ތަފާތު ބޮޑު މޮޅެއް ހޯދައި ރެކޯޑް ފޯމަކާ އެކު އިންގްލެންޑް ސެމީ އަށް

Jul 3, 2021, 8:50 PM
ލަނޑު ޖެހުމަށް ފަހު އިންގްލެންޑްގެ ކޭން އުފާފާޅުކުރަނީ.-- ފޮޓޯ: އޭއެފްޕީ

ލަނޑު ޖެހުމަށް ފަހު އިންގްލެންޑްގެ ކޭން އުފާފާޅުކުރަނީ.-- ފޮޓޯ: އޭއެފްޕީ

ރޯމް، އިޓަލީ (ޖުލައި 4) - ޔޫރޯ ފުޓްބޯޅަ މުބާރާތުގައި މިރޭ ޔޫކްރެއިން އަތުން 4-0 އިން ތަފާތު ބޮޑު މޮޅެއް ހޯދައި ރެކޯޑް ފޯމަކާ އެކު އިންގްލެންޑުން މުބާރާތުގެ ސެމީ ފައިނަލުން ފުރުސަތު ހޯދައިފި އެވެ.

މިއީ މިދިޔަ 25 އަހަރު ތެރޭ އިންގްލެންޑުން ޔޫރޯގެ ސެމީ ފައިނަލްގައި ކުޅޭ ފުރަތަމަ ފަަހަރެވެ. އިންގްލެންޑުން އެންމެ ފަހުން ޔޫރޯގެ ސެމީގައި ކުޅުނީ 1996 ވަނަ އަހަރު އެ ގައުމުގައި ޔޫރޯ ބޭއްވިއިރު އެވެ. އެ ފަހަރު ޕެނަލްޓީ ޖަހައިގެން އިންގްލެންޑް ވަނީ ޖަރުމަނު އަތުން ބަލިވެފަ އެވެ. މި ފަހަރުގެ ސެމީ ފައިނަލް ވެސް އިނގިރޭސި ރަސްމީ ސްޓޭޑިއަމް ވެމްބްލީގައި ކުޅޭއިރު، އިންގްލެންޑާ ދެކޮޅަށް ނުކުންނާނީ ޑެންމާކް އެވެ.

މި ފަހަރުގެ ޔޫރޯގައި އިންގްލެންޑް ކުޅުނު ފަސް މެޗުގައި ވެސް އެ ޓީމު ކޮޅަށް ގޯލެއް ނުވަދެ އެވެ. މިއީ ޔޫރޯ ތާރީހުގައި ވެސް ޓީމެއްގެ އެންމެ ރަނގަޅު ޑިފެންސިވް ރެކޯޑެވެ. މިރޭގެ މެޗަކީ އިންގްލެންޑުން ޔޫރޯގެ ނޮކައުޓް މެޗެއް އަމިއްލަ ގައުމުން ބޭރުގައި މޮޅުވި ފުރަތަމަ ފަހަރެވެ.

އިންގްލެންޑްގެ ތާރީހުގައި އެ ޓީމުން މި ވަނީ ދެ ފަހަރެއްގެ މަތިން ޖެހިޖެހިގެން ބޮޑު ދެ މުބާރާތެއްގެ ސެމީ ފައިނަލުން ފުރުސަތު ހޯދައިފަ އެވެ. އިންގްލެންޑުން 1966 ވަަނަ އަހަރުގެ ވޯލްޑް ކަޕް ކާމިޔާބު ކުރުމަށް ފަހު 1968ގެ ޔޫރޯގެ ސެމީގައި ކުޅުނެވެ. އަދި އިންގްލެންޑުން މި ވަނީ 2018 ވަނަ އަހަރުގެ ވޯލްޑް ސެމީ ފައިނަލުގައި ކުޅުމަށް ފަހު މި ފަހަރުގެ ޔޫރޯގެ ސެމީ ފައިނަލުން ވެސް ފުރުސަތު ހޯދައިފަ އެވެ.

މިރޭގެ މެޗަކީ އިންގްލެންޑުން މި ފަހަރުގެ ޔޫރޯގައި ރަށުންބޭރުގައި ކުޅުނު ފުރަތަމަ މެޗެވެ. ރޯމްގެ އޮލިމްޕިކް ސްޓޭޑިއަމްގައި ކުޅުނު މިރޭގެ މެޗު ފަށައިގެން ހަތަރު ވަނަ މިނިޓްގައި އިންގްލެންޑުން ވަނީ ލީޑުނަގައިފަ އެވެ. މި ފަހަރުގެ ޔޫރޯގައި މޮޅު ކުޅުމެއް ދައްކަމުން އަންނަ ރަހީމް ސްޓާލިން ދިން ބޯޅައަކުން އިންގްލެންޑްގެ ކެޕްޓަން ހެރީ ކޭން މި ގޯލު ޖެހީ އޭރިއާތެެރެއިންނެވެ. ކޭން ފޮނުވާލި ބޯޅަ ގޯލަށް ވަނީ ޔޫކްރެއިންގެ ގޯލްކީޕަރު ޖިއޯޖީ ބުޝްޗާން ގައިގައި ޖެހިފަ އެވެ.

ފުރަތަމަ ހާފުގެ މެދުތެރެއިން އިންގްލެންޑްގެ ކައިލް ވޯކާ ފަހަތަށް ޖައްސާލި ބޯޅައެއް ހޯދައި ޔޫކްރެއިންގެ ފޯވާޑް ރޯމަން ޔަރެމްޗުކް ވަނީ ގޯލަށް ހަމަލާއެއް ފޮނުވާލައިފަ އެވެ. ތިރިތިރިން ޔަރެމްޗުކް ޖެހި ޝޮޓް އިންގްލެންޑްގެ ކީޕަރު ޖޯޑަން ޕިކްފޯޑް ވަނީ މަތަކޮށްފަ އެވެ.

ލީޑުފުޅާކުރަން ފުރަތަމަ ހާފު ނިމުމުގެ ކުރިން އިންގްލެންޑުން ރަނގަޅު ފުރުސަތުތަކެއް ތަނަވަސްކުރި އެވެ. އިންގްލެންޑްގެ ޑެކްލަން ރައިސް ފޮނުވާލި ބާރު ބޯޅަ ކީޕަރު ބުޝްޗާން ވަނީ މަތަކޮށްފަ އެވެ. އޭގެ ފަހުން އޭރިއާތެރެއިން އިންގްލެންޑްގެ ޖޭޑަން ސަންޗޯ ޖެހި ބޯޅައެއް ވެސް ހުއްޓުވީ ކީޕަރު ބުޝްޗާން އެވެ. ލޫކް ޝޯ ދިން ބޯޅައަކުން އޭރިއާތެރެއިން ސަންޗޯ އެ ބޯޅަ ފޮނުވާލިއިރު، އޮފްސައިޑް ކަމަށް ދިދަ ނެގި ނަމަވެސް ވީޑިއޯ އެސިސްޓަންޓް ރެފްރީ (ވީއޭއާރް)ގެ އެހީ ހޯދިނަމަ އެ އޮފްސައިޑް ވުމުގެ ފުރުސަތު ކުޑަ އެވެ.

އިންގްލެންޑްގެ މެގުއާ ބޮލުން ގޯލުގެ ތެރެއަށް ބޯޅަ ފޮނުވާލަނީ.

އިންގްލެންޑުން ވަނީ ދެ ވަނަ ހާފްގެ ކުޅުން ފަށައިގެން މިނިޓެއްގެ ތެރޭގައި ދެ ވަަނަ ގޯލެއް ޖަހައިފަ އެވެ. ހިލޭ ޖެހުމަކުން ޝޯ ނަގައިިދިން ބޯޅައަކުން މި ގޯލު ޖެހީ ހެރީ މެގުއާ އެވެ. ޔޫކްރެއިނަށް އިންގްލެންޑްގެ އެޓޭކްތައް ހުއްޓުވޭ ގޮތެއްނުވި އެވެ. ދެ ވަނަ ގޯލު ޖެހިތާ ހަަތަރު މިނިޓް ތެރޭގައި އިންގްލެންޑުން ތިން ވަނަ ގޯލެއް ޖެހި އެވެ. މި ގޯލު ޖެހީ ޝޯ ނަަގައިދިން ހުރަހަކުން ކޭން ބޮލުންނެވެ.

ކޭން، ހެޓްރިކް ފުރިހަމަކުރަން މެޗުގެ 61 އޭރިއާބޭރުން ޖެހި ވޮލީ ކީޕަރު ބުޝްޗާން ވަނީ ކޯނަރަކަށް ބޭރު ކޮށްލައިފަ އެވެ. އެ ކޯނަރުން އިންގްލެންޑްގެ ހަތަރު ވަނަ ގޯލު ޖެހީ ޖޯޑަން ހެންޑަސަން އެވެ. ބަދަލު ކުޅުންތެރިއެއްގެ ގޮތުގައި ދެ ވަނަ ހާފްގައި ކުޅެން އެރި ހެންޑަސަން މި ގޯލު ޖެހީ މޭސަން މައުންޓް ނެގި ކޯނަރަކުން ބޮލުންނެވެ. މިއީ ގައުމީ ޓީމަށް ކުޅުނު 62 މެޗުން ހެންޑަސަން ޖެހި ފުރަތަމަ ގޯލެވެ.

ހަތަރު ގޯލުގެ ލީޑެއް ލިބުމާ އެކު އިންގްލެންޑުން ވަނީ ބަދަލުތަކެއް ގެނެސްފަ އެވެ. މާކަސް ރެޝްފޯޑް، ކިއެރަން ޓްރިޕިއޭ، ޖޫޑް ބެލިންހަމް އަދި ޑޮމިނިކް ކަލްވެޓް-ލެވިން ވަނީ ކުޅެން އަރުވައިފަ އެވެ.

މިރޭގެ މެޗުގައި ކޭން ޖެހި ދެ ގޯލާ އެކު އޭނާ ވަނީ ބޮޑު މުބާރާތްތަކުގައި އިންގްލެންޑަށް ދެ ވަނަ އަށް އެންމެ ގިނަ ގޯލު ޖެހި އެލަން ޝިއަރާއާ ހަމަކޮށްފަ އެވެ. ކޭން އާއި ޝިއަރާ ވަނީ ބޮޑު މުބާރާތްތަކުގައި އިންގްލެންޑަށް ނުވަ ގޯލު ޖަަހައިދީފަ އެވެ. އެންމެ ގިނަ ގޯލު ޖެހުމުގެ ރެކޯޑް އޮތީ ގެރީ ލިނެކާ އަތުގަ އެވެ. އޭނާ ވަނީ 10 ގޯލު ޖަހައިފަ އެވެ. ލިނެކާގެ ރެކޯޑާ ހަމަކުރުމުގެ ފުރުސަތު ކޭން އަށް އެބައޮތެވެ.

މިރޭގެ މެޗުގެ ކުރިން ޔޫރޯގެ ތާރީހުގައި ނޮކައުޓް ބުރުގައި އިންގްލެންޑުން ފުރަތަމަ ގޯލެއް ޖެހި ފަސް މެޗުން ވެސް މޮޅުވެވިފައިނުވެ އެވެ. އެކަމަކު، މި ފަހަރު އެ ގޯސް ރެކޯޑަށް ނިމުން އައި އެންމެ ބޮޑު ސަބަބަަކީ އިންގްލެންޑްގެ ޑިފެންސް ވަރުގަދަވުމެވެ.

މިއީ ޔޫކްރެއިންގެ ތާރީހުގައި އެ ޓީމުން ޔޫރޯއެއްގެ ކުއާޓާ ފައިނަލުގައި ކުޅުނު ފުރަތަމަ ފަހަރެވެ. އަދި ބައިނަލްއަގުވާމީ ބޮޑު މުބާރާތެއްގައި އެ ޓީމު ކުޅުނު ދެ ވަނަ ކުއާޓާ ފައިނަލް އެވެ. ދެ ފަހަރު ވެސް ކުއާޓާ ފައިނަލާ ހަމައިން ކެޓީ އެވެ.

ސެމީ ފައިނަލް މެޗުތައް:

އިޓަލީ - ސްޕެއިން (6 ޖުލައި 2021 - އަންގާރަ)

އިންގްލެންޑް - ޑެންމާކް (7 ޖުލައި 2021 - ބުދަ)

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox