ނަތަންޔާހޫ ވައުދުވީ ގާޒާއަށް ބޮން އެޅުން ހުއްޓާ ނުލާން!

އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ.--

އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ.--

އިޒްރޭލާއި ފަލަސްތީނާ ދެމެދު މެދުކެނޑުމެއް ނެތި ހަމަލާ ބަދަލު ކުރާތާ މިއަދަށް ހަތް ދުވަސް ފުރޭއިރު، ހަމަލާތައް ހުއްޓާ ނުލާން އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ ވައުދުވެ ވަޑައިގެންފި އެވެ.

މިއަދު ހެނދުނު އިޒްރޭލުން ގާޒާއަށް ބޮން އެޅުމުން ތިން މީހުން މަރުވި އެވެ. ހަމާސްއިން ވަނީ ރައްދުގައި ތެލް އަވީވްއަށް ރޮކެޓް ހަމަލާ ފޮނުވާފަ އެވެ. އެ ތަނުގައި އުޅޭ އިޒްރޭލު މީހުން ވަނީ ބިމު އަޑީގައި ހަދާފައި ތަންތަނަށް ވަދެ ރައްކާތެރިކަން ހޯދާފަ އެވެ.

ބައިނަލްއަގްވާމީ މުޖުތަމައުއިން އަންނަނީ ހަމަލާތައް ހުއްޓާލަން ބާރު އަޅަމުންނެވެ. އިއްޔެ އެމެރިކާގެ ރައީސް ޖޯ ބައިޑެން ވަނީ ނަތަންޔާހޫ އާއި ފަލަސްތީނުގެ ރައީސް މަހްމޫދު އައްބާސްއާ ފޯނުން ގުޅުއްވާ ކަންބޮޑުވުން ފާޅުކުރައްވާފަ އެވެ.

Advertisement

އިޒްރޭލާއި ފަލަސްތީނުގެ މައްސަލާގައި އދ. ގެ ސަލާމަތީ މަޖިލީހުގެ ޖަލްސާއެއް މިއަދު އޮންނާނެ އެވެ.

މިދިޔަ ހޯމަ ދުވަހު ހަމަލާތައް ފެށި ފަހުން ފަލަސްތީނުގެ 150 އެއްހާ މީހުން ވަނީ މަރުވެފަ އެވެ. އިޒްރޭލުން މަރުވީ 10 މީހުންނެވެ. އިޒްރޭލުން ދެ ކުޑަކުދިން މަރުވިއިރު، ފަލަސްތީނުން 41 ކުދިން މަރުވި އެވެ.

އިޒްރޭލުގެ ޓީވީ ޗެނަލްތަކުން ރޭ ދެއްކި ހިތާބެއްގައި ނަތަންޔާހޫ ރައްޔިތުންނަށް ވައުދުވެ ވަޑައިގެންނެވީ ހުއްޓުމެއް ނެތި ހަމަލާ ދިނުމަށެވެ. އަދި އާއްމުންނަށް ލިބޭ ގެއްލުން ކުޑަ ކުރެވޭނެ ހުރިހާ ގޮތަކަށް އަމަލު ކުރަމުންދާ ކަމަށް ވިދާޅުވި އެވެ.

"މި އުދުވާނުގެ ޒިންމާ އުފުލަން ޖެހެނީ އަޅުގަނޑުމެންނެއް ނޫން، އަޅުގަނޑުމެންނަށް ހަމަލާދެމުންދާ ފަރާތްތައް،" ނަތަންޔާހޫ ވިދާޅުވި އެވެ.

މެދުކެނޑުމެއް ނެތި ފާއިތުވި ހަ ދުވަހު ހިނގަމުންދާ ކުރިމަތިލުންތަކަކީ ފަހުގެ ތާރީހެއްގައި މެދުއިރުމަތީގައި ހިނގާ އެންމެ ނުރައްކާތެރި ހަމަނުޖެހުމުގެ ގޮތުގައި ބޭރުގެ މީޑިއާތަކުން ސިފަކުރެ އެވެ.

އިޒްރޭލާއި ފަލަސްތީނާ ދެމެދު ހަމަލާ ބަދަލު ކުރަން ފެށީ އިރުމަތީ ގުދުސްގެ މައްސަލަ ހޫނުވެފައި ވަނިކޮށް މިދިޔަ ހޯމަ ދުވަހު އެވެ. އެ ދުވަހުން ފެށިގެން ހުއްޓުމެއް ނެތި ދަނީ ހަމަލާދެމުންނެވެ.

އިރުމަތީ ގުދުސްގެ މައްސަލަ މި އަހަރު އެންމެ ފުރަތަމަ ހޫނުވީ އަލް އަގްސާ މިސްކިތަށް ނަމާދު ކުރަން ދާ ފަލަސްތީނު މީހުންނަށް އިޒްރޭލުން ހުރަސްއަޅާ ކަމުގެ ތުހުމަތާއެކު އެވެ. ނަމަވެސް އިޒްރޭލުން އެކަން ދޮގުކޮށް ބުނީ ފިޔަވަޅު އަޅަނީ ކޮވިޑާ ގުޅިގެން ކަމަށެވެ.

އޭގެ ފަހުން އިރުމަތީ ގުދުސްގެ ޝެއިހް ޖައްރާ ސަރަހައްދުގައި އުޅޭ ފަލަސްތީނު މީހުން ގެތަކުން ނެރެން ނިންމާފައިވާ މައްސަލައާ ގުޅިގެން ވެސް ހަމަނުޖެހުން އުފެދުނެވެ. އެ މައްސަލާގައި ބޮޑެތި އެއްވުންތައް ބާއްވަމުން ދިޔައިރު އަލް އަގްސާ މިސްކިތުގައި ވެސް ހަމަނުޖެހުން ހިނގި އެވެ.

އިޒްރޭލުން ގާޒާއަށް ހަމަލާ ދޭން ފެށީ ޝެއިހް ޖައްރާ މައްސަލާގައި އިޒްރޭލުގެ ސުޕްރީމް ކޯޓުން ގޮތެއް ނިންމަން މިދިޔަ އާދީއްތަ ދުވަހަށް ތާވަލު ކުރި އަޑުއެހުން ފަސްކުރުމާއެކު އެވެ. އާދީއްތަ ދުވަހުގެ ރޭ ގުދުސްގައި ހަމަނުޖެހުން ހިންގުމަށް ފަހު ހޯމަ ދުވަހުގެ ފަތިހު އިޒްރޭލުގެ ޖެޓުތަކުން ގާޒާއަށް ބޮން އަޅަން ފެށި އެވެ. އަދި ގާޒާގައި ވެރިކަން ކުރާ ހަމާސްއިން ރައްދުގައި ރޮކެޓު ހަމަލާ ދޭން ފެށި އެވެ.

އިއްޔެ ހަމަލާ ދިނީ ކޮން ތަންތަނަކަށް؟

އިއްޔެ ހެނދުނު އިޒްރޭލުން އެންމެ ފުރަތަމަ ހަމަލާއެއް ދިނީ ގާޒާގެ ތިން ވަނައަށް އެންމެ ބޮޑު ރެފިއުޖީ ކޭމްޕަށެވެ. ޝާތީ ރެފިއުޖީ ކޭމްޕުގައި އާއިލާއަކުން ދިރިއުޅޭ ތިން ބުރީގެ ގެޔަކަށް ބޮން އެޅުމުން އެ އާއިލާގެ 10 މީހުން މަރުވި އެވެ. އެއީ އަށް ކުޑަކުދިންނާއި ދެ އަންހެނުންނެވެ.

އޭގެ ފަހުން ގާޒާގައި އަލްޖަޒީރާ އާއި އެސޯސިއޭޓެޑް ޕްރެސްގެ އޮފީސް ހިންގާ އިމާރާތަށް މިސައިލް ހަމަލާއެއް ދީ ބިމާ ހަމަކޮށްލި އެވެ. އެތަން ވައްޓާލާނެ ކަމުގެ އިންޒާރު ދިނީ ހަމަލާގެ އެއް ގަޑިއިރު ކުރިންނެވެ. އެ ތަނުގައި ހުރި ސާމާނު ނެރެން ވެސް ވަގުތު ދީފައެއް ނުވެ އެވެ.

އޭގެ އިތުރުން ވެސް ގާޒާގެ ބޭންކަކާއި މީހުން ދިރިއުޅޭ ބައެއް އިމާރާތްތަކަށް އިއްޔެ ބޮން އެޅި އެވެ. އިޒްރޭލުން ބުނަނީ ކޮންމެ ޓާގެޓަކީ ވެސް ހަމާސްއާ ގުޅުން ހުރި މީހުން ނުވަތަ ތަކެތި ހުރި ޓާގެޓުތައް ކަމަށެވެ. ނަމަވެސް އެއީ ދޮގު ކަމަށް ގިނަ ފަރާތްތަކުން ދެކެ އެވެ.

އިޒްރޭލުން ބުނީ ހަމާސްއިން އިއްޔެ 278 ރޮކެޓު ހަމަލާ ފޮނުވި ކަމަށެވެ. އެ ހަމަލާތައް އަމާޒު ކުރީ އަޝްދޯދް، ބީރްޝެބާ އަދި ސްދޯތް އަވަށުގެ ބައެއް ގެތަކަށެވެ. ނަމަވެސް އޭގެ ތެރެއިން ގިނަ ރޮކެޓު އިޒްރޭލަށް ފޯރުމުގެ ކުރިން "އަޔަން ޑޯމް" ޑިފެންސް ސިސްޓަމުން ވަނީ ރޮކެޓުތައް ހުއްޓުވާފަ އެވެ.

ބައިޑެން ފޯނުން ގުޅުއްވާ ވިދާޅުވީ ކީކޭ؟

ވައިޓް ހައުސްއިން ބުނީ އިޒްރޭލަށް އަމިއްލަ ދިފާއުގައި މަސައްކަތް ކުރެވޭނެކަން އެމެރިކާއިން ގަބޫލުކުރާ ކަމަށާއި އެކަމަށް ތާއީދު ކުރާ ކަމަށް ބައިޑެން، ނަތަންޔާހޫއަށް ދެންނެވި ކަމަށެވެ. ނަމަވެސް ހަމަލާތަކުގައި ގިނަ ބަޔަކު މަރުވާތީ އާއި ނޫސްވެރިން ތިބި އިމާރާތަކަށް ހަމަލާ ދީފައި ވާތީ ކަންބޮޑުވުން ފާޅުކުރެއްވި އެވެ.

ރައީސްކަމާ ހަވާލުވެ ވަޑައިގެންނެވި ފަހުން ފުރަތަމަ ފަހަރަށް ފަލަސްތީނުގެ ރައީސް މަހްމޫދު އައްބާސްއަށް ފޯނުން ގުޅުއްވާ ބައިޑެން ވިދާޅުވީ ފަލަސްތީނާއެކު ގުޅުން ރަނގަޅު ކުރަން ބޭނުންވެ ވަޑައިގަންނަވާ ކަމަށެވެ. އަދި ހަމާސްއިން އިޒްރޭލަށް ރޮކެޓު ފޮނުވުން ހުއްޓާލަން ޖެހޭ ކަމަށް ވިދާޅުވި އެވެ.

މަހްމޫދު އައްބާސް ހުންނަވަނީ ހުޅަނގު އައްސޭރީގަ އެވެ. ގާޒާގައި ވެރިކަން ކުރަނީ ހަމާސް ޖަމާއަތުން ކަމަށް ވާތީ އެ ތަނުގައި މަހްމޫދު އައްބާސް އާއި ފަލަސްތީނު ސަރުކާރުގެ ބާރު ކުޑަ އެވެ. ނަމަވެސް ހަމާސްއަކީ ޓެރަރިސްޓް ޖަމާއަތެއް ކަމަށް ނިންމާ، އެމެރިކާއިން އަންނަނީ އެ ޖަމާއަތުގެ ވެރިންނާ ވާހަކަ ދައްކަން ދެކޮޅު ހަދަމުންނެވެ.

ބައިޑެން ވިދާޅުވީ އިޒްރޭލާއި ފަލަސްތީނުގެ ދައުލަތް ވަކި ވަކިން ސުލްހަވެރިކަމާ އެކު ގާއިމްކުރެވޭނެ ގޮތެއް ހޯދަން މަސައްކަތް ކުރައްވާނެ ކަމަށެވެ. އެމެރިކާގެ މަންދޫބު ހާދީ އާމިރު މި ވަގުތު ތެލް އަވީވުގައި ހުންނެވީ ހަމަލާތައް ހުއްޓުމަކަށް ގެނެސް، ސުލްހައިގެ މަޝްވަރާތައް ބާރު އެޅުމުގެ ގޮތުންނެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox