ކްރޮއޭޝިއާ އަށް ފުރުސަތެއް އޮތީ ސްޕެއިންގެ ފެންވަރުގައި ކުޅެގެން

Jun 28, 2021, 4:02 AM
ކްރޮއޭޝިއާގެ ކޯޗު ޒްލަޓްކޯ ޑާލިޗް:

ކްރޮއޭޝިއާގެ ކޯޗު ޒްލަޓްކޯ ޑާލިޗް:

ކޯޕެންހާގެން (ޖޫން 28) - ޔޫރޯ ފުޓްބޯޅަ މުބާރާތުގެ ދެ ވަަނަ ބުރުގައި މިރޭ ސްޕެއިން އަތުން މޮޅުވާން ކްރޮއޭޝިއާ އިން ކުރަން ޖެހޭނެ ކަމަކީ ސްޕެއިންގެ ފެންވަރުގައި މޮޅު ފުޓްބޯޅައެއް ކުޅުން ކަމަށް ކްރޮއޭޝިއާގެ ކޯޗު ޒްލަޓްކޯ ޑާލިޗް ބުނެފި އެވެ.

އެންމެ ފަހުން ބޭއްވި ފީފާ ވޯލްޑް ކަޕްގެ ރަނަރަޕަށް ދިޔަ ކްރޮއޭޝިއާ ޓީމުން މި ފަހަރުގެ ޔޫރޯގައި އަންނަނީ މެޗަކަށް ފަހު މެޗެއް ކުރިއެރުން ހޯދަމުންނެވެ. ފުރަތަމަ މެޗުގައި އިންގްލެންޑް އަތުން ބަލިވި ނަމަވެސް ދެ ވަނަ މެޗުން ޗެކް ރިޕަބްލިކާ އެއްވަރުކޮށް ތިން ވަނަ މެޗުގައި ވަނީ ސްކޮޓްލެންޑް ބަލިކޮށްފަ އެވެ.

ޔޫރަޕްގެ ޗެމްޕިއަންކަން ތިން ފަހަރެއްގެ މަތިން ހޯދާފައިވާ ސްޕެއިނާ ދެކޮޅަށް ނުކުންނައިރު، ކްރޮއޭޝިއާގެ ކޯޗު ޑާލިޗް ބުނީ ސްޕެއިން ގްރޫޕް ސްޓޭޖުގެ މެޗަކުން ބަލިނުވެ، ޕްރެޝަރު ވަގުތުގައި ވެސް ތަފާތު މޮޅަށް ކުޅެގެން މި ބުުރުން ފުރުސަތު ހޯދާފައި ވުމަކީ ކްރޮއޭޝިއާ އިން ވިސްނަން ޖެހޭނެ ކަމެއް ކަމަށެވެ.

"ސްޕެއިނުން އެންމެ ފަހުން ކުޅުނު މެޗުގައި ސްލޮވާކިއާއާ ދެކޮޅަށް އެ މީހުންގެ އަސްލު ފެންވަރު ދައްކާލައިފި. ވަރަށް ޒުވާން ކުޅުންތެރިންތަކެއް ތިބި ރަނގަޅު ރޫހެއްގައި ކުޅޭ ޓީމެއް އޮތީ. އަހަރެމެން ކުޅެން ޖެހޭނީ ސްޕެއިނުގެ ފެންވަރުގައި ސްޕެއިން ކައިރިން ނަތީޖާ ނެރެން. ހަމައެކަނި ޑިފެންސަށް ފޯކަސް ކޮށްފައި ކުރިއަށް ކުޅެގެން ނުވާނެ. ފަހުގެ ފުޓްބޯޅަ ވިސްނުމަކީ އެންމެ ރަނގަޅަށް ޑިފެންސް ކުރެވޭނީ ވަރުގަދަ އަށް އެޓޭކް ވެސް ކޮށްގެން،" މިރޭގެ މެޗުގެ ކުރިން ބޭއްވި ނޫސްވެރިންގެ ބައްދަލުވުމުގައި ޑާލިޗް ބުންޏެވެ.

ސްޕެއިން މެޗަށް ތައްޔާރުވަމުން ދަނިކޮށް ކްރޮއޭޝިއާ އަށް ދިމާވި އެންމެ ބޮޑު މައްސަލަ އަކީ ޓީމުގެ އެންމެ މުހިއްމު އެއް ކުޅުންތެރިޔާ އިވާން ޕެރިސިޗް ކޮވިޑަށް ޕޮޒިޓިވްވެ، މި މެޗު ގެއްލުމެވެ.

ޑާލިޗް ބުނީ ޕެރިސިޗް ކޮވިޑަށް ޕޮޒިޓިވްވުމަކީ ޓީމަށް ލިބުނު ޝޮކެއް ކަމަށެވެ. ގްރޫޕް ސްޓޭޖުގައި ކްރޮއޭޝިއާ ކުޅުނު ތިން މެޗުގައި ފުރަތަމަ އެގާރައިގައި ހިމެނިގެން ޕެރިސިޗް ކުޅުނުއިރު، ދެ ގޯލު ޖަހައި ގޯލެއް ޖަހަން ފުރުސަތު ވެސް ތަނަވަސްކޮށްދިނެވެ.

"މިއީ އޭނަ (ޕެރިސިޗް) އަށް ވެސް އަދި އަހަރެމެންނަށް ވެސް ލިބުނު ވަރަށް ބޮޑު ދެރައެއް. އަހަރެމެން މި މަސް ތެރޭގައި މި އުޅެން ޖެހެނީ މި ބޮލުގެ ރިހުމުގެ ތެރޭގައި. އެއީ ކޮންމެ މީހެއް ވެސް ޕޮޒިޓިވް ވެދާނެ ކަމަށް ދެކިގެން. އެހެންވީމަ މާ ބޮޑު ކަަމަކަށް ނުހަދައި މެޗަށް ފޯކަސް ކުރުން އޮތީ،" ޑާލިޗް ބުންޏެވެ.

"(މި ވަގުތަށް) ޕެރިސިޗް ދެން ހުންނާނީ އަހަރެމެންގެ އެންމެ ބޮޑު ސަޕޯޓަރުގެ ގޮތުގައި،"

ކްރޮއޭޝިއާ ވަނީ އެންމެ ފަހުން ކުޅުނު މެޗުގައި ސްޕެއިން އަތުން މޮޅުވެފަ އެވެ. އެއީ 2018 ވަނަ އަހަރު ނޭޝަންސް ލީގުގައި 3-2 އިން މޮޅުވި މެޗުގަ އެވެ. އެ ފަހަރު ސްޕެއިން ދަނޑުގައި ކުޅުނު މެޗުން ކްރޮއޭޝިއާ 6-0 އިން ބަލިވިއިރު، މިއީ އެ ގައުމުގެ ފުޓްބޯޅައިގައި އެންމެ ތަފާތު ބޮޑުކޮށް ބަލިވި މެޗެވެ.

ޖެހިޖެހިގެން ދެ ފަހަރު ދެ ވަނަ ބުރުން ކަޓައިގެންދާން ސްޕެއިން ބޭނުމެއް ނޫން

ސްޕެއިނުން 2008 އާއި 2012 ވަނަ އަހަރުގެ ޔޫރޯގެ ޗެމްޕިއަންކަން ހޯދުމަށް ފަހު 2016 ވަަނަ އަހަރު ވެސް ނުކުތީ ތަށީގެ އުއްމީދުގަ އެވެ. އެކަމަކު އެ ފަހަރު ފްރާންސްގައި ބޭއްވި ޔޫރޯ އިން ސްޕެއިން ކެޓީ ދެ ވަނަ ބުރުގައި އިޓަލީ އަތުން ބަލިވެގެންނެވެ.

މި ފަހަރުގެ މުބާރާތުގެ ދެ ވަނަ ބުރުގައި މިރޭ ސްޕެއިނުން ކްރޮއޭޝިއާއާ ކުޅޭއިރު، ޖެހިޖެހިގެން ދެ ފަހަރު ދެ ވަނަ ބުރުން ކަޓައިގެންދާން އެ ޓީމުން ބޭނުމެއް ނޫނެވެ.

މި މުބާރާތުގެ ފުރަތަމަ ދެ މެޗުން ސްޕެއިނަށް މޮޅެއް ނުލިބެ އެވެ. ސްވިޑެންއާ ލަނޑެއް ނުޖެހި ފުރަަތަމަ މެޗުން އެއްވަރުވިއިރު، ދެ ވަނަ މެޗުގައި ސްޕެއިން ލަނޑެއް ޖަހާފައި ވަނިކޮށް ޕޮލެންޑުން ވަނީ 1-1 އިން އެއްވަރުކޮށްފަ އެވެ. ޕްރެޝަރުގައި ކުޅެން ޖެހުނު މެޗުގައި ސްލޮވާކިއާ އަތުން ސްޕެއިން ވަނީ 5-0 އިން މޮޅުވެފަ އެވެ.

ސްޕެއިންގެ ކޯޗު ލުއިސް އެންރީކޭ.

ސްޕެއިންގެ ކޯޗު ލުއިސް އެންރީކޭ ބުނީ ފުރަތަމަ ދެ މެޗުން އެހެން ދިޔަ ކަމަށް ވިޔަސް ގްރޫޕްގެ އެއް ވަަނައިގެ ގޮތުގައި ދެ ވަނަ ބުރުން ފުރުސަތު ލިބޭނެ ކަމުގެ އުއްމީދު އޭނާ އަށް އޮތް ކަމަށެވެ. ކްރޮއޭޝިއާއާ ދެކޮޅަށް ކުޅޭ މެޗަށް ނުކުންނައިރު، ސްލޮވާކިއާ މެޗުން ހޯދުނު މޮޅުގެ ފައިދާ މާ ބޮޑަށް ކުރާނެ ކަމަށް އެންރީކޭ ނުދެކެ އެވެ.

"މިއީ ތަފާތު މެޗެއް. ސްލޮވާކިއާ އަތުން އަހަރެމެން ހޯދި މޮޅު މުހިއްމުވީ އެ ވަގުތުގެ ހާލަތުން އަރައިގަނެ ކޮންފިޑެންސް ރަނގަޅު ކުރަން. އެކަން ދިޔައީ ރަނގަޅަށް. އެކަމަކު ކްރޮއޭޝިއާ ކައިރިން ނަތީޖާ ނެރޭނަމަ އަހަރެމެން ފޯކަސް ގެއްލުވައިނުލައި މުޅި މެޗު ކުޅެން ޖެހޭ،" އެންރީކޭ ބުންޏެވެ.

"ކްރޮއޭޝިއާ އަކީ ވެސް މެދުތެރެއިން ކޮންޓްރޯލް ނަގައިގެން ކުޅެން ބޭނުންވާ ޓީމެއް. އަހަރެމެން ވެސް މިއީ އެ ގޮތަށް ކުޅޭ ޓީމެއް. އެހެންވީމަ މި މެޗުގެ ކޮންޓްރޯލް ކޮށްގެން ކުޅޭ ޓީމަކަށް ފުރުސަތު ބޮޑު،"

އެންމެ ފަހުން ޔޫރޯގައި ދެ ވަނަ ބުރުން ކަޓައިގެން ދިޔަ ސްޕެއިން ޓީމުގައި ހިމެނޭ ބައެއް ކުޅުންތެރިން މި ފަހަރުގެ ސްކޮޑުގައި ވެސް އެބަތިއްބެވެ އެހެންވެ، ޖެހިޖެހިގެން ދެ ފަަހަރު އެއް ހިސާބަކުން ކަޓައިގެންދާން އެ ކުޅުންތެރިން ބޭނުންނުވާނެ ކަމަށް އެންރީކޭ ވަނީ ބުނެފަ އެވެ.

ކްރޮއޭޝިއާ އިން ވަނީ 2016 ވަނަ އަހަރުގެ ޔޫރޯގެ ގްރޫޕް ސްޓޭޖުގައި ސްޕެއިން 2-1 އިން ބަލިކޮށްފަ އެވެ. މި ފަހަރުގެ މުބާރާތުގެ ދެ ވަނަ ބުރުގައި މި ދެ ޓީމު ކުޅޭ މެޗު ފަށާނީ މިރޭ ރާއްޖެ ގަޑިން 21:00 ގަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox