އެންމެ އަގުބޮޑު ފުޓްބޯޅަ މެޗުން މޮޅުވެ ބްރެންޓްފޯޑް ޕްރިމިއާ ލީގަށް

May 29, 2021, 4:20 PM
ބްރެންޓްފޯޑް ކުޅުންތެރިން ލަނޑު ޖެހުމަށް ފަހު އުފާފާޅުކުރަނީ.-- ފޮޓޯ: އޭއެފްޕީ

ބްރެންޓްފޯޑް ކުޅުންތެރިން ލަނޑު ޖެހުމަށް ފަހު އުފާފާޅުކުރަނީ.-- ފޮޓޯ: އޭއެފްޕީ

ލަންޑަން (މެއި 29) - ދުނިޔޭގެ އެންމެ އަގުބޮޑު ފުޓްބޯޅަ މެޗު ކަމަށްވާ، އިނގިރޭސި ޗެމްޕިއަންޝިޕް (ދެ ވަނަ ޑިވިޝަން) ގެ ޕްލޭއޮފް މެޗުން މިރޭ ސްވަންސީ ސިޓީ 2-0 އިން ބަލިކޮށް، ބްރެންޓްފޯޑުން އެ ކްލަބްގެ ތާރީހުގައި އަލަށް އިނގިރޭސި ޕްރިމިއާ ލީގަށް ޕްރޮމޯޓްވެއްޖެ އެވެ.

މިދިޔަ އަހަރުގެ ޕްލޭއޮފް ފައިނަލުގައި ބްރެންޓްފޯޑް ބަލިވީ 2-1 އިން ފުލަމް އަތުންނެވެ. މިރޭ ސްވަންސީ އަތުން ހޯދި މޮޅާ އެކު ބްރެންޓްފޯޑް މި ވަނީ 74 އަހަރު ތެރޭ ފުރަތަމަ ފަހަރަށް އިނގިރޭސި ފުރަތަމަ ޑިވިޝަނުން ފުރުސަތު ހޯދައިފަ އެވެ. އިނގިރޭސި ފުރަތަމަ ޑިވިޝަން ޕްރިމިއާ ލީގަށް 1992 ވަނަ އަހަރު ރީބްރޭންޑް ކުރި ފަހުން ބްރެންޓްފޯޑް ލީގުގައި އަދި ނުކުޅެ އެވެ.

ބްރެންޓްފޯޑުން ޕްރިމިއާ ލީގަށް ޕްރޮމޯޓްމިވީ ޕްލޭއޮފްގައި ކުޅުނު 10 ވަނަ ފަހަރު ފައިނަލުން މޮޅުވެގެންނެވެ. މީގެ ކުރިން ފައިނަލުން ހަތަރު ފަހަރު ބަލިވިއިރު، ފަސް ފަހަރު ސެމީން ވަނީ ކަޓައިފަ އެވެ. މިރޭގެ މޮޅާ އެކު އެއް އަހަރު ޗެމްޕިއަންޝިޕް ޕްލޭއޮފް ފައިނަލުން ބަލިވެފައި ޖެހިގެން އައި އަހަރު ޗެމްޕިއަންކަން ހޯދި ފަސް ޓީމު ތެރޭގައި ބްރެންޓްފޯޑް މި ވަނީ ހިމެނިފަ އެވެ. މީގެ ކުރިން އެކަން ހާސިލްކުރީ ލެސްޓާ ސިޓީ، ކްރިސްޓަލް ޕެލަސް، އެސްޓަން ވިލާ އަދި ވެސްޓް ހޭމް ޔުނައިޓެޑް އެވެ.

Advertisement

ޕްލޭއޮފް ފައިނަލް މެޗުން މޮޅުވުމާ އެކު ބްރެންޓްފޯޑަށް ގާތްގަނޑަކަށް 178 މިލިއަން ޕައުންޑް (252 މިލިއަން ޑޮލަރު) ލިބޭނެ ކަމަށް ރިޕޯޓްތައް ބުނެ އެވެ. އާންމު ގޮތެއްގައި ޕްލޭއޮފުން މޮޅުވާ ޓީމެއްގެ އާމްދަނީ އުޅެނީ 170 މިލިއަން ޑޮލަރާއި 260 މިލިއަން ޑޮލަރާ ދެމެދުގަ އެވެ.

ފުޓްބޯޅަ އެހެން މެޗުތަކަށް ވުރެ މި މެޗުގެ އަގު ބޮޑުވަނީ ޓީވީ ރައިޓްސް، ފައިސާގެ އިނާމްގެ އިތުރުން ޕްރިމިއާ ލީގު ބޯނަސް، ކޮމާޝަލް ބޯނަސްގެ އިތުރުން ބެޓިން ފައިސާގެ ހިމަނައިގެންނެވެ. ޗެމްޕިއަންސް ލީގު ޗެމްޕިއަންކަން ހޯދައިގެން ވެސް އެންމެ ގިނަވެގެން ހޯދެނީ 90 މިލިއަން ޑޮލަރެވެ. އަދި ފީފާ ވޯލްޑް ކަޕް ޗެމްޕިއަން ޓީމަށް ލިބެނީ 38 މިލިއަން ޑޮލަރެވެ.

ބްރެންޓްފޯޑް ކުޅުންތެރިން ތަށްޓާ އެކު އުފާފާޅުކުރަނީ.

އަންނަ އަހަރުގެ ޕްރިމިއާ ލީގުގައި ބްރެންޓްފޯޑްގެ އިތުރުން ދެ ވަނަ ޑިވިޝަނުން ޕްރޮމޯޓްވެގެން ގޮސް ވާދަކުރާނީ ދެ ވަަނަ ޑިވިޝަންގެ ޗެމްޕިއަން ނޯވިޗް ސިޓީ އާއި ރަނަރަޕަށް ދިޔަ ވަޓްފޯޑް އެވެ. މި ދެ ޓީމު ޕްރިމިއާ ލީގަށް މި އައީ އެއް އަހަރުގެ މެދުކެނޑުމަކަށް ފަހު އެވެ.

މި ފަހަރުގެ ޕްލޭއޮފް ފައިނަލުން ބްރެންޓްފޯޑް ފުރުސަތު ހޯދީ ސެމީގައި ބޯންމައުތު ކަޓުވާލައިފަ އެވެ. ސްވަންސީ ސިޓީ މޮޅުވީ ސެމީގައި ބާންސްލީ އަތުންނެވެ.

ލަންޑަނުގެ ވެމްބްލީ ސްޓޭޑިއަމްގައި މިރޭ ކުޅުނު ފައިނަލުގައި ބްރެންޓްފޯޑުން ވަނީ ފުރަތަމަ 20 މިނިޓް ތެރޭގައި ދެ ގޯލު ޖަހައިފަ އެވެ. ބްރެންޓްފޯޑުން ލީޑުނެގީ މި ފަހަރު އެ ޓީމަށް އެންމެ ގިނަ ގޯލު ޖަހައިދީ ދެ ވަނަ ޑިވިޝަނުގެ އެންމެ ގިނަ ގޯލު ވެސް ކާމިޔާބުކުރި އިވާން ޓޯނޭ ވައްދާލި ޕެނަލްޓީންނެވެ. އޭގެ 10 މިނިޓް ފަހުން އެމިލިއާނޯ މޮރްކޮންޑޭސް ވަނީ ބްރެންޓްފޯޑްގެ ލީޑުފުޅާކޮށްދީފަ އެވެ.

ސްވަންސީން ލަނޑެއް ޖަހަން ކުރި މަސައްކަތް ކާމިޔާބުނުވިއިރު، އެ ޓީމުން މެޗު ނިންމާލީ އެއް ކުޅުންތެރިއަކު މަދުކޮށެވެ. އެއީ 65 ވަނަ މިނިޓްގައި އެ ޓީމުގެ ޖޭ ފުލްޓަން އަށް ރަތް ކާޑެއް ދެއްކުމުންނެވެ.

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox