ދަގަނޑޭ އާއި ތޮއްޕޭ ޕޮޒިޓިވްވެ ޓީމު ކޭމްޕާ ދުރަށް

May 30, 2021, 3:01 AM
ދުބާއީ ޓްރެއިނިން ކޭމްޕްގެ ތެެރެއިން ދަގަނޑޭ.-- ފޮޓޯ: އިބްރާހިމް ފާއިދު/ އެފްއޭއެމް

ދުބާއީ ޓްރެއިނިން ކޭމްޕްގެ ތެެރެއިން ދަގަނޑޭ.-- ފޮޓޯ: އިބްރާހިމް ފާއިދު/ އެފްއޭއެމް

ގައުމީ ޓީމުގެ ތަރި އަލީ އަޝްފާގު (ދަގަނޑޭ) އާއި ޒުވާން ޑިފެންޑަރު އަލީ ޝާމިސް (ތޮއްޕޭ) ކޮވިޑް-19 އަށް ޕޮޒިޓިވްވެއްޖެ އެެވެ.

ދުބާއީ ޓްރެއިނިން ކޭމްޕް ނިންމާފައި ޗައިނާ އަށް ފުރުމުގެ ކުރިން ކުރި ޓެސްޓްތަކުން ދަގަނޑޭ އާއި ތޮއްޕޭ ޕޮޒިޓިވްވީ އިއްޔެ އާއި އޭގެ ކުރިން ދުވަހު އެވެ. އެހެންވެ އެ ދެ ކުޅުންތެރިން ނުލައި ޗައިނާ އަށް ދިއުމަށް މިއަދު ދުބާއީ މަގުން ފުރަން އޮތް ނަަމަވެސް މިއަދު ނުފުރާ ގޮތަށް ވަނީ ހަމަޖެހިފަ އެވެ. އެއީ ދެ ކުޅުންތެރިއަކު ޕޮޒިޓިވްވެފައިވާއިރު، ޗައިނާގެ ހެލްތު އޮތޯރިޓީން ލިބެން ޖެހޭ ހުއްދަ ނުލިބުމުންނެވެ.

ބެލެވޭ ގޮތުގައި ގައުމީ ޓީމުގެ ކުޅުންތެރިން އިތުރު ޓެސްޓްތަކެއް ހަދަން ޖެހުމުގެ ފުރުސަތު އެބައޮތެވެ.

ދަގަނޑޭ އާއި ތޮއްޕޭ ޕޮޒިޓިވްވެފައިވާތީ ޕްރޮޓޮކޯލާ އެއްގޮތަށް އަމަލުކުރުމުގެ ގޮތުން އެ ދެ ކުޅުންތެރިން 10 ދުވަހު ދުބާއީގައި ކަރަންޓީނުވާން ޖެހޭނެ އެވެ.

ދަގަނޑޭ ކުރި ޓްވީޓެއްގައި ބުނެފައިވަނީ ކޮވިޑަށް ޕޮޒިޓިވްވެފައިވީ ނަމަވެސް އޭނާގެ ހާލު ރަނގަޅު ކަމަށެވެ. އަދި އޭނާ އަށް ކޮލިފައިން މެޗުތަކުގައި ނުކުޅެވޭނެ ކަމަށާއި ކުޅުންތެރިންނަށާއި ގައުމީ ޓީމަށް ކާމިޔާބަށް އެދޭ ކަމަށް ދަގަނޑޭ ބުނެފައިވެ އެވެ.

ގައުމީ ޓީމު މާލޭގައި ހޮޓެލް ޖެންގައި ކޭމްޕް ޖަހާފައިވަނިކޮށް ދަގަނޑޭގެ އަންހެނުން ޕޮޒިޓިވްވެގެން އޭނާއާ ކޮންޓެކްޓްވެފައިވާތީ ޕްރޮޓޮކޯލްގެ ތެެރެއިން ދަގަނޑޭ އައިސޮލޭޝަނަށް ދާން ޖެހުނެވެ. އެކަމަކު އައިސޮލޭޓްވުމަށް ފަހު އޭގެ ފަހުން ޕީސީއާރް ޓެސްޓްތަކެއް ކޮށް ނެގެޓިވް ކަމަށް ދެއްކުމުން ދަގަނޑޭ ވަނީ އަލުން ޓްރެއިނިން ކޭމްޕާ ގުޅިފަ އެވެ. ޓީމާ އެކު ދުބާއީ އަށް އައިސް އެންމެ ފުރަތަމަ ދަގަނޑޭ ވެސް ހިމެނޭ ގޮތަށް ހުރިހާ ކުޅުންތެރިން ކޮވިޑަށް ޓެސްޓްކުރި އެވެ. އެ ފަހުން ޕްރެކްޓިސްތަކުގައި ކުޅުންތެރިން ބައިވެރިވީ ޓެސްޓްތައް ނެގެޓިވްވުމުންނެވެ.

އުއްމީދީ ޑިފެންޑަރު ތޮއްޕޭ: ޕޮޒިޓިވްވުމުން ވަނީ ޓީމުގެ ކޭމްޕާ ވަކިވާން ޖެހިފައި،

މި މަހު 22 ވަނަ ދުވަހު ގައުމީ ޓީމުން ދުބާއީ އަށް ޓްރެއިނިން ކޭމްޕަށް ދިޔައިރު، ޓީމު އައީ ތޮއްޕޭ އާއި އަލީ ޝަމާލް އަބްދުﷲ (ޝަންމު) ނުލަ އެވެ. އެއީ އޭރު ތޮއްޕޭ ކޮވިޑަށް ޕޮޒިޓިވްވެ 14 ދުވަސް ހަމަވެފައިނުވާތީ އެ މުއްދަތު ހަމަވެފައި ޓެސްޓް ކޮށްގެން ފުރުމަށާއި ޝަމާލްގެ ވިސާ ކަންތައްތައް އެއްކޮށް ހަމަނުޖެހޭތީ އެވެ. ތޮއްޕޭ އާއި ޝަންމު ދުބާއީ އަށް ދިޔައީ މިދިޔަ ހަފްތާގެ އަންގާރަ ދުވަހު އެވެ. ގޮސް ގައުމީ ޓީމާ އެކު ޓްރެއިނިންގައި ބައިވެރިވީ ވެސް ޓެސްޓްކޮށްފަ އެވެ.

ޗައިނާ އަށް ފުުރުމުގެ ކުރިން ހުރިހާ ކުޅުންތެރިން ކުރަން ޖެހޭ ކޮވިޑް ޓެސްޓްތަކުގެ ތެރެއިން ފުރަތަމަ ޓެސްޓްތަކުން ތޮއްޕޭ ވެސް ޕޮޒިޓިވް ކަމަށް ދެއްކުމުން އޭނާ ވެސް ޓީމުގެ ކޭމްޕާ ދުރަށްދާން ޖެހުނީ އެވެ.

ދަގަނޑޭ އާއި ތޮއްޕޭ ޕޮޒިޓިވްވުމާ އެކު އެ ދެ ކުޅުންތެރިންނަށް ދެން ކޮލިފައިންގެ އެއްވެސް މެޗެއްގައި ނުކުޅެވޭނެ އެެވެ. ކޮލިފައިންގައި ގައުމީ ޓީމަށް ދެން އޮތީ ތިން މެޗެވެ. އެއީ އަންނަ މަހުގެ ތިން ވަނަ ދުވަހު ޗައިނާއާ ދެކޮޅަށް ކުޅޭ މެޗާއި ހަތް ވަނަ ދުވަހު ސީރިއާއާ ބައްދަލުކުރާ މެޗު އަދި 15 ވަނަ ދުވަހު ފިލިޕީންސާ ދެކޮޅަށް ކުޅޭ މެޗެވެ.

ކޮވިޑަށް ޕޮޒިޓިވްވުމުން މި ފަހަރު ގައުމީ ޓީމުގެ ސްކޮޑުގައި ހިމެނުނު ނަމަވެސް ސްކޮޑާ އެކު ނުދެވުނު ކުޅުންތެރިންގެ ތެރޭގައި އިސްމާއިލް އީސާ (މެސީ)، ހަސަން ރާއިފް (ހަންނަ)، ޔަސްފާދު ހަބީބު (މުލަކޭ) އަދި އަބްދުﷲ ޔާމީން (ޔާން) ހިމެނެ އެވެ. ކޮވިޑުން ރަނގަޅުވެގެން ގައުމީ ޓީމާ ގުޅުނު ކުޅުންތެރިންނަކީ މާޒިޔާގެ ހަމްޒާ މުހައްމަދު (ހަމްޕު) އާއި ހުސެއިން ނިހާން (ނިހާޓް) އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox