ފަލަސްތީނުގެ ދިފާއުގައި ގައުމުތަކުން ތެދުވުން ފޮޓޯތަކުން

ފަލަސްތީނަށް ތާއީދުކޮށް ޖަރުމަނު ވިލާތުގައި ބޭއްވި އެއްވުމެއް.-- ފޮޓޯ: ރޮއިޓާޒް

ފަލަސްތީނަށް ތާއީދުކޮށް ޖަރުމަނު ވިލާތުގައި ބޭއްވި އެއްވުމެއް.-- ފޮޓޯ: ރޮއިޓާޒް

މިދިޔަ ހޯމަ ދުވަހުން ފެށިގެން އިޒްރޭލުން މެދުކެނޑުމެއް ނެތި ގާޒާއަށް ބޮން އަޅަމުން ދާތީ މިހާތަނަށް ފަލަސްތީނުގެ 140 މީހުން މަރުވެއްޖެ އެވެ. އޭގެ ތެރޭގައި 39 ކުޑަކުދިން ހިމެނެ އެވެ.

އިޒްރޭލުގެ އުދުވާނަށް މިއަދު ހަތް ދުވަސް ފުރޭއިރު، މިއީ 2014 ވަނަ އަހަރުގެ ފަހުން މެދުއިރުމަތީގައި ހިނގާ އެންމެ ބޮޑު ލޭއޮހޮރުވުމެވެ. އިއްޔެ ވެސް ރެފިއުޖީ ކޭމްޕަކަށް ހަމަލާ ދީ އެއް އާއިލާއެއްގެ އަށް ކުދިން ހިމެނޭހެން އެ އާއިލާގެ 10 މީހުން މަރާލި އެވެ.

އިޒްރޭލުގެ އުދުވާނާ ދެކޮޅަށް ދުނިޔޭގެ ގިނަ ގައުމުތަކުގެ ބޮޑެތި ސިޓީތަކުގައި މީހުން ވަނީ އެއްވެ، ފަލަސްތީނަށް ތާއީދުކުރާކަން ހާމަކޮށްފަ އެވެ.

އިރާގު

އިރާގުގެ ގިނަ ސިޓީތަކެއްގައި އެތައް ސަތޭކަ ބަޔަކު އިއްޔެ އެއްވި އެވެ. އެ މީހުން ނުކުތީ ފަލަސްތީނުގެ ގައުމީ ދިދަ އާއި ފަލަސްތީނަށް ތާއީދު ކުރާ ޕޯސްޓަރުތައް ހިފައިގެންނެވެ. ވެރިރަށް ބަގްދާދާއި، ދެކުނު ބަބިލޯން ޕްރޮވިންސާއި، ދީ ގަރް، ދިވާނިއޭ އަދި ބަސްރާގެ މަގުތަކަށް ވެސް މީހުން ނުކުތެވެ.

އިރާގުގެ ބަގްދާދުގައި ފަލަސްތީނަށް ތާއީދުކޮށް އެ ގައުމުގެ ދިދަތައް ހިފައިގެން މީހުން އެއްވެފައި.-- ފޮޓޯ: ރޮއިޓާޒް
އިރާގުގެ ބަގްދާދުގައި ފަލަސްތީނަށް ތާއީދުކޮށް އެ ގައުމުގެ ދިދަތައް ހިފައިގެން މީހުން އެއްވެފައި.-- ފޮޓޯ: ރޮއިޓާޒް

އިރާގުގެ ބަގްދާދުގައި ފަލަސްތީނަށް ތާއީދުކޮށް އެ ގައުމުގެ ދިދަތައް ހިފައިގެން މީހުން އެއްވެފައި.-- ފޮޓޯ: ރޮއިޓާޒް

ގަތަރު

ގަތަރުގެ ދޯހާގެ މަގުތަކަށް އެތައް ހާސް ބަޔަކު ނުކުމެ ފަލަސްތީނުގެ ދިދަ އާއި އެ ގައުމަށް ތާއީދު ކުރާކަން އަންގައިދޭ މެސެޖުތައް އާއްމުކުރި އެވެ.

"އަޅުގަނޑު މި ހުރީ އަޅުގަނޑުގެ ގައުމުގައި އިޒްރޭލުން ހިންގަމުންދާ ގަތުލުއާއްމާ ދެކޮޅަށް ނުކުމެ. އަޅުގަނޑުގެ ގައުމު މިނިވަން ކުރަން ކުރެވެން އޮތް ހުރިހާ ކަމެއް ކުރާނަން... ގާޒާގައި މި ވަގުތު ހުރެވެން ނެތުމުން، އަޅުގަނޑު މި ހުރީ މި ތަނުގައި މުޒާހަރާއަށް ނުކުމެ... އަޅުގަނޑު މި ހުރީ ވަރަށް ރުޅި އައިސްފައި، ވަމުންދާ ކަންކަމާ މެދު ހިތް ފަޅައިގެން ގޮސްފައި،" ދޯހާގައި ދިރިއުޅޭ ރީމް އަލްގޫލް ނަމަކަށް ކިޔާ ފަލަސްތީނު މީހަކު އަލް ޖަޒީރާއަށް ބުންޏެވެ.

ގަތަރުގެ ދޯހާގައި ފަލަސްތީނަށް ތާއީދުކޮށް އެއްވި މީހުން.-- ފޮޓޯ: އަލްޖަޒީރާ
ގަތަރުގެ ދޯހާގައި ފަލަސްތީނަށް ތާއީދުކޮށް އެއްވި މީހުން.-- ފޮޓޯ: އަލްޖަޒީރާ

ގަތަރުގެ ދޯހާގައި ފަލަސްތީނަށް ތާއީދުކޮށް އެއްވި މީހުން.-- ފޮޓޯ: އަލްޖަޒީރާ

ފްރާންސް

ފްރާންސްގެ ޕެރިސްގެ އުތުރުގައި ސެކިއުރިޓީ ވަރުގަދަކޮށްފައި ވަނިކޮށް އެތައް ސަތޭކަ ބަޔަކު ވަނީ ފަލަސްތީނަށް ތާއީދުކުރާކަން ހާމަކުރަން އެއްވެފަ އެވެ. ސެކިއުރިޓީ ބެލެހެއްޓުމުގައި 4،200 ފުލުހުން އުޅުނެވެ.

އެއްވުން މަނާ ކުރި ނަމަވެސް އެތައް ސަތޭކަ ބަޔަކު އެއްވެފައި ވާތީ އެ މީހުން ފޮނުވާލަން ޖެހުނީ ކަރުނަ ގޭސް ބޭނުންކޮށް، ބާރު ސްޕީޑުގައި ފެން ވެސް ޖަހައިގެންނެވެ. އެއްވުމެއް ހުއްދަ ނުދިނުމުން ރުޅި އައިސްފައި ތިބި ބަޔެއް މީހުން ވަނީ ފުލުހުންނަށް އަމާޒުކޮށް ގާ އުކާ، ޑަސްބިނުގައި ހުރި ކުނީގައި ހުޅު ޖަހާފަ އެވެ. ނަމަވެސް އެއްވެސް މީހަކު ހައްޔަރުކޮށްފައެއް ނުވެ އެވެ.

ފްރާންސްގައި ފަލަސްތީނަށް ތާއީދުކޮށް ދިދައެއް ވިހުރުވަނީ.-- ފޮޓޯ: ރޮއިޓާޒް
ފްރާންސްގައި ފަލަސްތީނަށް ތާއީދުކޮށް ދިދައެއް ވިހުރުވަނީ.-- ފޮޓޯ: ރޮއިޓާޒް

ފްރާންސްގައި ފަލަސްތީނަށް ތާއީދުކޮށް ދިދައެއް ވިހުރުވަނީ.-- ފޮޓޯ: ރޮއިޓާޒް

ސްޕެއިން

މެޑްރިޑުގައި 2،500 އަށް ވުރެ ގިނަ މީހުން މަގުމައްޗަށް ނުކުތީ ފަލަސްތީނުގެ ދިދަ ގައިގަ އޮޅައިގެންނެވެ. އެ މީހުން ބޭއްވި ބޮޑު ހިނގާލުމެކެވެ.

"މިއީ ހަނގުރާމައެއް ނޫން. މިއީ ގަތުލުއާއްމެއް،" އެ މީހުން ގޮވަމުން ދިޔަ އެވެ.

މެޑްރިޑުގައި އެއްވި މީހުންގެ ތެރެއިން ފިރިހެނަކު ފަލަސްތީނުގެ ދިދަ ހިފައިގެން.-- ފޮޓޯ: ރޮއިޓާޒް
މެޑްރިޑުގައި އެއްވި މީހުންގެ ތެރެއިން ފިރިހެނަކު ފަލަސްތީނުގެ ދިދަ ހިފައިގެން.-- ފޮޓޯ: ރޮއިޓާޒް

މެޑްރިޑުގައި އެއްވި މީހުންގެ ތެރެއިން ފިރިހެނަކު ފަލަސްތީނުގެ ދިދަ ހިފައިގެން.-- ފޮޓޯ: ރޮއިޓާޒް

ލުބްނާން

ލުބްނާނާއި ފަލަސްތީނުގެ އެތައް ސަތޭކަ މީހުން ވަނީ ލުބްނާނާއި އިޒްރޭލު ގުޅޭ ބޯޑަރު ކައިރީގައި އެއްވެ އަޑުއުފުލާފަ އެވެ. އެއްވި މީހުންގެ ތެރެއިން ބައެއް މީހުން ވަނީ ބޯޑަރު ފާރުގެ މަތިން އަރައިގެން އިޒްރޭލަށް ވަންނަން މަސައްކަތްކޮށްފަ އެވެ. އިޒްރޭލު ބޯޑަރު ފުލުހުން ބަޑި ޖެހުމުން އެކަކު އަނިޔާވި އެވެ.

ބައެއް މީހުން އިޒްރޭލުގެ ބޯޑަރު ފުލުހުންނަށް އަމާޒުކޮށް މޮލޮޓޯވް ކޮކްޓެއިލް އާއި ގާ ފަދަ ތަކެތި އުކި އެވެ. ލުބްނާނުގައި ކޮންމެ ދުވަހަކު ވެސް އިޒްރޭލުގެ ބޯޑަރު ކައިރިއަށް މީހުން އެއްވެ ދަނީ ފަލަސްތީނަށް ތާއީދުކުރާކަން ހާމަކުރަމުންނެވެ.

ލުބްނާނާއި އިޒްރޭލު ގުޅޭ ބޯޑަރު ކައިރިއަށް މީހުން އެއްވެފައި.-- ފޮޓޯ: އަލްޖަޒީރާ
ލުބްނާނާއި އިޒްރޭލު ގުޅޭ ބޯޑަރު ކައިރިއަށް މީހުން އެއްވެފައި.-- ފޮޓޯ: އަލްޖަޒީރާ

ލުބްނާނާއި އިޒްރޭލު ގުޅޭ ބޯޑަރު ކައިރިއަށް މީހުން އެއްވެފައި.-- ފޮޓޯ: އަލްޖަޒީރާ

ކަޝްމީރު

އިންޑިއާއިން ކޮންޓްރޯލް ކުރާ ކަޝްމީރުގައި ފަލަސްތީނަށް ތާއީދުކޮށް އެއްވުމުން ފުލުހުން ވަނީ އެ މީހުން ހުއްޓުވާފަ އެވެ. އޭގެ ތެރެއިން 20 މީހުން ހައްޔަރު ކުރި ކަމަށް ރިޕޯޓުތައް ބުނެ އެވެ.

ސްރީނަގަރުގެ މަގުތަކުގައި ފަލަސްތީނުގެ ދިދަ ހިފައިގެން އިޒްރޭލާ ދެކޮޅަށް އަޑުއުފަމުން ހިނގި ނަމަވެސް، ފުލުހުން ބުނީ ހަމަނުޖެހުން އުފެދޭ ފަދަ އެއްވެސް ކަމަށް ފުރުސަތު ނުދޭނެ ކަމަށެވެ.

"އަޅުގަނޑުމެން އެއްޗެއް ނުބުނެ މަޑުން ތިބޭނީ ކިހިނެއް އެ މީހުން އެ ދަނީ ގާޒާގެ ކުދިން މަރަމުން. ދުނިޔޭގައި ހުރި ކޮންމެ އިންސާނަކު ވެސް ފަލަސްތީނަށް ތާއީދުކޮށް އަޑުއުފުލަން ޖެހޭ،" އުމުރުން 25 އަހަރުގެ ޒުވާނަކު އަލް ޖަޒީރާއަށް ބުންޏެވެ.

އިނގިރޭސި ވިލާތް

ލަންޑަނުގެ މަގުތަކަށް އެތައް ހާސް ބަޔަކު ނުކުތީ "ގާޒާއަށް ބޮން އެޅުން ހުއްޓާލާ" ލިޔެފައިވާ ޕޯސްޓަރުތައް ހިފައިގެން "ފްރީ ޕަލަސްތީން" ގޮވަމުންނެވެ. އެމީހުން މަގުމަތީގައި ހިނގަމުން ގޮސް އެއްވީ އިޒްރޭލު އެމްބަސީ ކައިރިއަށެވެ.

ލަންޑަނުގައި ބޭއްވި އެއްވުން.-- ފޮޓޯ: ރޮއިޓާޒް
ލަންޑަނުގައި ބޭއްވި އެއްވުން.-- ފޮޓޯ: ރޮއިޓާޒް

ލަންޑަނުގައި ބޭއްވި އެއްވުން.-- ފޮޓޯ: ރޮއިޓާޒް

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox