ދެ ފާރުދޭތެރޭ ތާށިވި ކުއްޖަކު ސަލާމަތް ކޮށްފި

ކުޑަ ކުއްޖާ ދެ ފާރު ދޭތެރޭ ތާށިވެފައި: އެ ކުއްޖާ ސަލާމަތް ކުރިއިރު އެއްވެސް އަނިޔާއެއް ނުވޭ-- ފޮޓޯ: ސޯޝަލް މީޑިއާ

ކުޑަ ކުއްޖާ ދެ ފާރު ދޭތެރޭ ތާށިވެފައި: އެ ކުއްޖާ ސަލާމަތް ކުރިއިރު އެއްވެސް އަނިޔާއެއް ނުވޭ-- ފޮޓޯ: ސޯޝަލް މީޑިއާ

ށ. ނަރުދޫގައި ގެއެއްގެ ދެ ފާރު ދޭތެރޭގައި ތާށިވި ކުއްޖަކު، އެ ގޭގެ ފާރު ތަޅާލައިގެން ސަލާމަތް ކޮށްފި އެވެ.

ނަރުދޫ ސާރާޒް ގޭގެ ފާރުގައި ތަށިވީ އެގޭގެ އުމުރުން ހަތަރު އަހަރުގެ ޔޫސުފް ނާޝިދު އަލީ އެވެ. އޭނާ ތާށިވީ މައި ގޭ ފާރާއި ހޯލް ފާރާ ދެމެދަށެވެ. އެއީ ފޫޓެއްހާ ޖާގައިގެ ދޭތެރެ އެކެވެ.

ނަރުދޫ ކައުންސިލްގެ ރައީސް މުހައްމަދު މުސްތަރުސިދު، "އަދަދު" އަށް ވިދާޅުވި ގޮތުގައި އެ ކުޑަކުއްޖާ އަށް އެއްވެސް އަނިޔާއެއް ލިބިފައެއް ނުވެ އެވެ. ކުއްޖާ ސަލާމަތް ކުރީ ހޯލް ފާރުގެ ބައެއް ތަޅާލައިގެން ކަމަށް އޭނާ ބުންޏެވެ.

މިއަދު 1:30 ކަންހާއިރު އެ ކުއްޖާ ތާށިވިއިރު އޭނާ ސަލާމަތް ކުރެވުނީ 2:00 ޖަހާކަންހާއިރު އެވެ.

"ފިތުނީމައި މަޑުން ބަސް އަހައިގެން ހުރީ އެ ކުއްޖާ. ރޮއެ ހަދާ ކުއްޖެއް ނަމަ ތަންކޮޅެއް އުނދަގުވީސް. އެކަމަކު އެ ކުއްޖާ ނުރޮއެ ހުރީ. ބޭރުގައި ތިބެ މީހުން ވާހަކަ ދެއްކީމަ ބުނާ ގޮތް ހެދީ،" ކައުންސިލް ރައީސް ވިދާޅުވި އެވެ.

ޔޫސުފް އެ ދޭތެރެއަށް ވަނީ ކުޅެން އުޅުމުގެ ތެރެއިން ކަމަށް ވެސް ކައުންސިލްގެ ރައީސް ވިދާޅުވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox