ބޯހިޔާވަހިކަމުގެ ހައްލާ އެކު "ޗާލު މާލެ ސިޓީ"އަކަށް މޭޔަރުގެ ޕްލޭނެއް

މޭޔަރު ކަމުގެ ހުވާ ކުރެއްވުމަށް ފަހު ޑރ. މުހައްމަދު މުއިއްޒުގެ އިގުރާރު ދައްކާލަނީ: މުއިއްޒު ވަނީ މާލެއަށް ދިމާވެފައިވާ މައްސަލަތައް ހައްލު ކޮށްދިނުމުގެ ޕްލޭނެއް ހުށަހަޅައިފައި-- ފޮޓޯ: ސިޓީ ކައުންސިލް

މޭޔަރު ކަމުގެ ހުވާ ކުރެއްވުމަށް ފަހު ޑރ. މުހައްމަދު މުއިއްޒުގެ އިގުރާރު ދައްކާލަނީ: މުއިއްޒު ވަނީ މާލެއަށް ދިމާވެފައިވާ މައްސަލަތައް ހައްލު ކޮށްދިނުމުގެ ޕްލޭނެއް ހުށަހަޅައިފައި-- ފޮޓޯ: ސިޓީ ކައުންސިލް

މާލެއަށް ދިމާވެފައިވާ ބޯހިޔާވަހިކަން ހިމެނޭ ގޮތަށް ހަތް ދާއިރާއަކުން މައްސަލަތައް ހައްލު ކޮށްދޭނެ ގޮތާ އެކު "ޗާލު މާލެ ސިޓީ" އަކަށް ސްޓްރެޓީޖިކް އެކްޝަން ޕްލޭނެއް މާލޭގެ އާ މޭޔަރު ޑރ. މުހައްމަދު މުއިއްޒު މިއަދު އިއުލާންކުރައްވައިފި އެވެ.

މާލޭ ސިޓީގެ އާ ކައުންސިލަރުން ހުވާ ކުރުމަށް މިއަދު އޮންލައިންކޮށް ބޭއްވި ރަސްމިއްޔާތުގައި އެ އެކްޝަން ޕްލޭން ވަނީ ފާސްކޮށްފަ އެވެ. އެ ޕްލޭންގައި ހިމެނޭ މައިގަނޑު ހަތް ދާއިރާގެ ތެރޭގައި ބިންވެރި ރައްޔިތެއް ކަނޑައެޅުމާއި ޗާލު މާލެ ސިޓީ އާއި ހިތްފަސޭގަ މަގުތަކުގެ އިތުރުން ފުދުންތެރި ދިރިއުޅުމަކާއި ޑިޖިޓަލް މާލެ އަދި ހަރުދަނާ އިދާރީ ހިންގުމާއި ރައްޔިތުންނާ ބައްދަލުވާ ކައުންސިލެއް ބޭއްވުން ހިމެނެ އެވެ.

ބިންވެރި ރައްޔިތެއް

  • މާލޭގެ ބިން ބޭނުން ކުރާނެ ގޮތުގެ ލޭންޑް ޔޫސް ޕްލޭނެއް ހެދުން
  • މާލޭގެ އެންމެ ނިކަމެތި ރައްޔިތުންނަށް ހިންގާ ހައުސިން މަޝްރޫއެއް ހިންގުމަށް ސަރުކާރަށް ހުށަހެޅުން
  • ވިލިމާލޭގައި އިމާރާތް ކުރެވޭ އުސްމިން 10 ބުރިއަށް ބަދަލު ކުރުމަށް މަސައްކަތް ކުރުން.
  • ގުޅިފަޅަކީ މާލޭ ރައްޔިތުންގެ ގެދޮރުގެ މައްސަލަ ހައްލު ކުރަން ތަރައްގީކުރާ ތަނަކަށް ހެދުމަށް މަސައްކަތް ކުރުން
  • ސިނަމާލެ އާއި މާލެހިޔާ ފްލެޓްތައް މަރާމާތު ކުރުމަށް ހާއްސަ އޮފީހެއް ގާއިމް ކުރުން
  • ހުޅުމާލެ ރަޖިސްޓްރީއަށް ބަދަލުވާން އެދިފައިވާ މީހުންގެ ރަޖިސްޓްރީގެ ކަންކަން އަވަސް ކުރުން

ޗާލު މާލެ ސިޓީ

  • ހިނގާފައި އުޅޭ ގޯޅިތައް އިތުރުކޮށް، ހިތްފަސޭހަ މަންޒިލުތަކަކަށް ބަދަލު ކުރުން
  • ޕާކްތައް މަރާމާތުކޮށް އިތުރު ޕާކްތައް ހެދުން
  • ބައިނަލްއަގުވާމީ ފެންވަރުގެ އިވެންޓް ވެނިއު ސަރަހައްދެއް ހެދުން
  • މާރުކޭޓްތަކަށް ދިމާވެފައިވާ މައްސަލަތައް ހައްލު ކުރުން
  • ނީލަން ފިހާރައާއި މެދު ދާއިމީ ގޮތެއް ނިންމުން

ހިތް ފަސޭހަ މަގުމަތި

  • ބޮޑެތި ހުރިހާ މަގެއްގައި ޒަމާނީ ފެންވަރަކަށް ތާރު އެޅުން
  • ޕާކިން މައްސަލައަށް ޖީބަށް ލުއި، ދެމެހެއްޓެނިވި ހައްލެއް ގެނެސްދިނުން
  • ޑީވޯޓާ ކުރުމަށް ހާއްސަ ނެޓްވޯކެއް ބިމު އަޑީގައި ގާއިމު ކުރުން
  • މާލޭގައި ޕަބްލިކް ބަސް ސާވިސް އަދި ސްކޫލް ބަސް ސާވިސް ފެށުން

ފުދުންތެރި ދިރިއުޅުން

  • ޒުވާނުންނަށް ވޮކޭޝަނަލް ޓްރެއިނިން ފުރުސަތުތައް ތައާރަފްކޮށް ހިންގުން
  • މާލެ، ވިލިމާލެ، އަދި ހުޅުމާލޭގައި "ކަނބަލުންގެ އުފެއްދުންތެރިކަމާއި ތަރުކާރީ މާރުކޭޓު" ގާއިމު ކުރުން
  • ހުޅުމާލޭ ބީޗް ރޭގަނޑު ކެފޭތަކަށް ބޭނުން ކުރެވޭގޮތް ހަމަޖެއްސުން

ޑިޖިޓަލް މާލެ

  • މާލޭ ސިޓީ ކައުންސިލްގެ ހުރިހާ ހިދުމަތެއް ޑިޖިޓަލް ކުރުން
  • ރައްޔިތުންގެ ޝަކުވާ އަޑުއެހުމަށް ކޯލް ސެންޓަރެއް ހެދުން
  • ސީސީޓީވީތައް އެއް ނެޓްވޯކަކުން ގުޅާލައި މުޅި މާލެ މޮނީޓާ ކުރުން
  • މުޅި މާލެ ސިޓީ ވައިފައި ކުރުން

ހަރުދަނާ އިދާރީ ހިންގުން

  • ހުޅުމާލެ އަކީ ސިޓީ ކައުންސިލުގެ ސީދާ ބެލުމުގެ ދަށުން މުނިސިޕަލް ހިދުމަތްދޭ ތަނަކަށް ހެދުން
  • ހިދުމަތްތައް ޑިޖިޓަލްކޮށް ޑޭޓާ ބޭސްއެއް ގާއިމުކުރުން
  • ހިދުމަތަށް އެދި ހުށަހަޅާތާ ގިނަވެގެން ތިން ދުވަސް ތެރޭގައި ހިދުމަތް ދިނުން
  • ނުކުޅެދުންތެރިކަން ހުންނަ މީހުންނަށް އިސްކަންދީގެން ދިވެހި މުވައްޒަފުން ނެގުން

ރައްޔިތުންނާ ބައްދަލުވާ ކައުންސިލް

  • ކޮންމެ ހަފްތާއަކު ވެސް އެއް ދުވަހު ރަސްމީ މަސައްކަތެއްގެ ގޮތުގައި ގޭގެއަށް ޒިޔާރަތް ކުރުން
  • ކޮންމެ އަވަށެއްގައި ރައްޔިތުންނާއި ބައްދަލު ކުރެވޭނެ ތަނެއް ގާއިމު ކުރުން
  • މަހަކު އެއްފަހަރު ލައިވް ކޮށްގެން ރައްޔިތުންނާ ބައްދަލުވުން ބޭއްވުން

ސްޓްރެޓެޖިކް އެކްޝަން ޕްލޭން ފާސްކޮށްފައިވަނީ ސިޓީ ކައުންސިލްގައި ހިމެނޭ 19 މެމްބަރުންގެ އިއްތިފާގުންނެވެ.

މާލޭ ސިޓީ ކައުންސިލްގެ މޭޔަރު ހިމެނޭ ގޮތަށް 19 މެމްބަރުން އިންތިހާބު ކޮށްފައިވާއިރު އޭގެ ތެރެއިން 12 ގޮނޑި ކާމިޔާބު ކޮށްފައިވަނީ އިދިކޮޅު ކޯލިޝަން ޕީޕީއެމް/ޕީއެންސީ އިންނެވެ. މިއީ މާލޭން އިންތިހާބެއް އިދިކޮޅު ޕީޕީއެމް/ޕީއެންސީއަށް ކާމިޔާބުވި ފުރަތަމަ ފަހަރެވެ. މީގެ ކުރިން ހުރިހާ އިންތިހާބެއްގައި މާލޭގެ އަގުލަބިއްޔަތު ނަގަނީ ވެރިކަން ކުރާ ކޯލިޝަންގެ މައި ޕާޓީ އެމްޑީޕީންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox