ގްރައިންޑަރަކުން ހަށިގަނޑަށް ވަން ދަގަނޑުކޮޅު ނުނެގިގެން ބޭރަށް ފޮނުވާލައިފި

ޑޮކްޓަރުންގެ ޓީމެއް އޮޕަރޭޝަނެއްގައި ހަރަކާތްތެރިވަނީ: ކަނޑިތީމުގައި ރޭ ހިނގި ހާދިސާގައި ޒަހަމުވި މީހާ މިހާރު ވަނީ އިތުރު ފަރުވާއަށް އިންޑިއާއަށް ގެންގޮސްފަ-- ފޮޓޯ: އައިޖީއެމްއެޗް

ޑޮކްޓަރުންގެ ޓީމެއް އޮޕަރޭޝަނެއްގައި ހަރަކާތްތެރިވަނީ: ކަނޑިތީމުގައި ރޭ ހިނގި ހާދިސާގައި ޒަހަމުވި މީހާ މިހާރު ވަނީ އިތުރު ފަރުވާއަށް އިންޑިއާއަށް ގެންގޮސްފަ-- ފޮޓޯ: އައިޖީއެމްއެޗް

ތަށިމުށި ކަފަނިކޮށް، ގްރައިންޑަރެއްގެ ބުރު ފަޅައިގެން ގޮސް ދަގަނޑުކޮޅެއް ހަށިގަނޑުތެރެއަށް ވަދެ ސީރިއަސް ޒަހަމެއް ލިބުނު މީހަކު ފަރުވާއަށް މިއަދު ރާއްޖެ އިން ބޭރަށް ފޮނުވާލައިފި އެވެ.

ށ. ކަނޑިތީމުގައި ރޭ ހިނގި މި ހާދިސާގައި ޒަހަމްވީ ރަތްވިލާގެ، އަހްމަދު އަސްލަމް، 47، އެވެ.

އޭނާ މިއަދު އިންޑިއާ އަށް ފުރުވާލީ ހދ. ކުޅުދުއްފުށީ ހޮސްޕިޓަލާއި އައިޖީއެމްއެޗުގައި ފަރުވާ ދިނުމަށް ފަހު އޮޕަރޭޝަން ރާއްޖެ އިން ކުރެވެން ނެތިގެންނެވެ.

Advertisement

ކަނޑިތީމުން "އަދަދު"އަށް ވާހަކަ ދެއްކި މީހަކު ބުނި ގޮތުގައި އައިޖީއެމްއެޗަށް ގެންގޮސް ހެދި ޓެސްޓުތަކުން އެނގުނު ގޮތުގައި ގްރައިންޑަރުގެ ތިލައިގެ އެތިކޮޅެއް ހަށިގަނޑަށް ވަނީ ވަދެފަ އެވެ. އެ ދަގަނޑުކޮޅު ގޮހޮރުގެ ތިރިއަށް ގޮސްފައިވާ ކަމަށް ޑޮކްޓަރުންނާ ހަވާލާދީ އޭނާ ބުންޏެވެ.

އަނިޔާވި މީހާ ގެންގުޅުނު ގްރޭންޑަރުގެ ތިލަ ބިންދައިގެން ގޮސްފައި--
އަނިޔާވި މީހާ ގެންގުޅުނު ގްރޭންޑަރުގެ ތިލަ ބިންދައިގެން ގޮސްފައި--

އަނިޔާވި މީހާ ގެންގުޅުނު ގްރޭންޑަރުގެ ތިލަ ބިންދައިގެން ގޮސްފައި--

އޭނާގެ ކަރުން ދެ އިންޗިއެއްހާ ތަން ކަފައިގެން ދިއުމުގެ އިތުރަށް އަޑުފޮށި ވެސް ވަނީ ހަލާކުވެފަ އެވެ. ކަރަށް ވަދެފައިވާ އެތިކޮޅު ނެގުމުގެ އޮޕަރޭޝަން އައިޖީއެމްއެޗުގައި ވެސް ކުރެވޭކަށް ނެތެވެ.

ތަށިމުއްޓާއި ދަގަނޑު ކަފަން ބޭނުންކުރާ ގްރައިންޑަރަކީ ކަރަންޓުގެ އެހީގައި ބާރުސްޕީޑުގައި އެނބުރޭ އެއްޗެއް ކަމުން އޭތި ބޭނުންކުރާ މީހުންނަށް ލިބިދާނެ ގެއްލުމަކުން ރައްކާތެރިކުރަން، ރައްކާތެރިކަމުގެ ސޭފްޓީއެއް ހަރުކޮށްފައި ހުރެ އެވެ.

ނަމަވެސް ރާއްޖޭގައި އާއްމުކޮށް ގްރޭންޑަރު ބޭނުންކުރާ މީހުން ސޭފްޓީގެ ބޭނުމަށް އިންނަ އެތި ނައްޓާލައިގެން ބޭނުން ކުރަނީ އުނދަގޫވާތީ ކަމަށް އެ މަސައްކަތުގައި އުޅޭ ބައެއް މީހުން ބުނެ އެވެ.

ކަނޑިތީމުން "އަދަދު"އާ ވާހަކަ ދެއްކި މީހާ ބުނީ ގްރައިންޑަރުގައި ހަރުކޮށްފައިވާ ދަގަނޑު ބުރު ފަޅައިގެން ގޮސް އެތިކޮޅެއް ހަށިގަނޑު ތެރެއަށް ވަނުމާ އެކު ފަރުވާއަށް އޭނާ ފުރަތަމަ ގެންދިޔައީ ކުޅުދުއްފުށީ ރީޖަނަލް ހޮސްޕިޓަލަށް ކަމަށެވެ. އޭނާ އައިޖީއެމްއެޗަށް ގެނައީ މިއަދެވެ.

"ހާޓް ރޭޓްއާ އެއްޗެހި ވަރަށް ބޮޑަށް ދަށްވެ ވަރަށް ސީރިއަސް ހާލުގަ އޮތީ،" އަދަދުު އަށް ވާހަކަ ދެއްކި މީހާ ބުންޏެވެ.

އިންޑިއާއަށް ފުރުވާލިއިރު ވެސް އޭނާ އަށް ފަރުވާ ދެމުން ދިޔައީ ވެންޓިލޭޓަރުގަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox