ގާޒާއަށް ބޮން އެޅުމާ ދެކޮޅުވި އިޒްރޭލު ސިޓީއެއްގައި ކުއްލި ހާލަތު އިއުލާނުކޮށްފި

ލޮދްގެ ހަމަނުޖެހުންތަކުގައި ކާރެއްގައި ރޯވެ އަނދާފައި.-- ފޮޓޯ: ގެޓީ އިމޭޖަޒް

ލޮދްގެ ހަމަނުޖެހުންތަކުގައި ކާރެއްގައި ރޯވެ އަނދާފައި.-- ފޮޓޯ: ގެޓީ އިމޭޖަޒް

އިޒްރޭލުގެ މެދު ތެރޭގައި އޮންނަ ލޮދް ސިޓީގައި އަރަބި ނަސްލަށް ނިސްބަތްވާ އިޒްރޭލު މީހުންގެ މުޒާހަރާއެއް ހަމަނުޖެހުމަށް ބަދަލުވުމުން ކުއްލި ނުރައްކަލުގެ ހާލަތު އިއުލާނުކޮށްފި އެވެ.

މުޒާހަރާތަކުގެ ތެރެއިން ހަމަނުޖެހުން އުފެދި ކާރުތަކުގައި ހުޅު ޖަހާ، 12 މީހުންނަށް އަނިޔާވި އެވެ. އެ ތަނުގެ މޭޔަރު ހަމަނުޖެހުން ސިފަކުރެއްވީ ދާހިލީ ހަނގުރާމައެއްގެ ގޮތުގަ އެވެ.

ލޮދް ސިޓީގައި ހަމަނުޖެހުން އުފެދި ކުއްލި ހާލަތު އިއުލާނު ކުރިއިރު، އިޒްރޭލުން އަންނަނީ ގާޒާއަށް ބޮން އަޅަމުންނެވެ. އަދި ރައްދުގައި ހަމާސްއިން ދަނީ ރޮކެޓު ހަމަލާތައް ފޮނުވަމުންނެވެ.

Advertisement

ތެލް އަވީވް ކައިރީގައިވާ ލޮދް ސިޓީގައި މުޒާހަރާތައް ފެށީ ފަލަސްތީނުގެ ރައްޔިތުންނަށް ދެމުންދާ ހަމަލާތަކާ މެދު ހިތްހަމަނުޖެހިގެން ކަމަށް ރިޕޯޓުތައް ބުނެ އެވެ.

އަރަބި ނަސްލަށް ނިސްބަތްވާ އިޒްރޭލު ރައްޔިތުންގެ އެ މުޒާހަރާގައި ފުލުހުންނަށް ހަމަލާ ދޭން ފެށި އެވެ. ރައްދުގައި ފުލުހުން ސްޓަން ގްރެނޭޑް ބޭނުން ކުރި އެވެ.

އޭގެ ކުރިން ލޮދް ސިޓީގައި ހިނގި ހަމަނުޖެހުންތަކުގައި އަނިޔާވި ފިރިހެނަކު މަރުވި އެވެ. ބެލެވޭ ގޮތުގައި މުޒާހަރާގެ ބައިވެރިން ބޮޑަށް ރުޅިގަދަވީ އޭނާގެ މަރާ ގުޅިގެންނެވެ.

ހަމަނުޖެހުމުގައި މަރުވި މީހާގެ ޖަނާޒާ.-- ފޮޓޯ: ގެޓީ އިމޭޖަޒް
ހަމަނުޖެހުމުގައި މަރުވި މީހާގެ ޖަނާޒާ.-- ފޮޓޯ: ގެޓީ އިމޭޖަޒް

ހަމަނުޖެހުމުގައި މަރުވި މީހާގެ ޖަނާޒާ.-- ފޮޓޯ: ގެޓީ އިމޭޖަޒް

ރުޅިގަދަވެފައި ތިބި މީހުން ވަނީ ޔަހޫދީން އަޅުކަން ކުރާ ސައިނަގޯގްތަކާއި ވިޔަފާރިތަކުގައި ހުޅު ޖަހާފަ އެވެ. އެކަމާ ހިތްހަމަނުޖެހި ޔަހޫދީން ވެސް މަގުތަކަށް ނިކުމެ އަރަބި އިޒްރޭލު މީހުންގެ ކާރުތައް ހަލާކު ކުރި އެވެ.

ދަންވާ ވަރަކަށް ހަމަނުޖެހުން އިތުރު ވާތީ ބޮޑު ވަޒީރު ބެންޖަމިން ނަތަންޔާހޫ ނިންމެވީ ލޮދް ސިޓީގައި ކުއްލި ނުރައްކަލުގެ ހާލަތު އިއުލާނު ކުރުމަށެވެ.

އެ ތަނަށް ވަޑައިގެންނެވި ނަތަންޔާހޫ ވަނީ ސުލްހަ ގާއިމް ނުވާ ނަމަ ކާފިއު ހިންގަވާނެ ކަމުގެ އިންޒާރު ދެއްވާފަ އެވެ. ހުޅަނގު އައްސޭރީގައި ތިބި އިޒްރޭލުގެ ބޯޑަރު ފުލުހުން ވަނީ އެ ސިޓީގެ ސުލްހަ ބެލެހެއްޓުމަށް ގެނެސްފަ އެވެ.

ލޮދްގެ އިތުރުން އަރަބިން ގިނައިން ދިރިއުޅޭ އިޒްރޭލުގެ އެހެން ސިޓީތަކުގައި ވެސް އަންނަނީ ދޭތެރަކުން ހަމަނުޖެހުން ހިނގަމުންނެވެ. އޭގެ އިތުރުން އިރުމަތީ ގުދުސް އާއި ހުޅަނގު އައްސޭރީގަ ވެސް ހަމަނުޖެހުން އެބަ ހިނގަ އެވެ.

ޓައިމްސް އޮފް އިޒްރޭލް ނޫހުން ބުނީ މިއީ 1966 ވަނަ އަހަރަށް ފަހު އިޒްރޭލުގެ ތެރޭގައި ދިރިއުޅޭ އަރަބިން ގިނަ ހިސާބުތަކުގައި ކުއްލި ނުރައްކާ އިއުލާނު ކުރި ފުރަތަމަ ފަހަރު ކަމަށެވެ.

އިޒްރޭލުން ގާޒާއަށް ބޮން އަޅަން ފެށީ އިރުމަތީ ގުދުސްގައި ހަމަނުޖެހުންތައް ހިނގަމުން ދަނިކޮށެވެ. އެ ތަނުގައި ހަމަނުޖެހުން ބޮޑުވެފައި ވަނީ ފަލަސްތީނު މީހުން ގެތަކުން ނެރުމަށް އިޒްރޭލުން މަސައްކަތް ކުރާތީ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox