އެއް މިލިއަން ރުފިޔާއާ ހަމައަށް ދޫކުރާ އެސްޑީއެފްސީގެ ސްޓިމިއުލަސް ލޯނަށް އެދެން ހުޅުވާލައިފި

މާލޭގައި ހުންނަ ފިހާރައެއް: އެސްޑީއެފްސީން މިފަހަރު މާލީ އެހީގެ އިތުރުން ފަންނީ ލަފާދޭން ބިޒްނަސް ކްލިނިކް ހިދުމަތް ދޭނެ -- ފޮޓޯ: ހުސެއިން ވަހީދު/އަދަދު

މާލޭގައި ހުންނަ ފިހާރައެއް: އެސްޑީއެފްސީން މިފަހަރު މާލީ އެހީގެ އިތުރުން ފަންނީ ލަފާދޭން ބިޒްނަސް ކްލިނިކް ހިދުމަތް ދޭނެ -- ފޮޓޯ: ހުސެއިން ވަހީދު/އަދަދު

އެސްއެމްއީ ޑިވެލޮޕްމަންޓް ފައިނޭންސް ކޯޕަރޭޝަން (އެސްޑީއެފްސީ)ން ކޮވިޑް-19އާ ގުޅިގެން އަލަށް ތައާރަފުކުރި ވިޔަފާރި އެހީ ލޯނަށް އެދެން ޝަރުތުހަމަވާ ވިޔަފާރިތަކަށް ހުޅުވާލައިފި އެވެ.

އެސްޑީއެފްސީގެ ވިޔަފާރި އެހީ ލޯނަކީ އެއް މިލިއަން ރުފިޔާއާ ހަމަައަށް ކުދި އަދި މެދު ފަންތީގެ ވިޔަފާރިތަކަށް އެހީވާން ސަރުކާރުން ތައާރަފުކުރި ލޯނެކެވެ. މިއީ އެއް މިލިއަން ރުފިޔާއާ ހަމައަށް ފައިނޭންސް ލިބޭ އިންޓްރެސްޓް ކުޑަ ލޯނެކެވެ.

ވިޔަފާރި އެހީ ލޯނުގެ ތެރެެއިން ވިޔަފާރިތަކަށް ތިން ޕެކޭޖެއްގެ ތެރެއިން ދޫކުރާނެ އެވެ. އެއީ ވިޔަފާރި ހިންގަން ބޭނުންވާ ވޯކިން ކެޕިޓަލް އާއި ހިނގަމުންދާ ޕްރޮޖެކްޓްތައް ނިންމުމަށް ޕްރޮޖެކްޓް ކެޕިޓަލް އަދި ދެމެހެއްޓެނިވި ގޮތެއްގައި ވިޔަފާރި ފުޅާކުރުމަށާއި ސިންދަފާތުކުރަން ބިޒްނަސް ސަސްޓެއިނަބިލިޓީ ލޯނެވެ.

ކޮވިޑް-19 ސަސްޓެއިނަބަލް ސްޓިމިއުލަސް ލޯނުގެ ތަފްސީލު -- ގްރެފިކްސް: އަބްދުﷲ ޝަފީއު (އަބޯ)
ކޮވިޑް-19 ސަސްޓެއިނަބަލް ސްޓިމިއުލަސް ލޯނުގެ ތަފްސީލު -- ގްރެފިކްސް: އަބްދުﷲ ޝަފީއު (އަބޯ)

ކޮވިޑް-19 ސަސްޓެއިނަބަލް ސްޓިމިއުލަސް ލޯނުގެ ތަފްސީލު -- ގްރެފިކްސް: އަބްދުﷲ ޝަފީއު (އަބޯ)

އެސްޑީއެފްސީން މައުލޫމާތު ދީފައިވާ ގޮތުގައި މި ލޯނުތަކަަށް އެދެން ޖެހެނީ އެ ބޭންކުގެ އޮންލައިން ޕޯޓަލްއިންނެވެ.

މިފަހަރުގެ ލޯން އެޕްލިކޭޝަންތަކުގައި ވިޔަފާރިތަކަށް ފަސޭހަ ކުރުމުގެ ބޭނުމުގައި ފޯމުގައި ހުންނަނީ ވަރަށް އާންމު މައުލޫމާތެވެ. އަދި މާ ގިނަ ޓެކްނިކަލް މައުލޫމާތުތަކެއް ހިމަނާފައެއް ނުވެ އެވެ.

ލޯނަށް ހުށައަޅާ ވިޔަފާރިތަކުގެ ހުންނަންޖެހޭ ޝަަރުތުތައް:

  1. 2018 އިން ފެށިގެން 2020 އަށް ތިން އަހަރު ފައިދާ ވެފައިވާ ވިޔަފާރިއަށް ވުން
  2. މިދިޔަ އަހަރު ތެރޭގައި އެއްވެސް ލޯނެއް ޑީފޯލްޓް ވެފައި ނުވުން
  3. މިހާރު ލޯނެއް ނަގާފައިވާނަމަ، އާ ފެސިލިޓީގެ ތެރެއަށް ތާވަލުކުރެވޭ
  4. ވޭތުވެ ދިޔަ އަހަރު މެދުނުކެނޑި ވިޔަފާރި ކުރުން

މި ލޯން ސްކީމްގެ ތެރެއިން ވިޔަފާރިތަކަށް ރަހުނަކާ ނުލައި ލޯނު ލިބެނޭ އެވެ. މި ލޯނުތައް އަނބުރާ ދައްކަން ފަސް އަހަރާއި އަށް އަހަރު ދުވަހުގެ މުއްދަތެއް ލިބެ އެވެ. އަދި ވިޔަފާރި ފުޅާކުރަން ހާއްސަ ލޯން ޕެކޭޖް ފިޔަވާ އެހެން ލޯނަކަށް އެދޭނަމަ އިކުއިޓީ ބަހައްޓާކަށް ނުޖެހެ އެވެ.

ކުދި ވިޔަފާރިތަކަށް ލޯނު ލިބޭނެ މަގު ފަހި ކުރުމުގެ ބޭނުމުގައި 2019 ވަނަ އަހަރު ވުޖޫދަށް ގެނައި އެސްޑީއެފްސީން ވަނީ މިހާތަނަށް 1.3 ބިލިއަން ރުފިޔާގެ ލޯނު އެޕްރޫވްކޮށްފަ އެވެ. މީގެ ތެރެއިން 700 މިލިއަން ރުފިޔާގެ ލޯނު ވަނީ ވިޔަފާރިތަކަށް ދޫކޮށްފަ އެވެ.

ކޮމެންޓް

ފަހުގެ ޚަބަރު

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

Newsletter

Get the latest news delivered straight to your inbox