީޕަރު އުނާއި ސިމޯން އަތުގައި ޖެހިފަ އެވެ.

މެޗުގެ ފުރިހަމަ ވަގުތު ހަމަވުމުގެ ކުރިން ސްޕެއިނުން ފޮނުވާލި ދެ ހަަމަލާއެއް ވަނީ ގޯލުގެ ހުރަސްދަނޑިއަށް އަމާޒުވެފަ އެވެ. ސްޕެއިނުގެ ފުލްބެކް އޮސްކާ ހިލް ނެގި ހުރަސް ބްރެޒިލްގެ ކީޕަރު ސަންޓޯސް އަތްމަތިން އޮއްސިގެން ގޮސް އަމާޒުވީ ހުރަސްދަނޑިއަށެވެ. އޭގެ ފަހުން އޭރިއާބޭރުން ބްރަޔާން ހިލް ޖެހި ބާރު ބޯޅަ ވެސް އަމާޒުވީ ހުރަސްދަނޑިއަށެވެ.

ނަތީޖާ ނެރެން ކުޅުނު އިތުރު ވަގުތުގެ ދެ ހާފްގެ ތެރެއިން ދެ ވަނަ ހާފުގައި ބްރެޒިލް މޮޅުވި ގޯލު ޖެހީ މެލްކަމް އެވެ. ބްރެޒިލްގެ އެންތޮނީ މަތިން ފޮނުވާލި ބޯޅައެއް ސްޕެއިނުގެ ފުލްބެކް ހީސޫސް ވައޭހޯ އަތުން ހޯދުމަށް ފަހު މެލްކޮމް ވަނީ އޭރިއާތެރެއިން ގޯލުގެ ދުރު ކަނަށް ބޯޅަ އަމާޒުކޮށްލައިފަ އެވެ.

ބްރެޒިލުން ރަން މެޑަލް ހޯދިއިރު، ސްޕެއިނަށް ވަނީ 2000 ވަނަ އަހަރަށް ފަހު ފުރަތަމަ ފަހަރަށް ރިހި މެޑަލް ލިބިފަ އެވެ. އަދި މެކްސިކޯ އިން ވަނީ ޖަޕާން ބަލިކޮށް ލޯ މެޑަލް ހޯދައިފަ އެވެ. ބްރެޒިލަކީ އޮލިމްޕިކް ރަން މެޑަލް ދިފާއުކުރި ފަސް ވަނަ ގައުމެވެ. މީގެ ކުރިން ގްރޭޓް ބްރިޓިއަން، އުރުގުއޭ، ހަންގޭރީ އަދި އާޖެންޓީނާ އިން ވަނީ އޮލިމްޕިކް ރަން މެޑަލް ދިފާއުކޮށްފަ އެވެ.

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox