އިންގްލެންޑް ޓީމު ބަދަލުކޮށް ޔޫކްރެއިނަަށް މަލާމާތެއް ކުރަން ސައުތުގޭޓް ބޭނުމެއް ނޫން

Jul 3, 2021, 5:15 AM
އިނގިރޭސި ފަރިތަކުރުންތަކުގެ ތެރެއިން ސައުތުގޭޓް.-- ފޮޓޯ: އޭއެފްޕީ

އިނގިރޭސި ފަރިތަކުރުންތަކުގެ ތެރެއިން ސައުތުގޭޓް.-- ފޮޓޯ: އޭއެފްޕީ

ރޯމް، އިޓަލީ (ޖުލައި 3) - ޔޫރޯ ފުޓްބޯޅަ މުބާރާތުގެ ކުއާޓާ ފައިނަލަށް މިރޭ ނުކުންނައިރު، މި މެޗަށް ނެރޭ އިންގްލެންޑް ޓީމަށް ބަދަލުތަކެއް ގެނެސްގެން ޔޫކްރެއިނަށް މަލާމާތެއް ރައްދުވާ ގޮތަށް ކަންތައް ކުރަން ބޭނުންނުވާ ކަމަށް އިންގްލެންޑްގެ ކޯޗު ގަރެތު ސައުތުގޭޓް ބުނެފި އެވެ.

އިންގްލެންޑުން ވަނީ ނޮކައުޓް ފުރަތަމަ ބުރުގައި ޖަރުމަނު ކަޓުވާލައިފަ އެވެ. މިއީ 55 އަހަރު ތެރޭ ޖަރުމަނު އަތުން ބޮޑު މުބާރާތެއްގެ ނޮކައުޓް ބުރުގައި އިންގްލެންޑަށް ލިބުނު ފުރަތަމަ މޮޅެވެ. މިރޭ ޔޫކްރެއިނާ ދެކޮޅަށް ނުކުންނައިރު، އިންގްލެންޑްގެ ހަތަރު ކުޅުންތެރިއަކު ތިބީ ރީނދޫ ކާޑު ދައްކައިފަ އެވެ. އެއީ މެދުތެރެއަށް ކުޅެމުން އަންނަ ކަލްވިން ފިލިޕްސް އާއި ޑެކްލަން ރައިސް އާއި ވިންގް ފިލް ފޯޑެން އަދި ޑިފެންޑަރު ހެރީ މެގުއާ އެވެ.

މިރޭގެ މެޗުގައި އިންގްލެންޑްގެ އެ ހަތަރު ކުޅުންތެރިންނަށް ރީނދޫ ކާޑެއް ދައްކައިފިނަމަ، އެ ޓީމު މޮޅުވެގެން ކުޅޭ ސެމީ ފައިނަލް މެޗު ގެއްލޭނެ އެވެ. ޔޫރޯގެ ގަވާއިދު އޮންނަ ގޮތުން ސެމީ ފައިނަލާ ހަމައިން ހުރިހާ ކާޑެއްގެ ރެކޯޑްތައް ސާފުވާނެ އެެވެ.

Advertisement

އިންގްލެންޑުން ޓީމު ރާވާނީ އެ ކުޅުންތެރިން ނުހިމަނައިތޯ ސުވާލުކުރުމުން ސައުތުގޭޓް ބުނީ އެއީ ރަނގަޅު ގޮތެއް ނޫން ކަމަށެވެ.

"ވެދާނެ ތިއީ ބުނެލަން ފަސޭ ކަމަކަށް. އެކަމަކު ދުނިޔޭގެ އެއްވެސް ގައުމެއް ނޯންނާނެ ކުއާޓާ ފައިނަލް މެޗަކަށް ޓީމުގައި ތިބި މުހިއްމު ކުޅުންތެރިންތަކެއް ނުލައި ނުކުންނާނެ. އަދި ހާއްސަކޮށް އިންގްލެންޑް ކަހަލަ ގައުމެއް. މިއީ ފުޓްބޯޅަ ތާރީހުގައި ވެސް ބޮޑު މުބާރާތްތަކުގައި އެންމެ ހަތަރު ވަރަކަށް ސެމީ ފައިނަލްގައި ކުޅެފައި އޮތް ގައުމެއް،" ސައުތުގޭޓް ބުންޏެވެ.

ސައުތުގޭޓް ބުނީ ޔޫކްރެއިން މެޗު ފަސޭހަ ކޮށްލުން އެއީ އިންގްލެންޑަށް ހެދޭނެ ވަރަށް ބޮޑު ގޯހެއް ކަމަށެވެ.

ރީނދޫ ކާޑުތަކަކަށް ބަލައިގެން ޓީމު ބަދަލުކޮށްފިނަމަ އަހަރެންގެ ނަޒަރުގައި އެއީ ޔޫކްރެއިނަށް ވެސް ކުރެވޭ މަލާމާތެއް - ސައުތުގޭޓް

ރީނދޫ ކާޑާއި ސަސްޕެންޝަނަށް ބަލައިގެން އިންގްލެންޑުން ޓީމު ރޭވީ އެންމެ މެޗެއްގައި ކަމަށާއި އެއީ ގްރޫޕް ސްޓޭޖުގެ ފަހު މެޗުގައި ކަމަށް ސައުތުގޭޓް ވަނީ ބުނެފަ އެވެ.

އިންގްލެންޑުން އެންމެ ފަހު ދެ މުބާރާތުން ވެސް ކަޓާފައިވަނީ ނިސްބަތުން ބަލާއިރު، އެ ޓީމަށް މޮޅުވެވޭނެ މެޗުތަކުންނެވެ. އެ ގޮތުން 2016 ވަނަ އަހަރުގެ ޔޫރޯގެ ދެ ވަނަ ބުރުން އައިސްލެންޑް އަތުން ކެޓިއިރު، 2018 ވަނަ އަހަރުގެ ވޯލްޑް ކަޕުން ކެޓީ ސެމީގައި ރަނގަޅު ފުރުސަތުތަަކެއް ލިބި ކްރޮއޭޝިއާ އަތުންނެވެ. މި ފަހަރު ޖަރުމަނު އަތުން އިންގްލެންޑަށް ލިބުނު މޮޅަކީ ޔޫރޯގެ ތާރީހުގައި 1996 ވަނަ އަހަރުގެ ފަހުން ނޮކައުޓް މެޗަކުން އިންގްލެންޑް މޮޅުވި ފުރަތަމަ ފަަހަރެވެ.

އިންގްލެންޑްގެ ކުޅުންތެރިން މެޗެއްގެ ކުރިން.-- ފޮޓޯ: އޭއެފްޕީ

"ރެކޯޑްތައް ބަދަލުކުރުމަކީ މިހާރު އޮތް ސްކޮޑުގެ އަތްމަތީގައި އޮތް ކަމެއް. މި ޓީމުގެ ކޮންމެ ކުޅުންތެރިއަކަށް ވެސް އެނގޭނެ ކުރިމަތީގައި އޮތް އެއްވެސް ޗެލެންޖެއް ފަސޭހައެއް ނޫންކަން،" ސައުތުގޭޓް ބުންޏެވެ.

މިރޭ ޔޫކްރެއިނާ ދެކޮޅަށް ކުޅޭ މެޗަކީ އިންގްލެންޑުން މި ފަހަރުގެ ޔޫރޯގައި އެ ގައުމުން ބޭރުގައި ކުޅޭ ފުރަތަމަ މެޗެވެ. އިންގްލެންޑުން ގްރޫޕް ސްޓޭޖުގެ ތިން މެޗާއި ދެ ވަނަ ބުރުގެ މެޗު ކުޅުނީ އެ ޓީމުން އާންމުކޮށް ކުޅޭ އިނގިރޭސި ރަސްމީ ދަނޑު ވެމްބްލީ ސްޓޭޑިއަމްގައި އަމިއްލަ ސަޕޯޓަރުން ކުރިމަތީގަ އެވެ. އިންގްލެންޑްގައި ކޮވިޑް-19ގެ ހާލަތު ގޯސްވެފައިވާތީ އޭގެ ސަބަބުން އިޓަލީ ސަރުކާރުން ވަނީ އިންގްލެންޑުން އަންނަ މީހުންނަށް މިރޭގެ މެޗަށް ނުވަދެވޭނެ ކަމަށް ނިންމައިފަ އެވެ.

ސައުތުގޭޓް ބުނީ ސަޕޯޓަރުން ނުލައި ރަށުންބޭރުގައި ކުޅޭ މި މެޗު އޭނާގެ ޓީމަށް ރަނގަޅު ޓެސްޓަކަށްވާނެ ކަމަށާއި މިއީ ބައެއް ކަހަލަ ޗެލެންޖްތަކަށް ޓީމު ތައްޔާރުވެފައި ހުރި ފެންވަރު ވަޒަންކޮށްލަން ވެސް ރަނގަޅު ފުރުސަތެއް ކަމަށެވެ.

"އަހަރެމެން އަމިއްލަ ގައުމުން ބޭރު މި ކުޅެނީ. އަހަރެމެންގެ ވަރަށް މަދު ސަޕޯޓަރުން ކަންނޭނގެ ދަނޑުގައި ތިބޭނީ. އެހެންވީމަ ކުޅުންތެރިންނަށް އެނގޭނެ މި މެޗުގައި މި ތިބީ ޓީމު އެކަނިކަން ދަނޑުގައި. ކުރިން މެޗުތަކުގައި އެ ލިބުނު ސަޕޯޓް ނުލައި ކުއްލިއަކަށް ކުޅެން އުނދަގޫވިޔަސް މި ކަންކަމާ ކުރިމަތިލެވޭނެ ފެންވަރުގެ ކުޅުންތެރިން އެ ތިބީ،" ސައުތުގޭޓް ބުންޏެވެ.

ޔޫކްރެއިނާ ދެކޮޅަށް ކުޅުނު ހަތް މެޗުގެ ތެރެއިން އިންގްލެންޑް ބަލިވީ އެންމެ މެޗަކުންނެވެ. އެއީ 2009 ވަަނަ އަހަރު ވޯލްޑް ކަޕް ކޮލިފައިން މެޗެއްގަ އެވެ. އިންގްލެންޑުން ޔޫކްރެއިންގެ މައްޗަށް ހަތަރު ފަހަރު ކުރިހޯދާފައިވީ ނަމަވެސް އެންމެ ފަހުން މި ދެ ޓީމު ކުޅުނު ދެ މެޗު ވެސް ނިމުނީ އެއްވަރުވެގެންނެވެ.

ޔޫރޯގައި ޔޫކްރެއިނާއި އިންގްލެންޑް ބައްދަލުކުރީ އެންމެ ފަހަރަކު އެވެ. އެއީ 2012 ވަނަ އަހަރު ޔޫކްރެއިނާއި ޕޮލެންޑްގައި ބޭއްވި މުބާރާތުގަ އެވެ. އެ ފަހަރު ގްރޫޕް ސްޓޭޖުގައި ކުޅުނު މެޗުން އިންގްލެންޑް މޮޅުވީ 1-0 އިންނެވެ. މިރޭ ޔޫކްރެއިނާއި އިންގްލެންޑް ކުޅޭ މެޗު ފަށާނީ ރާއްޖެ ގަޑިން 00:00 ގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox