ދޯހާ، ގަތަރު (ޖޫން 21) - ތިން އަހަރަށް ފަހު ސައުދީ އަރަބިއްޔާ އާއި ގަތަރުން މިދިޔަ ޖެނުއަރީ މަހު އަލުން ޑިލްޕޮމެޓިކް ގުޅުން ގާއިމް ކުރުމާއެކު ސައުދީން ގަތަރަށް ކަނޑައެޅި ސަފީރު މަސައްކަތް ފައްޓަވައިފި އެވެ.
އެ މަގާމަށް އައްޔަނުކޮށްފައިވަނީ އަމީރު މަންސޫރު ބިން ހާލިދު ބިން ފަރްހާން އަލް ސައުދް އެވެ. ގަތަރުގައި އޭނާއަށް މަރުހަބާ ދެންނެވީ ފޮރިން މިނިސްޓަރު ޝެއިހް މުހައްމަދު ބިން އަބްދުލް ރަހްމާން އާލް ސާނީ އެވެ.
ސައުދީ އަރަބިއްޔާ އާއި އެ ގައުމާ އެކުވެރި ގައުމުތަކުން ޖޫން 2017 ގައި ގަތަރާއެކު އޮތް ގުޅުން ކަނޑާލީ ގަތަރުން އިރާނާ މާ ގާތް ގުޅުމެއް ބާއްވާ ކަމަށް ބުނެ އެވެ. ނަމަވެސް ގަތަރުން އެކަން ދޮގުކުރެ އެވެ.
ނަމަވެސް މި އަހަރުގެ ޖެނުއަރީ މަހު ދެ ގައުމުން އަލުން ޑިޕްލޮމެޓިކް ގުޅުން ގާއިމްކުރި އެވެ. އެކަމުގައި މެދުވެރިއެއްގެ ދައުރު އަދާ ކުރީ އެމެރިކާއިންނެވެ.
ސައުދީ އަރަބިއްޔާ އާއި އެ ގައުމާ އެކުވެރި ގައުމުތަކުން ގަތަރާ ދެކޮޅަށް އަޅާފައިވާ ދަތިކުރުމުގެ ފިޔަވަޅިތައް އުވާލަން ވެސް ޖެނުއަރީ މަހު ނިންމި އެވެ.
އެއަށްފަހު ދެ ގައުމުގެ މެދުގައި އަލުން ވައިގެ ދަތުރުތައް ފަށައި، ގަތަރާއި ސައުދީ އަރަބިއްޔާ ގުޅޭ ބޯޑަރު އަލުން ވަނީ ހުޅުވާލާފަ އެވެ.
