ޔޫރަޕުން މަހަށް ޑިއުޓީ ކަނޑާލަ ނުދެނީ ރާއްޖޭގެ ކަނޑުން ފުރުސަތު ނުދޭތީ: މިނިސްޓަރު

މަސްވެރިންތަކެއް ދޮށި އަޅަނީ: ރާއްޖޭގެ މަހަށް ޔޫރަޕުން ސުން ރޭޓްގައި ޑިއުޓީ ލިބޭތޯ އަންނަނީ މަސައްކަތް ކުރަމުން--

މަސްވެރިންތަކެއް ދޮށި އަޅަނީ: ރާއްޖޭގެ މަހަށް ޔޫރަޕުން ސުން ރޭޓްގައި ޑިއުޓީ ލިބޭތޯ އަންނަނީ މަސައްކަތް ކުރަމުން--

ރާއްޖޭން ޔޫރަޕުގެ ގައުމުތަކަށް އެކްސްޕޯޓް ކުރާ މަހުން ނަގާ 24 ޕަސެންޓްގެ ޑިއުޓީ ކަނޑާލަ ނުދެނީ ޔޫޕަރްގެ މަސް ބޯޓްތަކަށް ރާއްޖޭގެ ކަނޑުން މަސްވެރިކަން ކުރުމުގެ ފުރުސަތު ނުދޭތީ ކަމަށް، ފިޝަރީޒް މިނިސްޓަރު ޑރ. ހުސައިން ރަޝީދު ހަސަން ވިދާޅުވެއްޖެ އެވެ.

ރާއްޖެއިން ޔޫރަޕުގެ ގައުމުތަކަށް ވިއްކާ މަހުން ޑިއުޓީ ނަގަން ފެށީ އެންމެ ކުޑަކޮށް ތަރައްގީވެފައިވާ ގައުމުތަކުގެ ލިސްޓުން، ތަރައްގީ ވަމުން އަންނަ ގައުމުތަކުގެ ލިސްޓަށް 2011 ގައި ބަދަލުވުމުންނެވެ. އެއާއެކު ރާއްޖޭގެ މަހަށް ޑިއުޓީ ނަގަން ފެށުމާއެކު ޔޫރަޕުގައި ވިއްކޭ އަގު ވަނީ ބޮޑުވެފަ އެވެ.

ތަރައްގީވަމުން އަންނަ ގައުމުތަކަށް ޑިއުޓީ ކުޑަކޮށްދޭން ޔޫރަޕް ޔޫނިއަންގެ ގިނަ ޝަރުތުތަކެއް ހުރެ އެވެ. އޭގެ ތެރޭގައި އެ ޖަމާއަތުން ތަންފީޒުކުރަން ބޭނުންވާ އިންސާނީ ހައްގުތަކުގެ ބައެއް މުއާހަދާތަކުގައި ސޮއިކުރުން ހިމެނެ އެވެ. އޭގެ ތެރޭގައި ދީނީ މިނިވަންކަން ދިނުން ފަދަ ކަންކަން ހިމެނޭތީ ރާއްޖޭން ވަނީ ސޮއި ނުކޮށެވެ.

Advertisement

"އަދަދު" އަށް ދެއްވި އިންޓަވިއުއެއްގައި މިނިސްޓަރު ހުސައިން ވިދާޅުވީ ތައިލެންޑަށް ގަނޑުކުރި މަސް އެކްސްޕޯޓް ކޮށްގެން މަސްވެރިންނަށް ހަމައަގު ދޭން ދަތި ކަމަށެވެ. އެކަމަށް އޮތް ހައްލަކީ ޔޫރަޕްގެ ގައުމުތަކަށް ޑިއުޓީއާ ނުލައި މަސް އެކްސްޕޯޓް ކުރުމުގެ ފުރުސަތު ލިބުން ކަމަށް ވެސް ވިދާޅުވި އެވެ.

މިނިސްޓަރު ހުސައިން ރަޝީދު "އަދަދު" އަށް އިންޓަވިއޫ ދެއްވަނީ: ޔޫރަޕުން ރާއްޖޭގެ މަހަށް ޑިއުޓީ ކުޑަ ނުކޮށްދެނީ ވާދަވެރިކަމުގެ ސަބަބުން ކަމަށް ވިދާޅުވި-- ފޮޓޯ: ހުސައިން ޝަޔާހު/ އަދަދު
މިނިސްޓަރު ހުސައިން ރަޝީދު "އަދަދު" އަށް އިންޓަވިއޫ ދެއްވަނީ: ޔޫރަޕުން ރާއްޖޭގެ މަހަށް ޑިއުޓީ ކުޑަ ނުކޮށްދެނީ ވާދަވެރިކަމުގެ ސަބަބުން ކަމަށް ވިދާޅުވި-- ފޮޓޯ: ހުސައިން ޝަޔާހު/ އަދަދު

މިނިސްޓަރު ހުސައިން ރަޝީދު "އަދަދު" އަށް އިންޓަވިއޫ ދެއްވަނީ: ޔޫރަޕުން ރާއްޖޭގެ މަހަށް ޑިއުޓީ ކުޑަ ނުކޮށްދެނީ ވާދަވެރިކަމުގެ ސަބަބުން ކަމަށް ވިދާޅުވި-- ފޮޓޯ: ހުސައިން ޝަޔާހު/ އަދަދު

މިނިސްޓަރު ވިދާޅުވީ އީޔޫ މާކެޓުގެ ޑިއުޓީ ކުޑަ ކުރުމަށް ވާހަކަ ދައްކައިގެން މަސައްކަތް ކުރުމުގެ ފުރުސަތު އެބައޮތް ކަމަށެވެ. ވޭތުވެދިޔަ ހުރިހާ ސަރުކާރުތަކުން އެކަމަށް މަސައްކަތް ކުރިނަމަވެސް މިހާތަނަށް އޮތީ ކާމިޔާބު ނުވެ ކަމަށް ވެސް މިނިސްޓަރު ވިދާޅުވި އެވެ.

"ޔޫރަޕަކީ އެ ބައެއްގެ ދީނަށް ބަލައިގެނެއް ހަމުގެ ކުލައަށް ބަލައިގެނެއް ކަންތައް ކުރާ ބައެއް ނޫން. އެއީ މާ ކުރީ ޒަމާނުގެ ކަމެއް. މިއީ ސީދާ ވާދަވެރި ކަމުގެ ކަމެއް،" މިނިސްޓަރު ވިދާޅުވި އެވެ.

އިނގިރޭސި ވިލާތަށް ޑިއުޓީ ފްރީކޮށް މަސް އެކްޕޯޓް ކުރެވޭތޯ އެ ގައުމުގައި ހުންނަ ރާއްޖޭގެ އެމްބަސީން މަސައްކަތް ކުރަމުން އަންނަ ކަމަށާއި އެކަންވެއްޖެ ވަރަށް ބޮޑު ކުރިއެރުމެއް ލިބޭނެ ކަމަށް ވެސް މިނިސްޓަރު ވިދާޅުވި އެވެ.

ޔޫރަޕުގެ ގައުމުތަކުން ރާއްޖޭގެ މަހަށް ޑިއުޓީ ކުޑަ ނުކޮށްދޭ ސަބަބު ހާމަ ކުރައްވަމުން މިނިސްޓަރު ވިދާޅުވީ އިންޑިއާ ކަނޑުގައި މަސްވެރިކަން ކުރުމުގައި ދިވެހިންނާއި ޔޫޕަރު މީހުންނާ ވާދަ ކުރާ ކަމަށެވެ.

"އެހެންވީމައި އެ މީހުންނަށް ރަނގަޅުތޯ ވާނީ އަޅުގަނޑުމެންނަށް ޒީރޯ ރޭޓްގައި ރޫރަޕަށް މާކެޓް ލިބުނީމާ ނުވަތަ ނޫންތޯ؟،" މިނިސްޓަރު ވިދާޅުވި އެވެ.

އަނެއް ސަބަބެއް ކަމަށް މިނިސްޓަރު ވިދާޅުވީ ޔޫޕަރު މާކެޓުން ސުން ރޭޓްގައި ޑިއުޓީ ދެނީ އެ ގައުމުތަކުގެ މަސްވެރިންނަށް މަސްވެރިކަން ކުރުމުގެ ފުރުސަތު ދޭ ގައުމުތަކަށް ކަމަށެވެ. ރާއްޖޭގެ ކަނޑުން ޔޫރަޕުގެ މަސް ހިފާ ބޯޓްތަކަށް ޖާގަ ދިނުމަކީ ކުރެވޭނެ ކަމެއް ނޫން ކަމަށް މިނިސްޓަރު ވިދާޅުވި އެވެ.

"އަޅުގަނޑު ގަބޫލު ކުރާގޮތް މިއީ. އެކަމަކު ޔޫރަޕް މީހުން ނުބުނޭ އެހެން ވެގެނެކޭ ނުދެނީއެއް. އެ މީހުން ބުނާނީ ކޮންމެވެސް ކޮންވެންޝަންތަކެއްގައި އަޅުގަނޑުމެން ސޮއި ނުކުރާތީ ނޫނީ އެގްޒެމިޝަން ނަގާތީ މިކަހަލަ ކޮންމެވެސް އެއްޗެކޭ. އެކަމަކު އަޅުގަނޑު ގަބޫލު ކުރާގޮތުގައި ހަގީގީ ސަބަބަކީ އެއީ،" މިނިސްޓަރު ވިދާޅުވި އެވެ.

އިންޑިއާ ކަނޑުގައި ވެސް ފުޅާ ދާއިރާއެއްގައި ޔޫރަޕުގެ ދާޖަހައިގެން މަސްވެރިކަން ކުރާ ބޯޓް ފަހަރު އުޅެ އެވެ. އެ މީހުން އެކަން ކުރަނީ ޓެކްނޮލޮޖީގެ އެހީގައި ވަރަށް ފުޅާކޮށެވެ. މުޅި ރާއްޖޭގައި 56 ކަނޑު ފަތި ހުރިއިރު އޮޔާތާ 15،000 ކަނދުފަތި ޔޫޕަރުގެ ބޯޓްތަކުން އިންޑިއާ ކަނޑުގައި އަޅާފައިވެ އެވެ. އެ ކަނދުފަތިތައް ކައިރި މަސް އުޅޭވަރު އެނގޭއިރު މަސް ގިނަ ވުމުން ދާޖަހައި އެ ހުރިހާ މަހެއް އެ ބޯޓް ފަހަރަށް ދަނީ ނަގަމުންނެވެ. އޭގެ ސަބަބުން އިންޑިއާ ކަނޑުގެ މަސްވެރިކަމުގެ އާބާދީއަށް އަސަރު ކުރެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox