ޓެސްޓް ނެގެޓިވްވުމުން ދަގަނޑޭ އަލުން ގައުމީ ޓީމުގެ ކޭމްޕާ ގުޅެނީ

މީގެ ކުރިން ބޭއްވި ގައުމީ ޓީމުގެ ޕްރެކްޓިހެއްގެ ތެރެއިން ދަގަނޑޭ.-- ފޮޓޯ: އެފްއޭއެމް/ އިބްރާހިމް ފާއިދު

މީގެ ކުރިން ބޭއްވި ގައުމީ ޓީމުގެ ޕްރެކްޓިހެއްގެ ތެރެއިން ދަގަނޑޭ.-- ފޮޓޯ: އެފްއޭއެމް/ އިބްރާހިމް ފާއިދު

އަންހެނުން ޕޮޒިޓިވްވުމުން އައިސޮލޭޝަނަށް ދިޔަ ގައުމީ ޓީމުގެ ތަރި އަލީ އަޝްފާގު (ދަގަނޑޭ) ހެދި ޕީސީއާރް ޓެސްޓް ނެގެޓިވްވުމުން މާދަމާ އޭނާ ހޮޓެލް ޖެންގައި ތިބި ގައުމީ ޓީމުގެ ކޭމްޕާ ގުޅޭނެ ކަމަށް އެފްއޭއެމުން ބުނެފި އެވެ.

ކޮލިފައިންގައި މި މަހު 30 އިން އަންނަ މަހު 15 ވަނަ ދުވަހަށް ސެންޓްރަލައިޒްކޮށް ޗައިނާގައި ކުރިއަށްދާ މެޗުތަކަށް އެ ގައުމަށް ފުރުމުގެ ކުރިން ގައުމީ ޓީމު މީގެ ފަސް ދުވަސް ކުރިން ހޮޓެލް ޖެންގައި ކޭމްޕްކުރި އެވެ. އޭރު ޓީމާ އެކު ކޭމްޕްކުރި ކުޅުންތެރިންގެ ތެރޭގައި ދަގަނޑޭ، 35، ވެސް ހިމެނެ އެވެ. އެކަމަކު ދަގަނޑޭ އަންހެނުން ޕޮޒިޓިވްކަން އެނގުމުން އައިސޮލޭޝަނަށް ގޮސް ޓެސްޓެއް ކުރަން ޖެހުނީ އެވެ.

Advertisement

ކްލަބް ވެލެންސިއާގެ ކެޕްޓަން ބޭންޑް އަޅައިގެން މި ސީޒަނުގައި ކުޅެމުން އަންނަ ދަގަނޑޭ ވަނީ ލީގުގައި މިހާތަނަށް ކުޅުނު މެޗުތަކުން ފަސް ގޯލު ޖަހައި ފަސް ގޯލު ޖަހަން ފުރުސަތު ތަނަވަސްކޮށްދީފަ އެވެ. ދަގަނޑޭ ފިޓްނަސް ހިފަހައްޓަން މި ފަހުން އަމިއްލަ އަށް އިސްނަގައިގެން ކުރި މަސައްކަތަށް އެފްއޭއެމްގެ ރައީސް ބައްސާމް އަދީލް ޖަލީލް ވަނީ ތައުރީފުކޮށްފަ އެވެ.

ގައުމީ ޓީމުގެ ބައެއް ކުޅުންތެރިން ކޮވިޑަށް ޕޮޒިޓިވްވެފައިވާއިރު، ކޮލިފައިންގައި ކުޅޭނެ ކުޅުންތެރިންގެ ލިސްޓެއް ފައިނަލްކުރެވޭނީ މުޅި ސްކޮޑު އެއްކޮށް ކުރެވޭ ފައިނަލް ކޮވިޑް ޓެސްޓްތަކަށް ފަހު އެވެ.

މާލޭގައި ކޭމްޕްކުރަން އެފްއޭއެމުން ނިންމި އެންމެ ބޮޑު ސަބަބަކީ ކުޅުންތެރިންގެ ސިއްހީ ސަލާމަތީ ކަންތައްތަކަށް ބަލައި ޕްރެކްޓިސް ކުރެވޭނެ ގޮތެއް މި ކޮޅުގައި ނެތް ކަމުގައި ވިޔަސް ކޮލިފައިން އަށް ދާންވާއިރަށް ކޮންމެވެސް ގޮތަކުން ތައްޔާރުވުމަށެވެ. އެގޮތުން ގައުމީ ޓީމަށް ހަމަޖެއްސި އާ ފިޓްނަސް ކޯޗު ނެދަލެންޑްސްގެ ގާހާޑް ވާމިންކްގެ ބެލުމުގެ ދަށުން ހޮޓެލް ޖެންގައި ކުޅުންތެރިންގެ ފިޒިކަލް ގިނަ ސެޝަންތަކެއް އަންނަނީ ނަގަމުންނެވެ.

އެފްއޭއެމުން އަންނަނީ ކުރިއަށް އޮތް ދެތިން ދުވަހެއްގެ ތެރޭގައި ގައުމީ ޓީމުގެ 25 ކުޅުންތެރިންގެ ސްކޮޑަކާ އެކު ދުބާއީ އަށް ދިއުމަށް މަސައްކަތް ކުރަމުންނެވެ. ކޮވިޑް-19ގެ ނުރައްކާ ރާއްޖޭގައި ބޮޑުވެފައިވާތީ މާލޭގައި ގައުމީ ޓީމަށް ޕްރެކްޓިސްތައް ކުރިއަށް ގެންދެވޭނެ ގޮތެއް ނެތުމުން އެފްއޭއެމްގެ ވިސްނުމަކީ ޗައިނާ އަށް ދިއުމުގެ ކުރިން 10 ދުވަސް ދުބާއީގައި ކޭމްޕް ކުރުމެވެ.

ގައުމީ ކޯޗު މާޓިން ކޫޕްމަން ވަނީ ކޮލިފައިން އަށް ތައްޔާރުވާން ޖެހިފައި މިވަނީ ވަރަށް އުނދަގޫ ހާލަތެއްގައި ކަމަށް ބުނެފަ އެވެ.

ކޮލިފައިންގައި ގައުމީ ޓީމަށް ދެން އޮތީ ތިން މެޗެވެ. އެއީ އަންނަ މަހުގެ ތިން ވަނަ ދުވަހު ޗައިނާއާ ދެކޮޅަށް ކުޅޭ މެޗާއި ހަތް ވަނަ ދުވަހު ސީރިއާއާ ދެކޮޅަށް ކުޅޭ މެޗުގެ އިތުރުން 15 ވަނަ ދުވަހު ފިލިޕީންސާ ބައްދަލުކުރާ މެޗެވެ.

ވޯލްޑް ކަޕް ކޮލިފައިން ގްރޫޕް އޭގައި ރާއްޖެ އޮތީ ހަތަރު މެޗުން ހަ ޕޮއިންޓާ އެކު ހަތަރު ވަނައިގަ އެވެ. ގްރޫޕުގެ އެއް ވަނައިގައި އޮތީ ފަސް މެޗުން 15 ޕޮއިންޓާ އެކު ސީރިއާ އެވެ. ޗައިނާ ހަތަރު މެޗުން ހަތް ޕޮއިންޓާ އެކު ދެ ވަނައިގައި އޮތްއިރު، ތިން ވަނައިގައި އޮތީ ފަސް މެޗުން ހަތް ޕޮއިންޓް ހޯދާފައިވާ ފިލިޕީންސެވެ. އެންމެ ފުލުގައި އޮތީ ފަސް މެޗު ކުޅެ ޕޮއިންޓެއް ލިބިފައިނުވާ ގުއާމެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox