ހަރުކަށި ފިކުރުގެ ގައިދީން ހާއްސަ ޔުނިޓަކަށް ބަދަލު ކުރަނީ

Jul 22, 2021, 4:59 AM
މާފުށި ޖަލުގެ ބޭރުން ނަގާފައިވާ ފޮޓޯއެއް؛ ގާތްގަނޑަކަށް 40-50 ދެމެދުގެ އަދަދަކަށް ހަރުކަށި ފިކުރުގެ މީހުން އެ ޖަލުގައި އުޅޭ ކަމަށް ކަރެކްޝަންސް އިން ބުނޭ -- ފޮޓޯ: ފައިލް

މާފުށި ޖަލުގެ ބޭރުން ނަގާފައިވާ ފޮޓޯއެއް؛ ގާތްގަނޑަކަށް 40-50 ދެމެދުގެ އަދަދަކަށް ހަރުކަށި ފިކުރުގެ މީހުން އެ ޖަލުގައި އުޅޭ ކަމަށް ކަރެކްޝަންސް އިން ބުނޭ -- ފޮޓޯ: ފައިލް

ޓެރަރިޒަމްގެ ފިކުރު ޖަލުގައި ފެތުރުން ހުއްޓުވުމަށާއި ޓެރަރިސްޓުން ރިހެބިލިޓޭޓް ކުރުމަށް މާފުށީ ޖަލުގައި ބޮޑު އޮޕަރޭޝަނެއް ފަށައި ހަރުކަށި ފިކުރުގެ މީހުން ހާއްސަ ޔުނިޓަކަށް ބަދަލު ކުރުމަށް ނިންމައިފި އެވެ.

ކޮމިޝަނާ އޮފް ޕްރިޒަންސް އަހުމަދު މުހައްމަދުފުޅު "އަދަދު" އަށް ދެއްވި ހާއްސަ އިންޓަވިއެއްގައި ވިދާޅުވީ މާފުށީ ޖަލުގައި ހޯމް މިނިސްޓްރީގެ ފަރާތުން އަލަށް ހަދާފައި ޔުނިޓް އަށަކަށް އަންނަ އޯގަސްޓު މަހު ގައިދީން ބަދަލު ކުރާއިރު އެ ޔުނިޓަށް މުޅިން ވެސް ބަދަލު ކުރާނީ ހަރުކަށި ފިކުރުގެ މީހުން ކަމަށެވެ.

"މިހާރު ވެސް އަޅުގަނޑުމެންނަށް ފާހަގަ ކުރެވެ ގާތްގަނޑަކަށް 40-50 ދެމެދުގެ އަދަދަކަށް ހަރުކަށި ފިކުރުގެ ގައިދީން. އެމީހުންނަކީ ޓެރަރިޒަމް ފަދަ ނުރައްކާތެރި ކުށްތަކުގައި ހުކުމްކޮށްފައި ތިބި މީހުން ނުވަތަ އަޅުގަނޑުމެންނަށް އެކި ގޮތްގޮތުން ފާހަގަވެފައި ތިބި މީހުން،" އަހުމަދު ވިދާޅުވި އެވެ.

އޭނާ ވިދާޅުވީ މާފުށީ ޖަލުގެ ޔުނިޓް އަށެއް ހިންގާނީ ސްޕެޝަލް މެނޭޖްމަންޓް ޔުނިޓެއްގެ ގޮތުގައި ކަމަށެވެ. އަދި ކަމާ ގުޅޭ މާހިރުންނާ ގުޅިގެން އެ ޔުނިޓު ހިންގާގެ ގޮތުގެ ސްޓޭންޑާޑް އޮޕަރޭޝަން ޕްރޮސީޖާއެއް ހަދައި، ރިހެބިލިޓޭޝަންގެ ކަންކަން ކުރިއަށްގެންދާނެ ގޮތް ވެސް ނިންމާފައިވާ ކަމަށް އޭނާ ވިދާޅުވި އެވެ.

"އެހެންވީނަ އޭގެން ހަރުކަށި ފިކުރުގަ އުޅޭ މީހުން ވެސް އަޅުގަނޑުމެންނަށް ކްލެސިފައި ކުރެވޭނެ. އެމީހުންގެ ތެރެއިން ވަލްނަރަބަލް މީހުންނަށްވާ މީހުންނަކީ ކޮބައިތޯ އާއި ނޫން ނަމަ އެމީހުންނަށް ހަމްދަރުދީވާ މީހުންނަކީ ކޮބައިތޯ ދަނެގަނެވޭނެ،" އަހުމަދު ވިދާޅުވި އެވެ.

"ވިސްނުމަކީ އެމީހުން ވަކިން ގެންގުޅެފަ ވަކި ޕްރޮގްރާމްތަކެއް އަދި ޓްރީޓްމަންޓްތަކެއްގެ ތެރޭގައި ބަހައްޓާގައި މުޖްތަމައުއަށް ރިއިންޓަގްރޭޓް ކުރަން."

މިހާރު ވެސް ވީހާ ވެސް ބޮޑަކަށް ހަރުކަށި ފިކުރުގެ މީހުން ވަކިން ބެހެއްޓޭތޯ މަސައްކަތް ކުރަމުންދާ ކަމަށް އަހުމަދު ވިދާޅުވި އެވެ. އަދި ބައެއް ނުރައްކާތެރި މީހުން މިހާރު ވެސް ތިބޭނީ އެއް ގޮޅީގައި އެކަނި ކަމަށް އޭނާ ވިދާޅުވި އެވެ.

މިހާރު ވެސް ކިތަންމެ ޖާގަ ސްޓްރެޗް ވިޔަސް ހުންނާނެ ބައެއް މީހުން ހަމަ ވަކިން އައިސޮލޭޓްކޮށްފަ،" އޭނާ ވިދާޅުވި އެވެ.

ގެއްލުވާލާފައިވާ މީހުންނާއި ގޮތް ނޭނގޭ މަރުތައް ތަހުގީގު ކުރާ ކޮމިޝަނުން ބުނެފައިވާ ގޮތުގައި ރާއްޖޭގައި އެންމެ ފުޅާ ދާއިރާއެއްގައި ހަރުކަށި ފިކުރު ފަތުރަނީ ޖަލުތަކުގަ އެވެ. އަދި ގައިދީންގެ އިތުރުން ބައެއް ޖަލު ގާޑުން ވެސް ހަރުކަށި ފިކުރަށް ހެއްލިފައިވާ ކަމަށް އެ ކޮމިޝަނުން މީގެ ކުރިން ބުނެފައިވެ އެވެ.

މިދިޔަ މެއި 6، ގައި ރައީސް ނަޝީދު އަވަހާރަކޮށްލަން މަޖީދީ މަގުގައި ބޮން ގޮއްވާލީ ވެސް ހަރުކަށި ފިކުރުގެ ބަޔެއް ކަމަށް ފުލުހުން ބުނެފައިވެ އެވެ. އެ މައްސަލައިގައި ފަހުން ހައްޔަރުކޮށްފައިވާ އަބްދުﷲ އަލިމަނިކަކީ އޭނާ މާފުށީ ޖަލުގައި ހުރިއިރު އެތަނުގައި ހުރި މިސްކިތެއްގެ އިމާމެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox