އެންރީކޭ ބުނަނީ ސްޕެއިން ހާސްވާންޖެހޭ ސަބަބެއް ނެތް ކަމަށް

Jun 20, 2021, 4:55 AM
އެންރީކޭ ބުނަނީ ސްޕެއިން ހާސްވާންޖެހޭ ސަބަބެއް ނެތް ކަމަށް

މެޑްރިޑް (ޖޫން 20) - މި ފަަހަރުގެ ޔޫރޯ ފުޓްބޯޅަ މުބާރާތުގައި މިހާތަނަށް ކުޅުނު ދެ މެޗުން ވެސް އެއްވަރުވެފައިވާ ސްޕެއިން އަދި ހާސްވާން ޖެހޭ ސަބަބެއް ނެތް ކަމަށް އެ ޓީމުގެ ކޯޗު ލުއިސް އެންރީކޭ ބުނެފި އެވެ.

ފުރަތަމަ މެޗުގައި މިދިޔަ ހަފްތާގައި ސްވިޑެންއާ ލަނޑެއް ނުޖެހި އެއްވަރުވިއިރު، ރޭ ސްޕެއިން ލީޑުނަގާފައި ވަނިކޮށް ޕޮލެންޑުން ވަނީ 1-1 އިން އެއްވަރު ކޮށްފަ އެވެ. މިއީ 1996 ވަަނަ އަހަރު އިންގްލެންޑްގައި ބޭއްވި ޔޫރޯ އަށް ފަހު ސްޕެއިން ޔޫރޯގެ ފުރަތަމަ ދެ މެޗުން މޮޅެއް ނުލިބި ނިންމާލަން ޖެހުނު ފުރަތަމަ ފަހަރެވެ.

Advertisement

ގްރޫޕްގެ އެއް ވަނައިގައި އޮތީ ދެ މެޗުން ހަތަރު ޕޮއިންޓާ އެކު ސްވިޑެން އެެވެ. ދެ ވަނައިގައި އޮތް ސްލޮވާކިއާ އަށް ދެ މެޗުން ވަނީ ތިން ޕޮއިންޓް ލިބިފަ އެވެ. ތިން ވަނައިގައި ސްޕެއިން އޮތީ ދެ މެޗުން ދެ ޕޮއިންޓާ އެކު އެވެ. ޕޮލެންޑް ފުލުގައި އޮތީ ދެ މެޗުން އެއް ޕޮއިންޓާ އެކު އެވެ. ދެ ވަނަ ބުރުގެ ފުރުސަތު މި ގްރޫޕްގެ ހަތަރު ޓީމަށް ވެސް އެބައޮތެވެ. ފަހު މެޗުގައި އަންނަ ބުދަ ދުވަހު ސްޕެއިން ކުޅޭނީ ސްލޮވާކިއާއާ އެވެ. އަދި ޕޮލެންޑް ބައްދަލުކުރާނީ ސްވިޑެންއާ އެވެ.

ރޭގެ މެޗަށް ފަހު އެންރީކޭ ބުނީ ފުރަތަަމަ މެޗުތަކުގެ ނަތީޖާ މިހެން އޮތް ކަމުގައި ވިޔަސް ފަހު މެޗަށްދާއިރު އޭނާގެ އުއްމީދު ހުރީ ވަރަށް މަތީގައި ކަަމަށެވެ.

"މި ގްރޫޕްގެ ހަތަރު ޓީމު އަތުގައި ވެސް އަމިއްލަ ބާރު އެބައޮތް އަނެއް ބުރަށް ދިއުމުގެ. އަހަރެން މި ހުރީ ފަހު މެޗަށްދާއިރު ވަރަށް އުއްމީދުގައި. އަހަރެެމެން އަދި ހާސްވާން ނުޖެހޭ، އެއީ އަހަރެމެންނަށް މޮޅުވެގެން އަނެއް ބުރަށް ދިއުމުގެ ފުރުސަތު އޮތީ ހުޅުވިފައި،" އެންރީކޭ ބުންޏެވެ.

ފުރަތަމަ ދެ މެޗުން ސްޕެއިން އިން ލަނޑު ޖަހާނެ ގިނަ ފުރުސަތުތަކެއް ތަނަވަސްކުރި ނަމަވެސް ޖެހުނީ އެންމެ ގޯލެކެވެ. ގިނަ ޕާސްތަކެއް ޖަހައި ރެކޯޑްތަކެއް ހެދި ނަމަވެސް ފަހަތަށް ފައިބައިގެން ޑިފެންސްކުރާ ޓީމުތައް ކައިރީގައި ސްޕެއިނަށް ނަތީޖާ ނުނެރެވޭ މައްސަލައިގައި ފާޑުކިޔުން އަމާޒުވެ އެވެ.

އެންރީކޭ ބުނީ އާންމުކޮށް ސްޕެއިން ކައިރީގައި ގިނަ ޓީމުތައް ކުޅެނީ ފަހަތުގައި ކޭމްޕް ކޮށްގެން ތިބެފައި ކަމަށާއި އެކަމަކު ޕޮލެންޑުން ކުުޅުނީ އެހެނެއް ނޫން ކަމަށެވެ. ޕޮލެންޑުން އެޓޭކް ކޮށްގެން ބޯޅަ ކުޅެން އުޅުނު ކަމަށާއި އެ ޓީމު ކުރި މަސައްކަތަށް ތައުރީފު ހައްގުވާ ކަމަށް އެންރީކޭ ބުންޏެވެ.

"ތެދެއް ތިބުނީ. ފަހަތަށް ފައިބައިގެން ކުޅޭ ޓީމުތައް ކައިރިން އަހަރެމެންނަށް އުނދަގޫ. އެ އަށް ދެބަސްވާން ނެތިން. އެކަަމަކު އެއީ ބާސެލޯނާ، ބްރެޒިލް، މެންޗެސްޓާ ސިޓީ، ރެއާލް މެޑްރިޑް ކަހަލަ ޓީމުތަކަށް ވެސް އުނދަގޫވާނެ ކަންކަން. އެޓޭކްކުރަން އުޅޭ ޓީމެއް ހުއްޓުވަން އެހެން ފަހަތަށް ފައިބައިގެން ކުޅެންޏާ އުނދަގޫވާނެ،" އެންރީކޭ ބުންޏެވެ.

ސްޕެއިނުން ވަނީ ޔޫރަޕްގެ ޗެމްޕިއަންކަން ތިން ފަހަރު ހޯދައިފަ އެވެ. އެންމެ ފަހުން ހޯދީ 2008 އާއި 2012 ވަނަ އަހަރު އެވެ. އެ ޓީމު އެންމެ ފަހުން ގްރޫޕް ސްޓޭޖުން ކެޓީ 2004 ވަނަ އަހަރު ޕޯޗުގަލްގައި ބޭއްވި މުބާރާތުންނެވެ. އަދި އެންމެ ފަހުން ފްރާންސްގައި 2016 ވަނަ އަހަރު ކުޅުނު ޔޫރޯ އިން ސްޕެއިން ކެޓީ ދެ ވަނަ ބުރުންނެވެ.

މިއީ ސްޕެއިންގެ ކޯޗުކަމާ އެންރީކޭ ހަވާލުވެ ކުރިމަތިލާ ބައިނަލްއަގުވާމީ ބޮޑު ފުރަތަަމަ މުބާރާތެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox