ނާޖީ، އިޔާން އަދި ޗުމްޕު ގައުމީ ސްކޮޑަށް

ގައުމީ ޓީމުގެ ޕްރިލިމިނަރީ ސްކޮޑުގައި ހިމެނުނު (ކ.ވ): އިޔާން، ހައިޝަމް އަދި ނާޖީ.

ގައުމީ ޓީމުގެ ޕްރިލިމިނަރީ ސްކޮޑުގައި ހިމެނުނު (ކ.ވ): އިޔާން، ހައިޝަމް އަދި ނާޖީ.

ވޯލްޑް ކަޕް/ އޭޝިއަން ކަޕް ޖޮއިންޓް ކޮލިފައިންގައި މި މަހު ސެންޓްރަލައިޒްކޮށް ޗައިނާގައި ފަށާ މެޗުތަކަށް ނެގި ގައުމީ ޓީމުގެ ޕްރިލިމިނަރީ ސްކޮޑުން ޔުނައިޓެޑް ވިކްޓްރީ (ޔޫވީ)ގެ ކީޕަރު ނާޖިހު އަލީ (ނާޖީ) އާއި އެ ޓީމުގެ ފޯވާޑް އަލީ ހައިޝަމް (ޗުމްޕު)ގެ އިތުރުން ދަ ގްރާންޑޭގެ ގޯލްކީޕަރު އިޔާން އަބްދުލް އަލީމް (ޗިކީ) ހިމެނިއްޖެ އެވެ.

މި މަހު 30 އިން އަންނަ މަހު 15 ވަނަ ދުވަހުގެ ނިޔަލަށް ޗައިނާގައި ކުރިއަށްދާ ކޮލިފައިން އަށް ގައުމީ ޓީމުން އެންމެ ފުރަތަމަ އެކުލަވާލީ 33 ކުޅުންތެރިންގެ ސްކޮޑެކެވެ. އިއްޔެ ފަންސަވީހަކަށް ކުޅުންތެރިންނާ އެކު ޗައިނާ އަށް ދިއުމުގެ ކުރިން ގައުމީ ޓީމު ވަނީ ހޮޓެލް ޖެންގައި ކޭމްޕްކޮށްފަ އެވެ. ސްކޮޑު ފައިނަލް ކުރާނީ މި މަހު 19 ވަނަ ދުވަހު ޗައިނާ އަށް ދާން ފުރުމުގެ ކުރިން 17 ވަނަ ދުވަހު ހުރިހާ ކުޅުންތެރިން ކޮވިޑަށް ޕީސީއާރް ޓެސްޓެއް ކުރުމަށް ފަހު އެވެ.

މި ފަހަރުގެ ސްކޮޑުގައި ހިމެނުނު ނާޖީ، ޗިކީ އަދި ޗުމްޕު އަށް މިއީ ރަސްމީ މެޗެއްގެ ގައުމީ ޓީމުގެ ސީނިއާ ސްކޮޑުން ފުރުސަތު ލިބުނު ފުރަތަމަ ފަހަރެވެ.

ފަހަކަށް އައިސް ޔުނައިޓެޑް ވިކްޓްރީގެ ގޯލުގައި މޮޅު ކުޅުމެއް ދައްކަމުން އަންނަ ނާޖީ، 21، ވަނީ މީގެ ކުރިން 23 އަހަރުން ދަށުގެ ގައުމީ ޓީމުގައި ހިމެނިގެން މުބާރާތްތަކަކަށް ގޮސްފަ އެވެ. އޭނާ އަށް ގައުމީ ޓީމުން ފުރުސަތު މި ލިބުނީ ލިގުގައި އެންމެ ފަހުން މެޗުގައި ދެއްކި ކުޅުމުގެ ސަބަބުންނެވެ. ހަތް މެޗުގައި މި ސީޒަނުގައި ކުޅުނުއިރު، އެއް މެޗުގެ މޮޅު ކުޅުންތެރިއަކަށް ހޮވުނެވެ.

ސްކޮޑުގައި ދެން ހިމެނުނު ޔުނައިޓެޑް ވިކްޓްރީގެ ޗުމްޕު، 29، އަކީ މީގެ ކުރިން ނިއު ރޭޑިއަންޓާއި މާޒިޔާ އަށް ވެސް ކުޅުނު ކުޅުންތެރިއެކެވެ. މި ފަހުން ޔުނައިޓެޑް ވިކްޓްރީން ދައްކަމުން އަންނަ މޮޅު ކުޅުމުގައި އޭނާގެ ހިއްސާއެއް ވެސް އެބައޮތެވެ. އޭނާ ވަނީ ލީގުގައި މިހާތަނަށް ކުޅުނު 13 މެޗުން ތިން ގޯލު ޖަހައިފަ އެވެ.

މާޒިޔާއާ 2014 ވަނަ އަހަރު ގުޅުމަށް ފަހު ޗިކީ އަށް އެ ޓީމުގެ ފުރަތަމަ އެގާރައިން ފުރުސަތު ލިބުނީ މަދު މެޗެއްގަ އެވެ. އޭނާ އެންމެ ބޮޑަށް ފާހަގަވީ ލޯން އެއްބަސްވުމެއްގެ ދަށުން 2018 ވަނަ އަހަރު ދެ ވަނަ ޑިވިޝަނުގައި ދަ ގްރާންޑޭގައި ދެއްކި މޮޅު ކުޅުމުންނެވެ. ދަ ގްރާންޑޭ ފުރަތަމަ ޑިވިޝަނަށް ޕްރޮމޯޓް ކޮށްދިނުމުގައި ޗިކީ މޮޅަށް ކުޅުނެވެ. މި ސީޒަނުގައި ދަ ގްރާންޑޭ ކުޅުނު 14 މެޗުގައި ވެސް ޗިކީ ކުޅުނެވެ. އަދި ގިނަ މެޗުތަކުގައި އެ ޓީމު ކޮޅަށް ނަތީޖާ އަނބުރާލުމަށް ގޯލުގައި ހުރެ ޗިކީ މޮޅު ކުޅުމެއް ދެއްކި އެވެ.

ރަނގަޅަށް ކްލަބްގައި ނުކުޅެވޭތީ މާޒިޔާގެ ފޯވާޑް ނާއިޒް ހަސަން (ދާދު) ވަނީ މި ފަހަރު ގައުމީ ޓީމާ ނުގުޅެން ނިންމައިފަ އެވެ. ދާދު ދެކޭގޮތުގައި ޓީމަށް އަރަން ޖެހޭނީ ރަނގަޅަށް ކުޅެފަ އެވެ.

ކޮލިފައިންގައި ގައުމީ ޓީމަށް ދެން އޮތީ ތިން މެޗެވެ. އެއީ އަންނަ މަހުގެ ތިން ވަނަ ދުވަހު ޗައިނާއާ ދެކޮޅަށް ކުޅޭ މެޗާއި ހަތް ވަނަ ދުވަހު ސީރިއާއާ ދެކޮޅަށް ކުޅޭ މެޗުގެ އިތުރުން 15 ވަނަ ދުވަހު ފިލިޕީންސާ ބައްދަލުކުރާ މެޗެވެ.

ވޯލްޑް ކަޕް ކޮލިފައިން ގްރޫޕް އޭގައި ރާއްޖެ އޮތީ ހަތަރު މެޗުން ހަ ޕޮއިންޓާ އެކު ހަތަރު ވަނައިގަ އެވެ. ގްރޫޕުގެ އެއް ވަނައިގައި އޮތީ ފަސް މެޗުން 15 ޕޮއިންޓާ އެކު ސީރިއާ އެވެ. ޗައިނާ ހަތަރު މެޗުން ހަތް ޕޮއިންޓާ އެކު ދެ ވަނައިގައި އޮތްއިރު، ތިން ވަނައިގައި އޮތީ ފަސް މެޗުން ހަތް ޕޮއިންޓް ހޯދާފައިވާ ފިލިޕީންސެވެ. އެންމެ ފުލުގައި އޮތީ ފަސް މެޗު ކުޅެ ޕޮއިންޓެއް ލިބިފައިނުވާ ގުއާމެވެ.

އެފްއޭއެމުން ރަސްމީކޮށް މީޑިއާ އަށް ގައުމީ ޓީމުގެ ސްކޮޑު ހާމަކޮށްފައިނުވި ނަމަވެސް ގައުމީ ސްކޮޑަށް ނެގި ކުޅުންތެރިންގެ މައުލޫމާތުތައް އެ ކްލަބްތަކަށް ވަނީ ފޮނުވައިފަ އެވެ. ޕްރިލިމިނަރީ ސްކޮޑުގައި ތިބީ މާޒިޔާގެ 10 ކުޅުންތެރިންނާއި، އީގަލްސްގެ ހަ ކުޅުންތެރިންނާއި، ވެލެންސިއާގެ ފަސް ކުޅުންތެރިންނާއި ޔުނައިޓެޑް ވިކްޓްރީގެ ހަތަރު ކުޅުންތެރިންނާއި ކްލަބް ގްރީން ސްޓްރީޓްސް އާއި ދަ ގްރާންޑޭގެ ތެރެއިން ކޮންމެ ޓީމަކުން ތިން ކުޅުންތެރިންގެ އިތުރުން ޓީސީން ދެ ކުޅުންތެރިންނެވެ.

ގައުމީ ޓީމުގެ ޕްރިލިމިނަރީ ސްކޮޑު:

މާޒިޔާ: ހުސެއިން ޝަރީފް (ހުސެން)، އިބްރާހިމް އައިސަމް، އިބްރާހިމް މަހުދީ (ފޭދޫ އިއްބެ)، މުހައްމަދު އިރުފާން (އިރޭ)، ސަމޫހު އަލީ (ސަމުއްޓެ)، މުހައްމަދު އުމެއިރު، އިބްރާހިމް ވަހީދު ހަސަން (އިއްބެ)، އަސަދުﷲ އަބްދުﷲ، ހުސެއިން ނިހާން (ނިހާޓް)، ހަމްޒާ މުހައްމަދު (ހަމްޕު)

އީގަލްސް: ހަސަން ރާއިފް އަހުމަދު (ހަންނަ)، އިމްރާން ނަޝީދު (އިންމަ)، އަހުމަދު ނޫމާން (ހެލްމެޓް)، ހުސެއިން ސިފާއު ޔޫސުފް (ކުރޯ)، މުހައްމަދު ނާއިމް، ހައިޝަަމް ހަސަން (ބިޑި)

ވެލެންސިއާ: މުހައްމަދު ޝަފީއު (ޗެކް)، މުހައްމަދު ފައިސަލް، އަކުރަމް އަބްދުލް ގަނީ (އަކޫ)، އަލީ ފާސިރު (ސެންޓޭ)، އަލީ އަޝްފާގު (ދަގަނޑޭ)

ޔުނައިޓެޑް ވިކްޓްރީ: މުހައްމަދު އާރިފް (ބަކާ)، އިސްމާއިލް އީސާ (މެސީ)، ނާޖިހު އަލީ (ނާޖީ)، އަލީ ހައިޝަމް (ޗުމްޕު)

ކްލަބް ގްރީން ސްޓްރީޓްސް: އަބްދުﷲ ޔާމީން (ޔާން)، މުހައްމަދު ސާއިފް، ހަސަން ނަޒީމް ގާސިމް (ޗޯޓު)

ދަ ގްރާންޑޭ: ޔަސްފާދު ހަބީބު (މުލަކޭ)، އަޔާޒް އަހުމަދު (އަޔާ)، އިޔާން އަބްދުލް އަލީމް (ޗިކީ)

ޓީސީ ސްޕޯޓްސް ކްލަބް: އަލީ ޝާމިސް (ތޮއްޕޭ)، އަހުމަދު ރިލްވާން (ބެން)

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox