ހަންގޭރީ އަކީ "އާދައިގެ" ޓީމެއް ގޮތަށް ޖަރުމަނުން ނުދެކޭ

Jun 23, 2021, 10:22 AM
ޖަރުމަނުގެ ކޯޗު ޔަކީމް ލޯ.

ޖަރުމަނުގެ ކޯޗު ޔަކީމް ލޯ.

މިއުނިކް (ޖޫން 23) - ޔޫރޯ ފުޓްބޯޅަ މުބާރާތުގައި މިރޭގެ މެޗުގައި ޖަރުމަނާ ދެކޮޅަށް ކުޅޭ ހަންގޭރީ އަކީ އާދައިގެ ޓީމެއްގެ ގޮތުގައި ނުދެކެން ޖަރުމަނުގެ ކޯޗު ޔަކީމް ލޯ އެ ޓީމުގެ ކުޅުންތެރިން ކިބައިން އެދިއްޖެ އެވެ.

މި ފަަހަރުގެ މުބާރާތުގައި ޖަރުމަނުން ކުޅުނު ފުރަތަމަ މެޗުން ވަނީ ފްރާންސް އަތުން 1-0 އިން ބަލިވެފަ އެވެ. ދެ ވަނަ މެޗުގައި އެންމެ ފަހުގެ ޗެމްޕިއަން ޕޯޗުގަލް އަތުން ޖަރުމަނު ވަނީ ފަހަތުން އަރައި 4-2 އިން މޮޅުވެފަ އެވެ.

ޖަރުމަނުގެ ކޯޗު ލޯ ބުނީ ޕޯޗުގަލް އަތުން ލިބުނު މޮޅާ އެކު ޖަރުމަނުން މުބާރާތުގައި ފައިތިލަ ސާބިތުކުރަން ކޮންމެ ވެސް ވަރަަކަށް ފަސޭހަވާނެ ކަމަށެވެ. އެކަމަކު މިރޭ ހަންގޭރީއާ ދެކޮޅަށް ކުޅޭއިރު، މިއީ ފަސޭހަ މެޗެއް ކަމަށް ދެކުމަކީ ޖަރުމަނުން ގޯސްކޮށް ކުރާނެ ކަމެއް ކަމަށް ލޯ ވަނީ ބުނެފަ އެވެ.

Advertisement

"އަހަރެމެންނަށް ޕޯޗުގަލް އަތުން ލިބުނީ ހައްގު މޮޅެއް. މި ކަހަލަ މުބާރާތެއްގައި އެ މޮޅަކީ ވަރަށް ބޮޑު ހިތްވަރެއް. އޭގެ ބޭނުމަކީ ފިޔަވަޅެއް ކުރިއަށް އެޅުން. އެކަން ކުރެވޭނީ ރަނގަޅު ވިސްނުމެއްގައި ވެސް ހުރެގެން. އެ ގޮތަށް ބަލާއިރު ހަންގޭރީ މެޗު އާދައިގެ ގޮތަކަށް އެއީ އާދައިގެ ޓީމެއްގެ ގޮތުގައި ދެކިގެން ނުވާނެ. ހަންގޭރީ މެޗު އުނދަގޫވާނެ. އެއީ އެ ޓީމުން ކުރިއަށް ޖެހިގެން ނުކުޅޭނެ،" މި ފަަހަރުގެ ޔޫރޯ އަށް ފަހު ޖަރުމަނު ކޯޗުކަން ދޫކޮށްލަން ނިންމާފައިވާ ލޯ ބުންޏެވެ.

ޖަރުމަނުގެ ފަރިތަކުރުންތަކެއްގެ ތެރެއިން ލޯ އެ ޓީމުގެ ކުޅުންތެރިންނަށް ބުނެދެނީ.

މަރުގެ ގްރޫޕްގެ އެއް ވަަނައިގައި މި ވަގުތު އޮތީ ހަތަރު ޕޮއިންޓާ އެކު ފްރާންސް އެވެ. ދެ ވަނައިގައި އޮތް ޖަރުމަނާއި ތިން ވަނައިގައި އޮތް ޕޯޗުގަލް އަށް ވެސް ވަނީ ތިން ޕޮއިންޓް ލިބިފަ އެވެ. އެންމެ ފުލުގައި އޮތް ހަންގޭރީ އަށް ވަނީ ޕޮއިންޓެއް ލިބިފަ އެވެ. ހަތަރު ޓީމަށް ވެސް އަނެއް ބުރުގެ ޖާގަ ހޯދުމުގެ ފުރުސަތު އޮތްއިރު، ޖަރުމަނުން އެއްވަރުކޮށްލައިގެން ވެސް ފަރުޖައްސާލެވިދާނެ އެވެ.

ރަޝިއާގައި 2018 ވަނަ އަަހަރު ބޭއްވި ފީފާ ވޯލްޑް ކަޕްގެ ގްރޫޕް ސްޓޭޖުން ޖަރުމަނު ކެޓި އެވެ. މި ފަަހަރުގެ ޔޫރޯގެ ގްރޫޕް ސްޓޭޖުން ޖަރުމަނު ކަޓައިފިނަމަ މިއީ ޖެހިޖެހިގެން ބޮޑު ދެ މުބާރާތުގެ ގްރޫޕް ސްޓޭޖުން އެ ޓީމު ކަޓާނެ ފުރަތަމަ ފަހަރެވެ.

"އެންމެ ފަހު މުބާރާތުން (2018 ގެ ވޯލްޑް ކަޕް) ލިބުނު ފިލާވަޅުން ކަންތައްތައް ދަސްކުރިކަން މި މުބާރާތުން ސާބިތުކޮށް ދިނުން ވެސް އެއީ މުހިއްމު ކަމެއް،" ލޯ ބުންޏެވެ.

އަނިޔާގެ ސަބަބުން މިރޭ ޖަރުމަނުގެ ތޯމަސް މުލާ އަށް ކުޅެވުމުގެ ފުރުސަތެއް ނެތެވެ. އޭނާގެ ބަދަލުގައި ބޭނުންކުރަން ޖަރުމަނުން ވިސްނަމުން އަންނަ ކުޅުންތެރިންގެ ތެރޭގައި 18 އަހަރުގެ މިޑްފީލްޑަރު ޖަމާލް މުސިއާލާ ހިމެނެ އެވެ. މުސިއާލާ އަކީ މި އަހަރު ޖަރުމަނަށް ރަށްވެހިކަން ބަދަލުކުރި އިނގިރޭސި އާއިލާ އަކަށް ނިސްބަތްވާ ކުޅުންތެރިއެކެވެ. އޭނާ ވަނީ އިނގިރޭސި ޒުވާން ގައުމީ ޓީމުތަކަށް ކުޅެފަ އެވެ.

ހަންގޭރީ އިން ގަބޫލުކުރަނީ ޖަރުމަނު ބަލިކުރެވޭނެ ކަމަށް

މިރޭގެ މެޗަކީ މި ފަހަރުގެ ޔޫރޯގައި ހަންގޭރީން އަމިއްލަ ގައުމުން ބޭރުގައި ކުޅޭ ފުރަތަމަ މެޗެވެ. ހަންގޭރީން ގްރޫޕް ސްޓޭޖުގައި ކުޅުނު ފުރަތަމަ ދެ މެޗު އޮތީ ހަންގޭރީގެ މަޝްހޫރު ޕުސްކަސް އެރީނާގަ އެވެ. އެކަމަކު މިރޭ ގްރޫޕްގެ ފަހު މެޗުގައި ހަންގޭރީން ޖަރުމަނާ ދެކޮޅަށް ނުކުންނާނީ މިއުނިކްގައި ހުންނަ އަލިއާންޒް އެރީނާގަ އެވެ.

ހަންގޭރީ ކުޅުނު ފުރަތަމަ މެޗުގައި އެ ޓީމު އަތުން ޕޯޗުގަލް ވަނީ 3-0 އިން މޮޅުވެފަ އެވެ. އެ މެޗުގައި ޕޯޗުގަލް އިން ގޯލުތައް ޖެހީ 83 މިނިޓްގެ ފަހުންނެވެ. ދެ ވަނަ މެޗުގައި ހަންގޭރީން ދުނިޔޭގެ ޗެމްޕިއަން ފްރާންސް ކޮޅަށް ލީޑުނަގާފައި ވަނިކޮށް އެ ޓީމުން 1-1 އިން އެއްވަރުކުރި އެވެ. މިރޭ ޖަރުމަނާ ދެކޮޅަށް ކުޅޭއިރު، ހަންގޭރީގެ ކޯޗު މާކޯ ރޮސީ ވިސްނައިގެން ހުރީ ކުރިން ދެ މެޗުގައި ނެރުނު ހިތްވަރު މި މެޗުގައި ޖަރުމަނާ ދެކޮޅަށް ވެސް ތަކުރާރު ކުރުމެވެ.

"އިޓަލީގައި އަހަރެމެން ފުޓްބޯޅައިގައި ކުރިއަށް ދާން ބަލާއިރު އަބަދުވެސް ވިސްނާ ގޮތަކީ އަނެއް ޓީމު ބަލިކުރެވޭނެކަން ގަބޫލުކުރުން. އެއީ މަސައްކަތް ފެށޭނެ ހިސާބަކީ. އަހަރެން ބޭނުންވަނީ އެ ވިސްނުމުގައި ހަންގޭރީ މި މެޗަށް ފުރިހަމަ އަށް ތައްޔާރު ކުރަން،" ރޮސީ ބުންޏެވެ.

ޕޯޗުގަލްއާ ދެކޮޅަށް ކުޅުނު މެޗުގެ ތެރެއިން ރޮސީ (ކ) ހަންގޭރީ ކުޅުންތެރިއަކަށް ބޯޅަ ދެނީ.

ރޮސީ ބުނީ ޖަރުމަނަކީ ފިޒިކަލީ ބެލިޔަސް އެ މީހުންގެ ޓެކްނިކަލް ހުނަރާ އެއްވަރަށް މޮޅު ކުޅުންތެރިން ކަމަށާއި އެހެންވެ، މި މެޗުން ހަންގޭރީ އަށް ކަމެއް ހާސިލްކުރެވެން އޮތީ އެންމެ ފުރިހަމަ ކުޅުން ދައްކައިގެން ކަމަށެވެ.

ހަންގޭރީ އަށް އަނެއް ބުރުގެ ފުރުސަތު އޮތީ މިރޭގެ މެޗުން މޮޅުވެގެންނެވެ. މިއީ ޔޫރޯގައި މި ދެ ޓީމު ކުޅޭ ފުރަތަމަ މެޗެވެ. މީގެ ކުރިން ބޮޑު މުބާރާތެއްގައި މި ދެ ޓީމު ބައްދަލުކޮށްފައި އޮތީ 1954 ވަނަ އަހަރުގެ ވޯލްޑް ކަޕްގަ އެވެ. އެ ފަހަރު ގްރޫޕް ސްޓޭޖުގައި ހަންގޭރީން ވަނީ ވެސްޓް ޖަރުމަނު 8-3 އިން ބަލިކޮށްފަ އެވެ. އެކަމަކު ފައިނަލުގައި ވެސްޓް ޖަރުމަނު މޮޅުވީ 3-2 އިންނެވެ.

ޖަރުމަނުގެ ކޯޗަކަށް ލޯ ހުއްޓައި ހަންގޭރީއާ ދެކޮޅަށް ކުޅުނު ދެ މެޗުން ވެސް ވަނީ މޮޅުވެފަ އެވެ. އެއީ 2010 ވަނަ އަހަރު 3-0 އިންނާއި 2016 ވަނަ އަހަރު 2-0 އިންނެވެ.

މިރޭ ހަންގޭރީ އާއި ޖަރުމަނު ކުޅޭ މެޗު ފަށާނީ ރާއްޖެ ގަޑިން 00:00 ގަ އެވެ. އެ ވަގުތު ޕޯޗުގަލް އާއި ފްރާންސް މެޗު ވެސް ކުޅޭނެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox