އިޒްރޭލް ހަމަލާތަކުގައި ގާޒާގެ އެންމެ ތަޖުރިބާކާރު ދެ ޑޮކްޓަރުން މަރުވެއްޖެ

ގާޒާގެ އެންމެ ތަޖުރިބާކާރު ޑޮކްޓަރުންގެ ތެރޭގައި ހިމެނޭ އައިމަން އަބޫ އަލް އައުފް އާއި މޫއިން އަހްމަދު އަލް އަލޫލް އިއްޔެ ވަނީ މަރުވެފައި.-- ފޮޓޯ: އަލްޖަޒީރާ

ގާޒާގެ އެންމެ ތަޖުރިބާކާރު ޑޮކްޓަރުންގެ ތެރޭގައި ހިމެނޭ އައިމަން އަބޫ އަލް އައުފް އާއި މޫއިން އަހްމަދު އަލް އަލޫލް އިއްޔެ ވަނީ މަރުވެފައި.-- ފޮޓޯ: އަލްޖަޒީރާ

ގާޒާގެ އެންމެ ތަޖުރިބާކާރު ޑޮކްޓަރުންގެ ތެރެއިން ދެ މީހަކު އިއްޔެ އިޒްރޭލުން ދިން ބޮމުގެ ހަމަލާތަކުގައި މަރުވެފައި ވާތީ ސިއްހީ މަސައްކަތްތެރިންނާއި ޖަމިއްޔާތަކުން ކަންބޮޑުވުން ފާޅުކޮށްފި އެވެ.

އިއްޔެ މަރުވެފައިވަނީ ނިޔުރޮލޮޖިސްޓަކާއި ގާޒާގެ އެންމެ ބޮޑު ހޮސްޕިޓަަލުގެ އެތެރެހަށީގެ ބަލިތަކުގެ ޑިޕާޓްމަންޓުގެ ވެރިޔާ އެވެ. އެ މީހުންގެ މަރާއެކު ބާރުބޮޑުވެފައިވާ ގާޒާގެ ސިއްހީ ހިދުމަތްތަކަށް އިތުރަށް އަސަރު ކުރާނެ އެވެ.

ހުރިހާ ފަރާތަކުން ގާޒާ ބަންދުކޮށްލާފައި ވާތާ 14 އަހަރުވެފައި ވާއިރު، އެ ތަނުގައި ސިއްހީ ހިދުމަތް ފޯރުކޮށްދޭން ބޭނުންވާ ސާމާނު ވެސް އެކަށީގެންވާ މިންވަރަށް ނުލިބެ އެވެ. އޭގެ އިތުރުން ރަނގަޅު ތަމްރީނާއި ތަޖުރިބާ ހުރި ޑޮކްޓަރުން ވެސް މަދެވެ.

Advertisement

އަލް ޝިފާ ހޮސްޕިޓަލުގެ އެތެރެހަށީގެ ބަލިތަކަށް ހާއްސަ ޑިޕާޓްމަންޓުގެ ވެރިޔާ ޑރ. އައިމަން އަބޫ އަލް އައުފް މަރުވީ އިއްޔެ ހެނދުނު ގާޒާގެ އަލް ވެހްދާ ޑިސްޓިރިކްޓަށް ދިން މިސައިލް ހަމަލާއެއް ގަ އެވެ. އެ ހަމަލާގައި 33 އާއްމުން މަރުވި އެވެ.

އުމުރުން 66 އަހަރުގެ ސައިކިއެޓްރިކް ނިޔުރޮލޮޖިސްޓް ޑރ. މޫއިން އަހްމަދު އަލް އަލޫލް ވެސް މަރުވީ އަލް ވެހްދާ ޑިސްޓްރިކްޓަށް ދިން ހަމަލާގައި ގޭގައި ހުއްޓަ އެވެ. މިސްރާއި ފްރާންސުން ކިޔަވައިގެން ސައުދީ އަރަބިއްޔާގައި މަސައްކަތް ކުރުމަށް ފަހު އެނބުރި ގާޒާއަށް ދިޔަ މޫއިން މަރުވިއިރު މަސައްކަތް ކުރަމުން ދިޔެއީ ސްޕެޝަލައިޒްޑް ކްލިނިކެއްގަ އެވެ. އޭނާގެ އަންހެނުންނާއި ދަރިފުޅަށް ލިބުނު ޒަހަމްތަކަށް ދަނީ ފަރުވާ ކުރަމުންނެވެ.

މިދިޔަ ހޯމަ ދުވަހު އިޒްރޭލުން ގާޒާއަށް ބޮން އަޅަން ފެށި ފަހުން މިހާތަނަށް 58 ކުޑަކުދިން ހިމެނޭހެން 200 އެއްހާ ވުރެ ގިނަ ފަލަސްތީނު މީހުން މަރުވެ، 1500 އަށް ވުރެ ގިނަ މީހުންނަށް ދަނީ ފަރުވާ ކުރަމުންނެވެ.

ކޮވިޑުގެ ބަލިމަޑުކަން ދިމާވުމުގެ ކުރިން ވެސް އެތައް ގޮންޖެހުންތަކާ ދިމާވެފައި އޮތް ގާޒާގެ ސިއްހީ ނިޒާމް މިހާރު ވަނީ ހުއްޓުމަކަށް އައުމާ ގާތްވެފަ އެވެ. ގާޒާގައި ޑޮކްޓަރުންނާއި ނަރުހުން މަދުވުމުން ގިނަ ބަޔަކަށް ފަރުވާ ދޭން ޖެހެނީ އެހީދޭ ޖަމިއްޔާތަކުގެ ފަރާތްތަކުންނެވެ.

އޭގެ އިތުރުން އިއްޔެ އިޒްރޭލުން ވަނީ އަލް ޝިފާ ހޮސްޕިޓަލަށް ދެވެން އޮތް މައި މަގަށް ބޮން އަޅާ، އެ ހިސާބަށް ނުދެވޭނެ ގޮތް ހަދާފަ އެވެ. އެ ހޮސްޕިޓަލަކީ ގާޒާގައި އާއްމު ސިއްހީ ހިދުމަތްތަކުގެ 70 ޕަސެންޓު އަދި ސިއްހީ އެމެޖެންސީ ހިދުމަތްތަކުގެ 90 ޕަސެންޓު ފޯރުކޮށްދޭ ހޮސްޕިޓަލެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox