މީޑިއާ ބޮއިކޮޓް ކުރުމުން ނައޯމީގެ ޖޫރިމަނާ 100،000 ޑޮލަރަށް އަރާފާނެ

May 28, 2021, 7:12 AM
ޖަޕާނުގެ އަންހެން ޓެނިސް ކުޅުންތެރިޔާ ނައޯމީ އޮސާކާ.-- ފޮޓޯ: އޭއެފްޕީ

ޖަޕާނުގެ އަންހެން ޓެނިސް ކުޅުންތެރިޔާ ނައޯމީ އޮސާކާ.-- ފޮޓޯ: އޭއެފްޕީ

ޕެރިސް (މެއި 28) - ނަފްސާނީ ދުޅަހެޔޮކަމަށް އިސްކަން ދިނުމުގެ ގޮތުން ފްރެންޗް އޯޕަން ޓެނިސް މުބާރާތުގައި ނޫސްވެރިންގެ ބައްދަލުވުންތައް ބޮއިކޮޓް ކުރަން ޖަޕާނުގެ އަންހެން ޓެނިސް ތަރި ނައޯމީ އޮސާކާ ނިންމާފައިވާއިރު، ޖޫރިމަނާގެ ގޮތުގައި އޭނާ ބޮޑު އަދަދެއް ދައްކަން ޖެހިދާނެ ކަމަށް ބެލެވިއްޖެ އެވެ.

އޭޓީޕީން މީގެ ކުރިން އަޅާފައިވާ ފިޔަވަޅުތަކަށް ބަލާއިރު، އަދި ގްރޭންޑް ސްލޭމްގެ ގަވާއިދު ފޮތުގައިވާ ގޮތުން މެޗަށް ފަހު ކުޅުންތެރިއަކު ނޫސްވެރިންގެ ބައްދަލުވުމަކަށް ހާޒިރުނުވެއްޖެނަމަ އެންމެ ބޮޑުވެގެން 20،000 ޑޮލަރުން ޖޫރިމަނާކުރެވޭނެ އެވެ. އެ އުސޫލުން ބަލާކަމަށްވާ ނަމަ ނައޯމީ މި ފަހަރުގެ ފްރެންޗް އޯޕަން ފައިނަަލާ ހަމައަށް ދާއިރު ޖުމްލަ އެއްކޮށް ޕްރެސް ކޮންފަރެންސްތައް ބޮއިކޮޓް ކުރުމުން އޭނާ ދައްކަން ޖެހޭ ޖޫރިމަނާ 100،000 އަށް އެރުމުގެ ނޫނީ އެ އަށް ވުރެ އިތުރު ވުމުގެ ފުރުސަތު ބޮޑު ކަމަށް ރިޕޯޓްތައް ބުނެ އެވެ.

ފްރެންޗް އޯޕަން ކާމިޔާބުކުރާ ކުޅުންތެރިއަކަށް ފައިސާގެ އިނާމުގެ ގޮތުގައި ގާތްގަނޑަކަށް 1.7 މިލިއަން ޑޮލަރު ލިބޭނެ އެވެ. ރިޕޯޓްތައް ބުނާގޮތުން ދުނިޔޭގެ ރޭންކިންގެ ދެ ވަނައިގައި އޮތް ނައޯމީ އަށް ފްރެންޗް އޯޕަންގެ ޗެމްޕިއަންކަން ލިބިއްޖެނަމަ އޭނާ އަށް އިނާމް ފައިސާ ދޭނީ ޖޫރިމަނާ އަށް ވާ ބައި އުނިކޮށްފަ އެވެ. މީގެ ކުރިން ނައޯމީ އަށް ފްރެންޗް އޯޕަންގެ ޗެމްޕިއަންކަން ލިބިފައިނުވެ އެވެ.

ނޫސްވެރިންގެ ބައްދަލުވުންތައް ބޮއިކޮޓް ކުރާނެކަން އިއުލާނުކޮށް ނައޯމީ ސޯޝަލް މީޑިއާގައި ކުރި ޕޯސްޓުގައި ބުނެފައިވަނީ އޭނާ އެ ގޮތަށް ކަންތައް ކުރުމުން އަންނަ ޖޫރިމަނާއެއް ދައްކާނީ ނަފްސާނީ ދުޅަހެޔޮކަމަށް ހޭލުންތެރިކުރުމުގެ ގޮތުން ދޭ ޗެރިޓީއެއްގެ ގޮތުގައި ކަމަށެވެ.

އޮސްޓްރޭލިއަން އޯޕަން އާއި ޔޫއެސް އޯޕަންގެ ޗެމްޕިއަންކަން ދެ ފަަހަރު ހޯދާފައިވާ އުމުރުން 23 އަހަރުގެ ނައޯމީ ބުނީ މި ފަހަރުގެ ފްރެންޗް އޯޕަންގައި އޭނާ ނޫސްވެރިންގެ ބައްދަލުވުންތައް ބައިކޮޓް ކުރަން ނިންމީ ވަރަށް ގިނަ ގޮތްގޮތުން ވިސްނާފައި ކަމަށެވެ. އެއީ ބައެއް ނޫސްވެރިންގެ ބައްދަލުވުންތަކުގައި ކަންތައްތައް ވެފައި ހުރި ގޮތަށް ބަލާއިރު ސުވާލުތައް އަމާޒުވަނީ ކުޅުންތެރިޔާ އަށް ނަފްސާނީ ގޮތުން ކުރާނެ އަސަރަކަށް އެއްވެސް ވަރަކަށް ބެލުމެއް ނެތި ކަމަށެވެ.

"ތަކުރާރުކޮށް އެއް ސުވާލުތަކެއް އެބަކުރޭ އަމިއްލަ ނަފްސާ މެދު އިތުބާރު ގެއްލޭ ވަރަށް. އަހަރެން މިިއީ އަމިއްލަ ނަފްސާ މެދު ޝައްކު އުފެދޭ ފަދަ ކަންކަމަށް އެ ގޮތަށް ފުރުސަތު ދޭނެ މީހެއް ނޫން. މީޑިއާގައި އަހަރެންގެ ގާތް މީހުން ވެސް އެބަތިބި. އެކަމަކު މި ވަގުތަކީ އަހަަންނަށް ނަފްސާނީ ގޮތުން ބަލާއިރު ވަރަށް ރަނގަޅަށް ހުންނަން ބޭނުންވާ ވަގުތެއްވީމަ. އެ ފަދަ ކަންކަމާ ދުރަށް ޖެހިލަނީ،" ނައޯމީ ބުންޏެވެ.

ޓެނިހުގެ ތަޖުރިބާކާރުން ދެކޭ ގޮތުގައި ނައޯމީގެ ފަރާތުން މި ފެނުނު ކަމަކީ ޕްރޮފެޝަނަލް އެތުލީޓުންގެ ކިބައިން ފެނިގެންވާނެ ކަމެއް ނޫނެވެ. އެއީ ޕްރޮފެޝަަނަލުންނަކީ ކޮންމެ ކަމަކާ ވެސް ކެރިގެން ކުރިމަތިލާން ޖެހޭނެ ބައެއް ކަމަށާއި ނައޯމީ މި ގޮތަށް މީޑިއާ ބޮއިކޮޓްކުރަން ނިންމުމުން މުސްތަގުބަލުގައި ގިނަ ކުޅުންތެރިންތަކެއް އެ ގޮތަށް އަމަލުކުރަން ފަށައި މުޅި ކުޅިވަރަށް މީގެ ސަބަބުން ނޭދެވޭ އަސަރުކުރުމުގެ ފުރުސަތު އެބައޮތް ކަމަށް ޓެނިހުގެ ތަޖުރިބާކާރުން ދެކެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox