ހަގީގަތާ ހިލާފު ވާހަކައެއް ފެތުރުމުން ވެން ޑައިކް އިނގިރޭސި ނޫހަކަށް ފާޑުކިޔައިފި

Jul 19, 2021, 4:58 AM
ހަގީގަތާ ހިލާފު ވާހަކައެއް ފެތުރުމުން ވެން ޑައިކް އިނގިރޭސި ނޫހަކަށް ފާޑުކިޔައިފި

އަމްސްޓެޑަމް (ޖުލައި 19) - ހުސްވެފައިވާ ނެދަލެންޑްސްގެ ކޯޗުގެ މަގާމަށް ލުއީ ވެން ހާލް ހަމަޖައްސަން ކުރާ މަސައްކަތަށް އެ ޓީމުގެ ކެޕްޓަން އަދި ލިވަޕޫލްގެ ޑިފެންޑަރު ވާޖިލް ވެން ޑައިކް ހުރަސްއަޅާ ކަމަށް ދެކެވެނީ ހަގީގަތާ ހިލާފުވާހަކައެއް ކަމަށް ބުނެ، އޭނާ އިނގިރޭސި މީޑިއާއެއް ކަމަށްވާ "މިރާ" އަށް ފާޑުކިޔައިފި އެވެ.

ނެދަލެންޑްސްގެ ކޯޗުގެ މަގާމު ހުސްވީ މި މަހު ނިމުނު ޔޫރޯ ފުޓްބޯޅަ މުބާރާތުގެ ނާކާމިޔާބީ އަށް ފަހު ނެދަލެންޑްސްގެ ކޯޗަކަށް ހުރި ފްރޭންކް ޑި ބޮއާ މަގާމު ދޫކޮށްލަން ނިންމުމުންނެވެ. ޑި ބޮއާ މަގާމުން ވަކިވުމުން ނެދަލެންޑްސް އިން އާ ކޯޗެއް ހޯދަން މަސައްކަތް ފެށިއިރު، އެންމެ ބޮޑަށް ދެކެވުނީ ވެން ހާލް ގައުމީ ޓީމަށް އެނބުރި އަންނަ ވާހަކަ އެވެ.

ވެން ހާލް ވަނީ ދެ ފަހަރެއްގެ މަތިން ނެދަލެންޑްސް ގައުމީ ޓީމަށް ކޯޗުކޮށްދީފަ އެވެ. އެއީ 2000 އިން 2002 އަށާއި 2012 އިން 2014 އަށެވެ. މެންޗެސްޓާ ޔުނައިޓެޑްގެ ކޯޗުކަމުން 2016 ވަނަ އަހަރު ވަކިވި ފަހުން ޓީމަކާ ހަވާލުވެގެން ވެން ހާލް ކޯޗިންގެ މަސައްކަތެއް ނުކުރެ އެވެ. އެކަމަކު ފްރީލާންސްކޮށް އޭނާ ބައެއް ޓީމުތަކަށް ކޯޗިން ސެޝަން ނަގައިދީފައިވެ އެވެ.

މީގެ ދެ ދުވަސް ކުރިން އިނގިރޭސި ނޫހެއް ކަމަށްވާ މިރާ އިން ރިޕޯޓްކޮށްފައިވާ ގޮތުގައި ނެދަލެންޑްސްގެ ސީނިއާ ކުޅުންތެރިންތަކެއް އަންނަނީ ވެން ހާލް ނަދެލެންޑްސް ކޯޗަކަށް ނުގެންނަން އެ ގައުމުގެ ފުޓްބޯޅަ ފެޑެރޭޝަނަށް ޕްރެޝަރު ކުރަމުންނެވެ. މިކަން ލީޑުކުރަނީ ވެން ޑައިކްގެ އިތުރުން މި ފަަހަރު ޔޫރޯގައި ނެދަލެންޑްސްގެ ކެޕްޓަން ބޭންޑް އަޅައިގެން ކުޅުނު ޖިނީ ވައިނަލްޑަމް ކަމަށް ވެސް އެ ނޫހުން ރިޕޯޓްކޮށްފައިވެ އެވެ.

"މިއީ މުޅިން ދޮގު ވާހަކައެއް. ނޫސްވެރިންނަށް އެންމެ މުހިއްމު ކަމަކަށްވާން ޖެހޭނީ ހަގީގަތް ހާމަކުރުން. ވާހަކަ އުފެއްދުމެއް ނޫން. ލަދުގަންނަން ޖެހޭ،" މިރާ ނޫހުގެ ނޫސްވެރިޔާ މުލޮކް ޓެގްކޮށް ވެން ޑައިކް ކުރި ޓްވީޓެއްގައިވެ އެވެ.

އެ ރިޕޯޓްގައިވާގޮތުން ވެން ޑައިކާއި ނެދަލެންޑްސް ސީނިއާ ކުޅުންތެރިން ބޭނުންވަނީ އެ ޓީމުގެ ކޯޗަކަށް ހެންކް ޓެން ކާޓޭ ގެންނާށެވެ.

ހެންކް ޓެން ކާޓޭ ވަނީ ބާސެލޯނާ އާއި ޗެލްސީގައި އެސިސްޓަންޓް ކޯޗެއްގެ ގޮތުގައި މަސައްކަތް ކޮށްފަ އެވެ. ބާސެލޯނާގައި މަސައްކަތްކުރީ ފްރޭންކް ރައިކާޑާ އެކު އެވެ. އަދި ޗެލްސީގައި ހުރީ އަވްރަމް ގްރާންޓްގެ އެސިސްޓަންޓް އަކަށެވެ.

އަނިޔާގެ ސަބަބުން ވެން ޑައިކް ހުރީ މިދިޔަ ނުވަ މަހެއްހާ ދުވަހު ކުޅުމާ ދުރުގަ އެވެ. ވެން ޑައިކް ކަކުލުގެ ލިގަމެންޓަށް ސީރިއަސް އަނިޔާއެއްވީ މިދިޔަ އަހަރުގެ އޮކްޓޫބަރު މަހު އިނގިރޭސި ޕްރިމިއާ ލީގުގައި އެވަޓަންއާ ދެކޮޅަށް ލިވަޕޫލް ކުޅުނު މެޗުގަ އެވެ. ޔޫރޯގައި ނުކުޅެން ވެން ޑައިކް ނިންމީ ރިކަވަރީ އަށް އެކަށީގެންވާ ވަގުތެއް ދިނުމުގެ ގޮތުންނެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox