ބެއިޖިން، ޗައިނާ (ޖޫން 20) - ޗައިނާގައި ކޮވިޑާ ދެކޮޅަށް ބޭނުން ކުރާ ވެކްސިންގެ އެއް ބިލިއަން ޑޯޒް މިހާތަނަށް ޖަހާފައިވާ ކަމަށް އެ ގައުމުގެ ސިއްހީ އޮފިޝަލުން ބުނެފި އެވެ.
އޭއެފްޕީގެ ތަފާސްހިސާބުން ދައްކާ ގޮތުގައި މިދިޔަ ހުކުރު ދުވަހާ ހަމައަށް މުޅި ދުނިޔޭގައި ޖުމްލަ 2.5 ބިލިއަން ޑޯޒް ވަނީ ކޮވިޑާ ދެކޮޅަށް ޖަހާފަ އެވެ.
ޗައިނާގައި އެއް ބިލިއަން ޑޯޒް ޖަހާފައިވާ ކަމަށް އެ ގައުމުގެ ނޭޝަނަލް ހެލްތު ކޮމިޝަނުން ބުނި ނަމަވެސް، އެއީ އާބާދީގެ ކިހާ މިންވަރެއް ކަމަށް ހާމަކޮށްފައެއް ނުވެ އެވެ.
ނަމަވެސް ޗައިނާގައި ވެކްސިން ޕްރޮގްރާމް ފެށީ ވަރަށް މަޑު ދުވެއްޔެއްގަ އެވެ. އަދި ވެކްސިނާ މެދު ދެފުށް ފެންނަ ސިޔާސަތެއް ނުގެންގުޅުމާއި މީގެ ކުރިން ބައެއް ވެކްސިންގައި މައްސަލަ ދިމާވެފައި ވާތީ ވެކްސިން ޖެހުމަށް އާއްމުންގެ ތެރޭގައި މާ ބޮޑު ފޯރިއެއް ނެތެވެ.
ޗައިނާއިން ބޭނުންވަނީ މި މަސް ނިމުމުގެ ކުރިން 1.4 ބިލިއަން މީހުންގެ ތެރެއިން 40 ޕަސެންޓަށް ވެކްސިންގެ ދެ ޑޯޒް ދިނުމަށެވެ.
ވެކްސިން ޖެހުމަސް ހިތްވަރު ދިނުމުގެ ގޮތުން ބައެއް ސަރަހައްދުތަކުގައި ހިލޭ ބިސް އަދި ޝޮޕިން ކޫޕަން ފަދަ ތަކެތި އަންނަނީ ދެމުންނެވެ.
ޗައިނާގައި ބޭނުން ކުރަމުން ދަނީ ފައިޒާ، މޮޑާނާ، ސިނޮފާމް އަދި ސިނޮވެކް ވެކްސިނެވެ. އެ ގައުމުން މިއަދު ޕޮޒިޓިވްވީ 23 މީހުންނެވެ.
