ފިއްތުންތަކާ ހެދި ނައޯމީ ފްރެންޗް އޯޕަން އިން ވަކިވެއްޖެ

May 31, 2021, 8:02 PM
މަޝްހޫރު ޓެނިސް ކުޅުންތެރިޔާ ނައޯމީ.

މަޝްހޫރު ޓެނިސް ކުޅުންތެރިޔާ ނައޯމީ.

ޕެރިސް (ޖޫން 1) - ނޫސްވެރިންގެ ބައްދަލުވުންތައް ބޮއިކޮޓް ކުރަން ޖަޕާނުގެ އަންހެން ޓެނިސް ތަރި ނައޯމީ އޮސާކާ ނިންމި ނިންމުމާ އެއްގޮތަށް އަމަލުކުރަން ފެށުމާ އެކު، ޓެނިހުގެ ހަތަރު ގްރޭންޑް ސްލޭމް މުބާރާތުން އޭނާ ސަސްޕެންޑްކުރަން ޖެހިދާނެ ކަމުގެ އިންޒާރު ދީފައި އޮއްވައި ނައޯމީ ފްރެންޗް އޯޕަން އިން ވަކިވެއްޖެ އެވެ.

ފްރެންޗް އޯޕަންގެ ކުރިން އުމުރުން 23 އަހަރުގެ ނައޯމީ ބުނީ އޭނާ މި މުބާރާތުގައި އެއްވެސް ނޫސްވެރިންގެ ބައްދަލުވުމެއްގައި ބައިވެރިނުވާނެ ކަމަށާއި އެއީ ނަފްސާނީ ދުޅަހެޔޮކަމަށް ވިސްނާފައި ކަމަށެވެ.

އާދިއްތަ ދުވަހު ފްރެންޗް އޯޕަންގެ ފުރަތަމަ ބުރުގައި ނައޯމީ ވަނީ ރުމޭނިއާގެ ޕެޓްރީޝިއާ މާރިއާ އަތުން 6-4، 7-6 އިން މޮޅުވެފަ އެވެ. އެ މެޗަށް ފަހު ނައޯމީ ނޫސްވެރިންގެ ބައްދަލުވުމުގައި ބައިވެރިނުވެ އެވެ. އެހެންވެ ފްރެންޗް އޯޕަން އޮގަނައިޒިން ކޮމިޓީން ނިންމީ ނައޯމީ 15،000 ޑޮލަރުން ޖޫރިމަނާ ކުރާށެވެ.

ޓެނިހުގެ ހަތަރު ގްރޭންޑް ސްލޭމް މުބާރާތުން ވަނީ ނައޯމީ އެ ގޮތަށް ނޫސްވެރިންގެ ބައްދަލުވުން ބޮއިކޮޓްކުރާނަަމަ ސަސްޕެންޑް ކުރަން ޖެހިދާނެ ކަމުގެ އިންޒާރުދީ ބަޔާނެއް ނެރެފަ އެވެ. އެ ބަޔާން ނެރުނުތާ މާ ގިނައިރެއް ނުވެ ނައޯމީ ވަނީ ފްރެންޗް އޯޕަން އިން އަމިއްލަ އަށް ވަކިވާން ނިންމާފައިވާކަން އިއުލާނުކޮށް ޓްވީޓެއްކޮށްފަ އެވެ.

"މުބާރާތުން ވަކިވާން ނިންމީ އަހަރެންގެ ސަބަބުން އިތުރު އުނދަގޫތަކެއް ނުވެ ޕެރިހުގެ މުބާާރާތަށް (ފްރެންޗް އޯޕަން އަށް) އެންމެން ފޯކަސް ކުރަން ފަސޭހަ ކޮށްދިނުމުގެ ގޮތުން. އަހަރެން އެ ގޮތަށް ކަންތައްކުރީ (ނޫސްވެރިންގެ ބައްދަލުވުން ބޮއިކޮޓްކުރީ) މި ދަނޑިވަޅަކީ ނަފްސާނީ ދުޅަހެޔޮ ކަމަށް ސަމާލުވާން މެސެޖެއް ދޭން. އެކަމަކު އެކަންތައް ދިޔައީ ބޭނުންވި ގޮތަކަށް ނޫން،" ނައޯމީ ބުންޏެވެ.

ހަތަރު ގްރޭންޑް ސްލޭމް ތަށި ހޯދާފައިވާ ނައޯމީ ބުނީ 2018 ވަަނަ އަހަރުގެ ޔޫއެސް އޯޕަންގެ ތެރޭގައި ޑިޕްރެޝަންގެ ޝިކާރަ އަކަށް އޭނާ ވެގެންދިޔަ ކަމަށާއި އެ ދުވަސްވަރު ނޫސްވެރިންގެ ބައްދަލުވުންތަކުގައި އަމާޒުވި ސުވާލުތަކާ ހުރެ އިތުރަށް ހާލަތު ގޯސްވެގެން ދިޔަ ކަމަށެވެ. އަދި އެ ފަދަ ކަންތައްތަކެއް ދެ ވަނަ ފަހަރަށް ކުރިމަތިލާން ބޭނުންނުވާ ކަމަށް ނައޯމީ ބުންޏެވެ.

ނައޯމީ ބުނީ ޓެނިހުގައި އުޅޭ މެޖޯރިޓީ ނޫސްވެރިންނަކީ އޭނާއާ ގާތްގުޅުމެއް އޮންނަ ބައެއް ކަމަށާއި އެކަމަކު މުޅި ދުނިޔޭގެ މީޑިއާ އަށް ބަލާއިރު، ކަންތައްތައް ހިނގާގޮތުން އޭނާ ހިތްބިރުގަންނަ ގޮތަށް ބައިވަރެއް ހާލަތްތައް ކުރިމަތިވާ ކަމަށެވެ.

އެންމެ ފުރަތަމަ ޕްރޮފެޝަނަލެއްގެ ގޮތުގައި ނައޯމީ ސީނިއާ ކެރިއަރުގައި ޓެނިސް މެޗަކަށް ނުކުތީ 2014 ވަނަ އަހަރު އުމުރުން އެންމެ 16 އަހަރުގަ އެވެ. ފާއިތުވި އަހަރުތަކުގައި ބޮޑެތި ކުރިއެރުންތަކެއް ހޯދަމުން އަންނަ ނައޯމީ ވަނީ ދެ ފަހަރު އޮސްޓްރޭލިއަން އޯޕަން އަދި ޔޫއެސް އޯޕަން ކާމިޔާބުކޮށްފަ އެވެ.

ނައޯމީ ބޮޑަށް ފާހަގަވާން ފެށީ ޓެނިސް ލެޖެންޑް ސެރީނާ ވިލިއަމްސްއާ ދެކޮޅަށް ވާދަވެރި މެޗުތަކުގައި ދައްކާ މޮޅު ކުޅުމުގެ ސަބަބުންނެވެ. ނައޯމީ ފުރަތަމަ ގްރޭންޑް ސްލޭމް ތަށި ހޯދީ 2018 ވަނަ އަހަރުގެ ޔޫއެސް އޯޕަން ފައިނަލުގައި ސެރީނާ ބަލިކޮށްފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox